Blog

Ռուսական զորքերը վերահսկողության տակ են վերցրել Դոնեցկի Կուրտովկա բնակավայրը։ Այս մասին հայտնում է Ռուսաստանի պաշտպանության նախարարությունը:

«Զորքերի «Հարավային» խմբավորման ստորաբաժանումների ակտիվ հարձակողական գործողությունների արդյունքում ազատագրվել է Դոնեցկի Ժողովրդական Հանրապետության Կուրտովկա բնակավայրը», – ասվում է գերատեսչության ամփոփագրում:

ՌԴ ՊՆ-ից նաև հայտնել են, որ «Հարավային» խմբավորման ստորաբաժանումները հարվածներ են հասցրել ուկրաինական զորքերի դիրքերին Կրամատորսկի, Սլավյանսկի, Դրուժկովկայի և Վերոլյուբովկայի շրջաններում:

Ռուսական ռազմական գերատեսչության տվյալներով՝ մեկ օրում ուկրաինական կողմի կորուստներն այդ ուղղությամբ կազմել են ավելի քան 205 զինծառայող, երկու մարտական զրահապատ մեքենա, 16 ավտոմեքենա և երկու հրետանային զենք:

Ոչնչացված տեխնիկայի թվում ՊՆ-ն նշել է ամերիկյան 155-միլիմետրանոց Paladin ինքնագնաց հրետանային կայանքը։

Արարատի Սուրբ Հակոբ եկեղեցու բակում շարունակվում է գեղեցիկ միջոցառումների բարի ավանդույթը։ Սեպտեմբերի 4-ին եկեղեցու բակում տեղի ունեցավ հերթական ֆիլմի բացօթյա ցուցադրությունը, որի առանցքում հավատքին հավատարիմ մնալու, փորձությունների առջև չընկրկելու և սեփական համոզմունքները քաջությամբ պաշտպանելու գաղափարն էր։

Եկեղեցու հոգևոր հովվի հրավերով ֆիլմի դիտմանը ներկա էր Մասյացոտնի թեմի առաջնորդ Գերաշնորհ Տեր Ռուբեն եպիսկոպոս Զարգարյանը։ Ֆիլմի ավարտին Սրբազան Հայրն իր պատգամը փոխանցեց ներկա երիտասարդներին՝ անդրադառնալով ֆիլմի հիմնական պատգամին և ընդգծելով․
«Սիրելի՛ երիտասարդներ,
Այսօր մենք միասին դիտեցինք մի ֆիլմ, որի հիմնական հարցը շատ պարզ է թվում՝ Աստված կա՞, թե՞ Աստված չկա։ Քրիստոս մեզ տվել է երկու մեծագույն պատվիրանները. «Սիրի՛ր քո Տեր Աստծուն քո ամբողջ սրտով, քո ամբողջ հոգով և քո ամբողջ մտքով», և երկրորդը՝ «Սիրի՛ր քո մերձավորին ինչպես ինքդ քեզ»։

Այս երկու պատվիրանները միմյանցից անբաժան են։ Իտալացի սոցիոլոգ Էմիլ Ձոյան, անդրադառնալով Նիցշեի հայտնի՝ «Աստված մեռած է» ձևակերպմանը, մի միտք է առաջ քաշում․ եթե 19-րդ դարում ասվեց՝ «Աստված մեռած է», ապա 20-րդ դարի վերջում կարելի է ասել նաև՝ «մերձավորը մեռած է»։ Այս միտքը կարելի է շրջել նաև հակառակ ուղղությամբ․ եթե մերձավորը մեզ համար մեռած է, ապա Աստված էլ է մեզ համար մեռած՝ մեր կյանքում բացակա։
Ոչ թե որովհետև Աստված գոյություն չունի, այլ որովհետև մենք այլևս չենք ապրում նրա ներկայության մեջ։ Եթե իմ կողքին կանգնած մարդը ինձ համար այլևս եղբայր չէ, եթե նրա ցավը ինձ չի հուզում, եթե նրա ուրախությունը ինձ չի ուրախացնում, ապա իմ հավատքը Աստծո գոյության գործնական ժխտումն է։

Այս ֆիլմը մեզ հիշեցնում է, որ քրիստոնեական հավատքը Աստծուն սիրելն է և այդ սերը մերձավորի հանդեպ սիրով փաստելը»։
Երեկոն ամփոփվեց գեղեցիկ երաժշտական կատարումներով, ջերմ շփումով և միասնական աղոթքով՝ օրը դարձնելով հոգևոր ապրումների և մտորումների գեղեցիկ առիթ։

Այսօր Բելգրադում տեղի է ունեցել Սերբական Հանրապետության զինված ուժերի Գլխավոր շտաբի նախկին հրամանատար գեներալ Ռատկո Մլադիչի հրաժեշտի արարողությունը։ 15 տարի Հաագայի բանտում անցկացնելու հետո նա օգոստոսի 27-ին մահացել էր։
Մլադիչի պայքարը Հարավսլավիայի կազմից սերբական բնակչություն ունեցող տարածքների դուրս գալու դեմ էր։ Նա այդ պայքարը մղում էր տարբեր ճանապարհներով, ինչի արդյունքում էլ երեսպաշտ միջազգային հանրությունը նրան Հաագայի դատարանով դատապարտեց ցմահ ազատազրկման։ Դատարանի դահլիճում նա բազմիցս հայտարարել էր. «Ճակատագիրը ինձ բերեց պաշտպանելու իմ պետությունը՝ Հարավսլավիայի Սոցիալիստական ​​Ֆեդերատիվ Հանրապետությունը, որը դուք՝ արևմտյան տերությունները, ոչնչացրիք տшկшնքների օգնությամբ»։
Բայց ինչն է ողբերգականն այս պատմության մեջ. Մլադիչին 2011 թվականին միջազգային տրիբունալին հանձնեց նույն Սերբիայի նախագահ Բորիս Տադիչը։ Հանձնեց ԵՄ-ի խոստումների դիմաց. նրան խոստացել էին ՍԵրբիային ԵՄ անդամ դարձնել։ Մլադիչի ձերբակալությունից հետո 2012 թվականին Սերբիան ստացավ ԵՄ անդամակցության պաշտոնական թեկնածուի կարգավիճակ։ Եվ այդ կարգավիճակում է արդեն 14 տարի։ Նրան այդպես էլ ԵՄ անդամ չդարձրեցին, բայց դրա խոստման դիմաց պահանջեցին, ստացան ու տանջամահ արեցին սերբ ազգի հերոսներից մեկին։

Արամ Գևորգյանի գրառումը

ԱՄՆ իշխանությունները վախենում էին, որ Իրանի հետ հակամարտության պատճառով ռազմամթերքի պակասի մասին տեղեկատվության արտահոսքը կարող էր տեղի ունեցած լինել օտարերկրյա հետախուզության գործակալի պատճառով՝ այդ տվյալներին հասանելիություն ունեցողների նեղ շրջանակում, հայտնում է CBS հեռուստաալիքը՝ հղում անելով պաշտոնյաներին, հաղորդում է ՌԻԱ Նովոստի-ն։

Ավոլի վաղ New York Times թերթը հայտնել էր, որ քննիչները ստի դետեկտորով ստուգել են ԱՄՆ ԶՈՒ Միացյալ շտաբի շուրջ 50 ռազմական և քաղաքացիական աշխատակիցների՝ լրագրողներին արտահոսքերի, այդ թվում՝ Իրանի հետ հակամարտության պատճառով ռազմամթերքի պակասի մասին տեղեկատվության հետաքննության շրջանակներում:

«Ռազմամթերքի գաղտնի մանրամասներին հասանելիություն ուներ անձանց միայն շատ փոքր շրջանակ, և մտավախություններ կային, որ ինչ-որ մեկը պոտենցիալ կերպով կարող էր գործել որպես օտարերկրյա հետախուզության գործակալ»,- ասվում է ալիքի հաղորդագրության մեջ:

Աղբյուրների տվյալներով՝ ԱՄՆ նախագահ Դոնալդ Թրամփը կատաղած էր արտահոսքերի պատճառով: CBS-ի զրուցակիցների խոսքով՝ բոլոր պաշտոնյաներն անցել են դետեկտորով ստուգումը: Ընդ որում, ստուգել են ոչ բոլորին. մասնավորապես, այդ միջոցները չեն վերաբերել Շտաբների պետերի միացյալ կոմիտեի նախագահ, գեներալ Դեն Քեյնին:

New York Times թերթն ավելի վաղ հայտնել էր, որ Իրանի հետ հակամարտության ընթացքում ԱՄՆ-ը գործնականում սպառել է ցածր նկատելիության թևավոր հրթիռների պաշարները, արձակել է Tomahawk-ների տասնամյա նորման և ծախսել Patriot համակարգերի համար հրթիռների արտադրության երկամյա ծավալը:

Սեպտեմբերի 8-ին մեկնարկում է Անդրանիկ Թևանյանի դատավարությունը` հիբրիդային դատավարությունը: Այս դատավարությունն ուղիղ փոխկապակցված է Հայաստանի ճակատագրի հետ։ Անդրանիկ Թևանյանը փաստացի մեղադրվում է հայ-ռուսական հարաբերությունների զարգացման և խորացման կողմնակից լինելու, ռուսական ռազմաբազան՝ որպես Հայաստանի անվտանգային համակարգի անբաժանելի մաս, Հայաստանի տարածքում պահպանելու, ընդդիմադիր գործունեություն ծավալելու և իշխանափոխության ծրագրեր ունենալու համար։ Քննչական կոմիտեի՝ մայիսի 21-ին տարածած հաղորդագրությունը, որի բովանդակությունը փաստացի քարուքանդ է եղել արդեն իսկ նախաքննության ընթացքում, լիովին բացահայտում է Անդրանիկ Թևանյանին առաջադրված մեղադրանքի քաղաքական բնույթը և, ըստ էության, դրա անմիջական կապը հայ-ռուսական հարաբերությունների հետ։ Այսօր քաղաքական իշխանությունները հետևողական քայլերով կազմաքանդում են հայ-ռուսական հարաբերությունները։ Եվ այդ գործընթացի կարևոր հանգրվանը իրավաքաղաքական մասով հենց Անդրանիկ Թևանյանի ձերբակալությունն ու կալանավորումն էր։ Հետևաբար սա հերթական քաղաքական հետապնդումը չէ։ Այն շատ ավելի մեծ գործընթացի մասն է։ Սա դատավարություն է այն քաղաքական դիրքորոշման դեմ, որը տարիներ շարունակ պաշտպանել է Հայաստանի անվտանգության գործող համակարգը, հայ-ռուսական հարաբերությունների պահպանումն ու զարգացումը և իշխանության վարած արտաքին ու ներքին քաղաքականության այլընտրանքը։

Փաստաբան Սերգեյ Սարգսյանի գրառումը