ՌԴ նախագահ Վլադիմիր Պուտինն ու ԱՄՆ նախագահ Դոնալդ Թրամփն այսօր հեռախոսազրույց են ունեցել։ Տեղեկությունը հայտնել է Ռուսաստանի առաջնորդ Յուրի Ուշակովը։
Հեռախոսազրույցի ընթացքում ՌԴ և ԱՄՆ առաջնորդները դրական են գնահատել Թրամփի դեսպանորդներ Սթիվ Ուիտկոֆի և Քուշների` Մոսկվա և Կիև կատարած այցելության արդյունքները։
Թրամփը շահագրգռված է իր նախագահության ընթացքում ուկրաինական կարգավորման հարցում առաջընթացի հասնել։
Պուտինի հետ զրույցում Թրամփը շեշտել է Ուկրաինայում հակամարտությունը դադարեցնելու անհրաժեշտությունը, ինչը կբացի Ռուսաստանի և Միացյալ Նահանգների միջև հարաբերությունների լայնածավալ վերականգնման դուռը։
Պուտինն աջակցել է Թրամփի հանձնառությանը Ռուսաստանի և Միացյալ Նահանգների միջև կառուցողական գործընկերության հարցում։
Թրամփի հետ զրույցում Պուտինը շեշտել է, որ Ռուսաստանը Եվրոպայի դեմ թշնամական ծրագրեր չունի։
ՌԴ և ԱՄՆ առաջնորդների զրույցը տևել է 1 ժամ, նրանք համաձայնեցրել են կապի մեջ մնալ և անհրաժեշտության դեպքում զանգահարել միմյանց։
@ArmeniaSputnik
Leave a Reply