Category: SyunyacErkir

Իրանն ու Ռուսաստանը մոտ են գազի առևտրի շուրջ համաձայնագրի կնքմանը։ Ապագա գործարքի հիմնական պարամետրերն արդեն համաձայնեցված են, և կողմերը մտադիր են մոտ ժամանակներս ավարտին հասցնել պայմանավորվածությունների ձևակերպումը։ Այս մասին հայտնել է Իրանի նավթի նախարար Մոհսեն Փաքնեժադը, փոխանցում է «Shana» գործակալությունը։

Այս հայտարարությունը հնչել է իրանցի նախարարի և Ռուսաստանի էներգետիկայի նախարար Սերգեյ Ցիվիլյովի հանդիպման ժամանակ։ Բանակցություններն անցկացվել են երկու երկրների էներգետիկ համագործակցության հետագա զարգացման քննարկումների շրջանակում։

Կողմերը դիտարկել են փետրվարին կայացած ռուս-իրանական միջկառավարական հանձնաժողովի 19-րդ նիստում ձեռք բերված պայմանավորվածությունների կատարման ընթացքը։ Առանցքային թեմաների թվում են եղել Իրանի նավթագազային ոլորտում ռուսական ընկերությունների ներդրումները, ինչպես նաև երկկողմ համագործակցության ընդլայնմանը խոչընդոտող արգելքների վերացումը։

Ավելի վաղ Սերգեյ Ցիվիլյովը հայտնել է, որ Ռուսաստանն ու Իրանը պլանավորում են սկսել Ռեշտ–Աստարա երկաթուղային նախագծի իրականացումը, որը «Հյուսիս–Հարավ» միջազգային տրանսպորտային միջանցքի կարևոր հատվածն է։ Նրա խոսքով՝ կողմերին հաջողվել է հարթել նախագծի մեկնարկի հետ կապված հիմնական տարաձայնությունները, ինչպես նաև ավարտել անհրաժեշտ փաստաթղթերի պատրաստումը։

Այդուհանդերձ, ավելի ուշ Մոսկվայում Իրանի դեսպան Քազեմ Ջալալին հայտարարել էր, որ երկաթուղու շինարարության մեկնարկը հետաձգվել է։ Նրա փոխանցմամբ՝ նախագծի իրականացմանը պլանավորվում է վերադառնալ մինչև 2026 թվականի վերջը։ Դիվանագետը նշել է, որ բարդ աշխարհաքաղաքական իրավիճակն ու սահմանված սահմանափակումները կարող են ազդել համագործակցության տեմպերի վրա և մեծացնել երկու երկրների առևտրատնտեսական հարաբերություններում առկա ծախսերը։

Հարգելի պարոն Նահապետյան

Հարգելի տիկին Մանասյան

«Գորիսի պետական քոլեջ» լուծարված ՊՈԱԿ–ի շուրջ պատվիրված ու հրահրված խարդավանքները շարունակվում են։

Զուգահեռաբար շարունակվում է նաև մեր կողմից նախաձեռնված լրագրողական հետաքննությունը։ Եվ, գրեթե ամեն օր, ջրի երես են դուրս գալիս փաստեր, թե հակաօրինական ինչ քայլեր են ձեռնարկվում լուծարված քոլեջի տնօրեն Կարեն Լազարյանին «օրինախախտ նշանակելու» ուղղությամբ։

«Ապացույցներ» հորինելու խուլիգանական և հանցավոր գործունեությունը պատվիրակվել է հատկապես «Գորիսի բազմագործառութային պետական քոլեջ» ՊՈԱԿ–ի տնօրեն Արմինե Կոլյանին։

Համոզվելով, որ Կարեն Լազարյանի կողմից օրինախախտման լուրջ փաստեր չեն հայտնաբերվում, Արմինե Կոլյանը փորձել է առաջ քաշել իբր քոլեջից դիպլոմ վաճառելու վարկածը, ինչի համար աջակցություն է խնդրել և՛ երբեմնի ուսմասվարից, և՛ երբեմնի հաշվապահից ու մյուսներից։

Մարդկանց համոզում էր և է, թե վերևներում որոշել են փակել Կարեն Լազարյանին ու փակելու են, մենք էլ մեր օգնությունը պետք է ցույց տանք այդ գործին։

Կեղծ ապացույցներ ձեռք բերելու կամ հորինելու խուլիգանական և ցնորական այդ նախաձեռնությունն Արմինե Կոլյանն արտահայտել է նաև իր SMS գրություններից մեկում, որն այսօր տրամադրվել է մեր խմբագրությանը, որն էլ կցվում է սույն հրապարակմանը։

Արմինե Կոլյանը տվյալ գրության մեջ պնդում է՝ «Նենց մարդկանց ա կպալ․․․ Մեկ ա որոշել են անելու են, եթե հնարավոր ա օգնենք․․․»։

Ի վերջո փլուզվում է դիպլոմ վաճառելու «ապացույցի» փնտրտուքը, բայց տիկնոջ հանցավոր գործունեության փաստը հաստատող գրությունը պահպանվել է, որն էլ ուղարկում ենք Ձեզ։

Հայտնի է դարձել նաև, որ Արմինե Կոլյանը հրաժարվել է պետական արխիվային մարմիններին հանձնել դեռևս 2025 թ․ դեկտեմբերի 30-ին պետական գրանցումից հանված և լուծարված «Գորիսի պետական քոլեջ» ՊՈԱԿ–ի կնիքը, ինչը տարակույսի տեղիք է տվել նաև ս․թ․ հունիս ամսին Երևանից քոլեջ ժամանած տեսչական խմբին։

Նախկին քոլեջի աշխատակիցները քանիցս անհանգստություն են հայտնել, թե տիկինը կնիքը չի հանձնում՝ «Գորիսի պետական քոլեջ» լուծարված ՊՈԱԿ–ին առնչվող ինչ–ինչ փաստաթղթեր կեղծելու հնարավորությունը ձեռքից բաց չթողնելու համար։

Հարգելի պարոն Նահապետյան

Հարգելի տիկին Մանասարյան

Խնդրում ենք Ձեզ իրավական գնահատական տալ կեղծ ապացույցներ հորինելու կամ հավաքելու Արմինե Կոլյանի խուլիգանական և հանցավոր գործունեությանը։

Խնդրում ենք պարզել նաև SMS գրության մեջ արտահայտված այս նախադասության հիմքերը՝ «Մեկ ա որոշել են անելու են․․․»։

Միաժամանակ խնդրում ենք պարզել՝ ինչո՞ւ լուծարված քոլեջի կնիքը չի արխիվացվել և հետին թվով ի՞նչ գործողություններ են կատարվել այդ կնիքով։

Ո՞վ է որոշել, որ Կարեն Լազարյանին «պետք է փակել», մի՞թե մարդկանց ազատությունից զրկելու որոշումը կայացվում է իրավապահ մարմիններից դուրս գտնվող ինչ–որ մարդկանց կողմից։

«Սյունյաց երկիր»

Հ․Գ․

Սույն հաղորդումն էլեկտրոնային փոստով ուղարկվել է ՀՀ հակակոռուպցիոն կոմիտեի նախագահ Արթուր Նահապետյանին և ՀՀ մարդու իրավունքների պաշտպան Անահիտ Մանասյանին։

Ադրբեջանը քննարկում է Եվրոպայի խորհրդից ամբողջությամբ դուրս գալու հարցը․ հայտարարել է Ադրբեջանի նախագահ Իլհամ Ալիևը։ Նա նշել է, որ 2024 թվականի հունվարին ադրբեջանական պատվիրակության հավատարմագրումը կասկածի տակ է դրվել, և իրենք զրկվել են քվեարկության իրավունքից։

«Սա միայն մարդու իրավունքների հարց չէր։ Եթե այդպես լիներ, նրանք դա կանեին շատ ավելի վաղ։ Դա պարզապես մեզ և մեր տարածքային ամբողջականության հետ կապված պատիժ էր։ Ադրբեջանի պատվիրակությունը շատ իմաստուն որոշում է կայացրել։ Նրանք հրաժարվել են մասնակցել հանդիպումներին։ Եթե մենք քվեարկության իրավունք չունենք, ինչո՞ւ պետք է այնտեղ լինենք»,-ասել է Ալիևը։

Ադրբեջանի նախագահը հիշեցրել է, որ Ադրբեջանը չի քվեարկել նաևՄարդու իրավունքների եվրոպական դատարանի դատավորների օգտին։

«Հետևաբար, մենք չենք ճանաչում նրանց որոշումները: Մենք չենք քվեարկել այս դատավորների օգտին. մենք արդեն երկու տարի է, ինչ խտրականության ենք ենթարկվում: Ես բացահայտ հայտարարում եմ, որ Ադրբեջանը լիովին քննարկում է կազմակերպությունից դուրս գալու հարցը: Խոսքը միայն անդամակցությունը կասեցնելու կամ սառեցնելու մասին չէ. մենք հստակորեն քննարկում ենք այս կառույցից ամբողջությամբ դուրս գալու հարցը: Եվրոպայի խորհրդի գլխավոր քարտուղարը կապ հաստատեց ինձ հետ և խնդրեց չանել դա և փորձել ելք գտնել ստեղծված իրավիճակից», – հայտարարել է Ալիևը: Ադրբեջանի ղեկավարը նաև նշել է, որ եթե Ադրբեջանն ամբողջությամբ դուրս գա Եվրոպայի խորհրդից, ոչ ոք չի նկատի. «Այսինքն՝ այստեղ շատ բան չի փոխվի»։

Միևնույն ժամանակ՝ Ալիևը շեշտել է, որ Ադրբեջանի և ԱՄՆ-ի միջև հարաբերությունները ներկայումս գտնվում են գագաթնակետին։

Ալիևը նշել է, որ ԱՄՆ-ն վերացրել է Բաքվին զենքի մատակարարման բոլոր սահմանափակումները։ Անմիջապես դրանից հետո նմանատիպ որոշումներ են կայացրել Մեծ Բրիտանիան և ԵՄ անդամ պետությունները։ Նա հավելել է, որ Բաքուն և Վաշինգտոնը ակտիվորեն աշխատում են ռազմավարական գործընկերության մասին խարտիայի բոլոր դրույթները կյանքի կոչելու ուղղությամբ։

 

 

Նարեկ Կարապետյանը գրառում է արել Իլհամ Ալիևի վերջին հայտարարությունների մասին․

«Եվրոպայի խորհրդում գործում էր մեծ հակաադրբեջանական խումբ:

Պարզվել է, որ Ժոզեպ Բորելը հարաբերություններ է պահպանել որոշ անձանց, այդ թվում՝ Միջազգային դատարանի դատավոր պարոն Օկամպոյի հետ։ Պարզվել է, որ նա ֆինանսավորվել է հայկական օլիգարխի կողմից, ով ներկայումս տնային կալանքի տակ է գտնվում Հայաստանում»,- Կարապետյանը մեջբերել է Ալիևի խոսքերը։

Այդ ո՞ր հայ գործարարն է Հայաստանում տնային կալանքում ումից բողոքում է թե Ալիևը, թե իր պրոքսի Փաշինյանը»,- գրել է Կարապետյանը։

 

 

Ադրբեջանի նախագահ Իլհամ Ալիևը հայտարարել է, որ երկրի իշխանությունները լրջորեն քննարկել են ոչ միայն Եվրոպայի խորհրդի խորհրդարանական վեհաժողովում (ԵԽԽՎ) Ադրբեջանի գործունեությունը կասեցնելու, այլև Եվրոպայի խորհրդից դուրս գալու հնարավորությունը։

«Արմենպրես»-ի փոխանցմամբ՝ այս մասին հայտնում է ադրբեջանական APA լրատվական գործակալությունը։

Ադրբեջանում անցկացվող մեդիաֆորումի բացման ընթացքում Ալիևը նշել է, որ Եվրոպայի խորհրդի գլխավոր քարտուղար Ալեն Բերսեն իրեն խնդրել է չշտապել նման որոշման հարցում և ժամանակ տալ իրավիճակը բարելավելու համար։

«Ես առայժմ հետաձգել եմ այդ որոշումը։ Սակայն, ցավոք, այդ ժամանակից ի վեր որևէ առաջընթաց չի գրանցվել»,- ասել է Ադրբեջանի նախագահը։

Ալիևի խոսքով՝ Եվրոպայի խորհրդի խորհրդարանական վեհաժողովը շարունակում է Ադրբեջանի նկատմամբ առաջադրել, իր գնահատմամբ, «անընդունելի և վերջնագրային պահանջներ»։

«Հարաբերությունները մենք չենք փչացրել, դա արել են նրանք»,- հայտարարել է Ադրբեջանի նախագահը։

Ռուսաստանին և Հայաստանին կապում են հատուկ հարաբերությունները, ինչպես նաև երկու երկրների ժողովուրդների անկեղծ սերը․ նշել է Ռուսաստանի ԱԳՆ խոսնակ Մարիա Զախարովան։

«Մեզ համար Հայաստանը ոչ միայն ինքնիշխան պետություն է, ինչն, իհարկե, այդպես է։ Այն ինքնիշխան, անկախ պետություն է՝ հին արմատներով, հին, զարմանալի մշակույթով, այլև՝ պետություն, որի հետ մենք հատուկ հարաբերություններ ունենք մեր ընդհանուր պատմության շնորհիվ», – նշել է Զախարովան։

Նա հավելել է, որ երկու երկրները կապված են խաղաղությամբ, միջպետական հարաբերություններով և այդ հարաբերությունները զարգացնելու ռազմավարական ծրագրերով։

«Մեր կողմից միշտ եղել է միայն օգնություն և աջակցություն, որոնք, իմ կարծիքով, կապված էին ինչպես աշխարհաքաղաքական գործոնների հետ, ինչպես ասում են դիվանագետներն, այնպես էլ այն բանի հետ, ինչը ես անվանում եմ սեր։ Ժողովուրդների, մշակույթների անկեղծ սերը և փոխըմբռնումը․ սրանք իրական կապեր են, ոչ թե հանգույցներ, այլ կապեր», – ընդգծել է Զախարովան։

 

 

Իրանի դեմ ագրեսիային երրորդ երկրների ցանկացած մասնակցություն նրանց կդարձնի պատասխան հարվածների օրինական թիրախներ, հայտնում է իրանական Mehr գործակալությունը՝ հղում անելով Իրանի ԱԳՆ-ի հայտարարությանը։

«Ագրեսոր կողմերի հետ ցանկացած մասնակցություն կամ համագործակցություն հետևանքներ կունենա, և այն աղբյուրներն ու վայրերը, որտեղից Իրանի դեմ հարվածներ են հասցվում, կդառնան Իրանի Իսլամական Հանրապետության զինված ուժերի պաշտպանական հարվածների օրինական թիրախներ», – ասված է գործակալության հաղորդագրության մեջ։

Ավելի վաղ ԱՄՆ ԶՈՒ կենտրոնական հրամանատարությունը (CENTCOM) հայտնել էր Իրանի դեմ հերթական հարձակման ավարտի մասին, որը տևել էր գրեթե վեց ժամ։

Փառատոնը, Աստծո ամեն օր հանդիսատեսին գեղագիտական հաճելի պահեր պարգևելով, մոտենում է վերջնագծին:

Հուլիսի 11-ի համերգային ծրագիրը «Առանց կապող լարերի» խորագիրն էր կրում: Սկզբում հանդես եկավ երաժիշտների քառյակը` Աննա Սարկիսովա (դաշնամուր) և թավջութակահարեր Նարեկ Հեքեքյան, Ալեքսանդր Շիրինյան-Ռոդե, Աստղիկ Սիրանոսյան, ովքեր կատարեցին չեխ կոմպոզիտոր Դավիթ Պոպպերի «Ռեքվիեմ» ստեղծագործությունը: Այնուհետև հնչեցին գերմանական դասական երաժշտության ռոմանտիզմի ժամանակաշրջանի գլուխգործոցներ:

Կատարվեց Ֆրանց Շուբերտի քնարական և խորապես մարդկային «Դաշնամուրային տրիո No.1 սի բեմոլ մաժոր, օպուս 99» գործը: Դաշնամուր` Մարիաննա Շիրինյան, թավջութակ` Աստղիկ Սիրանոսյան, ջութակ` Անդրեյ Բարանով: Ի դեպ, սա Անդրեյ Բարանովի առաջին բեմելն էր փառատոնում և հանդիսատեսին հիացրեց արտահայտիչ կատարմամբ և բարձր տեխնիկական վարպետությամբ:

Ընդմիջումից հետո հնչեց Ֆելիքս Մենդելսոնի «Օկտետը», որ կոմպոզիտորը գրել է բավականին երիտասարդ տարիքում և մինչև այժմ համարվում է կամերային երաժշտության ամենափայլուն ստեղծագործություններից:

Դահլիճը բուռն ծափողջույններով դիմավորեց այդ ստեղծագործությունը կատարողներին` Հրաչյա Ավանեսյան, Էլլի Սու, Ժիլ Ապապ, Անդրեյ Բարանով, Պոլ Լուան, Լոան Կազալ, Ֆրանցիսկո Վիլլա, Սևակ Ավանեսյան:

Երբ նվագն ավարտվեց, դահլիճը թնդաց ծափերից և բացականչություններից: Եվ որպես բիս` երաժիշտները կատարեցին ևս մի սրտամոտ ստեղծագործություն:

Վահրամ Օրբելյան

Մենք երդվում ենք, որ վրեժ կլուծենք ձեր մաքուր արյան և այս երկու պատերազմների բոլոր նահատակների արյան համար, հայտարարել է Իրանի գերագույն առաջնորդ Մոջթաբա Խամենեին և խոստացել վրեժ լուծել իր հոր համար։

«Մեր նահատակ առաջնորդին ես ասում եմ. Մենք երդվում ենք, որ վրեժ կլուծենք ձեր մաքուր արյան և այս երկու պատերազմների բոլոր նահատակների արյան համար հանցագործներից և մարդասպաններից։

Այս վրեժը մեր ազգի պահանջն է, և այն անպայման կկատարվի։ Այս հանցագործները, որոնց անունները հայտնի են ամենաբարձրից մինչև ամենացածրը, իրենց գերեզմաններ կտանեն խաղաղ ավարտի չիրականացած հույսը։

Նրանք պետք է իմանան, որ այս հարցը կախված չէ իմ կամ որևէ այլ պաշտոնյայի ներկայությունից։

Անկախ նրանից, թե ես այստեղ եմ, թե ոչ, սա կիրականացվի, և շուտով աշխարհի ազատասեր ազգերը կկատարեն իրենց բաժինը այս աստվածային առաքելության մեջ»,-հայտարարել է Իրանի գերագույն առաջնորդը։

tert.am