Blog

Վարչապետ Նիկոլ Փաշինյանը հայտարարել է, որ սահմանապահ զորքերի կարողությունները զարգացվում են, որպեսզի սահմանն ամբողջապես լինի Հայաստանի սահմանապահների հսկողության ներքո։

Անդրադառնալով սահմանազատման գործընթացին՝ վարչապետն ընդգծել է․

«Սահմանազատման գործընթացը պետք է ցույց տա՝ կա՞ հանրաքվեի անհրաժեշտություն, թե՞ ոչ։ Այս պահին, սահմանազատման դետալների հետ կապված, չկա ոչ մի պայմանավորվածություն․ դրանց թիվը զրո է։ Սահմանազատում պետք է տեղի ունենա, որի արդյունքով պարզ կլինի՝ հանրաքվե անհրաժե՞շտ է, թե՞ ոչ: Այսինքն, երկրները սահմանազատում անեն՝ ստորագրելով փաստաթուղթ, քանի որ կանոնակարգով նախատեսված է, որ սահմանազատումները ամփոփվում են պետական սահմանի մասին միջպետական պայմանագրով»։

Նրա խոսքով՝ պետք է հասնել այդ կետին, որպեսզի տեսնել՝ հանրաքվե անհրաժե՞շտ է, թե՞ ոչ․ «Եթե պարզվի, որ տարածքի փոփոխություն է տեղի ունենում, այդ ժամանակ հանրաքվե կլինի, այդ թվում՝ մեր իրավապահ գործընկերները կասեն՝ պե՞տք է, թե՞ ոչ»,- նշել է վարչապետը։

Ռուսաստանի Անվտանգության խորհրդի քարտուղար Սերգեյ Շոյգուն հայկական ձեռնարկությունների նկատմամբ վերաբերմունքը, որոնցում Ռուսաստանը միլիարդներ է ներդրել, որակել է որպես «ռեյդային» զավթում:

«Հայաստանում գործող ռուսական բիզնեսների նկատմամբ կիրառվում է անբարյացակամ մոտեցում և ակնհայտ «երկակի ստանդարտներ»։ Այն, ինչ կատարվում է ձեռնարկությունների և ամբողջ ոլորտների հետ, որոնցում Ռուսաստանը միլիարդներ է ներդրել, դժվար թե կարելի է որակել որպես այլ կերպ, քան «ռեյդային» զավթում, – ասել է նա Անվտանգության խորհրդի գիտական և փորձագիտական խորհրդի նախագահության նիստում։

«Ավելին, ներկայացված փաստարկները, անկեղծ ասած, աբսուրդային են, օրինակ՝ որ Հայաստանը կկորցնի միջազգային երկաթուղային ցանցերին ինտեգրվելու իր կարողությունը, եթե Ռուսաստանը շարունակի վերահսկել հայկական երկաթուղիները», – շարունակել է Շոյգուն։