Category: MegaNews

Քաղաքացիական հասարակությունը պահանջում է իրականացնել անկախ փորձաքննություն՝ պարզելու հուլիսի 6-ին գործարար Գագիկ Ծառուկյանի առանձնատնից առգրավված և Երևանի կենդանաբանական այգի տեղափոխված սպիտակ էգ առյուծի անկման պատճառը։

Հիշեցնենք, որ ՀՀ քննչական կոմիտեի Կոտայքի մարզային քննչական վարչությունում վայրի կենդանի կամ թռչուն ապօրինի որսալու դեպքի առթիվ նախաձեռնված քրեական վարույթի նախաքննության ընթացքում Ծառուկյանի առանձնատնից առգրավվել են 3 առյուծ և 1 վագր, տարբեր կենդանիների և թռչունների 190 խրտվիլակ, որոնք ճանաչվել են որպես իրեղեն ապացույց։ Ապօրինի որսի հետևանքով շրջակա միջավայրին պատճառված վնասը գնահատվել է 30 միլիոն ՀՀ դրամ։

Այս գործողությունների ընթացքում առյուծները և վագրը քնեցվել են, որպեսզի տեղափոխվեն  Երևանի կենդանաբանական այգի, սակայն սպիտակ էգ առյուծը քնեցումից չի արթնացել։

Երևանի կենդանաբանական այգին հայտարարություն տարածեց, ըստ որի առյուծի անկման պատճառը պայմանավորված է մեծ տարիքով և ուղեկցող հիվանդություններով՝ ինչն արձանագրված է հերձման ակտով։

«Կենդանու օրգան համակարգերը եղել են ախտահարված` փայծախը, լյարդը, թոքերը, սիրտը, լեղապարկում խոլեցիստիտային փոփոխություններ, առկա է ճարպակալում, որովայնի խոռոչում առկա է ազատ հեղուկ` ինչը տարիքային փոփոխությունների հետևանք է», – նշված է Երևանի կենդանաբանական այգու հայտարարության մեջ։

Սակայն քաղաքացիական հասարակությունը բավարարված չէ այս պարզաբանմամբ և պահանջում է անկախ հետաքննություն և փորձաքննություն։

«Էկոլուր» տեղեկատվական ՀԿ-ի նախագահ Ինգա Զարաֆյանը նշում է, որ Հայաստանում վայրի կենդանիների պահպանությունը կարգավորվում է օրենսդրությամբ, նրանք նաև պաշտպանված են միջազգային փաստաթղթերով, և այս դեպքի կապակցությամբ սպառիչ պատասխան կարող է տալ միայն անկախ մասնագիտական փորձաքննությունը։

«Էկոլոգիական դաշինքի» համակարգող Սիլվա Ադամյանը դիմում է կենդանիների պաշտպանության միջազգային կազմակերպություններին՝ աջակցելու կոչով․

• անցկացնելու անհապաղ անկախ, թափանցիկ, անաչառ և համակողմանի հետաքննություն՝ պարզելու սպիտակ էգ առյուծի անկման բոլոր հանգամանքները
• հրապարակել անասնաբուժական փորձաքննության արդյունքները, կիրառված անզգայացման արձանագրությունը և տեղափոխման գործընթացին վերաբերող ամբողջ փաստաթղթավորումը
• կատարել համակողմանի գնահատում՝ պարզելու, թե արդյոք տեղափոխման բոլոր փուլերում լիարժեք պահպանվել են կենդանիների բարեկեցության միջազգային ճանաչված չափանիշները և անասնաբուժական լավագույն մասնագիտական գործելակերպերը
• մշակել և ներդնել հստակ ազգային արձանագրություններ, որոնք կապահովեն, որ վայրի կենդանիների բարեկեցությունը լինի առաջնահերթություն նրանց ցանկացած հետագա տեղափոխման, փրկարարական գործողությունների կամ առգրավման ընթացքում։

«Գագիկ Ծառուկյանին տեղեկացրել եմ էգ առյուծի անկման մասին, շատ ծանր է տարել և վրդովված էր», -այս մասին Factor TV-ի հետ զրույցում նշել է փաստաբան Էմին Խաչատրյանը։

Հարցին՝ տեղի ունեցածի հետ կապված իրավական գործընթացներ սկսելո՞ւ են, Խաչատրյանը պատասխանել է․ «Արդեն հասարակական պարսավանքը սկսվել է, հետագայում մնացածի մասին կիրազեկվեք»։

Նրա խոսքով՝ առանձնատնից կենդանիների տեղափոխման ժամանակ Ծառուկյանը տարածքում չի գտնվել, տանը խուզարկություն էր ընթանում, և նրա ազատ տեղաշարժը սահմանափակված էր։

«Իրենք մասնագետներ էին բերել, տեղափոխեցին, և արդյունքը տեսանք»,- ասել է փաստաբանը։

Լրագրող Լիաննա Խաչատրյանը գրել է. «ՀԱՐԿԱՏՈՒՆԵՐԸ ԵՎ ՄԵԴԻԱՆ

Վարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել է համընդհանուր հայտարարագրման համակարգի միջոցով քաղաքացիական հասարակական կազմակերպություններին (ՔՀԿ), զանգվածային լրատվության միջոցներին (ԶԼՄ) և կուսակցություններին նվիրատվություններ կատարելու մեխանիզմներ ներդնելու հնարավորությունը։

Մասնավորապես, առաջարկվում է ֆիզիկական անձանց եկամուտների հայտարարագրման համակարգի գործարկմամբ ներդնել ՔՀԿ-ներին, ԶԼՄ-ներին և կուսակցություններին սոցիալական հատկացումների կամ ծախսերի նոր համակարգ: Ներկայացվել է, որ նոր համակարգի ներդրմամբ ակնկալվում է ստեղծել հայտարարագրեր ներկայացնելու նոր խթաններ, նպաստել ՔՀԿ-ների և ԶԼՄ-ների ֆինանսական անկախությանը, բարձրացնել ՔՀԿ-ների և ԶԼՄ-ների գործունեության հաշվետվողականությունն ու թափանցիկությունը:

Ինչպես ասում են` идея хорошая. Բայց դե հարցեր կան… Մեխանիզմների մասին դե պարզա, կներկայացնեն վերջնական տեսքով, կհասկանանք, բայց բուն ԶԼՄ-ների պահը մի տեսակ բացա մնում, և ցանկալի կլինի, որ այս հարցերը նույնպես քննարկվեն և տրվեն պատասխաններ։ 

Ա) Ինչպե՞ս է կազմվելու ԶԼՄ-ների ցուցակը, որոնց թույլատրելի կլինի աջակցել։ 

Բ) Ինչպե՞ս, իսկ ավելի ճիշտ, ի՞նչ հիմքերից ելնելով ենք տարանջատելու նորմալ ԶԼՄ-ն ոչ այնքան լավից, հատկապես երբ խոսքը հիմնականում օնլայն հարթակի մասին է։ Լիցենզավորվածների դեպքում քիչ թե շատ հարցը պարզ է։ 

Գ) Պատկերացնում եմ, որ մեխանիզմը ներդնելուց հետո, մի շարք ԶԼՄ-ներ կոչ կանեն լսարանին աջակցել իրենց։ Ու սա այն նույն համակարգում, երբ նույն այդ լսարանի մուծած հարկերից, առանց իրենց համաձայնության, 100 տոկոսով ֆինանսավորվում են այլ լրատվամիջոցներ։ Ու ստեղ այս մեխանիզմը ինքը իրան հակասումա։ Մի կողմից դու հարկատուին տալիս ես հնարավորություն, որ ֆինանսապես օգնի իր նախընտրած լրատվամիջոցին, մյուս կողմից ասում ես` հա, բայց որոշ լրատվամիջոցներ ավելի հավասար են և քո փողից, ուզես թե ոչ, իրանց պիտի անցնի։ Ինչպես ասում են` կողմնորոշվեք հիմա քաղաքացինա ընտրում, թե՞ ոնց: Հիմա քաղաքացու գումարի և վերաբերմունքի համար մրցակցություն եք դնում,թե ոչ։ Հանրային լրատվամիջոց սարքելն ուներ իր ներքին տրամաբանությունը, հիմա կարծես էս նոր մեխանիզմը էտ տրամաբանությանը հակասում է։ Կամ գուցե ոչ… պիտի հասկանալ։ 

Դ) Իսկ ասենք դրսի պրոեկտը, որը նաև հեռարձակվում է ՀՀ-ում, օրինակ Ազատություն կամ Սպուտնիկ, իրավունք կունենա՞ն լինել այդ ցուցակի մեջ, թե “մենք մերոնցով” ենք լինելու:

Ու սենց էլի…»:

Ազգային ժողովի «Քաղաքացիական պայմանագիր» խմբակցության պատգամավոր Վաղարշակ Հակոբյանը հայտնել է, որ հրաժարվում է պատգամավորական մանդատից և գործունեությունը շարունակելու է մասնավոր ոլորտում։

Նրա խոսքով՝ որոշումը համաձայնեցվել է վարչապետ Նիկոլ Փաշինյանի և ՔՊ վարչության հետ, շարունակում է մնալ կուսակցության անդամ և ակտիվորեն ներգրավված է լինելու կուսակցական աշխատանքներում։

«Ներկայացրել եմ 9-րդ գումարման Ազգային ժողովի պատգամավորի մանդատից հրաժարվելու մասին դիմում, որը վաղը պաշտոնապես կներկայացվի ՀՀ Կենտրոնական ընտրական հանձնաժողով։

Ցանկանում եմ խորին շնորհակալություն հայտնել Հայաստանի Հանրապետության վարչապետին՝ իմ քաղաքական թիմի առաջնորդ Նիկոլ Փաշինյանին, ով 2018 թվականի հեղափոխության արդյունքում Հայաստանի Հանրապետության քաղաքացուն վերադարձրեց ընտրելու և ընտրվելու իր հիմնարար իրավունքը։

Այս տարիների ընթացքում Հայաստանը դարձել է ավելի ժողովրդավար, ավելի ինքնիշխան, ավելի անկախ և, որ ամենակարևորն է, խաղաղ պետություն։ Հպարտությամբ կարող եմ ասել, որ այդ ճանապարհին իր կարևոր դերակատարությունն է ունեցել ՀՀ Ազգային ժողովը և իշխող «Քաղաքացիական պայմանագիր» խմբակցությունը, որի անդամը լինելու պատիվն եմ ունեցել նաև ես։

Միաժամանակ ցանկանում եմ տեղեկացնել, որ իմ այս որոշումը կայացվել է Վարչապետի և «Քաղաքացիական պայմանագիր» կուսակցության վարչության հետ համաձայնեցված։ Շարունակում եմ մնալ կուսակցության լիիրավ անդամը և շարունակելու եմ ակտիվ կուսակցական գործունեություն ծավալել՝ ամբողջ ներուժով աջակցելով իմ քաղաքական թիմին»,- գրել է նա։

Փոխվարչապետ Մհեր Գրիգորյանը տեսակապի միջոցով մասնակցել է Եվրասիական տնտեսական հանձնաժողովի խորհրդի հերթական նիստին:

Կառավարությունից հայտնում են, որ նիստի օրակարգում ընդգրկված են եղել շուրջ չորս տասնյակ հարցեր, որոնք վերաբերում էին ԵԱՏՄ մաքսային կարգավորումներին և տեխնիկական կանոնակարգերին: Նիստի արդյունքներով հավանության է արժանացել առաջիկայում կայանալիք Եվրասիական միջկառավարական խորհրդի նիստի օրակարգը:

«Ուժեղ Հայաստան» կուսակցության առաջնորդ Սամվել Կարապետյանը ևս երկու ամիս կմնա տնային կալանքի տակ:

Սամվել Կարապետյանը մեղադրվում է իշխանությունը զավթելու հրապարակային կոչի, ինչպես նաև հանցավոր ծագում ունեցող միջոցների օրինականացնելու համար։

Այնուհետ Սամվել Կարապետյանի մեղադրանքը փոխվել է: Ավելացվել են Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերը (իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով առանձնապես խոշոր չափերով փողերի լվացումը):

«Իմ տղաները, իմ եղբոր տղաները 100 հազար անգամ ավելի շատ բան են արել Հայաստանի բանակի համար, քան Սուրեն Պապիկյանը՝ 5000 տարի ապրելուց հետո կանի»,- այս մասին լրագրողների հետ զրույցում ասել է «ՈՒժեղ Հայաստան» կուսակցության առաջնորդ Սամվել Կարապետյանը՝ անդրադառնալով դիտարկմանը, որ պաշտպանության նախարար Սուրեն Պապիկյանը հարցադրում էր արել, թե ինչու Սամվել Կարապետյանի ու նրա եղբոր տղաները չեն ծառայել։

Դիտարկմանը, որ ՀՀ օրենքով է սահմանված պարտադիր զինվորական ծառայությունը՝ Կարապետյանը պատասխանեց. «Ոչ մեկի չծառայելը անհարգելի պատճառով չի եղել։ Իսկ Սուրեն Պապիկյանը սկի չի էլ երազի անել այնքան, ինչքան բան են արել այդ տղաները Հայաստանի բանակի համար»:

Վարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել է համընդհանուր հայտարարագրման համակարգի միջոցով քաղաքացիական հասարակական կազմա կեր պու թյուն ներին (ՔՀԿ), զանգվածային լրատվության միջոցներին (ԶԼՄ) և կուսակցություններին նվիրատվություններ կատարելու մեխանիզմներ ներդնելու հնարավորությունը։

Մասնավորապես, առաջարկվում է ֆիզիկական անձանց եկամուտների հայտարարագրման համակարգի գործարկմամբ ներդնել ՔՀԿ-ներին, ԶԼՄ-ներին և կուսակցություններին սոցիալական հատկացումների կամ ծախսերի նոր համակարգ: Ներկայացվել է, որ նոր համակարգի ներդրմամբ ակնկալվում է ստեղծել հայտարարագրեր ներկայացնելու նոր խթաններ, նպաստել ՔՀԿ-ների և ԶԼՄ-ների ֆինանսական անկախությանը, բարձրացնել ՔՀԿ-ների և ԶԼՄ-ների գործունեության հաշվետվողականությունն ու թափանցիկությունը:

Ընդգծվել է նոր համակարգի ներդրմամբ քաղաքական ինստիտուցիոնալ մեխանիզմների զարգացման կարևորությունը:

Ամփոփելով քննարկումները՝ վարչապետն ընդգծել է, որ համակարգի ներդրման նպատակն է հնարավորություն տալ քաղաքացիներին աջակցել իրենց նախընտրած հասարակական, լրատվական կամ քաղաքական կառույցներին, ինչպես նաև ապահովել ֆինանսավորման թափանցիկություն: Նիկոլ Փաշինյանը հանձնարարել է քննարկման ընթացքում ներկայացված դիտարկումների հիման վրա ներկայացված նախագիծը բերել վերջնական տեսքի։

«13 ամիս առաջ ինձ առաջադրվեցին 3 մեղադրանքներ, մեկը` մեր ձևով եկեղեցուն պաշտպանելու համար, որի համար ես հպարտ եմ, և երկու մեղադրանք, որը ես համարում եմ դատախազի ու քննիչի կողմից իրավունքի ոտնահարում»,-դատարանում այսօր հայտարարեց գործարար, «Ուժեղ Հայաստան» կուսակցության առաջնորդ Սամվել Կարապետյանը՝ դիրքորոշում հայտնելով իր նկատմամբ կիրառված տնային կալանքը ևս 3 ամսով երկարացնելու դատախազի միջնորդության վերաբերյալ։