Նախօրեին Մոսկվայի Սուրբ Պայծառակերպության եկեղեցում կայացել է միասնական աղոթք՝ ի աջակցություն և ի զորակցություն ներկայում կալանքի տակ գտնվող Գագիկ Ծառուկյանի։
Մոսկվայի հայ համայնքի տարբեր սերունդների հարյուրավոր ներկայացուցիչներ հույս և հավատ են հայտնել, որ արդարությունը շուտափույթ կհաղթանակի և ստեղծված իրավիճակն արդար հանգուցալուծում կստանա։
Այս օրը նպատակ ունի բարձրացնելու իրազեկվածությունը օձերի բազմազանության, բնության մեջ նրանց կարևոր դերի և պահպանության անհրաժեշտության մասին ✨
Չնայած օձերը հաճախ վախ են առաջացնում, նրանք էկոհամակարգերի կարևոր մասն են։ Սնվելով կրծողներով և այլ մանր կենդանիներով՝ օձերը նպաստում են նրանց թվաքանակի բնական կարգավորմանը, իսկ իրենք սնունդ են դառնում բազմաթիվ գիշատիչ կենդանիների համար՝ կարևոր տեղ զբաղեցնելով սննդային շղթաներում 🍽️
Օձերը սովորաբար խուսափում են մարդուց և հարձակվում են հիմնականում այն ժամանակ, երբ վտանգ են զգում։ Սակայն վախի ու թյուր պատկերացումների պատճառով նրանք հաճախ ոչնչացվում են, իսկ բնական միջավայրերի կորուստը, ճանապարհային երթևեկությունն ու մարդու գործունեության այլ հետևանքները լրացուցիչ վտանգ են ստեղծում նրանց համար 🌎
Հայաստանում հանդիպում է օձերի 23 տեսակ, որոնցից միայն 4-ն են թունավոր։ Հանդիպելով օձի՝ մի՛ մոտեցեք, մի՛ փորձեք բռնել կամ վնասել նրան․ պարզապես պահպանեք անվտանգ հեռավորություն և հնարավորություն տվեք կենդանուն հեռանալու 💚
Յուրաքանչյուր կյանք կարևոր է և իր դերն ունի բնության մեջ։ Եկե՛ք ճանաչենք, հարգենք և միասին պահպանենք օձերին 🐍
Հարգելի՛ քաղաքացիներ
Սոցիալական ցանցերում իմ վերաբերյալ տարածվող իբր սեքսուալ բնույթի նամակագրությունները ստոր կեղծիք են։ Դրանց տարածումն ակնհայտորեն նպատակ ունի վարկաբեկելու ԻՄ ՀԵՂԻՆԱԿՈՒԹՅՈՒՆԸ՝ կապված ԴԱՏԱՎՈՐԻ իմ մասնագիտական գործունեության հետ։
Նշված փաստի առթիվ ներկայացրել եմ հանցանքի մասին հաղորդում։
Այս հանցավոր արարքի կազմակերպիչներն ու կատարողները կհայտնաբերվեն և կենթարկվեն քրեական պատասխանատվության։
Խաղաղվեք. հարցը փակված է
Որ մանդատն ինձ համար տասներորդական է, ապացուցել եմ։
Բայց այս անգամ իմ` մանդատից հրաժարվել-չհրաժարվելու թեման շատ քննարկվեց։ Չէի արձագանքում։ Այս երկար պաուզան անուն ունի՝ ոջլոտության ստուգում։ Ուզում էի տեսնել՝ ով ով է, ով ինչի է արժանանալու։
Հիմա ասում եմ՝ մանդատը վերցնում եմ: Հրաժարվում եմ խոսքից, որ պարտքից չհրաժարվեմ։
Պարզվեց՝ ինչ-որ մարդիկ շատ-շատ են ուզում, որ խորհրդարանում չլինեմ։ Դրանց չեմ ուրախացնելու: Հետայսու ուրախացնելու եմ միայն նրանց, ովքեր ինձ գնահատում են։
Առանց համեստության՝ չեմ ուզում իմ բացակայությամբ խմբակցությունում խնդիրներ ստեղծվեն։
Խոսքը խոսք է, բայց ավելի կարևոր է պարտքի գիտակցումը։
Այս փուլում իմ պարտքն է` լինել թիմի հետ: Հատկապես՝ Իշխան Սաղաթելյանի և Նարեկ Կարապետյանի կողքին։
Վերջում՝ մանդատով, թե առանց, ես Աղվան Վարդանյանն եմ: Դուք ո՞վ եք։
Հայաստանի տնտեսական կայունությունը վտանգի տակ է: Վերջին տարիներին Հայաստանի տնտեսությունը բախվում է բազմաթիվ մարտահրավերների, որոնք կարող են վտանգել երկրի տնտեսական անվտանգությունը:
2022 թվականին Հայաստանի տնտեսությունը աճել է ընդամենը 5.7%: Այդ գնահատականը զգալիորեն ցածր է տարածաշրջանային միջինից, ինչը ցույց է տալիս, որ մեր տնտեսական աճը դեռևս բավարար չէ: Դրանից բացի, Հայաստանի արտահանման ծավալները նվազել են 15%-ով, ինչը զգալի ազդեցություն ունի երկրի արտաքին հաշվեկշռի վրա:
Այս իրավիճակը ոչ միայն տնտեսական քաղաքականության ձախողման հետևանք է: Պետական ինստիտուտների թուլությունը և նոր տեխնոլոգիաների ներդրման պակասը բերում են նրան, որ Հայաստանը չի կարողանում մրցակցել միջազգային շուկաներում:
Ադամանդի հսկա De Beers-ը դադարեցնում է իր աշխատանքը Հարավային Աֆրիկայի առաջատար հանքում՝ պահանջարկի անկման պատճառով: Սա հարված է ոչ միայն տեղական տնտեսությանը, այլև ողջ աշխարհում ադամանդի շուկային:
Աշխարհում ադամանդի պահանջարկի անկումը կարող է ազդել նաև Հայաստանի վրա՝ հաշվի առնելով մեր երկրում ադամանդի մշակման և արտահանման ոլորտի հնարավորությունները: Մենք կարող ենք ռազմավարական առումով վերանայել մեր ադամանդի արդյունաբերության զարգացման ուղղությունները՝ հնարավոր նոր շուկաներ գտնելու համար:
Հայաստանի համար սա կարող է լինել մի հնարավորություն՝ մուտք գործելու նոր շուկաներ և ընդլայնելու մեր արտահանման պորտֆելը: Սակայն դա պահանջում է խելացի ռազմավարություն և միջազգային շուկայի խորքային վերլուծություն:
Կարծում եք, ինչպե՞ս կարող ենք Հայաստանը դարձնել ադամանդի արդյունաբերության առավել մրցունակ խաղացող:
Ուկրաինայի Գերագույն ռադան նոր վարչապետ է նշանակել Սերգեյ Կորեցկուն, որը նախկինում ղեկավարում էր «Նավթոգազ Ուկրաինա» ընկերությունը։ Նա կփոխարինի Յուլիա Սվիրիդենկոյին։
Նրա կողմից Ռադային ներկայացվել է 16 նախարարից բաղկացած թեկնածուների ցուցակ՝ բացառությամբ Պաշտպանության և Արտաքին գործերի նախարարությունների ղեկավարների, որոնց թեկնածությունները պետք է առաջարկի Վլադիմիր Զելենսկին։ Գերագույն ռադան քվեարկել է նոր կառավարության նախարարների նշանակման օգտին։
Կենդանիները «Երևանի կենդանաբանական այգի» ՀՈԱԿ-ին ի պահ են հանձնվել քրեական վարույթի շրջանակում իրականացվող գործողությունների արդյունքում։
Տեղափոխվել է 3 առյուծ, 4 վագր, 9 կոկորդիլոս և 13 կարապ: Այս մասին Ambion.news»-ի հարցմանն ի պատասխան հայտնել են Երևանի քաղաքապետարանից.
«Ցավոք, տեղափոխված կենդանիներից մեկը՝ էգ առյուծը, թմրեցումից հետո չի արթնացել՝ տարիքով պայմանավորված առողջական խնդիրների պատճառով։
Տեղափոխված մյուս բոլոր կենդանիները բարեհաջող արթնացել են թմրեցումից։ Նրանց վիճակը բավարար է, ապահովված են համապատասխան պայմաններով և պատշաճ հսկողության ու խնամքի ներքո են»,- ասված է քաղաքապետարանի պատասխանի մեջ:
ՀՀ-ում գործող մշակութային որոշ կոլեկտիվների տրվել են ներքին հանձնարարականներ իրենց ստեղծագործությունների անվանումներից հանել «Արցախ» բառը։
Տեղեկությունների արժանահավատությունը պարզելու նպատակով ՀԿ-ն տեղեկություն ստանալու պաշտոնական հարցում է ուղարկել ՀՀ կրթության, գիտության, մշակույթի և սպորտի նախարարություն։
Նախարարության պատասխանում նշվել է, որ նախարարությունը և դրա ենթակայության կազմակերպությունները որևէ գրավոր կամ բանավոր հանձնարարական չեն ստացել մշակութային ստեղծագործություններից կամ պատմամշակութային նյութերից «Արցախ» անվանումը հանելու վերաբերյալ:
Նույն պատասխանում հաստատվում է նաև, որ նախարարության ենթակայության հաստատություններում Արցախի խորհրդանիշների ցուցադրման վերաբերյալ որևէ արգելք սահմանված չէ։
Հենց այս համատեքստում, որպես նկարագրված ընդհանուր միտման կոնկրետ դրսևորում, կարելի է դիտարկել վերջերս Երևանի Անուշավան Տեր-Ղևոնդյանի անվան երաժշտական դպրոցում տեղի ունեցած միջադեպը։
Ցուցահանդես-մրցույթի ընթացքում դպրոցի տնօրենի ժամանակավոր պաշտոնակատարը մրցույթի աշխատանքների տաղավարից հեռացրել է աշակերտներից մեկի ձեռքով նկարված աշխատանքը, որում պատկերված էր Ստեփանակերտի «Մենք ենք մեր սարերը» («Տատիկ-պապիկ») հուշարձանը, այն որակելով «հակապետական քայլ»։
«Արցախյան մշակույթի պահպանման կենտրոն» ՀԿ
Հայցադիմումով պահանջվում է Գագիկ Կոլյայի Ծառուկյանից բռնագանձել՝
75 անշարժ գույք և 10 գույքի շուկայական արժեք, որոնցից 57-ը գտնվում են Երևան քաղաքում.
42 տրանսպորտային միջոց.
38 իրավաբանական անձանցում մասնակցություն, որոնց թվում են՝ «Մուլտի Գրուպ Կոնցեռն» ՍՊԸ-ն, «Մուլտի Ավտոտրանս» ՍՊԸ-ն, «Օնիրա քլաբ» ՍՊԸ-ն և այլ իրավաբանական անձինք.
105 միլիարդ 865 միլիոն 865 հազար դրամ, որը ներառում է ապօրինի եկամտի մնացորդը և ծախսը, ինչպես նաև տրված փոխառությունները, զիջված պահանջի իրավունքը և 5 տրանսպորտային միջոցի շուկայական արժեք: