Անկախության հռչակագիրը մեր պետականության անկյունաքարն է՝ քաղաքական օրակարգերից վեր։ Այս մասին հաղորդագրություն է տարածել «Ուժեղ Հայաստան» կուսակցությունը։
«1990 թ. օգոստոսի 23-ին ընդունված Հայաստանի Անկախության հռչակագիրը մեր պետականության անկյունաքարն է և պատմական ժառանգությունը՝ վեր քաղաքական օրակարգերից ու օրվա իշխանությունների կողմից որդեգրված քաղաքականությունից։
Շնորհավո՛ր Անկախության Հռչակագրի օրը։
Պահպանենք, արժևորենք և ուժեղացնենք մեր անկախ պետությունը` հաստատուն հավատով, որ Ուժեղ Հայաստան լինելու´ է»։
Օգոստոսի 18-ին ԱԺ ամբիոնից բարձրացրել եմ բանակում ոչ մարտական պայմաններում ժամկետային զինծառայողների մահվան դեպքերի խայտառակ դինամիկան։
Այսօր տեղեկություն տարածվեց ևս մեկ զինծառայողի մահվան մասին։ Օգոստոսի 20-ին ևս բանակում մահ ունեցանք։ Այս ամսվա ընթացքում սա արդեն խաղաղ պայմաններում երրորդ մահվան դեպքն է Զինված ուժերում։
Այս վիճակը համակարգային խորը ճգնաժամի հետևանք է` փորձառու կադրերը վերջին տարիներին հետևողականորեն հեռացվեցին բանակից, չեզոքացվեց բանակի հոգևոր առաջնորդության (գնդերեցների) կարևորագույն ինստիտուտը, որը տասնամյակներ շարունակ էական դեր է խաղացել զինվորների հոգևոր-բարոյական նկարագրի ձևավորման, ներանձնային և միջանձնային կոնֆլիկտների մեղմման գործում։
Նրանց աշխատանքից ազատումը զինվորներին զրկեց հոգևոր աջակցության և ծանր պահերին ապավեն գտնելու կարևոր օղակից, ինչը նպաստում արատավոր բարքերի արմատավորմանը։
ԶՈւ բարեհոգեբանական վարչությունը, ըստ էության, անարդյունավետ է ու գործում է ձևական։
Շնորհավորում եմ Ձեզ Հայաստանի Անկախության Հռչակագրի ընդունման 36-րդ տարեդարձի կապակցությամբ։ Փաստաթուղթ, որը սկիզբ դրեց անկախ պետության կայացման գործընթացին՝ հիմք ընդունելով Հայկական ԽՍՀ Գերագույն խորհրդի և Լեռնային Ղարաբաղի Ազգային խորհրդի 1989 թվականի դեկտեմբերի 1-ի «Հայկական ԽՍՀ-ի և Լեռնային Ղարաբաղի վերամիավորման մասին» համատեղ որոշումը։
Այս փաստաթուղթը հիմնված էր անկախ պետություն ստեղծելու հայ ժողովրդի անսասան կամքի վրա։
Սակայն, այսօր ինչ-որ մի խմբակ, որը կառավարվում է դրսից և հրահանգներ է ստանում օտար պետություններից, միաժամանակ հանդիսանալով օտարերկրյա պետությունների հատուկ ծառայությունների գործակալներ, փորձում է ոչ միայն ձևախեղել Հայաստանի Հանրապետության Սահմանադրությունը՝ միայն այն պատճառով, որ դրա նախաբանում հղում է արվում Հայաստանի Անկախության Հռչակագրին, այլև, որ առավել վտանգավոր է, պարտադրել հանրությանը նոր Սահմանադրություն՝ այդպիսով հայտարարելով ինչ-որ կեղծ «չորրորդ հանրապետության» ստեղծման մասին։
Այս պայմաններում, առավել քան երբևէ, կարևոր է ներհասարակական հաշտությունը։ Հայաստանի առջև ծառացած դժվարությունները կարելի է հաղթահարել միայն ազգային միասնության և արդյունավետ կառավարման պայմաններում։ Մեզանից յուրաքանչյուրը, իր տեղում և իր ձևով, պետք է կատարի սերունդներին անկախ պետություն ու Հայրենիք փոխանցելու մեր պարտավորությունը և ոչ մի դժվարություն, ոչ մի սպառնալիք չպետք է սասանի իսկապես ԱՆԿԱԽ ՊԵՏՈՒԹՅՈՒՆ ունենալու մեր ցանկությունը։
«Համահայկական ճակատ» շարժման առաջնորդ գեներալ-մայոր Արշակ Կարապետյան
Վերջերս կատարված խորը ուսումնասիրությունը և վերլուծությունը ցույց են տալիս, որ արևային էներգիայի համակարգերի ինտեգրումը երկաթուղային և ճանապարհային ենթակառուցվածքներում կարող է լինել վերականգնվող էներգիայի զարգացման համար հիմնական լուծում օգնելու Հնդկաստանին արագացնել մաքուր էներգիայի անցումը և լուծել հողերի պակասը, գրում է vietnam.vn–ն։
Քանի որ Հնդկաստանը ձգտում է հասնել զրոյական արտանետումների մինչև 2070 թվականը և շարունակում է ագրեսիվորեն ընդլայնել իր վերականգնվող էներգիայի հզորությունները, երկրի տրանսպորտային մարմինները արագացնում են երկաթուղային ինտեգրված ֆոտովոլտային (RIPV) համակարգերի հետազոտությունը և տեղակայումը։ Այդ մոդելը հնարավորություն է տալիս տեղադրել արևային վահանակներ գործող երկաթուղային գծերի, մայրուղիների, միջնորմների, արգելապատնեշների և այլ տրանսպորտային ենթակառուցվածքների վրա, և այդպիսով տրանսպորտային ենթակառուցվածքը վերածելով մաքուր էլեկտրաէներգիայի աղբյուրի առանց լրացուցիչ հողատարածք հատկացնելու անհրաժեշտության։
Սա համարվում է հատկապես կարևոր Հնդկաստանի համար, որը պայքարում է վերականգնվող էներգիայի ընդլայնման անհրաժեշտության և արտադրության, քաղաքաշինության և գյուղատնտեսության համար հողերի վերականգնման անհրաժեշտության միջև հավասարակշռություն գտնելու համար։
Հնդկաստանն այժմ ունի ավելի քան 140,000 կմ ճանապարհներ և մոտավորապես 99,000 կմ երկաթուղիներ, որոնք կազմում են կենսականորեն կարևոր տրանսպորտային ցանց, որը սպասարկում է ինչպես բեռնափոխադրումները, այնպես էլ ուղևորափոխադրումները: նաև տրանսպորտի էլեկտրաֆիկացման արագացմանը զուգընթաց, կանխատեսվում է, որ այդ ոլորտում էլեկտրաէներգիայի պահանջարկը կշարունակի արագ աճել առաջիկա տասնամյակներում:
Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Oգոստոսի 23-27-ը Երևանում, Արարատյան դաշտում, Արագածոտնի, Կոտայքի և Վայոց ձորի նախալեռներում սպասվում է բարձր կարգի հրդեհավտանգ իրավիճակ։ ՆԳՆ փրկարար ծառայությունից խնդրում են պահպանել հրդեհային անվտանգության կանոնները, իսկ անհրաժեշտության դեպքում զանգահարել՝ 112։
«ՆԳՆ փրկարար ծառայության կողմից տարբեր հարթակներում մշտապես իրականացվում են իրազեկման աշխատանքներ: Այսօր ևս իրականացվել է հերթական իրազեկումը՝ հանրապետությունում ջերմաստիճանի բարձրացմամբ պայմանավորված, որը նաև ուղարկվել է քաղաքացիներին՝ կարճ հաղորդագրությունների տեսքով։
Բջջային բոլոր օպերատորներին տրամադրվել է իրազեկման հայատառ տեքստ, սակայն օպերատորներից մեկի տեխնիկական խնդիրներով պայմանավորված՝ հաղորդագրությունն ուղարկվել է լատինատառ, ինչի համար հայցում ենք քաղաքացիների ներողամտությունը»,- նշում են փրկարար ծառայությունից։
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ֆրանսիայի նախագահ Էմանուել Մակրոնը հայտարարել է, որ Ռուսաստանը շարունակում է հարվածներն Ուկրաինային՝ թիրախավորելով քաղաքացիական բնակչությանը և ընտրելով «ահաբեկման ու էսկալացիայի» ճանապարհը։
Մակրոնը նշել է, որ Կրիվոյ Ռոգում ցերեկային ժամերին առևտրի կենտրոնի ուղղությամբ ռուսական կրկնակի հարվածի հաջորդ օրը զրուցել է Ուկրաինայի նախագահ Վոլոդիմիր Զելենսկիի հետ և նրան փոխանցել իր «սարսափն ու խոր մտահոգությունը»։
«Այս հարվածներով, ինչպես նաև այս շաբաթ Կիևի ուղղությամբ իրականացված հարձակումներով՝ Ռուսաստանը շարունակում և խորացնում է իր ագրեսիայի հանցագործությունը։ Համակարգված կերպով թիրախավորելով քաղաքացիական բնակչությանը և ընտրելով ահաբեկման ու էսկալացիայի ճանապարհը՝ Ռուսաստանը, հավանաբար, փորձում է ուժ ցուցադրել, սակայն առաջին հերթին թուլության մասին է վկայում»,- հայտարարել է Մակրոնը։
Նրա խոսքով՝ անհրաժեշտ է Ուկրաինային տրամադրել բոլոր անհրաժեշտ միջոցները՝ երկրի օդային տարածքը պաշտպանելու և ռուսական ագրեսիան հետ մղելու համար։ Մակրոնը հայտնել է, որ Զելենսկիին տեղեկացրել է Ֆրանսիայի աջակցության ուժեղացման մասին՝ մասնավորապես որսացող հրթիռների ուղարկման և համագործակցության շարունակման միջոցով։ Նա ընդգծել է նաև, որ անհրաժեշտ է, որպեսզի անհրաժեշտ միջոցներ ունեցող բոլոր երկրները միանան այդ ջանքերին։
Ֆրանսիայի նախագահի խոսքով՝ միջազգային հանրությունը պետք է շարունակի մեծացնել ճնշումը Ռուսաստանի նկատմամբ այնքան ժամանակ, քանի դեռ Մոսկվան հրաժարվում է ռազմական գործողությունների դադարեցումից և խաղաղությունից։
Մակրոնը նաև նշել է, որ Զելենսկիի հետ քննարկել է առաջիկա «Կամավորների կոալիցիայի» հանդիպմանն ընդառաջ խաղաղության հասնելու ուղղությամբ իրականացվող աշխատանքները։ Նրա խոսքով՝ այդ խաղաղությունը պետք է լինի ուկրաինացի ժողովրդի իրավունքների հարգմամբ և Ուկրաինայի ու Եվրոպայի համար անվտանգության երաշխիքներով։
«Ռուսաստանը փորձում է ահաբեկչության միջոցով կոտրել Ուկրաինային․ նրան դա չի հաջողվի։ Ուկրաինայի կողքին միասնական լինելով՝ մենք ուժի նկատմամբ գերակայություն կտանք իրավունքին և արդարությանը»,- հայտարարել է Մակրոնը։
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ապօրինի թմրամիջոցների կիրառումը կամ ԱՄՆ օրենքների խախտումը զբոսաշրջային կամ ուսանողական վիզայով ԱՄՆ-ում գտնվող անձանց կողմից կարող է պատճառ հանդիսանալ, որ նրանք զրկվեն հետագայում ԱՄՆ վիզա ստանալու հնարավորությունից։
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Մեծամորի ատոմակայանի սպառնալիքների մասին կեղծ պնդումները, կարծես թե, փորձ են ռուս-հայական հարաբերություններում անհամաձայնություն սերմանելու և արևմտյան տեխնոլոգիաները խթանելու, որոնք կործանարար են Հայաստանի համար, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Դիվանագետը հավելել է, որ Մեծամորի ատոմակայանի փակումը կհանգեցնի Հայաստանի էներգետիկ կախվածության մեծացմանը այլ երկրներից։
Ավելի վաղ արտասահմանյան մամուլում հայտնվել էին հայտարարություններ, որոնցում պնդվում էր, որ Հայաստանում գործող Մեծամորի ատոմակայանը, իբր, վտանգ է ներկայացնում ամբողջ տարածաշրջանի համար և պետք է փակվի։
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ժավելի սպիրտից մինչև բակում աճած սունկ, կոնֆետանման դեղերից մինչև վիշնևսկու քսուկ… մեկ ակնթարթ և այս վտանգավոր նյութերը հայտնվում են երեխաների ձեռքում, բերանում, այնուհետև երեխաներն են հայտնվում թունաբանության բաժանմունքում։
Թիրախային խմբում են գտնվում մինչև 6 տարեկան երեխաները։
«Սիրելի՛ ծնողներ, մեր նպատակը կատարվածի մասին այս տեսանյութում պատմող մայրիկներին դատապարտելը չէ: Ամենևին: Նրանց հետ կատարվածի օրինակով ուզում ենք ևս մեկ անգամ համոզվեք, որ անցանկալին, երբեմն, ցավոք, նաև անդառնալին, կարող է տեղի ունենալ ընդամենը մեկ ակնթարթում և թվացյալ անվտանգ միջավայրում:
Շնորհակալ եմ այս մայրիկներին, որ կիսվեցին իրենց փորձով` իրենց օրինակով զգուշացնելով հնարավոր վտանգների ու ռիսկերի մասին»,- գրել է առողջապահության նախարար Անահիտ Ավանեսյանը՝ հրապարակելով տեսանյութ։
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Այս տարի Սոմալիում գրեթե 1.9 միլիոն երեխա կտուժի թերսնումից, և երկրում 32%-ով աճել է թերսնման դեպքերը։ Reuters-ի փոխանցմամբ՝ այս մասին հայտարարել է ՅՈՒՆԻՍԵՖ-ը։
ՄԱԿ-ի մանկական գործակալության խոսնակ Ջեյմս Էլդերը հայտնել է, որ մինչ այժմ 205 առողջապահական և սննդի հաստատություններ փակվել են մարդասիրական օգնության աննախադեպ կրճատումներից հետո։ Նա ասել է, որ ամբողջ երկրում կարող է փակվել մինչև 618 առողջապահական հաստատություն։
«Ավելի քիչ հաստատությունները նշանակում են ավելի երկար ճանապարհներ մայրերի և նրանց երեխաների համար. ավելի երկար ճանապարհները նշանակում են ուշացած բուժում. ուշացած բուժումը նշանակում է ավելի ծանր հիվանդություն և կանխարգելելի մահվան ավելի մեծ ռիսկ», – ասել է Էլդերը։
