Եվրոպական երկրները պլանավորում են մինչև ձմեռ Ուկրաինայի համար գնել ամերիկյան Patriot խափանող հրթիռներ, հաղորդում է Bloomberg-ը՝ հղում անելով աղբյուրներին։
Գործակալության տվյալներով՝ երկրները վերջնականապես մշակում են ՆԱՏՕ-ի PURL (Ուկրաինայի առաջնահերթ պահանջների ցանկ) մեխանիզմի ներդրումներն օգտագործելու ծրագիրը՝ խափանող հրթիռների նոր խմբաքանակ գնելու համար, որոնք պետք է Կիևին մատակարարվեն մինչև ձմեռ։ Աղբյուրները չեն բացահայտել հրթիռների ճշգրիտ քանակը՝ անվտանգության նկատառումներից ելնելով։
Ծրագիրը նախատեսվում է քննարկել երեքշաբթի օրը Ուկրաինայի պաշտպանության կոնտակտային խմբի նիստում՝ ԱՄՆ-ի մասնակցությամբ։ Ակնկալվում է, որ Հունաստանը, Գերմանիան և Չեխիան նույնպես կմասնակցեն, մինչդեռ Մեծ Բրիտանիան արդեն հայտարարել է PURL ծրագրին 100 միլիոն ֆունտ ստեռլինգի նոր ներդրման մասին, որի մի մասը կօգտագործվի Patriot հրթիռների գնման համար։
Հետևեք մեզ՝ այստեղ
Leave a Reply