Category: Armenia24.live

Իրավունք
8 Հուլիս, 2026 10:55

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ՀՀ քննչական կոմիտեի հատկապես կարևոր գործերի քննության գլխավոր վարչության սեփականության դեմ ուղղված հանցագործությունների քննության վարչությունում իրականացված բազմակողմանի քննությամբ պարզվել և հիմնավորվել է, որ Խ․Ա․-ն և Վ․Գ․-ն, տեղեկանալով ՍՊ ընկերության կողմից ԻԻՀ-ից ՀՀ դիզելային վառելիք ներկրելու և մեծածախ վաճառք իրականացնելու մտադրության մասին, նախապես մշակված խարդախության պլանն իրագործելու դիտավորությամբ, ընկերության տնօրինությանը ներկայացրել են, թե իբր հանքարդյունաբերությամբ զբաղվող անձանց շրջանում մեծ ծավալով դիզելային վառելիք իրացնելու հնարավորություն ունեն, ինչպես նաև Երևանում գործող բենզալցակայանը և պահեստը ներկայացրել են իրենցը։ Այնուհետև, 2025 թվականի հուլիսի 10-ին Խ․Ա․-ին պատկանող ՍՊ ընկերության միջոցով վերոհիշյալ ընկերության հետ կնքել են դիզելային վառելիքի մատակարարման պայմանագիր՝ գումարը 15-օրյա ժամկետում վճարելու պայմանով։  

Նշված ընկերության տնօրինության մոտ ձեռք բերված վստահությունն ու վերջիններիս կողմից իրենց ավելի մեծ քանակի դիզվառելիք վաճառելու ցանկությունն էլ ավելի ամրապնդելու և իրենց հանցավոր դիտավորությունն ավարտին հասցնելու նպատակով հանցավոր խմբի անդամները, նախապես ձեռք բերված դիզելային վառելիքի գումարը՝ 113 մլն ՀՀ դրամը, վճարել են պայմանագրով նախատեսված ժամկետից շուտ և մինչև 2025 թվականի օգոստոսի 29-ն ընկած ժամանակահատվածում ընկերությունից ստացել են ընդհանուր՝ 465 մլն ՀՀ դրամ արժողության շուրջ 1.2 մլն լիտր դիզվառելիք, որը վաճառել են տարբեր կազմակերպությունների և անձանց։ Հետագայում, անհիմն պատճառաբանություններով, հանցավոր խմբի անդամները խուսափել են վճարել մնացած գումարը և խաբեության եղանակով հափշտակել առանձնապես խոշոր չափերով՝ ընդհանուր 465 մլն ՀՀ դրամ գումար:  

Նախաքննության ընթացքում հանցավոր խմբի անդամներ Խ․Ա.-ի և Վ․Գ․-ի նկատմամբ հսկող դատախազի որոշմամբ հարուցվել է հանրային քրեական հետապնդում՝ Քրեական օրենսգրքի 255-րդ հոդվածի 3-րդ մասի 3-րդ կետով (առանձնապես խոշոր չափերով խարդախությունը)։

Նրանցից մեկի նկատմամբ որպես խափանման միջոց կիրառվել է կալանքը, մյուսի նկատմամբ՝ տնային կալանքը:

Քրեական վարույթը մեղադրական եզրակացությամբ ուղարկվել է հսկող դատախազին՝ այն հաստատելու և քննության առնելու համար դատարան ուղարկելու միջնորդությամբ:

Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։

Հետևեք մեզ՝ այստեղ

Քաղաքականություն
8 Հուլիս, 2026 16:48

ՀՃՇ անդամ Աննա Ղուկասյանը գրում է.

«Հիանում եմ ՌԴ արտաքին հետախուզությամբ:
Պարզվում է` ԵԱՀԿ գլխավոր քարտուղար, ազգությամբ թուրք Ֆերիդուն Սինիրլիօղլուն, առանց երկար մտածելու, պատրաստակամություն է հայտնել աջակցել Փաշինյանին` Գարեգին Բ-ին հեռացնելու և նույնիսկ Հայաստանում կրոնը փոխելու հարցում «օգնելու»:

Սինիրլիօղլուն այդ ամենը խոստովանել է` համոզված լինելով, որ խոսում է Հայաստանի վարչապետ Նիկոլ Փաշինյանի հետ։ Իրականում, սակայն, նրա զրուցակիցները ռուս պրանկերներ Վովանն ու Լեքսուսն էին։

Իսկ մեր ԱՀԾ-ն դեռ շատ բան ունի սովորելու։
Օրինակ` մի քիչ դուրս գալ ներքաղաքական դաշտից, քիթը հանել քաղաքական գործընթացներից և վերջապես զբաղվել իր բուն առաքելությամբ` պետության անվտանգության ապահովմամբ ու իրական սպառնալիքների բացահայտմամբ»:

Հասարակություն
8 Հուլիս, 2026 20:03

Այսօր՝ հուլիսի 8-ին, վրաերթ է տեղի ունեցել Երևանում։ Ժամը 08։50-ի սահմաններում Արարատի մարզի բնակիչ, 45-ամյա Սուրեն Վ․-ն իր վարած «Hongqi» մակնիշի ավտոմեքենայով վրաերթի է ենթարկել ավտոբուսից իջած մի հետիոտնի։

Shamshyan.com-ի տեղեկություններով, վարորդը փախուստի չի դիմել, օգնել է վրաերթի ենթարկվածին, ով 10-12 տարեկան երեխա է եղել, տեղափոխվել «Սուրբ Աստվածամայր» բժշկական կենտրոն։

Դեպքի փաստով քննչական բաժնում նախաձեռնվել է քրեական վարույթ, որտեղ էլ պարզում է վրաերթի ենթարկվածի ինքնությունը։

Սպորտ
8 Հուլիս, 2026 21:01

Մադրիդի «Ռեալի» նախկին գլխավոր մարզիչ Ալվարո Արբելոան նշանակվել է Լոնդոնի «Ֆուլհեմի» գլխավոր մարզիչ:

Անգլիական ակումբի մամուլի ծառայությունը տեղեկացնում է, որ 43-ամյա իսպանացի մասնագետի հետ կնքվել է եռամյա պայմանագիր՝ մինչև 2029 թվականի ամառ: Այս պաշտոնում նա փոխարինել է Մարկու Սիլվային, որը հրաժարվել էր երկարաձգել պայմանագիրը և տեղափոխվել է Լիսաբոնի «Բենֆիկա»:

«Ինձ համար մեծ պատիվ է նոր փուլ սկսել Լոնդոնի ամենահին ակումբում։ Ես մեծ պատասխանատվություն եմ զգում և անչափ շնորհակալ եմ ղեկավարությանը՝ Պրեմիեր լիգայում ինձ «Ֆուլհեմը» վստահելու համար: Անհամբերությամբ սպասում եմ «Քրեյվեն Քոթեջի» մթնոլորտը զգալուն և թիմի հետ հաջորդ շաբաթ նախամրցաշրջանային պատրաստությունը սկսելուն։ Վստահ եմ, որ մեզ անհավանական համատեղ ճամփորդություն է սպասվում»,- նշել է Արբելոան։

Հիշեցնենք, որ Արբելոան անցած մրցաշրջանի երկրորդ հատվածում էր գլխավորել «Ռեալը»՝ հունվարին այդ պաշտոնում փոխարինելով Խաբի Ալոնսոյին։ Նրա գլխավորությամբ մադրիդցիները Լա լիգայում գրավեցին երկրորդ տեղը՝ չեմպիոնական մրցավազքում զիջելով «Բարսելոնային», ինչից հետո մարզիչը հեռացավ զբաղեցրած պաշտոնից։ Նախքան հիմնական թիմը, նա մարզում էր Մադրիդի երիտասարդական կազմերն ու «Կաստիլիան»:

Հատկանշական է, որ Պրեմիեր լիգայի 2026/27 մրցաշրջանի հենց առաջին տուրում կկայանա նախկինում մադրիդյան ակումբը գլխավորած երկու մասնագետների դիմակայությունը։ Օգոստոսի 24-ին «Ֆուլհեմը» կընդունի «Չելսիին», որն էլ վերջերս գլխավորել է Խաբի Ալոնսոն: Երկու մարզիչների համար էլ սա նորամուտի հանդիպում կլինի Անգլիայի առաջնությունում:

«Ալվարոն շատ հավակնոտ է: Նա արժեքավոր փորձ է կուտակել՝ աշխատելով լավագույն խաղացողների ու ակումբների հետ, յուրացրել է ժամանակակից ֆուտբոլի մեթոդները, և այդ գիտելիքներն անպայման օգուտ կբերեն մեզ»,- իր հերթին ընդգծել է լոնդոնյան ակումբի նախագահ Շահիդ Խանը:

Նշենք, որ Արբելոան Պրեմիեր լիգայում որպես ֆուտբոլիստ հանդես գալու փորձ ունի՝ 2007-ից 2009 թվականներին պաշտպանելով «Լիվերպուլի» գույները: Նախորդ մրցաշրջանի արդյունքներով «Ֆուլհեմը» ԱՊԼ-ում գրավել էր 11-րդ տեղը: 

Միջազգային
8 Հուլիս, 2026 23:32

Ուկրաինայի «հեռահար պատժամիջոցները» հասել են Սարատովի մարզ, Թաթարստան և Բաշկորտոստան, տելեգրամում գրել է երկրի նախագահ Վլադիմիր Զելենսկին։ Բացի այդ, ուկրաինական զորքերը հարված են հասցրել Վորոնեժի մարզին։

Սարատովի մարզում և Թաթարստանում խոցվել են նավթավերամշակման գործարաններ, ճշտել է նա։ Բաշկորտոստանի վրա հարվածի հետևանքների մասին Զելենսկին ոչինչ չի ասել։

Ավելի վաղ Սարատովի մարզում և Նիժնեկամսկում նավթավերամշակման գործարանների վրա հարձակումների մասին հայտնել էր Ուկրաինայի ԶՈւ Գլխավոր շտաբը, սակայն Բաշկորտոստանը ամփոփագրում չէր հիշատակվում։ Ուֆայի նավթավերամշակման գործարանի վրա հարձակման մասին գրել էին մոնիթորինգային ալիքները։ Բաշկորտոստանի իշխանությունները հայտարարել էին ԱԹՍ-ի սպառնալիքի մասին, իսկ Ուֆայի օդանավակայանը ժամանակավորապես սահմանափակել էր աշխատանքը։ Հետևանքների մասին տեղական իշխանությունները չէին հայտնել։

Հասարակություն
8 Հուլիս, 2026 23:55

Ամառվա շոգ օրերին, երբ բնությունը կարծես ապրում է իր ամենաակտիվ շրջանը, ակտիվանում են նաև նրա ամենախորհրդավոր բնակիչները՝ օձերը։ Տաքացող եղանակը, բաց տարածքներում հանգիստն ու գյուղատնտեսական աշխատանքների ակտիվացումը մեծացնում են մարդկանց և սողունների հանդիպման հավանականությունը։ Այդ մասին NEWS.am–ին հայտնում են ՆԳՆ ՓԾ-ից:

«Հիմնականում օձերը բնակելի տարածքներ գալիս են ոչ թե բնակվելու, այլ որսի համար։ Օձերը շատ խելացի սողուններ են, եթե օձերին չվնասենք, նրանք չեն հարձակվի մարդու վրա»,- նշում է  ՆԳՆ Փրկարար ծառայության փրկարարական ուժերի վարչության ՀՆՓԱԻԿ 4-րդ փրկարարական ջոկատի հրամանատարի տեղակալ Ռոման Խաչատրյանը։

Օձ տեսնելիս անհրաժեշտ է պահպանել 2-2,5 մետր հեռավորություն, խուճապի չմատնվել և անշարժ մնալ։ Իսկ եթե օձը հայտնվել է բնակարանում կամ բակում պետք չէ ինքնագործունեությամբ զբաղվել։

Մասնագետի խոսքով՝ պետք չէ բռնել օձին, պարզապես պետք է զանգել 112, և փրկարարները կգան իրենք կտեղափոխեն անվտանգ վայր։

Օձի խայթոցի դեպքում պետք է շատ հեղուկներ խմել և դիմել բուժօգնության։

Օձերի ակտիվացման շրջանում զգոնությունը կենսական անհրաժեշտություն է, սակայն նույնքան կարևոր է հիշել, որ բնության մեջ յուրաքանչյուրն իր դերն ու տեղն ունի։ Պետք է նաև իմանալ, որ օձերը կարևոր նշանակություն ունեն էկոլոգիական հավասարակշռության պահպանման գործում, ուստի զգուշավոր և պատասխանատու վարքագիծը հաճախ լավագույն պաշտպանությունն է։

Սպորտ
8 Հուլիս, 2026 23:06

Հուլիսի 11-ին Վրաստանի մայրաքաղաք Թբիլիսիում կկայանա RAF Georgia ըմբշամարտի լիգայի սպասված մրցաշարը։

Երեկոյի գլխավոր իրադարձությունը կլինի UFC-ի նախկին չեմպիոններ Մերաբ Դվալիշվիլիի և Հենրի Սեխուդոյի գոտեմարտը։ Սպասվում է նաև ծանր քաշային կարգի տիտղոսային հակամարտություն Քայլ Սնայդերի և Աբդուլռաշիդ Սադուլաևի միջև, սակայն հայ երկրպագուների ուշադրության կենտրոնում Արման Ծառուկյանի և ղազախ Կուատ Խամիտովի հանդիպումն է։

Ղազախստանյան MMA-ի վետերան Կուատ Խամիտովն իր նորամուտն է նշում RAF-ում, որտեղ անմիջապես ուժերը կչափի լիգայի գլխավոր աստղերից մեկի՝ Արման Ծառուկյանի հետ։ Հայ մարզիկն այս լիգայում փայլուն վիճակագրություն ունի. նա հանդես է եկել RAF-ի տասը մրցաշարերից հինգում և բոլոր գոտեմարտերում վստահ հաղթանակ է տարել։ Ավելին, Ծառուկյանի գրաֆիկը չափազանց խիտ է. արդեն հուլիսի 18-ին նա կգլխավորի RAF 11 մրցաշարը՝ մրցելով ամերիկացի Քոլբի Քովինգթոնի հետ։

Մարզիկների միջև տարիքային տարբերությունը բավականին մեծ է. Խամիտովը 38 տարեկան է, իսկ Ծառուկյանը՝ 29։ Չնայած դրան, ղազախ մարզիկի հարուստ փորձը կարող է օգնել նրան, թեև բոլոր կանխատեսումներով այս դիմակայությունում հայտարարված ֆավորիտն Արման Ծառուկյանն է:

Քաղաքականություն
8 Հուլիս, 2026 21:33

Իրանի հետ հրադադարն ինձ համար ավարտված է: Այս մասին ԱՄՆ նախագահ Դոնալդ Թրամփը ասել է ՆԱՏՕ-ի գլխավոր քարտուղար Մարկ Ռյուտեի հետ հանդիպմանը՝ դաշինքի Անկարայի գագաթնաժողովի շրջանակներում:

«Ինձ համար՝ համաձայնագիրն այլևս չի գործում։ Ես չեմ ուզում նրանց հետ որևէ գործ ունենալ։ Նրանք խաբեբաներ են, հիվանդ մարդիկ»,- հայտարարել է Թրամփը:

Տեսանյութեր
8 Հուլիս, 2026 19:31

Հայաստան է հասել հերթական նվերը ԵՄ–ից՝ մոտ 20 տոննա կշռող հեռակառավարվող ականազերծման մեքենա։ Այս մասին հայտնել են ՀՀ կառավարությունից՝ հրապարակելով տեսանյութ:

«Հայաստան է հասել հերթական նվերը ԵՄ–ից՝ մոտ 20 տոննա կշռող հեռակառավարվող ականազերծման մեքենա:

Այն կօգնի հանրապետության տարածքում վտանգավոր ճանաչված գոտիներում մարդասիրական ականազերծման աշխատանքներին։

Մեքենաները կօգտագործվեն նաև Հայաստանի Հանրապետության և Ադրբեջանի Հանրապետության պետական սահմանի սահմանազատման գործընթացում»,- գրված է հաղորդագրության մեջ:

Հասարակություն
8 Հուլիս, 2026 17:15

Իդրամն ու «Ծնողական համայնք» ՀԿ-ն համագործակցում են արդեն երկրորդ տարին՝  նպատակ ունենալով աջակցել ընտանիքներին և նպաստել ավելի գիտակից ու ֆինանսապես գրագետ սերնդի ձևավորմանը։

Իդրամի և IDBank-ի Հաղորդակցության և սոցիալական պատասխանատվության ծրագրերի վարչության ղեկավար Տաթևիկ Վարդևանյանի փոխանցմամբ՝ ֆինանսական գրագիտության այս դասընթացներն արդեն չորս տարի է կազմակերպվում են Իդրամի և IDBank-ի սոցիալական պատասխանատվության ծրագրերի շրջանակում՝ նպատակ ունենալով երեխաների և մեծահասակների շրջանում բարձրացնել ֆինանսական գրագիտության մակարդակը։

«Ծնողական համայնք» ՀԿ-ն տարիներ շարունակ աշխատում է ծնողավարման մշակույթի զարգացման ուղղությամբ՝ ստեղծելով ծնողների հետ բաց երկխոսության հարթակներ։

«Ծնողական համայնք» ՀԿ համահիմնադիր-տնօրեն Մանե Սարոյանն ընդգծեց, որ Իդրամը ոչ միայն ֆինանսապես է աջակցել «Դեպի գիտակից ծնողավարում 2026» ամենամյա համաժողովի իրականացմանը, այլև կիսել է կազմակերպության գաղափարներն ու առաքելությունը։ Նրա խոսքով՝ ծնողներին գիտելիքներով, աջակցությամբ և գործնական հմտություններով զինելը կարևոր ներդրում է ոչ միայն առանձին ընտանիքների բարեկեցության, այլև ամբողջ հասարակության ապագայի համար։  

Ամենամյա համաժողովի ընթացքում ծնողները քննարկեցին ժամանակակից ծնողավարման մարտահրավերները, իսկ ֆինանսական գրագիտության դասընթացի ժամանակ երեխաները սովորեցին խնայել, ճիշտ կառավարել սեփական գումարն ու պաշտպանվել զեղծարարություններից։  

ԸՆԿԵՐՈՒԹՅՈՒՆՆԵՐԸ ՎԵՐԱՀՍԿՎՈՒՄ ԵՆ ՀՀ ԿԲ ԿՈՂՄԻՑ