Գործարար Կոնստանտին Սոկոլովը կնշանակվի TRIPP+ ձեռնարկատիրական հիմնադրամի նախագահ, որը կվերահսկի Կենտրոնական Ասիայի առևտրային միջանցքի համար նախատեսված ավելի քան 200 միլիոն դոլարի միջոցները, հաղորդում է The Guardian–ը:
Պարբերականի տվյալներով՝ Սոկոլովի նշանակումը հաստատել է ԱՄՆ պետքարտուղարությունը։
Նշվում է, որ նա Դոնալդ Թրամփի կողմից հիշատակված 36 դոնորներից մեկն է, որոնք ընդհանուր առմամբ ավելի քան 350 միլիոն դոլար են հատկացրել Սպիտակ տան «պարահանդեսային դահլիճի» նախագծին։
Այսօր Գյումրիի սրտում՝ Սայաթ-Նովա փողոցում, արտակարգ ու ծայրահեղ լարված իրավիճակ է ստեղծվել, ինչը ստիպում է մտածել, որ կրկին վերադառնում ենք մութ ու քրեական 90-ականներ։ Դեպքի վայրից ստացվող տեղեկություններով՝ տեղի է ունեցել թեժ բախում, որն ուղեկցվել է կրակոցներով և դանակահարությամբ։ Կան տուժածներ, որոնք տարբեր աստիճանի վնասվածքներով տեղափոխվել են բժշկական կենտրոն։
Իրավապահներն արագորեն արձագանքել են միջադեպին, և արդեն կան բերման ենթարկվածներ, որոնց տեղափոխել են ոստիկանության Մուշի բաժին։ Մեր ունեցած ներքին, բայց հավաստի տեղեկություններով՝ այս արյունալի պատմության կիզակետում քաղաքում բավականին հայտնի ու ազդեցիկ անձինք են։ Անմեղության կանխավարկածը չխախտելու և անվտանգության նկատառումներից ելնելով՝ կոնկրետ ազգանուններ այս պահին չենք հրապարակում, սակայն քաղաքում շատերն արդեն հասկանում են, թե ում մասին է խոսքը։
Թեև իրավապահ համակարգը դեռևս ձեռնպահ է մնում պաշտոնական հաղորդագրություններ տարածելուց, քանի որ ընթանում են հրատապ քննչական գործողություններ, ակնհայտ է, որ գործը հեշտերից չէ։ Կումայրի բաժնում շարունակվում են հարցաքննությունները՝ պարզելու միջադեպի բոլոր հանգամանքները։ Քաղաքում մթնոլորտը շարունակում է մնալ անհանգիստ։
Արամ Դավթյան
6 տարի ադրբեջանական բանտում. «Շնչահեղձ է լինում, սրտի և թոքերի խնդիրներ են առաջացել»
մարդու իրավունքների պաշտպաններ, ինչպես նաև Ադրբեջանում պահվող հայ գերիների ընտանիքների անդամները։
Հանդիպմանը, ի դեպ, ներկա է եղել շուրջ երեք տարի ադրբեջանական բանտում գտնվող Արցախի Ազգային ժողովի նախկին նախագահ Դավիթ Իշխանյանի որդին:
Արմեն Իշխանյանն, ըստ Հայ դատի գրասենյակի տարածած հաղորդագրության, խոսել է այն ծանր հոգեբանական ազդեցության մասին, որ հոր՝ արդեն հազար օր շարունակվող բանտարկությունը թողել է իր ընտանիքի վրա:
Եվրախորհրդարանում կազմակերպված քննարկմանը մասնակցած իրավապաշտպան Սիրանուշ Սահակյանն «Ազատությանը» փոխանցեց, որ եվրոպացի գործընկերներին տեղեկություններ են փոխանցել հայ գերիների վիճակի, պահման պայմանների և դատավարությունների ընթացքի վերաբերյալ: Անդրադարձել են նաև այն հարցին, թե ինչպես պետք է ներդաշնակեցնել Եվրամիության գործադիր մարմնի գործելակերպը Եվրոպական խորհրդարանի դիրքորոշման հետ:
Եվրոպական խորհրդարանն, ի տարբերություն Եվրահանձնաժողովի, իր բանաձևերում ոչ միայն խոսել է 2023-ին արցախահայերի էթնիկ զտման ու արցախահայերի՝ իրենց հայրենիք վերադարձի իրավունքի մասին, այլև այս տարվա մայիսին դատապարտել է «Ադրբեջանի կողմից հայ ռազմագերիների, կալանավորվածների և պատանդների անարդարացի կալանավորումը», պահանջել նրանց անհապաղ և անվերապահ ազատ արձակումը։
«Արհեստական բանականությունն է ապագան, բայց ի՞նչ գնով»
IBM-ի բաժնետոմսերը անկում են ապրում 25%-ով, քանի որ հաճախորդները իրենց ծախսերը տեղափոխում են դեպի արհեստական բանականություն: Ընկերության գործադիր տնօրեն Արվինդ Կրիշնան խոստովանում է, որ ընկերությունը «սայթաքեց», երբ հաճախորդներն արագորեն սկսեցին գնել սերվերներ և պահեստավորման սարքեր:
Ինչու՞ է սա կարևոր: Արհեստական բանականության վրա կենտրոնացումը կարող է վտանգավոր հետևանքներ ունենալ անվտանգության համար, հատկապես երբ այն շահագործվում է առանց պատշաճ վերահսկողության:
Երևանում հուլիսի 19-20-ին սպասվում է առանց տեղումների եղանակ, իսկ հուլիսի 16-18-ի երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ․ տեղեկացնում է ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ը։
«Հուլիսի 15-20-ին երեկոյան սպասվում է քամու ուժգնացում՝ ՝ 13-16մ/վ։ Հանրապետության տարածքում հուլիսի 16-ին և 20-ին կեսօրից հետո, 17-19-ին՝ գիշերը և կեսօրից հետո առանձին շրջաններում սպասվում է կարճատև անձրև և ամպրոպ, առանձին հատվածներում հնարավոր է կարկուտ: Քամին`հարավարևելյան` 2-5 մ/վ, ամպրոպի ժամանակ սպասվում է նաև քամու ուժգնացում՝ 16-20մ/վ արագությամբ։
Արմավիրում, Արագածոտնի և Կոտայքի նախալեռներում hուլիսի 15-20-ին երեկոյան ժամերին սպասվում է քամու ուժգնացում՝ 15-18մ/վ։
Օդի ջերմաստիճանը հուլիսի 16-ին ցերեկային ժամերին կնվազի 3-4 աստիճանով»,- ասված է հաղորդագրությունում։
Erasmus+ ծրագրով մեկնարկել է Երևանի թատրոնի և կինոյի պետական ինստիտուտի ու Մոնպելիեի Պոլ Վալերի համալսարանի եռամյա համագործակցությունը՝ թատրոնի, կինոյի, աուդիովիզուալ արվեստների և նոր մեդիաների միջազգային ակադեմիական ու ստեղծագործական կապերի զարգացման համար։
Հուլիսի 6-ից Երևանում անցկացվում է առաջին համատեղ արվեստանոցը՝ 20 ուսանողով (10-ը Հայաստանից, 10-ը Ֆրանսիայից), որը վարում են Լորան Բերժենն ու Վենսան Դևիլը։ Ռեկտոր Սառա Նալբանդյանը դա համարում է բուհի միջազգայնացման ռազմավարության կարևոր քայլ։
Երկրորդ փուլը նախատեսված է 2026-ի աշնանը Մոնպելիեում՝ ԵԹԿՊԻ դասախոսների վարմամբ, երբ ծրագրի 10 հայ մասնակիցները կմեկնեն շարունակելու համատեղ աշխատանքը։ Ծրագիրն համադրում է թատրոնն ու կինոն, տեսությունն ու պրակտիկան՝ ներառելով Քելի Ռայխարդտի ֆիլմերի վերլուծություն, վիդեոաշխատանքներ, փերֆորմատիվ ու վիդեոինստալացիոն նախագծեր և ստոպ-մոշն, դեկոմպոզիցիայի, նարատիվ ու դերասանական ֆրագմենտացիայի վարժություններ։
Այսօր՝ հուլիսի 15-ին, Կոտայքի մարզում «Արգել» ՀԷԿ-ի տարածքում գտնվող շինություններից մեկում փլուզում է տեղի ունեցել։ Ժամը 14:20-ի սահմաններում ՆԳՆ 112 օպերատիվ կառավարման կենտրոնն ահազանգ է ստացել տուժածների մասին։
Շամշյան կայքի տեղեկություններով, քաղաքացիները փլատակների տակից դուրս են բերել 2 քաղաքացու, որոնց Չարենցավանի բժշկական կենտրոնի շտապօգնության բժիշկների հերթապահ խմբերը օգնություն են ցուցաբերել և տեղափոխել հիվանդանոց։
Ըստ նախնական տվյալների, վերանորոգման աշխատանքների ժամանակ փլուզվել է մոտ 100 քմ բետոնե ծածկ, ինչի հետևանքով երկու աշխատակից արգելափակվել էին փլատակների տակ։
Ներկայացնում ենք տարադրամի փոխարժեքները՝ ըստ rate.am-ի:
ԱՄՆ դոլարի առքի առավելագույն արժեքը 364.5 դրամ է, վաճառքի նվազագույն արժեքը՝ 367 դրամ, եվրոյի առքի առավելագույն արժեքը 416 դրամ է, վաճառքի նվազագույն արժեքը՝ 421 դրամ։ Ռուսական ռուբլու առքի առավելագույն արժեքը 4.6 դրամ է, վաճառքի նվազագույն արժեքը՝ 4.80 դրամ։
Այսօր ավտովթար է տեղի ունեցել Գյումրի քաղաքի Գերցենի–Լենինգրադյան խաչմերուկում։ Նախնական տեղեկություններով՝ բախվել են Opel Zafira և ՎԱԶ-2107 մակնիշի ավտոմեքենաները։
Ըստ նախնական տվյալների՝ ՎԱԶ-2107-ի վարորդը, առանց կանգ առնելու և ճանապարհի երթևեկության կանոններով նախատեսված առաջնահերթությունը զիջելու, մուտք է գործել երկրորդական փողոց, ինչի հետևանքով բախվել է Opel Zafira-ին։
Վթարի հետևանքով Opel Zafira-ի վարորդը ստացել է մարմնական վնասվածքներ, այդ թվում՝ գլխուղեղի ցնցում, և շտապօգնության մեքենայով տեղափոխվել է Գյումրու բժշկական կենտրոն։
