Category: TIV 1

«Այս երկու օրերի քննարկումը ինձ մոտ վերահաստատեց համոզմունքը, որ մեր ընդդիմադիր գործընկերները իմ թեկնածության հետ կապված հակափաստարկ ու ասելիք չունեն. ամեն ինչ՝ իմ հետ փոխկապակցված անձանց շուրջ, բայց ոչինչ՝ իմ գործունեության վերաբերյալ»,- հայտարարեց Աժ նախագահի տեղակալի թեկնածու Հայկ Կոնջորյանը և խոսքն ուղղելով «Հայաստան» խմբակցությանը, ասաց. «Դուք վախ ունեք, որ ես էստեղից բարձրանամ էստեղ: Ուզում եմ ձեզ հանգստացնել՝ եթե ընտրվեմ, խոստանում եմ՝ ձեզ համար ապահովել հաճելի ժամանաց՝ նիստերի դահլիճում: Ինչի՞ վախ ունեք, որովհետև, կներեք, հինգ տարի ինձնից փախած եք ման եկել»,- նշեց նա:

Լոռու մարզում, 2026 թվականի 1-ին կիսամյակում, քրեական վարույթներով, ինչպես նաև դատախազական ներգործության միջոցների կիրառմամբ, պետությանը, համայնքին, պետական և համայնքային մասնակցությամբ կազմակերպություններին պատճառված վնասի վերականգնված գումարի չափը կազմել է 82 միլիոն 480 հազար դրամ:

Մասնավորապես՝ պետական (համայնքային) շահերի պաշտպանության լիազորության շրջանակում Լոռու մարզի դատախազության կողմից ներկայացրած միջնորդագրերի հիման վրա՝ Լոռու մարզի Վանաձոր համայնքի տիրապետմանն է վերադարձվել 37 միլիոն 117 հազար դրամ կադաստրային արժեքով, 3530.45 քմ մակերեսով 9 հողամաս, իսկ քրեական վարույթի շրջանակում՝ Լոռու մարզի դատախազության միջնորդագրի հիման վրա, Լոռու մարզի Գյուլագարակ համայնքի սեփականության իրավունքն է վերականգնվել 2 միլիոն 315 հազար դրամ կադաստրային արժեքով, 2.11588 հա մակերեսով 3 հողամասի նկատմամբ:

Լոռու մարզի դատախազության կողմից, 2026 թվականի 1-ին կիսամյակում, ծանր հանցագործություններով մեղադրական եզրակացությամբ դատարան է հանձնվել 26 քրեական վարույթ, իսկ առանձնապես ծանր հանցագործություններով՝ 7 քրեական վարույթ:

Ծանր հանցագործություններով օրինական ուժի մեջ է մտել 8 մեղադրական դատավճիռ, իսկ առանձնապես ծանր հանցագործություններով՝ 4 մեղադրական դատավճիռ:

Խորհրդարանը քննարկում է ԱԺ նախագահի տեղակալի պաշտոնում Վահագն Ալեքսանյանի թեկնածությունը։ Նրա կենսագրությունը ներկայացրեց ՔՊ խմբակցության պատգամավոր Արուսյակ Ջուլհակյանը։

Հիշեցնենք, որ ԱԺ փոխնախագահի երկու տեղի համար իշխող ՔՊ խմբակցությունն առաջադրել է Հայկ Կոնջորյանի ու Վահագն Ալեքսանյանի թեկնածությունը։

ԱԺ ՔՊ խմբակցության պատգամավոր Հայկ Կոնջորյանն ընտրվել է ԱԺ նախագահի տեղակալ։ 105 պատգամավորից քվեարկությանը մասնակցել է 91-ը։ Կոնջորյանի օգտին կողմ է քվեարկել 63, դեմ՝ 28 պատգամավոր։

Հիշեցնենք, որ ԱԺ ՔՊ խմբակցությունը ԱԺ երկրորդ փոխնախագահի պաշտոնում առաջադրել է Վահագն Ալեքսանյանի թեկնածությունը։

Ուզբեկստանի Հանրապետության նախագահ Շավքաթ Միրզիյոևը շնորհավորական ուղերձ է հղել Նիկոլ Փաշինյանին Հայաստանի Հանրապետության վարչապետի պաշտոնում վերանշանակվելու առթիվ։ Ուղերձում ասված է.

«Հարգելի՛ Նիկոլ Վովայի,

Ինձ համար մեծ ուրախություն է հղել Ձեզ անկեղծ շնորհավորանքներս՝ Հայաստանի Հանրապետության վարչապետի պաշտոնում Ձեր վերանշանակվելու առիթով։

Վստահ եմ, որ այս բարձր պաշտոնում Ձեր գործունեությունը կնպաստի Ձեր ժողովրդի կենսամակարդակի հետագա բարձրացմանը, երկրի միջազգային հեղինակության ամրապնդմանը, ինչպես նաև Ուզբեկստանի և Հայաստանի միջև փոխադարձ կապերի հետևողական զարգացմանը։

Օգտվելով առիթից՝ մաղթում եմ Ձերդ Գերազանցությանը քաջառողջություն, ընտանեկան երջանկություն և հաջողություններ Ձեր պատասխանատու պետական գործունեության մեջ, իսկ Հայաստանի ժողովրդին՝ խաղաղություն և բարգավաճում»։

Պետք է երազեք, որ ես մնամ պայքարի մեջ՝ դուք բոլորդ, հայ ժողովուրդը, ասել է ռուսաստանահայ գործարար Սամվել Կարապետյանը՝ լրագրողների հետ ճեպազրույցում։

Համախմբման իրենց առաջարկի մասին խոսելիս էլ նա նշել է. «Եթե անկեղծ լինեմ, կան կուսակցություններ ու կուսակցության ղեկավարներ, ովքեր ցանկություն չունեն։ Ես պատրաստ եմ ցանկացած օր, բայց կան խնդրանքներ, որ մենք, ու մենք խոսում ենք»։

Ուկրաինայի նախագահ Վոլոդիմիր Զելենսկին հայտարարել է, որ Ռուսաստանի ղեկավարության նպատակն է վերստեղծել անցյալը, և այս ռազմավարությունում առանցքային դեր է խաղում Ուկրաինան, որն իր քաղաքացիների կյանքի գնով պաշտպանում է նաև հարևան պետությունների ինքնուրույնությունը։

«Պուտինի գլուխկոտրուկն վերադառնալն այն ամենին, ինչ արդեն քանդվել է։ Որքան ուժեղ և անկախ են նախկին ԽՍՀՄ երկրները, այնքան դժվար է նրա համար։ Այս пазл-ում առանցքային դեր է խաղում Ուկրաինան»,- նշել է պետության ղեկավարը։

Նա ընդգծել է, որ Կիևը հետևողականորեն զարգացնում է գործընկերությունը Ադրբեջանի հետ՝ հստակորեն աջակցելով վերջինիս ինքնիշխանությանն ու տարածքային ամբողջականությանը։

«Մենք պետք է ամուր հարաբերություններ կառուցենք անկախ Ադրբեջանի հետ։ Մենք աջակցում ենք նրա ինքնիշխանությանը և տարածքային ամբողջականությանը։ Ինչպես որ այս տարի երկար տարիներ անց առաջին անգամ վերականգնեցինք հարաբերությունները Հայաստանի հետ։ Ուկրաինայի այսօրվա ներկայությունը նախկին խորհրդային տարածքում այդ երկրների անկախության երաշխիքն է։ Օրինակ, ես հրավիրված էի Մոլդովայի անկախության օրվան։ Մեզ համար կարևոր է պահպանել նման հարաբերությունները, և ես հպարտ եմ, որ մենք դրանք կառուցում ենք այս կերպ»,- հայտարարել է Զելենսկին։

Օգոստոսի 3-ին պաշտպանության նախարար Սուրեն Պապիկյանը ՊՆ վարչական համալիրում անցկացրել է խորհրդակցություն՝ զինված ուժերում ծառայության հետագա կազմակերպմանը, կարգապահության բարձրացմանը և ընթացիկ աշխատանքներին առնչվող հարցերի վերաբերյալ:

Այս մասին հայտնում են ՀՀ պաշտպանության նախարարությունից:

Իրանի նախագահ Մասուդ Փեզեշքիանը հայտարարել է, որ իրենք պետք է ստիպեն Միացյալ Նահանգներին կատարել հունիսի 18-ին ստորագրված հրադադարի հուշագիրը։Այս մասին Փեզեշքիանը նշել է X-ի գրառման մեջ։

«Ստորագրված հուշագիրն Ազգային անվտանգության խորհրդի անդամների կոլեկտիվ իմաստության արդյունքն էր, և բոլոր անդամները համաձայն են դրա հետ։ Կարծում եմ՝ այս հուշագիրը ապագայում կդառնա մեր արտաքին հարաբերությունների ծանրության կենտրոնը», — ասել է Փեզեշքիանը։

Նրա խոսքով՝ անհրաժեշտ է ջանքեր գործադրել, որպեսզի ամերիկյան կողմը հավատարիմ մնա իր ստորագրած պարտավորություններին։ «Մենք պետք է փորձենք ստիպել թշնամուն հետևել ստորագրածին»,- ասվում է գրառման մեջ։

Փեզեշքիանը կարծիք է հայտնել, որ հուշագիրը կուժեղացնի երկրի, տարածաշրջանի և Իրանի դաշնակիցների անվտանգությունը։