Category: ArmPulse

Ռուսաստանը չի ողջունում իր գործընկեր երկրների և Կիևի միջև շփումները։ Այս մասին, ըստ Lenta.ru-ի թղթակցի, ճեպազրույցի ժամանակ հայտարարել է Ռուսաստանի արտաքին գործերի նախարարության խոսնակ Մարիա Զախարովան։

«Մենք, իհարկե, դատապարտում ենք Կիև այցելությունները և ահաբեկչական առաջնորդների հետ եղբայրացումը, որոնց նպատակն է ոչնչացնել Ռուսաստանի հետ կապված ամեն ինչ», – ասել է նա։

Դիվանագետը ընդգծել է, որ չի հասկանում, թե ինչու են Ռուսաստանի գործընկերները ողջունում Ուկրաինայի ղեկավարությանը և նրանց հարթակ տրամադրում Ռուսաստանին սպառնալու համար։ Նա նաև նշել է, որ ռուսական կողմը չի ձևացնի, թե չի նկատում դա։

Ավելի վաղ Ուկրաինայի նախագահ Վլադիմիր Զելենսկին հայտարարել էր, որ Կիևը նախատեսում է ամուր հարաբերություններ կառուցել հետխորհրդային տարածքի երկրների հետ։ Այս առումով պետության ղեկավարը հատուկ ընդգծել է Ադրբեջանի և Հայաստանի հետ հարաբերությունները։

Օգոստոսի 18-ին ՀՀ ԱԱԾ սահմանապահ զորքերում ՀՀ ԱԱԾ տնօրենի տեղակալ Դավիթ Սանամյանի և սահմանապահ զորքերի հրամանատար, գնդապետ Գարիկ Մուրադյանի մասնակցությամբ ամփոփվել են 2026 թվականի առաջին կիսամյակի արդյունքները։ Այս մասին հաղորդագրություն է տարածել Ազգային անվտանգության ծառայությունը։

 Նշվում է, որ զեկույցներով հանդես են եկել Սահմանապահ զորքերի հրամանատարի տեղակալներ՝ գնդապետ Վ.Մինասյանը, գնդապետ Լ.Սադոյանը, գնդապետ Լ.Կնյազյանը և այլ պաշտոնատար անձինք՝ ներկայացնելով կիսամյակի ընթացքում սահմանապահ զորքերի մարտական պատրաստության, պետական սահմանի պահպանության, զորքերի ծառայության կազմակերպման, զինվորական կարգապահության, ինչպես նաև բարոյահոգեբանական ապահովման ուղղություններով իրականացված աշխատանքները։

 «ՀՀ ԱԱԾ տնօրենի տեղակալի և Սահմանապահ զորքերի հրամանատարի կողմից հատուկ ուշադրություն է դարձվել արձանագրված թերություններին և բացթողումներին, տրվել են համապատասխան ցուցումներ՝ արձանագրված խնդիրների լուծման, ծառայության արդյունավետության բարձրացման և կարգապահության ամրապնդման ուղղությամբ։

 Միաժամանակ քննարկվել են անձնակազմի մասնագիտական պատրաստվածության շարունակական զարգացման վերաբերյալ հարցեր»,- գրված է հաղորդագրության մեջ։

Ամփոփման շրջանակում տեղի է ունեցել նաև պարգևատրման արարողություն։ 2026 թվականի առաջին կիսամյակի արդյունքներով լավագույն ճանաչված Սահմանապահ զորքերի ստորաբաժանումներին հանձնվել են փոխանցիկ դրոշներ և հավաստագրեր, ծառայության ընթացքում ցուցաբերած բարձր արդյունքների և դրական ձեռքբերումների համար մի շարք զինծառայողներ պարգևատրվել են պատվոգրերով։

ՀՀ երրորդ նախագահ Սերժ Սարգսյանն այսօր հեռախոսազրույց է ունեցել Գարեգին Երկրորդ Ամենայն Հայոց Երկրորդի հետ և շնորհավորել ու բարեմաղթանքներ հղել նրան ծննդյան հոբելյանի առթիվ։ Այս մասին  հայտնում են Սերժ Սարգսյանի աշխատակազմից։

«Թող Աստված Իր օրհնությամբ զորավիգ լինի Ձերդ Սրբությանը՝ Ձեր բարձր ու նվիրական ծառայության ճանապարհին պարգևելով հոգևոր անսպառ զորություն, քաջառողջություն, իմաստություն և տոկունություն՝ Հայ Առաքելական Սուրբ Եկեղեցու և հայ ժողովրդի համար այս փորձություններով ու դժվարություններով լի ժամանակներում հավատքի մեջ ամրացնելու, հույսով զորացնելու և սիրո մեջ միավորելու մեր ժողովրդին, առաջնորդելու մեր Սուրբ Եկեղեցու հավատավոր զավակներին միաբանության և համերաշխության ճանապարհով:

Ձեր հոգևոր ծառայությունը, հատկապես այս օրերին, առանձնահատուկ դեր և նշանակություն ունի Հայոց Եկեղեցու միասնականության, հայ ժողովրդի հոգևոր ինքնության և դարավոր մշակութային ժառանգության պահպանության ու պաշտպանության գործում»,- ասված է Սերժ  Սարգսյանի շնորհավորական ուղերձում:

Ադրբեջանա-ուզբեկական հարաբերությունները վերջին տարիներին հասել են բարձր մակարդակի և շարունակում են դինամիկ զարգանալ բոլոր ոլորտներում։ Ադրբեջանի նախագահ Իլհամ Ալիևն այս մասին հայտարարել է Ուզբեկստանի ազգային լրատվական գործակալությանըտված հարցազրույցում, հայտնում են ադրբեջանական ԶԼՄ-ները։

«Ուզբեկստանի Հանրապետության նախագահ, իմ սիրելի եղբոր՝ հարգարժան Շավքաթ Միրոմոնովիչ Միրզիյոևի և իմ միջև գոյություն ունեցող անկեղծ բարեկամությունը, փոխադարձ հարգանքը և վստահությունը հատուկ դեր են խաղում ադրբեջանա-ուզբեկական եղբայրության ամրապնդման, միջպետական ​​կապերը ներկայիս մակարդակի բարձրացնելու և մեր դաշինքի զարգացման գործում։ Նախագահ Միրզիյոևի անխոնջ և վճռական աշխատանքը՝ հանուն մեր երկրների միջև եղբայրության, միասնության և դաշինքի, նրան խորը հարգանք և համակրանք է պարգևել Ադրբեջանում», – նշել է Ադրբեջանի նախագահը։

Ալիևի խոսքով՝ երկու երկրների միջև հարաբերությունները հիմնված են ընդհանուր պատմության, մշակույթի, լեզվի և հոգևոր արժեքների, ինչպես նաև իրենց ժողովուրդների միասնության և փոխադարձ համակրանքի վրա։

Իլհամ Ալիևը նշել է, որ երկու երկրների միջև քաղաքական երկխոսությունը գտնվում է շատ բարձր մակարդակի վրա։ Նա նշել է, որ վերջին հինգ տարիների ընթացքում Ադրբեջանի և Ուզբեկստանի ղեկավարները կատարել են 15 փոխադարձ այց։

Նա նաև հիշեցրել է, որ ինքը պետական ​​այցով եղել է Ուզբեկստանում 2024 թվականի օգոստոսին, իսկ Միրզիյոևը՝ Ադրբեջանում 2025 թվականի հուլիսին։ Այս այցելությունների ընթացքում ստորագրվել են կարևոր փաստաթղթեր, այդ թվում՝ ռազմավարական գործընկերության հետագա ամրապնդման մասին հռչակագիրը և պայմանագիրը։

Լեհաստանը պատրաստ է փակել Ռուսաստանի և Բելառուսի հետ բոլոր սահմանային անցակետերը, լրագրողներին ասել է Լեհաստանի փոխվարչապետ և ազգային պաշտպանության նախարար Վլադիսլավ Կոսինյակ-Կամիշը։

«Մենք պատրաստ ենք, անհրաժեշտության դեպքում, փակել արևելյան սահմանի բոլոր սահմանային անցակետերը։ Մենք արդեն ունենք դրա համար անհրաժեշտ սարքավորումները», – ասել է Կոսինյակ-Կամիշը։ Այս մասին գրում են ռուսական լրատվամիջոցները։
Նա հավելել է, որ լեհական անվտանգության ուժերն արդեն ունեն «պահեստներ, ամրաշինություններ» այդ նպատակով։

Լեհ նախարարը պարզաբանել է, որ այդ պաշարները կուտակվում են «Արևելյան վահան» ծրագրի շրջանակներում։
Իր հերթին, ազգային պաշտպանության փոխնախարար Չեզարի Տոմչիկը հայտարարել է, որ Լեհաստանը պատրաստ է փակել Ռուսաստանի և Բելառուսի հետ սահմանային անցակետերը 7-14 օրվա ընթացքում։ Նա հավելել է, որ Լեհաստանը ականներ է գնում այդ նպատակով, ի թիվս այլ բաների։
«Մենք մի քանի հազար ական ենք գնում, որպեսզի դրանք պատրաստ լինեն հնարավոր տեղակայման», – ասել է փոխնախարարը։

Լեհաստանը «Արևելյան վահան» ծրագիրը ստեղծել է 2024 թվականին, որի շրջանակներում չորս տարվա ընթացքում նախատեսվում է հատկացնել 2.5 միլիարդ դոլար։ Լեհական իշխանությունները մտադիր են այս ծրագիրն օգտագործել Ռուսաստանի և Բելառուսի հետ սահմանի արևելյան կողմում ռազմական ենթակառուցվածքներ ստեղծելու համար։

2026 թվականի սեպտեմբերի 1-ի և դրանից հետո ծնված երեխաների համար երեխայի ծննդյան միանվագ նպաստի տրամադրումը սահմանվում է համահարթ եղանակով՝ 500.000 դրամի չափով՝ անկախ ընտանիքում ծնված երեխայի հերթական կարգից։ Այս մասին տեղեկացնում են ԱՍՀՆ-ից։

Սույն մոտեցմամբ էականորեն պարզեցվում է երեխայի ծննդյան միանվագ նպաստի նշանակման գործընթացի վարչարարությունը, ինչպես նաև արագացվում է որոշումների կայացման ժամկետը։

Երեխայի ծննդյան միանվագ նպաստ նշանակելու համար դիմումը անհրաժեշտ է ներկայացնել մինչև երեխայի մեկ տարին լրանալը։

Հիշեցնենք,որ քաղաքացիները կարող են առցանց եղանակով e-social.am կայքի միջոցով ներկայացնել դիմում, լրացնելով երեխայի և ծնողի վերաբերյալ անհրաժեշտ տվյալները կամ դիմել միանվագ սոցիալական ծառայության որևէ տարածքային կենտրոն։

«ՀայաՔվեի» համակարգող Ավետիք Չալաբյանն ազատ արձակվեց։Դատավոր Դավիթ Բալայանը որևէ խափանման միջոց չկիրառեց նրա նկատմամբ։

 Ավետիք Չալաբյանն իրեն առաջադրված մեղադրանքը չի ընդունել` որակելով այն «ծայրից ծայր» սուտ:

Հիշեցնենք, որ նրան մեղադրանք էր առաջադրվել ընտրողների ընտրական իրավունքին խոչընդոտելու նախապատրաստության համար (մի խումբ անձանց կողմից նախնական համաձայնությամբ և իշխանական լիազորությունների օգտագործմամբ)։

Դատավոր Վահե Դոլմազյանը թույլ չի տվել, որ դատական նիստերն անցնեն առանց «Ուժեղ Հայաստանի» առաջնորդ Սամվել Կարապետյանի ներկայության։ Նա Նշել է, որ դատական պրակտիկայում չկա նախադեպ, երբ տնային կալանքի տակ գտնվող մեղադրյալը չմասնակցի նիստերին։ Օրենքը նման հնարավորություն չի նախատեսում։

Բայց դատավորը համաձայնվել է ոստիկանությանը խնդրել փոխել մեքենան։ Գործարարի փաստաբանները խնդրել էին, որ նա նիստերին գա սովորական, այլ ոչ թե ոստիկանական մեքենաներով։

Վարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել են Երևանի խոշոր քաղաքային ծրագրերի ընթացքին վերաբերող հարցեր։ Այս մասին հաղորդագրություն է տարածել ՀՀ վարչապետի աշխատակազմի տեղեկատվության և հասարակայնության հետ կապերի վարչությունը։

Մասնավորապես, անդրադարձ է կատարվել Հին Երևան և Ֆիրդուսի 33–րդ թաղամասի քաղաքաշինական ծրագրերի ուղղությամբ իրականացված աշխատանքներին և առկա իրավիճակին։ Մանրամասներ են ներկայացվել կառուցապատման, օտարման գործընթացների, չիրացված գույքերի հետ կապված խնդիրների վերաբերյալ։

Այս համատեքստում, քննարկվել են ծրագրերն ավարտին հասցնելուն ուղղված հնարավոր քայլերն ու գործողությունները։

Վարչապետն ընդգծել է երկու խոշոր քաղաքաշինական ծրագրերն ավարտին հասցնելու կարևորությունը և պատասխանատուներին հանձնարարել շարունակել աշխատանքները՝ այսօրվա քննարկման արդյունքներով ընդունված որոշումների հիման վրա։