Category: ArmPulse

Ռուսաստանը որևէ պաշտոնական խնդրանք չի ստացել Հայաստանից՝ Հարավկովկասյան երկաթուղու հետ կոնցեսիոն պայմանագիրը դադարեցնելու վերաբերյալ,հայտարարել Է ՌԴ փոխվարչապետ Ալեքսեյ Օվերչուկը։

«Ոչ, մենք որևէ պաշտոնական խնդրանք չենք ստացել կոնցեսիոն պայմանագիրը դադարեցնելու վերաբերյալ, բայց մենք անընդհատ լսում ենք հրապարակային հայտարարություններ այս մասին», – լրագրողներին ասել է Օվերչուկը՝ Եվրասիական միջկառավարական խորհրդի նիստի շրջանակներում՝ պատասխանելով «Ինտերֆաքս»-ի հարցին։

Ռուսաստանը, ընդգծել է նա, կողմ է բոլոր հարցերը լուծելուն խորհրդակցությունների և երկխոսության միջոցով՝ լիովին հանգիստ։ «Մենք պատրաստ ենք շարունակել աշխատանքը և շարունակել կոնցեսիոն պայմանագիրը Հայաստանում», – ասել է  Օվերչուկը։

Փոխվարչապետի գնահատմամբ՝ Ռուսաստանում նաև Հայաստանի երկաթուղային համակարգի առանձին հատվածները հնարավոր փոխանցելու վերաբերյալ առաջարկներ են լսում, սակայն Մոսկվան նման մոտեցումը վիճահարույց է համարում։

Օվերչուկը հիշեցրել է, որ 2026 թվականի հունվարին ՌԴ նախագահ Վլադիմիր Պուտինը որոշումներ է ընդունել Հայաստանում երկաթուղիների երկու հատվածների վերակառուցմանն աջակցելու մասին՝ Նախիջևանի հետ սահմանին և Գյումրիի շրջանում։

«Մենք  պատրաստ ենք վերականգնել դրանք։ Եվ, ըստ էության, մենք բանակցություններ ենք վարել հայերի հետ այս հարցի շուրջ, բայց հետաքրքիր է, որ հենց որ Ռուսաստանի Դաշնությունը հայտարարեց երկաթուղու այս երկու շատ կարևոր հատվածների վերականգնմանը մասնակցելու իր պատրաստակամության մասին, որոնք իսկապես կապահովեն հայկական երկաթուղիների կապը ինչպես Ադրբեջանի, այնպես էլ Թուրքիայի հետ, բառացիորեն հաջորդ օրը ՀՀ վարչապետ Նիկոլ Փաշինյանը հայտարարություն տարածեց՝ պնդելով, որ Ռուսաստանի մասնակցությունը կոնցեսիային, իբր, զրկում է Հայաստանին երկաթուղու զարգացման առումով որևէ մրցակցային առավելությունից», – նշել է Օվերչուկը։

Նա հավելել է, որ առայժմ դժվար է գնահատել, թե ինչ կերպ Հայաստանը կկարողանա առանց ռուսական երկաթուղային համակարգի հետ փոխգործակցության տրանսպորտային կապակցվածություն ապահովել արտաքին աշխարհի հետ:

«Բայց դա այնպիսի քննարկում է, որը բարձր մասնագիտական փորձագիտական բնույթ է կրում»,- ասել է ՌԴ փոխվարչապետը։

ԱՄԷ-ի հետ ազատ առևտրի համաձայնագրի վավերացման և ուժի մեջ մտնելու հետ կապված բոլոր ընթացակարգերն ավարտվել են, նշել է ԵՏՀ առևտրի նախարար Անդրեյ Սլեպնևը, գրում է ՏԱՍՍ-ը։

Եվրասիական տնտեսական միության (ԵԱՏՄ) և Արաբական Միացյալ Էմիրությունների (ԱՄԷ) միջև ազատ առևտրի համաձայնագիրը ուժի մեջ կմտնի 2026 թվականի հոկտեմբերի 6-ին։ Այս մասին լրագրողներին հայտարարել է ԵՏՀ առևտրի նախարար Անդրեյ Սլեպնևը 8-րդ ղրղզ-ռուսական տնտեսական ֆորումի շրջանակներում։

«Այսօր տեղի է ունեցել նոտաների փոխանակում էմիրաթական կողմի հետ։ Մենք ավարտել ենք ԱՄԷ-ի հետ ազատ առևտրի համաձայնագրի վավերացման և ուժի մեջ մտնելու հետ կապված բոլոր ընթացակարգերը։ Դրա ուժի մեջ մտնելու ամսաթիվը նշանակվել է՝ 2026 թվականի հոկտեմբերի 6-ը», – ասել է նա։

«Կոնկրետ ի՞նչ նպատակով է Իլհամ Ալիևը Մեծ Բրիտանիայից և Իտալիայից ռազմանավեր գնել։ Մի՞թե Հայաստանը ծով ունի։ 800 կիլոմետր հեռահարություն ունեցող ԱԹՍ-ները հավաքվում են Բաքվի տարածքում՝ ո՞ւմ դեմ օգտագործվելու համար»,— հարց է բարձրացրել փորձագետը՝ ընդգծելով Բաքվի գործողությունների նկատմամբ խիստ զգոն լինելու անհրաժեշտությունը:

Մովահեդիանը հիշեցրել է Իրանի նախկին գերագույն առաջնորդի հորդորը՝ հաշվի առնել Ադրբեջանի ժողովրդի կրոնական զգացմունքներն ու տասնապատկել տնտեսական համագործակցությունը: Նրա գնահատմամբ, սակայն, Թեհրանի կողմից լիարժեք քայլեր չեն ձեռնարկվել, ինչի հետևանքով Իրանի անգործությունը Իսրայելին հնարավորություն է տվել ամրապնդել իր դիրքերը Բաքվում:

Գագիկ Ծառուկյանին և Սեդրակ Առուստամյանին մեղադրանք է առաջադրվել առանձնապես խոշոր չափերով շորթման և փողերի լվացման համար։ 

Այս առիթով ՔԿ-ն տարածել է հաղորդագրություն․

ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում քննվող քրեական վարույթի շրջանակում իրականացված համակողմանի և արդյունավետ նախաքննության արդյունքում առերևույթ փաստական տվյալներ են ստացվել այն մասին, որ Գ․Ծ․-ն 2008 թվականի ընթացքում ծանոթացել է լիբանանահայ գործարար Գ․Թ․-ի հետ և առաջարկել համատեղ իրականացնել ոսկյա զարդերի վաճառքի գործունեություն:

Նշված գործունեությունը ծավալելու նպատակով ընկերությունը 2009 թվականին պետական գրանցում է ստացել, որտեղ 50-ական տոկոս բաժնեմասերով բաժնետերեր են գրանցվել Գ․Ծ․-ն և Գ․Թ․-ն, իսկ ընկերության գլխավոր տնօրեն է ընտրվել Ս․Ա․-ն։

Դրան զուգահեռ, 2009 թվականի կեսերին Գ․Թ․-ն Գ․Ծ․-ին առաջարկել է Կոտայքի մարզի Ակունք գյուղում հիմնել խմելու ջրի գործարան՝ պայմանավորվելով հողը միասին գնել Ակունք գյուղում, որից հետո Գ․Ծ․-ն պարտավորվել է կառուցել գործարանի շենքը, իսկ Գ․Թ․-ն՝ կազմակերպել հոսքագծի գնումը և ՀՀ տեղափոխումը:

2009 թվականի դեկտեմբերից մինչև 2010 թվականի օգոստոսի 5-ը ներառյալ ընկած ժամանակահատվածում Գ․Թ․-ի կողմից ՀՀ է ուղարկվել ջրերի գործարանի գործարկման համար անհրաժեշտ 19 սարքավորումներ, իսկ փաթեթավորման սարքավորումը սահմանված ժամկետներում հնարավոր չի եղել առաքել՝ մատակարար ընկերության դրսևորած անգործության պատճառով։

Դրանից հետո՝ 2010 թվականի օգոստոսի 17-ին, Ս․Ա․-ն ու Գ․Ծ․-ն խմբի կազմում, Գ․Թ․-ին պատկանող բաժնեմասը շորթման եղանակով հափշտակելու ուղղակի դիտավորությամբ, Գ․Ծ․-ի` Առինջ գյուղում գտնվող առանձնատան այգում Գ․Թ․-ի նկատմամբ բռնություն գործադրելու սպառնալիքով պահանջել են ստորագրել փաստաթղթեր, ինչի ազդեցության ներքո Գ․Թ․-ն նույն օրը նոտարի մոտ ստորագրել է պարտավորագիր և տվել լիազորագիր, որոնց հիման վրա 2011 թվականի մարտի 14-ին նրա կողմից լիազորված անձ Հ․Գ․-ի և Ս․Ա․-ի միջև կնքվել է «Բաժնեմասի առուվաճառքի մասին» պայմանագիր, որով Ս․Ա․-ին է փոխանցվել ընկերության` Գ․Թ․-ի կանոնադրական կապիտալում ունեցած 50 տոկոս բաժնեմասը` այդ կերպ բռնություն գործադրելու սպառնալիքով կատարելով առանձնապես խոշոր չափերով՝ 2.5 մլն դոլարի շորթում:

Այնուհետև, Գ․Ծ-ն և Ս․Ա․-ն, նպատակ ունենալով թաքցնել և խեղաթյուրել ոսկյա զարդերի և ընկերության 50 տոկոս բաժնեմասի հանցավոր ծագումը, դրա գործունեությունը կապել են իրենց հետ փոխկապակցված ընկերությունների օրինական շրջանառություններին, իսկ ոսկյա զարդերն իրենց այլ օրինական եկամուտներին: Այսպիսով՝ օրինական գործարքի միջոցով փաստացի թաքցվել և խեղաթյուրվել է ընկերության նկատմամբ իրավունքի հանցավոր ծագումն ու իրական բնույթը՝ շորթմամբ ձեռք բերելու հանգամանքը՝ այդ կերպ կատարելով առանձնապես խոշոր չափերով փողերի լվացում: 

Հավաքված ապացույցների հիման վրա Գ․Ծ․-ի և Ս․Ա-ի նկատմամբ հարուցվել է հանրային քրեական հետապնդում՝ 18.04.2003 թվականին ընդունված քրեական օրենսգրքի 182-րդ հոդվածի 3-րդ մասի 2-րդ կետով (առանձնապես խոշոր չափերով շորթումը) և 190-րդ հոդվածի 3-րդ մասի 1-ին կետով (հանցավոր ճանապարհով ձեռք բերված առանձնապես խոշոր չափերով գույքն օրինականացնելը՝ փողերի լվացումը):

Նկատի ունենալով, որ Քննչական կոմիտեում քննվող մեկ այլ քրեական վարույթով Գ.Ծ.-ն և Ս.Ա.-ն կալանավորված են, նրանց նկատմամբ խափանման միջոց չի կիրառվել:

Քրեական վարույթի նախաքննությունը շարունակվում է։

 Վրաստանի Խորհրդարանի նախագահ Շալվա Պապուաշվիլին շնորհավորական ուղերձ է հղել Ռուբեն Ռուբինյանին՝ Ազգային ժողովի նախագահի պաշտոնում ընտրվելու կապակցությամբ՝ մաղթելով հաջողություններ: Այս մասին տեղեկացնում են ԱԺ մամուլի ծառայությունից:

Ուղերձում Շալվա Պապուաշվիլին նշել է, որ Վրաստանի և Հայաստանի միջև ռազմավարական գործընկերությունը հիմնված է փոխադարձ վստահության, բարիդրացիական հարաբերությունների և ընդհանուր շահերի վրա։ Նա վստահություն է հայտնել, որ երկու երկրների խորհրդարանների միջև սերտ համագործակցությունը կնպաստի միջխորհրդարանական կապերի հետագա ամրապնդմանն ու ռազմավարական գործընկերության ընդլայնմանը։

2026 թվականի 1-ին կիսամյակի ընթացքում Քննչական կոմիտեի ստորաբաժանումների կողմից ընդունվել է 41.250 հաղորդում  (2025 թվականի 1-ին կիսամյակ՝ 35.357, աճել է 5.893-ով կամ 16.6%-ով), որից 32.472-ով նախաձեռնվել է քրեական վարույթ (2025 թվականի 1-ին կիսամյակ՝ 27.847, աճել է 4.625-ով կամ 16.6%-ով), իսկ 8.778-ով` չի նախաձեռնվել (2025 թվականի 1-ին կիսամյակ` 7.512, աճել է 1.266-ով կամ 16.8%-ով): 

Հաշվետու ժամանակահատվածում Քննչական կոմիտեի ստորաբաժանումներում իրականացվել է 58.820 քրեական վարույթի նախաքննություն (2025 թվականի 1-ին կիսամյակ՝ 56.814, աճել է 2.006-ով կամ 3.5%-ով):

Նշված 58.820 քրեական վարույթից 32.854-ը նախաձեռնվել է 2026 թվականի 1-ին կիսամյակի ընթացքում (2025 թվականի 1-ին կիսամյակ՝ 28.042, աճել է 4.812-ով կամ 17.2%-ով): 

2026 թվականի 1-ին կիսամյակի ընթացքում դատարան է ուղարկվել 9.910 քրեական վարույթ (2025 թվականի 1-ին կիսամյակ՝ 6.111, աճել է 3.799-ով կամ 62.2%-ով), 11.078-ը կարճվել է (2025 թվականի 1-ին կիսամյակ՝ 12.858, նվազել է 1.780-ով կամ 13.8%-ով), 9.154-ը հաշվառվել է (2025 թվականի 1-ին կիսամյակ՝ 9.189, նվազել է 35-ով կամ 0.4%-ով), 4.499 քրեական վարույթ միացվել է այլ վարույթների (2025 թվականի 1-ին կիսամյակ՝ 3.563, աճել է 1.552-ով կամ 43.2%-ով), 98 քրեական վարույթ ուղարկվել է այլ նախաքննական մարմին (2025 թվականի 1-ին կիսամյակ՝ 140, նվազել է 42-ով կամ 30%-ով):

Հաշվետու ժամանակահատվածում նախաքննությունն ավարտված քրեական վարույթներով պատճառված վնասը կազմել է ընդհանուր 10 մլրդ 205 մլն 685 հզր ՀՀ դրամ, որից նախաքննության փուլում վերականգնվել է 3 մլրդ 165 մլն 49 հզր ՀՀ դրամը կամ 31%-ը: Արգելանք է դրվել 154 մլն 606 հզր ՀՀ դրամ արժողության գույքի վրա: 

Բացի այդ, անավարտ քրեական վարույթներով պատճառված գույքային վնասից միայն 2026 թվականի ընթացքում վերականգնվել է 6 մլրդ 624 մլն 467 հզր ՀՀ դրամը: Անավարտ վարույթներով արգելանք է դրվել նաև 141 մլն 316 հզր ՀՀ դրամ դրամական միջոցների վրա, որից 137 մլն 316 հզր ՀՀ դրամը գտնվում է բանկում, իսկ 4 մլն ՀՀ դրամը՝ Դատախազության դեպոզիտում:

Այսպիսով, 2026 թվականի 1-ին կիսամյակի ընթացքում ավարտված և անավարտ քրեական վարույթներով պատճառված գույքային վնասից վերականգնվել է ընդհանուր՝ 9 մլրդ 789 մլն 516 հզր ՀՀ դրամը: Բացի այդ, արգելանք է դրվել ընդհանուր 295 մլն 922 հզր ՀՀ դրամ արժողության գույքի և դրամական միջոցների վրա:

Ազգային ժողովի «Պատիվ ունեմ» խմբակցության պատգամավոր Տիգրան Աբրահամյանը սոցիալական ցանցի իր էջում անդրադարձել է Երուսաղեմի հայկական թաղամասում Սուրբ Հակոբ վանքի ուղղությամբ հրեա ռադիկալների վերջին հարձակմանը՝ դեպքը որակելով անթույլատրելի։

Պատգամավորի խոսքով՝ նման միջադեպերի պարբերական բնույթը խիստ մտահոգիչ հարցեր է առաջացնում։ Նա հիշեցրել է, որ օրեր առաջ մի խումբ հրեաներ հավաքվել են Հայոց պատրիարքարանի Սուրբ Հակոբ վանքի դիմաց, թքել դռան վրա, հայհոյել և քարեր նետել հայի ուղղությամբ՝ կատարվածը տեսագրելով հեռախոսով։

Չնայած Իսրայելի ոստիկանությունը հայտնել է ձերբակալվածների մասին, Աբրահամյանը ընդգծել է, որ նմանատիպ դեպքերի կրկնությունը փաստում է կամ դրանց հովանավորվելու, կամ էլ իշխանությունների կողմից դրանք կանխելու հարցում պատշաճ ջանքերի բացակայության մասին։

«Իսրայելի կառավարությունը Հայոց ցեղասպանության միջազգային ճանաչման հարցն ըստ իրավիճակի օգտագործելու փոխարեն պետք է պատշաճ վերաբերմունք ձևավորի նմանօրինակ գործընթացների նկատմամբ»,- եզրափակել է պատգամավորը։

Տավուշի մարզի դատախազությունը պետական շահերի պաշտպանության հայց հարուցելու լիազորության շրջանակում հայցադիմումներ էր ներկայացրել Հակակոռուպցիոն դատարան՝ ընդդեմ ֆիզիկական երկու անձի՝ «Դիլիջան» ազգային պարկի տարածքում գտնվող՝ 0.5 հա և 1.25 հա մակերեսով, 119 միլիոն 600 հազար դրամ շուկայականին մոտարկված կադաստրային արժեքով հողամասերի կառուցապատման իրավունքը հարկադիր դադարեցնելու պահանջներով։

 Այդ մասին հաղորդագրություն է տարածել ՀՀ դատախազությունը։

Հակակոռուպցիոն դատարանի՝ 2026 թվականի հուլիսի 22-ի և 24-ի վճիռներով՝ Տավուշի մարզի դատախազության հայցերը բավարարվել են:

Վճիռներն օրինական ուժի մեջ մտնելուց հետո, հողամասերի կառուցապատման իրավունքը կդադարեցվի, «Դիլիջան» ազգային պարկի տարածքում գտնվող՝ 0.5 հա և 1.25 հա մակերեսով հողատարածքները կվերադարձվեն Հայաստանի Հանրապետության տիրապետմանը:

Բոնուս» սուպերմարկետների ցանցի գրասենյակում հայտնաբերվել է գլխավոր տնօրենի մարմինը, հայտնում է shamshyan.com-ը։

Կայքի տեղեկություններով ՝ դեպքը տեղի է ունեցել այսօր։ Ժամը 02:30-ի սահմաններում ՀՀ Ներքին գործերի նախարարության ոստիկանության քրեական ոստիկանության գլխավոր վարչության Երևանի քրեական վարչությունում և ՀՀ ՆԳՆ ոստիկանության համայքային ոստիկանության Շենգավիթի բաժնում հերթական օպերատիվ տեղեկություններն են ստացվել, որ Ներքին Շենգավիթ 11-րդ փողոց 1\23 հասցեում դի կա։

Դեպքի փաստով քննչական բաժնում նախաձեռնվել է քրեական վարույթ։
Տեղի ունեցածը սպանություն է, ինքնասպանություն, թե դժբախտ դեպք քննչական բաժինը պարզում է։
Նախաքննության շահերից ելնելով որոշ հանգամանքներ այս պահին չենք հրապարակում։

Հայաստանի ազատազրկված անձանց հավաքականը շախմատի միջազգային առցանց մրցաշարում զբաղեցրեց երկրորդ հորիզոնականը, հայտնում է Հայաստանի շախմատի ֆեդերացիան։ 

Օգոստոսի 4-ին ՀՀ ԱՆ «Նուբարաշեն» քրեակատարողական հիմնարկում ՌԴ Պատիժների կատարման դաշնային ծառայության նախաձեռնությամբ անցկացվել է շախմատի միջազգային առցանց մրցաշար՝ Անկախ Պետությունների Համագործակցությանը մասնակից պետությունների քրեակատարողական հիմնարկներում պատիժ կրող դատապարտյալների միջև: 

Հայաստանի հավաքականում ընդգրվել էին ՀՀ ԱՆ «Արմավիր», «Սևան» և «Վարդաշեն» քրեակատարողական հիմնարկներում պատիժ կրող դատապարտյալները:

Մրցաշարի մեկնարկից առաջ բոլոր երկրների մասնակիցներին ողջունել և բացման խոսքով հանդես է եկել Քրեակատարողական ծառայության պետի տեղակալ Վահե Նանուշյանը: 

Պետի տեղակալը բարձր գնահատելով նման ձևաչափով միջոցառումների կազմակերպումն ու նմանատիպ նախաձեռնությունների իրականացումը՝ շեշտադրել է շախմատի կարևոր դերը մարդկանց միավորելու, մտավոր կարողությունների զարգացման և սոցիալական վերաինտեգրմանը նպաստելու գործում:

Անզիջում մրցաշարի արդյունքում առաջին հորիզոնականը նվաճել է Բելառուսի Հանրապետության հավաքականը, իսկ Հայաստանի ներկայացուցիչները, ցուցաբերելով բարձր պատրաստվածություն, արժանացել են պատվավոր երկրորդ հորիզոնականին: