Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ներկայացնում ենք տարադրամի փոխարժեքները՝ ըստ rate.am-ի:
ԱՄՆ դոլարի առքի առավելագույն արժեքն է 365.50 դրամ, վաճառքի նվազագույն արժեքը՝ 367.5 դրամ:
Եվրոյի առքի առավելագույն արժեքն է 417 դրամ, վաճառքի նվազագույն արժեքը՝ 420 դրամ:
Ռուսական ռուբլու առքի առավելագույն արժեքն է 4.3 դրամ, վաճառքի նվազագույն արժեքը՝ 4.75 դրամ:
Հետևեք մեզ՝ այստեղ
Մեր վրդովմունքն ու անհանգստությունն ենք հայտնում Գագիկ Ծառուկյանի դեմ մեկնարկած աննախադեպ և անարդար ճնշումների վերաբերյալ։
Ամբողջ կյանքում Հայաստանի համար բարիք ստեղծած, տասնյակ հազարավոր աշխատատեղեր ապահոված մարդուն, հարյուրավոր գործարար նախագծերի, անհաշվելի բարեգործական նախաձեռնությունների հեղինակ, հազարավոր մարզական հաղթանակների կերտման ակունքում գտնվող մարդուն նման ցուցադրական և անարդար հետապնդման ենթարկելը խոսում է մեր երկրում իրավական և բարոյական լուրջ ճգնաժամի մասին։ Գործող տասնյակ խոշոր ձեռնարկությունների աշխատանքի ընդհատումը, արտադրական ցիկլի կոպիտ դադարեցումը վնասում են այդ ձեռնարկությունների առողջ կենսագործունեությանը, գործազուրկ են թողնում հազարավոր աշխատակիցների և լրջորեն վնասում են մեր երկրի գործարար և ներդրումային վարկին։
Գագիկ Ծառուկյանն ամբողջ կյանքում կառուցել է Հայաստանում, բարիք ստեղծել մեր երկրի համար, տասնամյակներ շարունակ աջակցել է սպորտին, մշակույթին, կրթությանը, եկեղեցուն, աշխարհի բոլոր ծայրերում հայապահպանությանը։ Նրա դեմ սանձազերծված տգեղ, հակամարդկային արշավը պատիվ չի բերում դրա մասնակիցներից որևէ մեկին։
Մեր սատարումն ենք հայտնում Գագիկ Ծառուկյանին, պահանջում ենք անհապաղ դադարեցնել այս աննախադեպ բռնաճնշումները։ Սա մարդու իրավունքների, ազատությունների ծանր ոտնահարում է, հերթական հարվածն է մեր արդարադատության համակարգին, և մեզ կտրուկ հեռացնում է հանրային երկխոսության, համերաշխության մթնոլորտի հաստատումից, որի անհրաժեշտության մասին մշտապես խոսել է Գագիկ Ծառուկյանը։
Մարտին Վարդազարյան – ՀՀ ժողովրդական արտիստ, կոմպոզիտոր
Հրանտ Թոխատյան – Հայաստանի ժողովրդական արտիստ
Գուրգեն Մելիքյան – ԵՊՀ արեւելագիտության ֆակուլտետի նախկին դեկան, պրոֆեսոր
Նորա Արմանի – Դերասանուհի, ռեժիսոր, ԱՄՆ
Հակոբ Ղազանչյան – ՀՀ արվեստի վաստակավոր գործիչ, հայ բեմադրիչ
Մերուժան Տեր-Գուլանյան – Գրող, հրապարակախոս
Հովհաննես Իշխանյան – Ռեժիսոր
Աննա Մայիլյան – ՀՀ վաստակավոր երգչուհի
Արամ Գևորգյան – Երգիչ, ՀՀ վաստակավոր արտիստ
Էմմա Պետրոսյան – Երգչուհի, ՀՀ վաստակավոր արտիստ
Ռուբեն Մելքոնյան – Պատմական գիտությունների դոկտոր, պրոֆեսոր
Աբրահամ Գասպարյան – ՔԳԹ․դոց․, «Ջենեսիս Արմենիա» ուղեղային կենտրոն-հիմնադրամի տնօրեն
Արտակ Բեգլարյան – Արցախի նախկին ՄԻՊ
Նժդեհ Իսկանդարյան – Արցախի Հանրապետության Պետական նախարար
Շուշան Պետրոսյան – Երգչուհի, ՀՀ վաստակավոր արտիստ
Նազենի Հովհաննիսյան – Դերասանուհի, հաղորդավարուհի
Ավետ Բարսեղյան, բանաստեղծ – ՀՀ վաստակավոր արտիստ
Լևոն Հարությունյան -Դերասան
Դավիթ Սահակյանց – Ռեժիսոր-մուլտիպլիկատոր
Մհեր Մկրտչյան – Ռեժիսոր
Դավիթ Ամալյան – Երգիչ, երգահան
Արմեն Սամվելյան – Քանդակագործ
Դիվանագետների համահայկական խորհուրդ
Համահայկական Հասարակական Դաշինք
«Հայաստան-Արցախ» ՀԵՄ
«Կամուրջ» քաղաքացիական նախաձեռնություն
«Այլընտրանքային նախագծեր» խումբ
Եվրոպայի հայկական միությունների ֆորում
Ֆիլմարտադրողների Համահայկական Ֆեդերացիա
Վահագն Մելիքյան – Արտակարգ և լիազոր դեսպան
Մարիամ Չախոյան – Թուխմանուկ ՀԿ նախագահ, իրավաբան
Վիկտոր Մնացականյան – Հայկական գորգի ազգային կենտրոնի նախագահ,
Ատոմ Մխիթարյան – ՀՀ ԳԱԱ մագիստրատուրայի դեկան
Կարո Վարդանյան – գրականագետ, արվեստի վաստակավոր գործիչ
Սամվել Հարոյան – Մշակույթի գործիչ
Արսեն Գրիգորյան – Երգիչ, ՀՀ վաստակավոր արտիստ
Ալլա Լևոնյան – Երգչուհի, Հայաստանի վաստակավոր արտիստ
Արթուր Բախտամյան – ՀՀ վաստակավոր լրագրող
Իսրայել Հակոբկոխյան- Սպորտի վաստակավոր վարպետ, բռնցքամարիկ
Արմինե Հովհաննիսյան – Երեխաների իրավունքների պաշտպանությամբ զբաղվող ՀԿ հիմնադիր
Սարգիս Բաղդասարյան – Մշակույթի վաստակավոր գործիչ
Արման Նուռ – Զարդագործ, ոսկերիչ
Գայանե Ներսիսյան ՀՀ վաստակավոր արտիստ,
Արթուր Մեսրոպյան – Ֆուտբոլիստ
Ռուբեն Մխիթարյան – Պրոդյուսեր
Սոֆի Մխեյան -Երգչուհի
Անաիս Սարդարյան – Դերասանուհի
Վահե Բեգոյան – Խմբավար
Արթուր Սահակյան – Ռեժիսոր
Ժիրայր Դադասյան – Ռեժիսոր
Անի Ղազարյան – Դերասանուհի
Հուսիկ Արա – Բանաստեղծ
Լիլիթ Բլեյան – Երգահան
Արթուր Խաչենց – Երգիչ
Հովհաննես Գալստյան – Ռեժիսոր
Տիգրան Ավետիսյան – Երաժիշտ
Արթուր Հովհաննիսյան -Պրոդյուսեր
Լիլիթ Մելքոնյան – Հեռուստալրագրող
Սրբուհի Ստամբոլցյան – Երգչուհի, երգահան
Կարապետ Մինասյան – Հայաստանի արդարադատության նախարարի նախկին խորհրդական, ԽՍՀՄ սպորտի վարպետ,
Մարինե Զաքարյան – Կինոռեժիսոր, կինոսցենարիստ
Սաթիկ Ստեփանյան – Կինոճարտարագետ, պրոդյուսեր
Արմեն Գրեյգ – Կինոդերասան, պրոդյուսեր, ԱՄԷ
Լիանա Անթառանյան – Դրամատուրգ
Էդուարդ Աբրահամյան – Կինոռեժիսոր, կինոսցենարիստ
Մերի Ադամյան – Կինոգետ, հեռուստառեժիսոր
Ներսիկ Իսպիրյան – Երգիչ, երգահան
Գայա Արզումանյան – Երգիչուհի
Ջավահիր Եղիկյան – «Ես կամ» հաղորդաշարի հեղինակ
Վիկ Դարչինյան –հայ պրոֆեսիոնալ բռնցքամարտիկ,
WBA, WBC և IBF վարկածներով աշխարհի չեմպիոն
Իրինա Ծատուրյան – Հոգեբան
Տիգրան Նալչաջյան – Դերասան
Նարինե Մանուկյան – «Հայ Մայրեր» բարեգործական հիմնադրամի հիմնադիր նախագահ
Արզիկ Մխիթարյան – Հոգեբան, պրոֆեսոր,
Լավրենտ Լալայան – Արցախի ժողովրդական նկարիչ, քանդակագործ, պրոֆեսոր
Հարություն Հակոբկոխյան – Բռնցքամարտի աշխարհի չեմպիոն
Սոնյա Դիլանյան – Դիզայներ, ոճաբան
Սյուզաննա Մկրտչյան – «Փրայմ Հոլդինգ» ընկերության տնօրեն
Գայանե Մարգարյան – «Չայկոֆֆ» ընկերության հիմնադիր-տնօրեն
Լիլիթ Ծատուրյան – Քվանթային հոգեբան
Դիաննա Գրիգորյան – Հաղորդավար
Ինա Կարապետյան – Դերասանուհի, երգչուհի,
Մանանա Գեւորգյան -Դերասանուհի
Մարինե Գաբրիելյան – Դերասանուհի
Արծրուն Հարությունյան – Դերասան
Ռուբեն Հովհաննիսյան – Մասսայական միջոցառումների ռեժիսոր
Անուշիկ Առաքելյան – Դերասանուհի
Ռանուշ Ավոյան–Բլոգեր
Բելլա Բաբախանյան–Բլոգեր
Նարե Գևորգյան–Երգչուհի
Սարգիս Ավետիսյան–Եգիչ
Արսեն Սաֆարյան–Երգիչ
Սարգիս Եղիազարյան–Երգիչ
Արման Հովհաննիսյան – Երգիչ, ՀՀ վաստակավոր արտիստ
Իննա Մխիթարյան – Ռեժիսոր
Աշոտ Աղաբաբյան – Գրող, հրապարակախոս
Կարո Շահբազյան–Մշակույթի գործիչ
Մուրադ Մշեցի– Երգիչ, երգահան
Սամվել Գալստյան – Երգիչ, երգահան, պրոֆեսոր
Հովիկ Վարդումյան – Գրող, ՀԳՄ նախագահության անդամ
Արտյոմ Խուգոյան – Եռամարտի աշխարհի բացարձակ և բազմակի չեմպիոն
Թիմով եղանք Արարատի մարզի գյուղերում, մեր գլխավոր խնդրին` իշխանափոխության օրակարգին զուգահեռ տեղերում փորձելու ենք օգտակար լինել մեզ իրենց քվեն վստահած հայրենակիցներին։ Այս ձևաչափով լինելու ենք Հայաստանի բոլոր մարզերում, մեր հնարավորությունների ու ներուժի չափով նպաստելու ենք տեղային խնդիրների լուծմանը, կոտրելու ենք այն կարծրատիպը, թե քաղաքական ուժերը քարոզարշավից քարոզարշավ են հիշում մարդկանց։
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ՀՀ ԿԳՄՍ նախարարության «Պահպանության ծառայություն» ՊՈԱԿ-ը «Գառնի» պատմամշակութային արգելոց-թանգարանի այցելուներին տեղեկացնում է, որ հուլիսի 11-ին՝ մինչև ժամը 13:00-ն, «Գառնի» պատմամշակութային արգելոց-թանգարան կարող են այցելել մշտական մուտքի տոմսերով, իսկ ժամը 13:00-ից սկսած` մուտքը արգելոց-թանգարան կգործի Triangulum Community-ի կազմակերպած էլեկտրոնային երաժշտության փառատոնի հատուկ տոմսերով։
Հետևեք մեզ՝ այստեղ
Ուժ, կամք և թիմային ոգի․ Զանգեզուրի պղնձամոլիբդենային կոմբինատն արդեն 4-րդ անգամ ռազմամարզական «Դավիթբեկյան խաղեր»-ի կողքին է և հանդիսանում է մշտական հովանավորը։ 4 տարիների ընթացքում ընկերությունը 22 մլն դրամ է հատկացրել կարևոր այս միջոցառման կայացման համար։
Սպորտային և ռազմամարզական միջոցառումների աջակցությունը ԶՊՄԿ-ի համար ռազմավարական կարևորություն ունի։ Դրանք ոչ միայն կոփում են առողջ մարմին, այլև մասնակիցների մոտ ձևավորում են թիմային պայքարի և միասնական լինելու չափազանց կարևոր հատկություններ։
Այս տարի մրցույթ-փառատոնը համախմբել է 14-17 տարեկան պատանիների՝ գրեթե ողջ Հայաստանից։ Մասնակիցների մոտ 30 տոկոսը սյունեցիներ են, «Դավիթբեկյան խաղեր»-ին են եկել մասնակցելու նաև Երևանից, Տավուշից, Շիրակից, Լոռիից, Արմավիրից, Գեղարքունիքից և այս տարի առաջին անգամ նաև ՌԴ-ից։ Փառատոն մրցույթին առաջին տարում մասնակցել էր 80 պատանի, հետո թիվը տարեցտարի աճել է և 2026-ին հասել 240 մասնակցի։
Ուրախալի է տեսնել, թե ինչպես է նախաձեռնությունն աճում և դառնում ավելի պահանջված։
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ՀՀ աշխատանքի և սոցիալական հարցերի նախարարությունից տեղեկացնում են, որ այսօրվանից ուժի մեջ է մտնում «ծնողական ժամ» կարգավորումը։
«Աշխատող ծնողները (այդ թվում՝ խնամատար ծնողը, որդեգրողը և խնամակալը) կարող են աշխատանքային օրվա ընթացքում ժամանակավորապես բացակայել՝ երեխայի խնամքի, դաստիարակության, կրթական գործընթացներին մասնակցելու կամ երեխայի շահերից բխող այլ կարևոր հարցերով զբաղվելու համար։
Ինչպե՞ս է գործելու նոր կարգավորումը
Ծնողական ժամը տրամադրվում է հետևյալ ծավալով․
• մինչև 12 տարեկան 1 կամ 2 երեխա ունեցող ծնողին՝ օրական մինչև 30 րոպե,
• մինչև 12 տարեկան 3 և ավելի երեխա ունեցող ծնողին՝ օրական մինչև 1 ժամ,
• մինչև 18 տարեկան ֆունկցիոնալության ծանր կամ խոր սահմանափակում ունեցող երեխայի ծնողին՝ օրական մինչև 1 ժամ՝ անկախ երեխաների թվից։
Ինչպե՞ս օգտվել
Ծնողական ժամը տրամադրվում է աշխատողի գրավոր դիմումի հիման վրա, և գործատուն չի կարող մերժել այն։
Կարևոր է իմանալ
Ծնողական ժամի կիրառման ընթացքում պահպանվում է աշխատողի հիմնական աշխատավարձը, իսկ գործավարձով վարձատրվողների դեպքում՝ միջին աշխատավարձը (բացառությամբ պարգևատրման գումարների)»,- ասվում է հաղորդագրությունում։
Հետևեք մեզ՝ այստեղ
«ՀայաՔվեի» աջակցությամբ նկարահանված և բազմակի տեղահանված անձանց մասին պատմող «Ծիծեռնակի հավատի կենացը» ֆիլմը հուլիսի 18-ին կցուցադրվի «Ոսկե ծիրան» կինոփառատոնի շրջանակում` Կինոյի տան մեծ դահլիճում:
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված ս.թ հուլիսի 10-ին ժամը 09:10-20:00-ն կդադարեցվի ք.Հրազդան Հայ Ֆիդայինների, Վանատուր Թ., Վանատուր Թ. 1 փ. 5 Նրբ., Վանատուր Թ. Զ.Անդրանիկի Պող., Վանատուր Թ. Հայ Ֆիդայիների, Վանատուր Թ. Պուրակային 10 Նրբ., Վանատուր Թ. Պուրակային 14 Նրբ., Վանատուր Թ. Պուրակային 2 Նրբ., Վանատուր Թ. Պուրակային 3 Նրբ., Վանատուր Թ. Պուրակային 5 Նրբ., Վանատուր Թ. Պուրակային 6 Նրբ., Վանատուր Թ. Պուրակային 7 Նրբ., Վանատուր Թ. Պուրակային 9 Նրբ., Վանատուր Ն/թ Զառիթափի 4 Նրբ., Վանատուր Նոր Թաղամասի ջրամատակարարում
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված ս.թ հուլիսի 10-ին ժամը 09:30-16:00-ն կդադարեցվի Ծերենցի, Ծերենցի 1-4 Նրբանցքների ջրամատակարարումը:
Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:
Հետևեք մեզ՝ այստեղ
«Փաստ» օրաթերթը գրում է.
Կարծում ենք՝ շատերը կհամաձայնեն, որ ԲՀԿ առաջնորդ Գագիկ Ծառուկյանի անձնական տարածքում նրա կենդանիները շատ ավելի լավ պայմաններում էին պահվում, խնամվում, քան Երևանի կենդանաբանական այգու բոլոր գազաններն ու թռչունները միասին վերցրած: Չէ, մենք Գագիկ Ծառուկյանի սպիտակ առյուծներից մեկին իշխանությունների կողմից քնեցնելով սատկացնելու խայտառակ իրողության վրա շատ չենք կենտրոնանա: Առանց այն էլ բոլոր հարթակներում կամ պարզապես բակերում ու խոսքուզրույցի ժամանակ մարդիկ իրենց բացասական վերաբերմունքն արտահայտում են: Փաստն ակնհայտ է. նույնիսկ եթե «հալած յուղի» տեղ ընդունենք ՔԿ տարածած հաղորդագրությունը՝ «ապօրինի որսի» ու զուգահեռ այլ հանգամանքներով (չնայած, դա անհնար է «հալած յուղի» տեղ ընդունել՝ առանց բանականությունից ու ողջամտությունից հրաժարվելու), միևնույնն է, հազվագյուտ կենդանու անկման համար մեղավորությունն իշխանությունների վրա է:
Շատերը ենթադրում են, որ առյուծներից մեկին նպատակային են սատկացրել, որպեսզի հավել յալ ցավ պատճառեն քաղբանտարկյալ Գագիկ Ծառուկյանին, որ այդ առյուծի ձագերին անձամբ է խնամել, մեծացրել: Իրավապաշտպան Ռուբեն Մելիքյանն էլ էր նկատել, որ կենդանի պահող, խնամող մարդու համար նման կորուստը ցավ է, հոգեբանորեն ճնշող հանգամանք: Ի դեպ, երեկ փաստաբան Էմին Խաչատրյանն էլ նշեց, որ Գագիկ Ծառուկյանը առյուծի անկման մասին տեղեկությունը շատ ծանր է տարել և վրդովված էր: Այո, բայց կարող եք չկասկածել, որ այդ ամենից մեկ այլ անձնավորության «հոգին փառավորվել է»:
Ու որքան էլ անընկալելի լինի «իրեղեն ապացույց» շնչավոր կենդանիների առգրավումը և իրենց պահման սովորական վայրից քնեցնելով տեղափոխելը, Նիկոլ Փաշինյանի իշխանությունը պատրաստ է և գնում է ավելի ու ավելի «հեռուները»: Թվում էր, թե՝ էլ ո՞ւր: Բայց պարզվեց, որ ընկնելու տեղ դեռ ունեն:
Խոսքը Գագիկ Ծառուկյանին ձերբակալելու կադրերի մասին է, որ նույն իշխանությունները մոնտաժել ու տարածել են: «Բոլիվուդը» (հնդկական կինոարտադրության կենտրոնը) ցնցված ու զարմացած է. առավոտ կանուխ տասնյակ դիմակավորներ զենք-զրահով վազելով գրոհում են Ծառուկյանի առանձնատունը: Մարդն իր տան դռանն է մոտենում, մի 10-15 հոգով թափվում են վրան, տապալում հատակին… Չէ, բայց իսկապես, էլի. խմբովի հարձակվում են 70 տարեկան մարդու վրա, որն ակնհայտորեն չէր էլ պատրաստվում դիմադրություն ցույց տալ կամ, ասենք, հարվածել իր տուն ներխուժած որևէ մեկին: Մարդու ձեռքերին ձեռնաշղթաներ են փորձում հագցնել, այն էլ, պարզվում է, Ծառուկյանի դաստակի չափսով ձեռնաշղթա էլ չկա: Խորհրդանշական դրվագ է, ինչ խոսք…
Մի խոսքով, տհաճագույն, վանող ու էժանագին շոու, եթե կուզեք՝ «մասկի շոու», գումարած՝ առյուծների մահացու «առգրավումը»:
Կամ այդ ձերբակալության «տեսարանի» մեջ ի՞նչ երևելի բան կար, որ դա հանրայնացնում են: Իրենց ցածրության աստիճա՞նն էին ուզում մեկ անգամ ևս ցույց տալ: Թե՞ այդ ամենի ամբողջ նպատակը վերը ակնարկված անձնավորության «հոգին փառավորվելու» պահն ապահովելն էր:
Ակնհայտ է, որ Գագիկ Ծառուկյանի դեմ այս լայնածավալ հետապնդումները գերազանցապես քաղաքական պատճառներ ունեն ու քաղաքական նպատակներ են հետապնդում: Պարզ է նաև, որ այդ ամենը տեղավորվում է ընդդիմադիրների նկատմամբ հաշվեհարդար տեսնելու մասին Նիկոլ Փաշինյանի նախընտրական սպառնալիքների (խոստումների) շրջանակում:
Բայց, ամեն պարագայում, եթե մի կողմ դնենք զուտ քաղաքական ու զուտ իրավական հարցադրումները (դեռ բազում առիթներ կլինեն դրանք դիտարկելու), փորձենք ավելի խորքով ընկալել, թե ինչի մասին են խոսում վերը նկարագրված իրավիճակներն ու պահերը: Բացի այն, որ ոչ մի լավ բանի մասին դրանք չեն «խոսում», նման դրսևորումները վկայում են իշխանական ուժի քինախնդրության, մանրախնդրության, ցավեցնելու, վնասելու «աշխարհընկալման» մասին: Ամենից վատն այն է, որ պետական մարմինները, հարկայինը, իրավապահ համարվող կառույցները, ու, որ ամենավիրավորականներից մեկն է, ԱԱԾ-ի նման կառույցը, կներեք, բայց մի տեսակ խաղալիք են դարձրել: Ցավալի է, բայց դարձրել են անձնական քմահաճույքները բավարարելու գործիք: Այսինքն, ինչ կառույց կա, դրանց գոյության միակ իմաստը հանգում է 1 անձնավորության «հոգին փառավորելո՞ւն»:
Այս օրերին նկատվեցին նաև սուր արձագանքներ, թե «ո՞ւր են կենդանասեր ներկայացողները», կամ՝ «անգամ առյուծին սատկացրեցին»…
Բայց այդքան մարդու մահվան մատնեցին, մահվան պատճառ դարձան, մի առյուծն ի՞նչ է իրենց համար: Փաշինյանի իշխանավարման շրջանում բանտարկյալը հացադուլից մահացավ բանտային պայմաններում: Իշխանությանն ակտիվ քննադատող Արմեն Գրիգորյանին հենց դատարանի դահլիճում մահվան հասցրեցին: Հղի կնոջը գցեցին վարչապետի «ավտոբուսի» տակ, Փաշինյանի նախընտրական պաստառը պատռելու համար Արմեն Հովհաննիսյանին տարան ոստիկանության բաժին, հետո՝ հոգեբուժարան, հետո կախված հայտնաբերեցին ու հայտարարեցին, թե՝ ինքնասպան է եղել… Կորոնավիրուսի համաճարակի ժամանակ իրենց իշխանության մակերեսային ու անլուրջ վերաբերմունքի հետևանքով հազարավոր մարդիկ մահացան: Բանակցային գործընթացը հանգեցրին պատերազմի ու հազարավոր տղաների մահվան մատնեցին:
Արցախն ուրացան…
Դագաղի կափարիչ ճոճելով՝ 2018-ին եկան իշխանության ու… ինչի ձեռք են տալիս, ինչի դիպչում են՝ մահ, ավեր, կորուստ:
Լավ, չմահացածների, այսինքն՝ տակավին ապրողների մասին:
Հպարտ-հպարտ հայտարարում են, որ միաժամանակյա խուզարկություններ են արել Գագիկ Ծառուկյանին պատկանող կամ նրան առնչվող միանգամից 70 տնտեսվարող ընկերություններում: Ցեմենտի գործարան, ժամանցի կենտրոն, հյուրանոց, լցակայաններ, «Օլիմպավան»: Ո՞ր մեկն ասես: Զանգվածային գրոհ՝ 70 տնտեսվարող ընկերության վրա:
Որ ի՞նչ: Ախր, բոլորը հարկատու, գրանցված, օրինական գործող ընկերություններ են: Վստահաբար, միայն Գագիկ Ծառուկյանի՝ քաղաքական գործունեության ակտիվացմանը զուգահեռ հարկային խոշորացույցի ու մամլիչի տակ հայտնված ընկերություններ: Լավ, եթե անգամ խուզարկում են, ստուգում են, մարդկանց ինչո՞ւ են գործազուրկ դարձնում, ինչո՞ւ են զրկում եկամտի և տուն պահելու հնարավորությունից:
Ի վերջո, խոսքը 10 կամ 20 մարդու մասին չէ, այլ առնվազն՝ 10 հազար, իսկ եթե ընտանիքներով հաշվենք, ապա՝ մի քանի տասնյակ հազար:
Ի՞նչ է սա, եթե ոչ՝ հազարավոր մարդկանց վատություն անել: Միտումնավոր, կանխամտածված: Ելակետն էլ, թերևս, այն է, որ դե՝ «…քանի որ Ծառուկյանին պատկանող ընկերություններում են աշխատում, ուրեմն, հաստատ ՔՊ-ին չեն ձայն տվել, ուրեմն՝ թշնամի են, ընտրակաշառակեր, պիտի նրանց գործազրկել, ճնշել, հալածել»:
«Արարատցեմենտի» աշխատողները ահազանգում ու վկայում էին տեսախցիկների առաջ, որ այնպես են վրա տվել, որ թույլ չեն տվել հումքի բովման տեխնոլոգիական ընթացքը բնականոն ավարտին հասցնել և հետո դադար տալ: Ու, շատ հնարավոր է, ձեռնարկությունը խոշոր վնաս է կրել դրա հետևանքով:
Մի քիչ շատ թանկ չի արժենո՞ւմ երկրի, պետության ու ժողովրդի վրա մեկ անձի «հոգու փառավորումը»՝ այս համակողմանի անփառունակության խորապատկերում: Չնայած՝ երբ չի թանկ նստել որ…
ԱՐՄԵՆ ՀԱԿՈԲՅԱՆ
Մանրամասները՝ «Փաստ» օրաթերթի այսօրվա համարում
«Փաստ» օրաթերթը գրում է.
«Ինձ համար սա բնավ անակնկալ չէր։ Ընդհակառակը՝ նույնիսկ ավելի վաղ էի սպասում, որ սրանք կգնան նման ստոր, ապաքաղաքական, հակաքաղաքագիտական պահվածքի ու քայլերի։ Նա երեսուն և ավելի օր գեներացնում էր ատելություն, սպառնալիք։ «Պատերով տալ», «ասֆալտին փռել», «գետին լիզել» և նման բառապաշարը խոսում էր այն մասին, որ տրամադրված էր բավականին լուրջ և հաջողություն ունենալու դեպքում գնալու էր իր ասածի իրագործմանը։ Նա անոնսել էր, թե ինչեր է անելու։ Ասում էր, չէ՞, «եռագլուխ կուսակցությունը պետք է գլխատել», բոլորը պետք է ունեզրկվեն, կուլակաթափ արվեն, բոլորը պետք է դառնան բոմժ, Գագիկ Ծառուկյանի տունը պետք է սարքեմ ծերանոց և այլն։ Այս մարդն ատում է հարուստ, կայացած մարդկանց։ Այս մարդը գենետիկ ատելություն ունի հարուստ, կայացած, արժեք ստեղծած մարդկանց հանդեպ՝ անկախ նրանց քաղաքական պատկանելությունից, հասարակական դիրքից»,-«Փաստի» հետ զրույցում ասում է քաղաքագետ Արմեն Հովասափյանը, երբ քննարկում ենք վերջին օրերին տեղի ունեցող իրադարձությունների կանխատեսելիությունը։ Ընդգծում է՝ այս մարդն ունի հակակրանք, տրավմատիկ ատելություն հասարակության ունևոր հատվածի նկատմամբ։
«Տեսանք այն խայտառակ տեսանյութը, թե ինչպես էին բերման ենթարկում Գագիկ Ծառուկյանին։ Բնավ կասկած չունեմ, որ մարդկանց հատուկ ցույց էին տալիս, թե ինչպես են ուժեղ Ծառուկյանին մի քանի տասնյակ հասուն տղամարդիկ փորձում գետնին գցել։ Դուռը կոտրել են, մտել տուն։ Այդ մարդն իր տանից ո՞ւր պետք է գնար։ Սա փոքրիկ բռնապետիկի ցանկություններին հագուրդ տալու հերթական դրսևորումն էր։ Մտել են մարդու օջախ, դա հայ մարդու համար սրբություն է։ Մարդուն իր տան մեջ ստորացնում են, գետնին գցում։ Այնքան ապաշնորհ են, որ նույնիսկ ձեռնաշղթաները չէին կարողացել նորմալ ամրացնել։ Մի բան էլ կախվել էին այդ մարդու ձեռքերից, լավ, ո՞ւր պետք է գնար այդ մարդը։ Կրկնում եմ՝ սա իր կրքերին հագուրդ տալու հերթական տեսարանն էր՝ ներոնյան ժպիտով։ Վստահ եմ՝ իր «բարձունքից» նայում էր, իր բառերով ասած, «հոգին փառավորվում էր»»,-նկատում է մեր զրուցակիցը։
Աշխարհում ընդունված է, որ ընտրություններից հետո հաղթող ուժը համերաշխություն է ստեղծում իր հասարակության ներսում, փորձում է գնալ հաշտեցման ճանապարհով, մեզ մոտ հակառակն է արվում։ «Այն, որ նա ապալեգիտիմ է, այլևս քննարկման ենթակա չէ։
Իրավական առումով ապալեգիտիմությունը վերածում է քաղաքական ապալեգիտիմության, երբ փորձում է շերտավորման հերթական դոզան ավելացնել, փորձում է հակակրանքի չափաբաժինը նորից շատացնել, երբ մարդկանց նորից դասակարգում է տարբեր խմբերի՝ պատերազմի կուսակցությունների, «եռագլուխների», «նախկինների» և այլոց։
Նա կարողանում է բոլորին բնորոշել ինչ-որ էպիտետներով։ Այս մարդը չի հանգստանում, հակառակը՝ ասում էր, որ լինելու են վենդետաներ, «վերջ թավիշին» և այլն։ Այս սպառնալիքներն իր իրական դեմքն է։ Երբ նա ժպտում էր 2018 թվականին, իր ամբոխավարությունն էլ կոչում էր սիրո, հանդուրժողականության, ոչ բռնի, այդ ամենը ծխածածկույթ էր, շղարշ։ Նման բան գոյություն չուներ։ Իր իրական դեմքը սա էր։ Գագիկ Ծառուկյանին է կալանավորում, Սամվել Կարապետյանին է մեկ տարուց ավելի կալանքի տակ պահում, Արմեն Աշոտյանին նորից կալանավորեց անհասկանալի մի մեղադրանքով։ Այս ընթացքում կալանավորեցին Ավետիք Չալաբյանին ինչ-որ ծիծաղելի մեղադրանքի շրջանակներում։ Այս ամենը վերլուծելով՝ հասկանում ես, որ այս մարդը չի կարող խաղաղվել, այս մարդու հոգին չի կարող հանգստանալ, չի կարող համակեցության, խաղաղության, ներդաշնակության մեջ ապրել։ Նրան պետք են ինտրիգներ։ Նա ամեն ինչի մեջ փորձում է շոու սարքել ու լինել դրա գլխավոր խաղացողը, փորձում է «կինոյի տղա», ուժեղ տղա խաղալ։ Իր չկայացած կյանքի մուռը բոլորիցս հանում է։ Նա մարդ-քաոսն է, մարդանարխիան, մարդ-բեսպրեդելը։ Նա ցանկացած իրավիճակում իր փիլիսոփայական մեկնաբանությունն ունի։ Արտաքին աշխարհում բոլորը փակում են իրենց աչքերն այս ամենաթողության վրա, ոչ ոք չի դատապարտում տեղի ունեցողը, մինչդեռ մարդիկ բառացիորեն քաղաքական տեռորով են զբաղված։ Այն, ինչ 1918-20 թվականներին անում էին բոլշևիկները, հարյուր տարի հետո նույնն է տեղի ունենում։ Այն ժամանակ ինֆորմացիան չէր տարածվում, և միջազգային հանրությունը, իբր թե, չէր կարողանում պատշաճ գնահատական տալ։ Հիմա տեխնոլոգիայի և տեխնիկայի դարում չեն տեսնո՞ւմ, թե ինչ է կատարվում։ Իհարկե, տեսնում են, բայց քանի որ կա գլոբալ աշխարհաքաղաքական շահ, նրանք լռում են։ Եկատերինբուրգ գնալու օրը Ծառուկյանի հետ կապված այս շոուն կազմակերպեց։ Նա բացահայտ պրոռուսական դիրքորոշում ունի, դրան գումարած՝ «Բարգավաճ Հայաստան» և «Եդինայա Ռոսիա» կուսակցությունները գործընկերներ են։ Ստացվում է, որ գնաց Ռուսաստան և ցույց տվեց՝ տեսեք, ձեր գործընկեր կուսակցության լիդերին ինչ կարող եմ անել։ Նա ռուսներին ուղերձ է հղում՝ տղերք ջան, հարց ունե՞ք, ինձ հետ լուծեք։ Նա այնպես է անում, որ իրենից բացի որևէ մեկի հետ կոնտակտի չգնան։ Նա քաղաքական համակարգն է քանդում, քաղաքական դաշտն է ամբողջովին ամլացնում, որպեսզի կարողանա միանձնյա, միահեծան և՛ որոշումներ կայացնի, և՛ իրեն քննադատող չլինի։ Մեկին «պատով խփի», մեկը փախչի երկրից, մյուսն ընդհատակ անցնի, մյուսն ինֆարկտ ստանա, մահանա և այլն»,-ընդգծում է քաղաքագետը։
Ռեպրեսիաները չեն նվազելու, ուժգնանալու են։ Նման կարծիք ևս շրջանառվում է։ «Հետևում եմ մարդկանց տրամադրություններին՝ տարբեր անհատների, ապաքաղաքական մարդկանց։ Տեսնում եմ, որ բացարձակ ապաքաղաքական մարդիկ դատապարտում են տեղի ունեցողը, զզվելի է մարդկանց համար նման բաներ տեսնելը։ Սա ապատիկ տրամադրությունների հերթական ալիքն է բարձրացնելու, կասկած չունենաք, սա հակառակ էֆեկտ է ունենալու։ Նա ավելացնելու է ռեպրեսիաները, բայց դրանք ունենալու են հանրային դժգոհությունների բարձրացման էֆեկտ։ Մարդիկ հասկանում են՝ լավ, ենթադրենք, Գագիկ Ծառուկյանը սխալ բան է արել, կամ էլ մենք չենք համակրում նրան, բայց դու այս ի՞նչ ես անում։ Բացի նրանից, որ սա հակաքաղաքական ու հակաքաղաքագիտական է, սա նաև հակամարդկային է, ոչ մի բարոյական նորմի մեջ սա չի տեղավորվում։ Մեր տեսած երեկվա կադրերը թշնամու նկատմամբ ունեցած պահվածք էր։ Հուսանք, որ այս իրավիճակում հասարակության արձագանքը կլինի պատշաճ, տեղին ու ժամանակին»,-եզրափակում է Արմեն Հովասափյանը։
Մանրամասները՝ «Փաստ» օրաթերթի այսօրվա համարում