Այսօր` հուլիսի 9-ին, ավտովթար է տեղի ունեցել Երևանում։ Ժամը 08։55-ի սահմաններում Աբովյան և Թումանյան փողոցների խաչմերուկում բախվել են Երևանի բնակիչներ 58-ամյա Սպարտակ Հ.-ի վարած «Mercedes Vito» մակնիշի և 31-ամյա Արա Հ.-ի վարած «Honda Accord» մակնիշի ավտոմեքենաները։
Shamshyan.com-ի տեղեկություններով՝ վթարի հետևանքով վարորդներից Սպարտակ Հ.-ն մարմնական վնասվածքներով տեղափոխվել է Հերացի թիվ 1 համալսարանական հիվանդանոց։
Վթարի փաստով քննչական բաժնում նախաձեռնվել է քրեական վարույթ։
Ծիրանի գերբերքատվություն չունենք, բայց շատ մեծ ուղևորահոսք ունենք, մթերքը սպառվում է, խնդիր չկա: Այս մասին Կառավարության նիստի ընթացքում ասել է վարչապետ Նիկոլ Փաշինյանը:
«Ես ամենօրյա թվերին հետևում եմ, կարող եմ ասել, որ Հայաստան ժամանող ուղևորների շատ մեծ ուղևորահոսքեր կան, այս օրերին ամեն օր համարյա 10,000-ից ավելի ուղևոր մուտ է գործում ՀՀ: Շուկայում էլ գների վիճակը ցույց է տալիս, որ սպառման մեծ պրոբլեմներ գոյություն չունեն, իահրկե 1-2 ապրանքատեսակի, օրինակ՝ վարդի և լոլիկի հետ կապված որոշակի գնանկում կա, բայց մնացած դեպքերում կարծես թե էական գնանկում չունենք»,- նշել է Փաշինյանը:
Էկոնոմիկայի նախարար Գևորգ Պապոյանն էլ անդրադառնալով գնանկմանը՝ շեշտեց, որ ապրանքատեսակներից միայն լոլիկի մասով է գնանկում տեղի ունեցել, իսկ ծաղիկի մասով արտահանումն ավելացել է, միայն երեկ 139,000 հատ արտահանում է եղել, հավելեց, ունեն որոշակի մեխանիզմներ, որոնք հնարավորություն կտան այդ հարցը լուծելու:
«Դեռևս հունիս ամսվա սկզբին Կառավարությունը շուկաների դիվերսիֆիկացման նպատակով ընդունել էր աջակցության ծրագիր, որով ֆինանսական աջակցություն ենք տալիս, եթե արտահանվում են հայկական ծագման ջերմատնային արտադրության ապրանքները, թարմ պտուղ և սննդամթերքի ու խմիչքի առանձին տեսակները։ Կառավարության այս որոշման նպատակն է ծրագրի արդյունքում առաջացած հունիս ամսվա պարտավորությունների կատարումը մեր արտահանողների նկատմամբ, մենք մշտապես ականջալուր ենք շուկայի պահանջներին»,- ընդծել է Պապոյանը:
Հորմուզի նեղուցը կբացվի միայն Թեհրանի պայմանների կատարումից հետո, այլ ոչ թե Վաշինգտոնի սպառնալիքների ներքո։ Այս մասին ԱՄՆ ԶՈւ-ի կողմից Իրանի ուղղությամբ նոր հարվածներից հետո հայտարարել է Իրանի Մեջլիսի խոսնակ Մոհամմադ Բաղեր Ղալիբաֆը, հայտում է ՏԱՍՍ-ը:
«Պետք չէ անիմաստ նետվել, այլապես դու ավելի խորը կանցնես ջրի տակ. Հորմուզի նեղուցը կբացվի միայն Իրանի հետ պայմանավորվածությունների կատարման դեպքում, այլ ոչ թե ամերիկյան սպառնալիքների ներքո»,- գրել է Ղալիբաֆը։
Նա ընդգծել է, որ ԱՄՆ-ի կողմից վախեցնելն ու խոստումների խախտումն այլևս անհետևանք չեն մնում։
«Ուղղակի ասեմ՝ եթե դու հարվածես, ապա քեզ կպատասխանեն հարվածով», – հավելել է Ղալիբաֆը։
Ավելի վաղ ԱՄՆ ԶՈՒ կենտրոնական հրամանատարությունը հայտնել էր Իրանի օբյեկտներին նոր հարվածներ հասցնելու մասին, որոնք կոչված են թուլացնելու Իրանի հնարավորությունները Հորմուզի նեղուցը վերահսկելու հարցում։ Հաղորդվել էր պայթյունների մասին իրանական Ակկալա, Բենդեր-Աբաս, Ջասկ, Սպահան, Սիրիկ և Չաբահար նավահանգստային քաղաքներում, ինչպես նաև Աբու Մուսա կղզում և Բուշեհր նահանգի որոշ շրջաններում։
Իրենք մեծ հաջողությամբ «Հրազդան ցեմենտը» ոչնչացրեցին, հիմա էլ կոչնչացնեն «Արարատցեմենտը»։ Այս մասին լրագրողների հետ զրույցում ասել է «ՈՒժեղ Հայաստան» կուսակցության առաջնորդ Սամվել Կարապետյանն՝ անդրադառնալով Նիկոլ Փաշինյանի պնդմանը, թե «Արարատցեմենտը լինելու է պետական, իսկ բոլոր այն աշխատակիցները, որ որևէ գործողություն կամ ակցիաներ կնախաձեռնեն՝ ազատվելու են աշխատանքից։
««Արարատցեմենտը» ոչնչացնելուց հետո այլ ընկերություններ կոչնչացնեն, իրենք թշնամություն են անում Հայաստանի տնտեսության դեմ։ «Հրազդան ցեմենտն» էլ պետականացրին, ինչի չեն աշխատացնում, 400-500 մարդ մնացել են առանց աշխատանքի, ո՞վ էր խանգարում իրենց, աշխատացնեն «Հրազդան ցեմենտը»։
Նրանք նաև ոչնչացնում են Հայաստանի գյուղատնտեսությունը։ Այս մարդին 150 տ լոլիկ են արտահանել, այն դեպքում, երբ ամիսը 1000 տոննաներ էին արտահանում։ Այսինքն, սրանք իրենց ստերով փորձում են արտարացնել իրենց ձախողումները։
Ստացվում է՝ այլընտրանքային շուկաների համար իրենք ծախսում են ամբողջ Հայաստանի բյուջեն, այս տեմպերով իրենք դա անելու են։
Մարդիկ 200 դրամ ստանալու համար բարձում են մեքենաները, տանում են Վրաստան, միգուցե անգամ թափում են, հետո գալիս են այստեղ որ պետությունից այդ 200 դրամը ստանան, տանեն իրենց վարկերի հարցը լուծեն, բայց դա բերելու է այդ ձեռնարկությունների փակվելուն։ Ուսումնասիրեք, թե ինչքան ձեռնարկություններ արդեն փակվում է»։
Հրազդանի միկրոշրջանում մի փոքրիկ անկյուն կա, որտեղ առաջին հայացքից արդեն աչքի է ընկնում յուրօրինակ միջավայրն ու ֆրանսիական նրբերանգներով տրամադրությունը։
«Ազնավուր» սրճարան-ռեստորանը, որը գործում է 2025 թվականից, առանձնանում է ոչ միայն իր յուրահատուկ միջավայրով, այլ նաև համարձակ գաղափարով՝ Հրազդանում ստեղծել ֆրանսիական շունչ ունեցող հանգստի վայր։
Այստեղ այցելուներին դիմավորում է Էյֆելյան աշտարակի մանրակերտը։ Ինտերիերն ու միջավայրը կառուցված են ֆրանսիական մոտիվներով, իսկ խոհանոցը համադրում է ֆրանսիական նրբաճաշակությունն ու տեղական համերը՝ ստեղծելով յուրահատուկ փորձառություն։
«Ազնավուր»-ը տարբերվում է շրջակայքում գտնվող սրճարաններից ոչ միայն իր դիզայնով. այստեղ մարդիկ գալիս են ոչ թե պարզապես սնվելու, այլև գեղեցիկ միջավայրում հաճելի երաժշտություն վայելելու համար։ Սրճարան-ռեստորանը զարգանալու և ընդլայնվելու ծրագրեր ունի։
Այս ճանապարհին, ինչպես և ստեղծման փուլում, կարևոր դեր է ունենալու Կոնվերս Բանկի հետ համագործակցությունը: Ի վերջո, ցանկացած ճանապարհ անհամեմատ հաճելի է անցնել վստահելի գործընկերոջ հետ:
Ֆինանսավորումն իրականացվել է Converse SME պրոդուկտի շրջանակում:
Տեսանյութն՝ այստեղ
Conversebank.am, 010 511 211
Կոնվերս Բանկը վերահսկվում է ՀՀ կենտրոնական բանկի կողմից:
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հուլիսի 9-ին` տեղական ժամանակով ժամը 11:42-ին (Գրինվիչի ժամանակով` ժամը 07։42-ին), ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40․46⁰ և արևելյան երկայնության 44․24⁰ աշխարհագրական կոորդինատներով Հայաստան՝ Ապարան քաղաքից 18 կմ հարավ-արևմուտք, օջախի 10 կմ խորությամբ 2․1 մագնիտուդով երկրաշարժ։ Այս մասին տեղեկացնում են ՆԳՆ Փրկարար ծառայությունից:
Էպիկենտրոնային գոտում ստորգետնյա ցնցման ուժգնությունը կազմել է 2-3 բալ:
Երկրաշարժը զգացվել է Արագածոտնի մարզի Աշտարակ քաղաքում, Ագարակ, Բյուրական, Կարբի, Ափնագյուղ և Արագած գյուղերում՝ 2 բալ ուժգնությամբ:
Հետևեք մեզ՝ այստեղ
Քրեական գործերի տարափ, արանքում՝ արդարացման և կարճման որոշումներ, կեղծ մեղադրանքներ, զրպա
«Փաստ» օրաթերթը գրում է.
Օրերս նշվեց ԱՄՆ-ի ստեղծման 250-ամյակը. այն ոչ միայն ամերիկյան պետականության պատմության կարևորագույն հանգրվաններից մեկն է, այլև համաշխարհային քաղաքականության, ժողովրդավարական արժեքների և միջազգային հարաբերությունների զարգացման տեսանկյունից խորհրդանշական իրադարձություն։ Այսօր, երբ աշխարհը կանգնած է նոր աշխարհաքաղաքական վերափոխումների, տեխնոլոգիական հեղափոխության, անվտանգային սպառնալիքների և տնտեսական մրցակցության պայմաններում, ԱՄՆ-ի ստեղծման 250-ամյակը նաև առիթ է գնահատելու այն ուղին, որով անցել է ամերիկյան պետությունը, և վերաիմաստավորելու նրա դերը ժամանակակից միջազգային համակարգում։
Միացյալ Նահանգների հաջողության հիմքում ընկած են ուժեղ պետական ինստիտուտները, օրենքի գերակայությունը, մասնավոր նախաձեռնության խրախուսումը, գիտության և նորարարության նկատմամբ հետևողական ուշադրությունը, ինչպես նաև համաշխարհային գործընթացներին ակտիվ մասնակցությունը։ Ամերիկյան տնտեսությունն իր ծավալով շարունակում է մնալ աշխարհում ամենախոշորը, իսկ տեխնոլոգիական ոլորտում ԱՄՆ-ը շարունակում է առաջնորդել արհեստական բանականության, կենսատեխնոլոգիաների, տիեզերական հետազոտությունների, թվային տնտեսության և բարձր տեխնոլոգիաների զարգացման հիմնական ուղղությունները։ Միաժամանակ ԱՄՆ-ը շարունակում է առանցքային դեր ունենալ միջազգային անվտանգության համակարգում, համաշխարհային ֆինանսական ճարտարապետության ձևավորման, ինչպես նաև բազմաթիվ միջազգային նախաձեռնությունների իրականացման գործում։ Թեև վերջին տարիներին աշխարհաքաղաքական մրցակցությունը զգալիորեն սրվել է, իսկ միջազգային հարաբերություններն ավելի բազմաբևեռ բնույթ են ստացել, Միացյալ Նահանգների կողմից քաղաքական, տնտեսական և ռազմավարական որոշումները զգալի ազդեցություն են ունենում աշխարհի տարբեր տարածաշրջանների վրա։
Հայաստանի համար ԱՄՆ-ի ստեղծման 250-ամյակը միայն բարեկամ երկրի պատմական հոբելյանը չէ։ Այն նաև առիթ է գնահատելու հայ-ամերիկյան հարաբերությունների անցած ճանապարհը և դրանց հետագա զարգացման հնարավորությունները։ Հայաստանի անկախությունից հետո երկու երկրների հարաբերությունները հետևողականորեն զարգացել են քաղաքական երկխոսության, տնտեսական համագործակցության, ժողովրդավարական բարեփոխումների, կրթության, տեղեկատվական տեխնոլոգիաների, էներգետիկայի և անվտանգության ոլորտներում։ Միացյալ Նահանգները տարիներ շարունակ եղել է Հայաստանի կարևոր գործընկերներից մեկը՝ աջակցելով պետական կառավարման բարեփոխումներին, քաղաքացիական հասարակության զարգացմանը, տեղական ինքնակառավարման ամրապնդմանը, կրթական ծրագրերին և տնտեսական նախաձեռնություններին։ Միաժամանակ, ամերիկյան ներդրումները, տեխնոլոգիական համագործակցությունը և գիտակրթական կապերը կարևոր դեր են ունեցել Հայաստանի զարգացման տարբեր փուլերում։
Հայ-ամերիկյան հարաբերությունների առանձնահատկություններից մեկը նաև ԱՄՆում ձևավորված կազմակերպված և ազդեցիկ հայկական համայնքն է։ Ամերիկահայությունը ոչ միայն պահպանել է ազգային ինքնությունը, այլև դարձել է ԱՄՆ-ի քաղաքական, տնտեսական, գիտական, մշակութային և հասարակական կյանքի ակտիվ մասնակից։ Հայկական կազմակերպությունները, համայնքային կառույցներն ու լոբբիստական խմբերը երկար տարիներ նպաստել են հայամերիկյան հարաբերությունների խորացմանը, Հայաստանի շահերի պաշտպանությանը և Հայոց ցեղասպանության միջազգային ճանաչման գործընթացին։ Իսկ այս ճանապարհին ԱՄՆ-ի կողմից Հայոց ցեղասպանության ճանաչումը կարևոր քաղաքական և բարոյական իրադարձություն էր, որը ոչ միայն վերահաստատեց պատմական արդարության կարևորությունը, այլև նոր բովանդակություն հաղորդեց երկու ժողովուրդների միջև ձևավորված փոխադարձ վստահությանը։
Այսօր հայ-ամերիկյան հարաբերությունների նշանակությունն առավել մեծ է դարձել նաև տարածաշրջանային զարգացումների համատեքստում։ Հարավային Կովկասը շարունակում է մնալ տարբեր աշխարհաքաղաքական կենտրոնների շահերի բախման կարևոր հարթակ, որտեղ անվտանգության, հաղորդակցությունների, էներգետիկ նախագծերի և տնտեսական համագործակցության հարցերը փոխկապակցված են։ Այդ պայմաններում Հայաստանի համար չափազանց կարևոր է ունենալ բազմավեկտոր և հավասարակշռված արտաքին քաղաքականություն, որի շրջանակներում Միացյալ Նահանգների հետ համագործակցությունը կարող է նպաստել երկրի տնտեսական դիմակայունության, տեխնոլոգիական զարգացման, ներդրումային միջավայրի բարելավման և միջազգային կապերի ընդլայնմանը։
Համագործակցությունը մեծ պոտենցիալ ունի հատկապես գիտության, նորարարության, կրթության, թվայնացման, առողջապահության և մարդկային կապիտալի զարգացման տեսանկյունից։ Առանձնահատուկ ուշադրության է արժանի նաև տնտեսական համագործակցության հեռանկարը։ Հայաստանն, ունենալով բարձր որակավորում ունեցող մասնագետներ, արագ զարգացող տեղեկատվական տեխնոլոգիաների ոլորտ և նորարարական միջավայր, կարող է ամրապնդել համագործակցությունը ամերիկյան բիզնեսի և ներդրումային շրջանակների հետ։ Իսկ, ահա, բարձր տեխնոլոգիաների, կիսահաղորդիչների, արհեստական բանականության, կիբեռանվտանգության և ստարտափների ոլորտներում համագործակցությունը կարող է դառնալ հայ-ամերիկյան հարաբերությունների հաջորդ կարևոր ուղղություններից մեկը։ Նման համագործակցությունը կնպաստի ոչ միայն տնտեսական աճին, այլև Հայաստանի միջազգային մրցունակության բարձրացմանը։
Միևնույն ժամանակ, հայ-ամերիկյան հարաբերությունների հետագա զարգացումը պահանջում է ռազմավարական մտածողություն, իրատեսական քաղաքականություն և փոխշահավետ օրակարգի ձևավորում։ Միջազգային հարաբերություններում հաջողություն են ունենում այն պետությունները, որոնք կարողանում են իրենց գործընկերների հետ կառուցել ոչ թե իրավիճակային, այլ երկարաժամկետ և ինստիտուցիոնալ համագործակցություն։ Այս տեսանկյունից երկկողմ հարաբերությունների համատեքստում առանցքային է հաշվի առնել, որ Հայաստանի Հանրապետությունն ու Ամերիկայի Միացյալ Նահանգներն ունեն խորքային արժեքաբանական ընդհանրություններ։
Այս իրողությունն էլ ավելի հետաքրքիր է դառնում պատմական հակադրության ֆոնին. հայ ժողովուրդն իր պատմական ու պետական ուղին կերտել է հազարամյակներ առաջ՝ կանգնած լինելով համաշխարհային քաղաքակրթության ակունքներում, մինչդեռ ԱՄՆ-ը, պատմական չափանիշներով, բավական երիտասարդ պետություն է։ Այդուհանդերձ, պատմական տարիքի այս զգալի տարբերությունը չի ստվերում երկու երկրների հոգևոր և մշակութային արժեքների ընդհանրությունը։ Ամերիկյան պետականության հիմքում ի սկզբանե դրվել է քրիստոնեական արժեհամակարգը, որն արտացոլված է նրանց հիմնադիր հայրերի փիլիսոփայության, Սահմանադրության հիմնարար սկզբունքների և նույնիսկ առօրյա պետական խորհրդանիշների մեջ։ Իսկ Հայաստանն աշխարհում առաջին երկիրն է, որը դեռևս 4-րդ դարի սկզբին քրիստոնեությունը հռչակեց որպես պետական կրոն՝ այն դարձնելով իր ինքնության, գոյապահպանման և մշակույթի անկյունաքարը։
Արժեհամակարգային այս ընդհանուր տարրը՝ հիմնված մարդասիրության, ազատության, արդարության և բարոյական բարձր սկզբունքների վրա, պարզապես պատմական փաստ չէ։ Այն կարող է և պետք է ծառայի որպես ամուր ռազմավարական հենք՝ ժամանակակից աշխարհաքաղաքական բարդ զարգացումների պայմաններում հայ-ամերիկյան դիվանագիտական, տնտեսական և մշակութային հարաբերությունների հետագա խորացման, ընդլայնման ու որակական նոր մակարդակի բարձրացման համար։
Մանրամասները՝ «Փաստ» օրաթերթի այսօրվա համարում
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հանրապետության տարածքում հուլիսի 8-ին շրջանների զգալի մասում, 9-ի գիշերն առանձին շրջաններում, 9-ի ցերեկը և 10-12-ի կեսօրից հետո առավելապես հյուսիսային շրջաններում սպասվում է կարճատև անձրև և ամպրոպ, առանձին վայրերում սպասվում է նաև կարկուտ։ Հուլիսի 8-ին առանձին հատվածներում անձրևները կլինեն հորդառատ։
Քամին արևմտյան է՝ 2-5 մ/վ, ամպրոպի ժամանակ սպասվում է նաև քամու ուժգնացում 18-23 մ/վ արագությամբ։ Օդի ջերմաստիճանը հուլիս 8-ի ցերեկը կնվազի 2-4, 9-ի և 10-ի հատկապես ցերեկային ժամերին աստիճանաբար կբարձրանա 5-7 աստիճանով։
Երևանում հուլիսի 8-ին, 9-ի գիշերն սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 17-20 մ/վ արագությամբ։ Հուլիսի 9-ի ցերեկը, 10-12-ն սպասվում է առանց տեղումների եղանակ։
Հետևեք մեզ՝ այստեղ