Category: Ambion.news

Արդարադատության նախարարի տեղակալ Գևորգ Քոչարյանն ընդունել է Հայաստանի Հանրապետությունում ԱՄՆ դեսպանատան Թմրամիջոցների դեմ պայքարի և իրավապահ համագործակցության գրասենյակի (INL) ղեկավար Զաքարի Բարթերի գլխավորած պատվիրակությանը։

Հանդիպման ընթացքում կողմերը քննարկել են փողերի լվացման և ահաբեկչության ֆինանսավորման դեմ պայքարի ոլորտում իրականացվող համագործակցությունը, անդրադարձել այդ ուղղությամբ Հայաստանի Հանրապետությունում ընթացող բարեփոխումներին, ինչպես նաև իրավական և ինստիտուցիոնալ կարողությունների շարունակական զարգացման հնարավորություններին։

Հանդիպման ավարտին կողմերը վերահաստատել են փոխադարձ պատրաստակամությունը՝ շարունակելու համատեղ աշխատանքը ֆինանսական հանցագործությունների դեմ պայքարի արդյունավետության բարձրացման ուղղությամբ։

Նախարարը մարզպետ Արեն Մկրտչյանի, «Ճանապարհային դեպարտամենտ» հիմնադրամի գործադիր տնօրեն Արկադի Չերչինյանի, համայնքապետերի հետ ողջ օրը շրջել է մարզի համայնքներում և ծանոթացել պետական բյուջեի, ինչպես նաև սուբվենցիոն ծրագրով իրականացվող շինարարական աշխատանքներին:

Նախարարի առաջին կանգառը Ալավերդի քաղաքն էր, որտեղ մեծածավալ շինարարական աշխատանքներ են կատարվում:

Հիմնանորոգվում են փողոցներ, վերականգնվում են ջրհեղեղից վնասված հենապատեր, շուկայի տարածքում կառուցվում է նոր խանութ/տաղավար, որպեսզի վաճառողներն առևտուր իրականացնեն ավելի հարմարավետ պայմաններում:

Ալավերդիում վերակառուցվում է նաև լճերի այգին: Աշխատանքները ընթացքի մեջ են: Ծրագրի արժեքը ավելի քան 136 մլն դրամ:

Լոռի Բերդ համայնքում նախարարը, արձակուրդում գտնվող ՊՆ նախարար Սուրեն Պապիկյանի հետ, ծանոթացավ նոր ձեռք բերված գյուղտեխնիկային և սուբվենցիոն ծրագրով կառուցված ավտոկայանատեղիին։

Նախարար Խուդաթյանը եղավ նաև Ստեփանավան համայնքում և դիտարկեց սուբվենցիոն ծրագրով իրականացված քաղաքային այգու և Ալեայի անցուղու մի հատվածի բարեկարգման աշխատանքները:

Ծրագրի արդյունքում Ստեփանավան քաղաքում հիմնանորոգվել է այգին, համալրվել է ժամանակակից կարուսելներով, այգու տարածքն ամբողջությամբ սալիկապատվել է, տնկվել են դեկորատիվ ծառեր ու թփեր:

Նախարարը դիտարկեց նաև Ստեփանավանի Րաֆֆու փողոցի հիմնանորոգման աշխատանքները, որոնք ընթացքի մեջ են:

Ծրագրի արժեքը մոտ 312 մլն դրամ է:

Հայաստանում տեղի բնակիչները ժամանակին նկատել և թափառող շների ագրեսիվ երամակի հարձակումից փրկել են կովկասյան գորշ արջի փոքրիկ քոթոթին: Վախեցած ու հյուծված կենդանուն անմիջապես մեկուսացրել են վտանգից և տեղափոխել Վայրի բնության և մշակութային արժեքների պահպանման հիմնադրամի (FPWC) Վայրի կենդանիների փրկարարական կենտրոն (ապաստարան):

Մասնագետների զննումից հետո պարզվել է, որ քոթոթը լուրջ ֆիզիկական վնասվածքներ կամ կծած վերքեր չունի, սակայն ուժեղ սթրեսի մեջ է: Նա ընդամենը մի քանի ամսական է և բնության մեջ առանց մոր չէր կարող գոյատևել:

Այժմ փոքրիկը գտնվում է ապաստարանի կարանտինային գոտում՝ անվտանգ պայմաններում: Անասնաբույժները հետևում են նրա խնամքին ու հատուկ սննդակարգին: Կենդանապաշտպանները նշում են, որ մարդու հետ շփումը հասցվելու է նվազագույնի, որպեսզի քոթոթը չընտելանա մարդկանց և մեծանալուց հետո հնարավոր լինի նրան վերադարձնել վայրի բնություն:

«Փաստ» օրաթերթը գրում է, որ մայոր, մարտկոցի հրամանատար Նարեկ Սաֆարյանը զոհվել է ԱԹՍ-ի հարվածից հոկտեմբերի 28-ի լույս 29-ի գիշերը Մարտունու շրջանի Քերթ գյուղում։ Ընտանիքը տեղեկություն է ստացել հոկտեմբերի 31-ին, վերջնական բոթը՝ նոյեմբերի 23-ին։

Մայրը՝ տիկին Սիլվան, պատմում է, որ Նարեկը ծնվել է Ստեփանակերտում, սովորել է թիվ վեց դպրոցում, ապա Քրիստափոր Իվանյանի վարժարանում ու Արմենակ Խանփերյանցի անվան ռազմական ավիացիոն համալսարանի ՀՕՊ բաժնում։ Արցախ վերադարձած՝ 13 տարի ծառայել է, մինչ պատերազմը ոտքը կոտրել էր և դեռ ապաքինվում էր։

Նա պարգևատրվել է ՀՀ «Անբասիր ծառայության համար» 1-ին աստիճանի, «ՀՀ Զինված ուժեր 20 տարի», ՀՀ ՊՆ «Գարեգին Նժդեհ» մեդալներով, հետմահու՝ ԱՀ «Մարտական ծառայություն» մեդալով։ Հուղարկավորված է Ստեփանակերտի Եղբայրական պանթեոնում՝ հայրիկի կողքին։

«Փաստ» օրաթերթը գրում է, որ ԱԺ նոր գումարման առաջին նիստից հետո հնգօրյա ժամկետում կձևավորվի «նոր» կառավարությունը, որը քսանօրյա ժամկետում խորհրդարան կներկայացնի իր ծրագիրը։ Թերթը անդրադարձել է ՀՀ կառավարության 2027-2029 թթ. միջնաժամկետ ծախսերի ծրագրին՝ արձանագրելով հիմնարար հակասություններ և լավատեսական կանխատեսումների վրա հիմնված մոտեցում։

«Լույս» հիմնադրամի վերլուծությամբ կառավարությունը 2026-ին կանխատեսում է 5,4% տնտեսական աճ, որը 2029-ին պետք է հասնի 6,1%-ի, սակայն արտաքին կանխատեսումները ավելի պահպանողական են, իսկ բացասական ռիսկերը գերակշռող։ Ամուլսարի շահագործման վերաբերյալ կրկնվող ակնկալիքները ներկայացվում են որպես չիրականացած։

Ծրագրով 2029-ին բյուջեի ծախսերը կհասնեն 4 տրիլիոն 461 միլիարդ դրամի (35% ավելի, քան 2025-ին), պարտքը՝ 7 տրիլիոն 689 միլիարդի՝ 5 տրիլիոն 355 միլիարդից։ Տոկոսավճարները 2025-ի 349 միլիարդից կաճեն մինչև շուրջ 493 միլիարդ, իսկ 2026-ի առաջին եռամսյակում ծախսերը թերակատարվել են մոտ 29,6%-ով։

Արայիկ Հարությունյանն ազատվել է վարչապետի աշխատակազմի ղեկավարի պաշտոնից։ Որոշումը հուլիսի 30-ին ստորագրել է Նիկոլ Փաշինյանը։

Այս պաշտոնում նշանակվելու է ԱՄՆ-ում Հայաստանի նախկին դեսպան Լիլիթ Մակունցը։

Ռուսաստանի ԱԳՆ պաշտոնական ներկայացուցիչ Մարիա Զախարովան հայտարարել է, որ Կիևը, Արևմուտքի աջակցությամբ, ակտիվացրել է Ռուսաստանի քաղաքացիական բնակչության դեմ հարձակումները:

Նրա խոսքով՝ հուլիսի 24-ից 31-ն ընկած ժամանակահատվածում Ուկրաինայի զինված ուժերի հրետակոծությունների և անօդաչու թռչող սարքերի հարվածների հետևանքով զոհվել է առնվազն 61 մարդ, ևս 327-ը վիրավորվել են։ Զախարովայի պնդմամբ՝ զոհերի և վիրավորների թվում կան նաև երեխաներ՝ մեկ զոհ և 13 վիրավոր։

Նա նշել է, որ հարվածներ են հասցվել հասարակական և անձնական տրանսպորտին, բազմաբնակարան և առանձնատներին, ինչպես նաև սոցիալական և կրթական նշանակության օբյեկտներին։

Ըստ Զախարովայի՝ վնասվել են դպրոց, մանկապարտեզ, մշակույթի տուն, մթերային խանութներ, գյուղատնտեսական և առևտրային օբյեկտներ, ինչպես նաև կոմունալ ծառայությունների տեխնիկա։

Զախարովայի խոսքով՝ այս գործողությունները կատարվում են «Արևմտյան երկրների լիակատար հավանությամբ», որոնք, նրա պնդմամբ, զինում են Կիևին։

Նա նաև հայտարարել է, որ Ռուսաստանի շրջանների դեմ իրականացվող հարձակումներին ներգրավված բոլոր կողմերի գործողությունները փաստագրվում են, և դրանք, ըստ նրա, ավելի են սրում միջազգային իրավիճակը և հեռացնում խաղաղության հեռանկարը։

Ռուսաստանի ԱԳՆ ներկայացուցիչը կոչ է արել միջազգային հանրությանը դատապարտել Ռուսաստանի խաղաղ բնակիչների դեմ հարձակումները և հրաժարվել Կիևին ռազմական ու քաղաքական աջակցությունից։

Զախարովան հավելել է, որ Ռուսաստանը կշարունակի պաշտպանել իր քաղաքացիներին և պետության անվտանգությունը՝ իր տրամադրության տակ եղած բոլոր միջոցներով։

Մաեստրո Սերգեյ Սմբատյանի հիմնած «Երաժշտություն հանուն ապագայի» հիմնադրամի «Հայ Վիրտուոզներ» ծրագրի կրթաթոշակառուներ Արեն Թոփլաղալցյանը և Էդուարդ Դայանը 2026-ի հուլիսին մասնակցեցին մի շարք կրթական ու համերգային միջոցառումների Եվրոպայում։

13-ամյա թավջութակահար Արեն Թոփլաղալցյանը հուլիսի 6–12-ը Իտալիայի Կիետիում մասնակցեց Chieti Classica 9-րդ փառատոնին՝ Ջուլիանո Մացոկանտեի ղեկավարությամբ, ունեցավ 5 վարպետության դաս Ալեքսանդր Չաուշյանի հետ և հանդես եկավ Chieti Classica Youth համերգում։ Հուլիսի 13–19-ը Շվեյցարիայի Սիոնում նա ուսանեց Tibor Varga ակադեմիայում՝ անցնելով 5 դաս Դենիս Սևերինի մոտ և ելույթ ունենալով մենակատարով ու քառյակում։