Category: SyunyacErkir

Երևանում մրցույթի տաղավարից հեռացվել է «Մենք ենք մեր սարերը» պատկերը՝ այն որակելով «հակապետական քայլ»: Ասված է «Արցախյան մշակույթի պահպանման կենտրոն» ՀԿ հայտարարության մեջ։

«Հայաստանի Հանրապետության պետական մարմինների կողմից արցախյան մշակութային ժառանգության պաշտպանության ուղղությամբ չեն ձեռնարկվում համապատասխան քայլեր։

Չնայած միջազգային իրավունքի շրջանակներում առկա հնարավորություններին՝ պետական մակարդակով լիարժեք չեն օգտագործվում համապատասխան մեխանիզմները. չեն նախաձեռնվում գործընթացներ ՅՈՒՆԵՍԿՕ-ում, ՄԱԿ-ի համապատասխան մարմիններում և այլ միջազգային հարթակներում, չեն ներկայացվում իրավական հիմնավորումներով զեկույցներ, հաղորդումներ կամ դատական նախաձեռնություններ՝ արցախյան մշակութային ժառանգության դեմ կատարվող խախտումները փաստագրելու, դրանց կանխարգելմանն ուղղված քայլեր ձեռնարկելու և միջազգային պատասխանատվության մեխանիզմները գործադրելու նպատակով։

Փաստ է, որ խնդիրը չի սահմանափակվում միայն պետական անգործությամբ։ Մտահոգիչ են նաև Հայաստանի Հանրապետության ղեկավարության հրապարակային հայտարարությունները, որոնցով Արցախի հայկական եկեղեցիների և մշակութային ժառանգության պահպանության հարցը ներկայացվում է որպես Ադրբեջանի ներքին գործ։ Նման հայտարարությունները փաստացի թուլացնում են Հայաստանի իրավաքաղաքական դիրքերը և կարող են բացասաբար անդրադառնալ միջազգային հարթակներում հետագա իրավական նախաձեռնությունների արդյունավետության վրա։

Այսպես, պետական մակարդակում ձևավորվում է մի իրավիճակ, երբ միջազգային մեխանիզմների չօգտագործումը զուգակցվում է այնպիսի հռետորաբանության հետ, որը միջազգայնորեն թուլացնում է հենց այն իրավական հիմքերը, որոնց վրա հնարավոր կլիներ կառուցել ապագա պաշտպանական քայլերը։

Այս ընդհանուր անտարբերության ֆոնին հանրային լայն արձագանք ստացան տեղեկությունները, համաձայն որոնց՝ ՀՀ-ում գործող մշակութային որոշ կոլեկտիվների տրվել են ներքին հանձնարարականներ իրենց ստեղծագործությունների անվանումներից հանել «Արցախ» բառը։

Տեղեկությունների արժանահավատությունը պարզելու նպատակով ՀԿ-ն տեղեկություն ստանալու պաշտոնական հարցում է ուղարկել ՀՀ կրթության, գիտության, մշակույթի և սպորտի նախարարություն։ Նախարարության պատասխանում նշվել է, որ նախարարությունը և դրա ենթակայության կազմակերպությունները որևէ գրավոր կամ բանավոր հանձնարարական չեն ստացել մշակութային ստեղծագործություններից կամ պատմամշակութային նյութերից «Արցախ» անվանումը հանելու վերաբերյալ: Նույն պատասխանում հաստատվում է նաև, որ նախարարության ենթակայության հաստատություններում Արցախի խորհրդանիշների ցուցադրման վերաբերյալ որևէ արգելք սահմանված չէ։

Թեև նախարարության պատասխանը պաշտոնապես հերքում է նման հանձնարարականի առկայությունը, հանրային դաշտում շրջանառվող տեղեկությունները վկայում են, որ արցախյան ոչ նյութական մշակութային ժառանգության հանդեպ ոտնձգություններ, այնուամենայնիվ, տեղի են ունենում գործնականում՝ առանձին հաստատությունների ու անհատների մակարդակով, նույնիսկ եթե դրանք չեն բխում պաշտոնական հրահանգից։

Հենց այս համատեքստում, որպես նկարագրված ընդհանուր միտման կոնկրետ դրսևորում, կարելի է դիտարկել վերջերս Երևանի Անուշավան Տեր-Ղևոնդյանի անվան երաժշտական դպրոցում տեղի ունեցած միջադեպը։

Ցուցահանդես-մրցույթի ընթացքում դպրոցի տնօրենի ժամանակավոր պաշտոնակատարը մրցույթի աշխատանքների տաղավարից հեռացրել է աշակերտներից մեկի ձեռքով նկարված աշխատանքը, որում պատկերված էր Ստեփանակերտի «Մենք ենք մեր սարերը» («Տատիկ-պապիկ») հուշարձանը, այն որակելով «հակապետական քայլ»։ Պարզաբանումներ ստանալու նպատակով՝ ՀԿ-ն պաշտոնական գրություն է հասցեագրել Երևանի քաղաքապետարանին։ Ի պատասխան՝ քաղաքապետարանը ներկայացրել է «Ա. Տեր-Ղևոնդյանի անվան հ. 1 երաժշտական դպրոց» ՀՈԱԿ-ի տնօրենի գրավոր պարզաբանումը՝ առանց դեպքի վերաբերյալ սեփական գնահատականը ներկայացնելու։

Տնօրենի բացատրությունը, թե նկարը հանվել է պատից բացառապես ներքին կարգապահական կանոնների խախտման հիմքով (քանի որ այն փակցվել էր առանց տնօրինության հետ նախնական համաձայնեցման), հիմնավոր չի թվում. ցուցադրված աշխատանքը համապատասխանում էր մրցույթի ընդհանուր թեմատիկային, և հեռացվել է հենց միայն Արցախի հուշարձանը պատկերող նկարը, ինչը հարցեր է առաջացնում որոշման իրական դրդապատճառների վերաբերյալ։ Նշանակալից է նաև, որ տնօրենի ներկայացրած պարզաբանման մեջ հուշարձանի պաշտոնական անվան («Մենք ենք մեր սարերը») փոխարեն օգտագործվել է «Տատիկների, պապիկների պատկերը» ձևակերպումը, ինչը դժվար է դիտարկել որպես պատահական լեզվական վրիպում՝ հատկապես կրթական հաստատության ղեկավարի պաշտոնական տեքստում։ Հատկանշական է նաև, որ միջադեպից կարճ ժամանակ անց աշակերտի ուսուցչուհին, չհամակերպվելով կատարվածի հետ, դիմումով ազատվել է աշխատանքից։

Այս դեպքի նշանակությունը դուրս է դպրոցական միջադեպի շրջանակից։ Եթե Ադրբեջանի վերահսկողության տակ գտնվող տարածքներում վտանգված է արցախյան մշակութային ժառանգության նյութական բաղադրիչը՝ եկեղեցիները, հուշարձաններն ու պատմամշակութային արժեքները, ապա Հայաստանում առանձնահատուկ ուշադրության կարիք ունի դրա ոչ նյութական բաղադրիչը՝ մշակութային հիշողությունը, պատմական անվանումները, խորհրդանիշներն ու ինքնությունը։ Երկու գործընթացներն էլ, թեև տարբեր դրսևորումներով, ազդում են նույն մշակութային ժառանգության շարունակականության վրա. մեկը՝ ֆիզիկական ոչնչացման, մյուսը՝ հիշողությունից ու հանրային տարածությունից աստիճանական հեռացման միջոցով։

Կարևոր է հասկանալ, որ նման առանձին դեպքերի կուտակումը՝ անկախ նրանից, թե դրանք բխում են կենտրոնացված հրահանգից, թե առանձին պաշտոնյաների նախաձեռնությունից, ձևավորում է համակարգային ազդեցություն. հանրության մեջ աստիճանաբար նորմալացվում է Արցախի մասին լռելու կամ դրա հետ կապված խորհրդանիշներից խուսափելու պրակտիկան։

Մշակութային ինքնության պահպանության իրավունքը միջազգայնորեն սահմանված մարդու իրավունք է, որը բխում է միջազգային իրավունքի հիմնարար սկզբունքներից և ամրագրված է Մարդու իրավունքների համընդհանուր հռչակագրում, Տնտեսական, սոցիալական և մշակութային իրավունքների մասին միջազգային դաշնագրում և մշակութային ժառանգության պաշտպանության վերաբերյալ այլ միջազգային փաստաթղթերում։ Այս իրավունքը որևէ պարագայում չի կարող դառնալ քաղաքական սակարկությունների առարկա։

Հարկ է հիշեցնել նաև, որ ՀՀ կառավարության կողմից ընդունված 2023–2027 թվականների մշակույթի պահպանության, զարգացման և հանրահռչակման ռազմավարությամբ Լեռնային Ղարաբաղից բռնի տեղահանված հայերի մշակութային իրավունքների պաշտպանությունը, ոչ նյութական մշակութային ժառանգության պահպանումը, գույքագրումն ու սերունդներին փոխանցումը սահմանվել են որպես պետական առաջնահերթություններ։ Ռազմավարությամբ ուղղակիորեն արձանագրվում է, որ 2023 թվականի սեպտեմբերյան իրադարձություններից հետո ընդհատվել է Լեռնային Ղարաբաղի հայության մշակութային ինքնության փոխանցման բնականոն շղթան։

Հենց այստեղ է ի հայտ գալիս հիմնական հակասությունը. պետական մակարդակով հռչակված քաղաքականությունը և առօրյա գործնական դրսևորումները չեն համընկնում։ Ինչպես ցույց է տալիս երաժշտական դպրոցի օրինակը, առանձին հաստատություններում կայացվող որոշումները կարող են ուղղակիորեն հակասել պետության կողմից ինքն իր առջև դրված նպատակներին՝ առանց դրա համար որևէ պատասխանատվության կամ նույնիսկ պաշտոնական գնահատականի։

Համադրելով վերոնշյալ դրսևորումները՝ միջազգային մեխանիզմների չօգտագործում, ներքին հանրային դաշտում արցախյան խորհրդանիշների աստիճանական մարգինալացումը, առանձին հաստատություններում արձանագրվող կոնկրետ դեպքեր ու մի շարք այլ իրողություններ, ակնհայտ է դառնում, որ խնդիրը համակարգային է և պահանջում է ոչ թե առանձին միջադեպերի արձագանք, այլ հետևողական պետական քաղաքականություն։

Սույնով հրավիրվում է միջազգային և տեղական իրավապաշտպան կազմակերպությունների, մշակութային ժառանգության պահպանությամբ զբաղվող կառույցների, պետական պատասխանատու մարմինների, ինչպես նաև լրատվամիջոցների ուշադրությունը այս հայտարարության մեջ ներկայացված փաստերի և արձանագրված մտահոգությունների վրա»,- նշված է հայտարարության մեջ։

Иногда один мультфильм становится началом большого разговора. Именно так произошло в Русском центре Капана, где знакомство с анимационной историей о трёх богатырях превратилось в увлекательное путешествие по страницам русского и армянского эпоса.

Ещё до начала просмотра юные участники познакомились с героями древнерусских былин – Ильёй Муромцем, Добрыней Никитичем и Алёшей Поповичем. Однако разговор не ограничился русской традицией. В центре внимания оказался и легендарный герой армянского эпоса – Давид Сасунский.

Ребятам предложили взглянуть на национальных защитников без привычных границ и стереотипов – не как на персонажей разных культур, а как на героев, которых объединяют общие нравственные идеалы.

Подсказки не понадобились. Школьники сами заметили, что и русские богатыри, и Давид Сасунский готовы защищать родную землю, всегда встают на сторону справедливости и не отступают перед испытаниями. Так разговор о фольклоре незаметно вышел за рамки литературных сюжетов и перешёл к ценностям, которые остаются понятными людям независимо от времени и национальности.

После просмотра мультфильма беседа оказалась не менее захватывающей, чем сама история на экране. Каждый стремился поделиться впечатлениями, рассказать о любимом персонаже и объяснить свой выбор.

Постепенно детские ответы сложились в общий вывод: настоящая сила рождается не только из храбрости, но и из верности друзьям, готовности прийти на помощь и умения оставаться верным своим принципам.

«Мне очень понравилось, что богатыри всегда держатся вместе. Одному победить зло тяжело, а когда есть верные друзья – всё по плечу», – поделился участник мероприятия Ален Асрян.

По словам координатора Русского центра в Капане Виктории Акопян, главной задачей встречи было помочь детям увидеть, что культурные традиции разных народов гораздо ближе друг к другу, чем может показаться на первый взгляд.

«Для нас было важно не просто показать детям любимый мультфильм, а помочь им увидеть глубокие культурные связи. Особенно ценно было наблюдать, как ребята сами нашли сходство между русскими богатырями и Давидом Сасунским. Они пришли к выводу, что настоящих героев объединяют открытая душа, мужество, чувство справедливости и преданность своей земле. А последовавшее обсуждение ещё раз подтвердило: современные дети умеют вдумчиво размышлять о дружбе, чести и взаимовыручке», – отметила она.

Ուկրաինայի Գերագույն ռադան հուլիսի 16-ին Սերգեյ Կորեցկիին նշանակել է երկրի նոր վարչապետ։

«Որոշումն ընդունված է», — հայտնում է ընտրությունների արդյունքներով արձանագրությունը, որը մեջբերում է ուկրաինական «Страна.ua» պարբերականը։

Այսպիսով, համաձայն արձանագրության՝ «Նավթոգազ Ուկրաինա» ընկերության գործող գլխավոր տնօրենին այս պաշտոնում նշանակելուն կողմ է քվեարկել 289 պատգամավոր, դեմ՝ միայն մեկը։ Քվեարկությունից ձեռնպահ է մնացել յոթ հոգի, իսկ ևս 21-ը ընդհանրապես չի քվեարկել։

Այժմ խորհրդարանի նիստում հայտարարվել է երկժամյա ընդմիջում։ Դրանից հետո պատգամավորները պետք է վերադառնան դահլիճ և քննարկեն նախարարների կաբինետի նոր կազմի ընդունման հարցը։

Խարդախները շարունակում են «5G ցանցի թարմացման», «կապի որակի բարելավման» կամ «տեխնիկական կարգավորումների» պատրվակով ներկայանալ ՀՀ-ում գործող բջջային օպերատորների աշխատակիցներ և համոզել քաղաքացիներին հեռախոսում ներբեռնել հատուկ ծրագրեր։

«Արմենպրես»-ի փոխանցմամբ՝ այս մասին հայտնում են ՀՀ ՆԳ նախարարությունից՝ ընդգծելով, որ Չնայած ՆԳՆ Կիբեռոստիկանության կողմից բազմիցս հրապարակված իրազեկումներին՝ ցավոք, վերոնշյալ մեթոդի հետևանքով շարունակում են արձանագրվել նոր տուժած քաղաքացիներ։

«Հիշե՛ք՝ նման ծրագրերի տեղադրումը հանցավորներին հնարավորություն է տալիս հեռակա հասանելիություն ստանալ ձեր բջջային հեռախոսին, մուտք գործել բանկային հավելվածներ և հափշտակել ձեր դրամական միջոցները։

Ձեր անվտանգությունն ապահովելու համար՝

• մի՛ ներբեռնեք անծանոթ անձանց առաջարկած ծրագրեր,

• մի՛ տրամադրեք հաստատման կոդեր, գաղտնաբառեր կամ այլ անձնական տվյալներ,

• կասկածելի զանգ ստանալու դեպքում անմիջապես ընդհատեք խոսակցությունը և կապ հաստատեք ձեր բջջային օպերատորի պաշտոնական սպասարկման կենտրոնի հետ։

Հիշե՛ք՝ ՀՀ-ում գործող բջջային օպերատորները երբեք հեռախոսազանգի միջոցով չեն պահանջում ներբեռնել որևէ հավելված կամ ծրագիր»,– ասված է ՆԳՆ-ի տարածած հաղորդագրության մեջ։

ԿԳՄՍՆ-ն մի քանի տարի է՝ հետեւողականորեն տապալում է Գեղարքունիքի մարզի «Սեւանի բազմագործառութային պետական քոլեջ» ՊՈԱԿ-ի տնօրենի թափուր պաշտոնի համար մրցույթը: 2024 թվականին քոլեջի նախկին տնօրեն Գեղամ Խաչատրյանին ազատել են աշխատանքից՝ տնօրենի պարտականությունները ժամանակավորապես դնելով Հասմիկ Մաթեւոսյանի վրա:

Մարզում եւ քոլեջում վստահ են, որ ԿԳՄՍ նախարարության կողմից միտումնավոր են տապալվում Սեւանի քոլեջի տնօրենի ընտրության փորձերը, եւ դա շարունակելու են այնքան ժամանակ, քանի դեռ նախարարությունն իր սրտի տնօրենի թեկնածուին չի գտել: Նշենք, որ նախկին տնօրեն Գեղամ Խաչատրյանի թեկնածությանը նախարարությունում դեմ են, քանի որ նա ՀՅԴ ԳՄ ներկայացուցիչ Իշխան Սաղաթելյանի քրոջ ամուսինն է։

Ըստ մեզ հասած լուրերի՝ ուզում էին տնօրեն կարգել Վարդան Պետրոսյանին, որը երկար տարիներ աշխատում է քոլեջում։ Վ. Պետրոսյանը տնօրենի մրցույթին մասնակցելու համար հավաստագիր է ստացել 2025 թվականի ապրիլին, իսկ մինչ այդ հայտարարված մրցույթները չէին կայանում: Հետաքրքիրն այն է, որ այս պարագայում, երբ ՔՊ-ին սատարող Պետրոսյանը ստացել է հավաստագիր, ԿԳՄՍՆ-ն կրկին տապալում է մրցույթները: Տնօրենի թափուր հաստիքի համար օգոստոսի 4-ին նախարարության կողմից կրկին մրցույթ է հայտարարված:

Քոլեջի նախկին տնօրեն Գեղամ Խաչատրյանը մեզ հետ զրույցում ասաց, որ այս անգամ եւս մասնակցելու է մրցույթին, սակայն հույս չունի, որ մրցույթը կկայանա. «Այս ընթացքում ԿԳՄՍՆ-ի կողմից լիազոր մարմնի ներկայացուցչի չգալու պատճառով մի քանի մրցույթ չի կայացել: Ոչ մի պատճառաբանություն ԿԳՄՍՆ-ն չի տալիս: Ամեն անգամ խորհուրդը գրությունը գրում-ուղարկում է, որ լիազոր մարմնի ներկայացուցիչ ապահովեք, բայց ոչ մի արձագանք»:

Գեղարքունիքի մարզի «Սեւանի բազմագործառութային պետական քոլեջ» ՊՈԱԿ-ի տնօրենի թափուր պաշտոնի համար մրցույթը չի կայանում նախարարության կողմից ներկայացուցչի բացակայության պատճառով, ինչո՞ւ նախարարությունը ներկայացուցիչ չի ուղարկում․ հարցն ուղղեցինք ԿԳՄՍ նախարարությանը: «Հարցը գրավոր ուղարկեք»,- եղավ ստանդարտ պատասխանը:

Թուրքիայի արտգործնախարար Հաքան Ֆիդանը հայտարարել է, որ Ուկրաինայի համար անվտանգության ապագա երաշխիքների շուրջ քննարկվող հարցերի համատեքստում Անկարան համաձայնել է գլխավորել այդ աշխատանքի ռազմածովային բաղադրիչը։

«Ավելի վաղ բարձրացվել էր այն հարցը, թե ինչպես Թուրքիան կարող է պոտենցիալ ներդրում ունենալ [խաղաղ լուծման ապահովման գործում]։ Ներկայումս քննարկվում է հնարավոր խաղաղ համաձայնագրի կարևորագույն ասպեկտներից մեկը՝ Ուկրաինայի համար անվտանգության երաշխիքները։ Այդ երաշխիքները ներառում են ցամաքային, ծովային և օդային տարրեր։ Թուրքիան համաձայնել է գլխավորել ռազմածովային բաղադրիչը։ 

Այս հարցի շուրջ մենք մեր դաշնակիցների հետ փոխըմբռնում ունենք։ Այս ուղղությամբ պլանային աշխատանքներ են տարվում նաև համապատասխան դաշնակից ռազմածովային ուժերի հետ», – ասել է նա Կիևում՝ իր ուկրաինացի գործընկեր Անդրեյ Սիբիգայի հետ համատեղ մամուլի ասուլիսի ժամանակ։ Հեռարձակումն իրականացրել է Թուրքիայի ԱԳՆ-ն սոցցանցերում։

Իրանի ԱԳՆ-ն կոչ է արել Մերձավոր Արևելքի բոլոր երկրներին, որտեղ տեղակայված են ԱՄՆ ռազմական բազաներ, արգելել Վաշինգտոնին իրենց տարածքներից հարվածներ հասցնել Իսլամական Հանրապետությանը։

«Դա անհրաժեշտ է տարածաշրջանում պատերազմի սրացումն ու ընդլայնումը կանխելու համար»,– ասվում է հայտարարության մեջ:

Հիշեցնենք, որ վերջին օրերին կրկին սրվել են ԱՄՆ-Իրան հարաբերությունները, կողմերը փոխադարձ հարվածներ են հասցնում իրար՝ ԱՄՆ-ն Իրանի տարածքին, իսկ Իրանը տարածաշրջանում տեղակայված ԱՄՆ բազաներին։

yerkir.am

Ապօրինի ծագում ունեցող գույքի բռնագանձման վարույթի շրջանակում, Գլխավոր դատախազության միջնորդության հիման վրա, «Արարատցեմենտ» ՓԲ ընկերությունը Հակակոռուպցիոն դատարանի որոշմամբ հանձնվել է Հայաստանի Հանրապետության կառավարմանն ու պահպանմանը:

Հիշեցնենք, որ 2023 թվականի հոկտեմբերի 9-ին Գլխավոր դատախազությունը հայցադիմում էր ներկայացրել Հակակոռուպցիոն դատարան ընդդեմ Գագիկ Կոլյայի Ծառուկյանի և նրան փոխկապակցված անձանց՝ ապօրինի ծագում ունեցող գույքի բռնագանձման պահանջի մասին:

Հայցադիմումով, որպես ապօրինի ծագում ունեցող գույք, ի թիվս այլնի, պահանջվում էր հօգուտ Հայաստանի Հանրապետության բռնագանձել «Արարատցեմենտ» ՓԲ ընկերության բաժնետոմսերը:

Ապօրինի ծագում ունեցող գույքի բռնագանձման գործի շրջանակում, 2026 թվականի հուլիսի 13-ին Գլխավոր դատախազության կողմից Հակակոռուպցիոն դատարան է ներկայացվել հայցի ապահովման միջոց կիրառելու վերաբերյալ միջնորդություն՝ «Արարատցեմենտ» ՓԲ ընկերության բաժնետոմսերի կառավարումն ու պահպանումը Հայաստանի Հանրապետությանը հանձնելու վերաբերյալ:

Դատարանի՝ 2026 թվականի հուլիսի 15-ի որոշմամբ, ներկայացված միջնորդությունը բավարարվել է. «Արարատցեմենտ» ՓԲ ընկերության բաժնետոմսերի կառավարումը ու պահպանումը հանձնվել է Հայաստանի Հանրապետությանը:

Բացի այդ, հայցադիմումով պահանջվում է Գագիկ Կոլյայի Ծառուկյանից բռնագանձել՝

• 75 անշարժ գույք և 10 գույքի շուկայական արժեք, որոնցից 57-ը գտնվում են Երևան քաղաքում.
• 42 տրանսպորտային միջոց.
• 38 իրավաբանական անձանցում մասնակցություն, որոնց թվում են՝ «Մուլտի Գրուպ Կոնցեռն» ՍՊԸ-ն, «Մուլտի Ավտոտրանս» ՍՊԸ-ն, «Օնիրա քլաբ» ՍՊԸ-ն և այլ իրավաբանական անձինք.
•  105 միլիարդ 865 միլիոն 865 հազար դրամ, որը ներառում է ապօրինի եկամտի մնացորդը և ծախսը, ինչպես նաև տրված փոխառությունները, զիջված պահանջի իրավունքը և 5 տրանսպորտային միջոցի շուկայական արժեք:

Կենսաթոշակառուների և բժշկասոցիալական փորձաքննություն անցած անձանց թղթային գործերը տեսաներածելուց հետո հնարավոր կլինի դրանք սահմանված կարգով ոչնչացնել՝ պահպանելով էլեկտրոնային տարբերակները։

«Արմենպրես»-ի հաղորդմամբ՝ համապատասխան նախագիծը հրապարակվել է Իրավական ակտերի նախագծերի հրապարակման միասնական կայքում։

Նախագծով առաջարկվում է վերանայել կենսաթոշակների, ծերության, հաշմանդամության և կերակրողին կորցնելու դեպքում նպաստների, ինչպես նաև բժշկասոցիալական փորձաքննություն անցած անձանց գործերի պահպանման ժամկետները։

2013 թվականից Միասնական սոցիալական ծառայությունում գործում է «Կենսաթոշակառուների հաշվառման միասնական տեղեկատվական համակարգը»։ Կենսաթոշակ կամ նպաստ նշանակելու, վերահաշվարկելու կամ վճարումը դադարեցնելու համար ներկայացված փաստաթղթերը տեսաներածվում են համակարգ, իսկ բնօրինակները վերադարձվում են դիմողին։

Միաժամանակ մինչև համակարգի ներդրումը ձևավորված բազմաթիվ կենսաթոշակային գործեր շարունակում են պահպանվել թղթային տարբերակով։

Նախագծով նախատեսվում է կենսաթոշակային թղթային գործերը ոչնչացնել դրանց ամբողջական տեսաներածված տարբերակները պատրաստելուց և փորձագիտական ստուգում անցկացնելուց հետո։ Էլեկտրոնային գործերի պահպանման ժամկետը կենսաթոշակ ստանալու իրավունքի դադարեցումից հետո կսահմանվի 50 տարի՝ գործող 10 տարվա փոխարեն։

Բժշկասոցիալական փորձաքննություն անցած անձանց գործերի պահպանման ժամկետը նախատեսվում է 50 տարուց կրճատել մինչև 25 տարի։ Թղթային գործերը նույնպես հնարավոր կլինի ոչնչացնել դրանց տեսաներածված տարբերակների առկայությունն ապահովելուց հետո։

Հիմնավորման համաձայն՝ հիվանդանոցային պայմաններում բժշկական օգնություն ստացած պացիենտների հիվանդության պատմագրերի համար ներկայում սահմանված է 25 տարվա պահպանման ժամկետ, մինչդեռ դրանց հիման վրա հաշմանդամություն սահմանելու դեպքում փաստաթղթերը պահվում են 50 տարի։ Նախագծի հեղինակները նման տարբերությունը ողջամիտ չեն համարում։

Փոփոխությունների ընդունմամբ նախատեսվում է Միասնական սոցիալական ծառայության շուրջ 2500-3000 քառակուսի մետր վարչական տարածք ազատել թղթային արխիվներից։

Փաստաթղթերի թվայնացումը, ըստ հիմնավորման, հնարավորություն կտա ապահովել դրանց արագ որոնումը, երկարաժամկետ և անվտանգ պահպանումը, ինչպես նաև պաշտպանությունը ֆիզիկական մաշվածությունից։

Նախագիծը մշակել են Աշխատանքի և սոցիալական հարցերի նախարարության Միասնական սոցիալական ծառայության աշխատակիցները։ Դրա ընդունմամբ պետական բյուջեի եկամուտների կամ ծախսերի էական փոփոխություն չի նախատեսվում։

Հուլիսի 16-17-ը Ադրբեջանի արտաքին գործերի նախարար Ջեյհուն Բայրամովը պաշտոնական այցով կգտնվի Ռուսաստանի Դաշնությունում։

Այցի շրջանակներում նախատեսված են նրա բանակցությունները ՌԴ ԱԳ նախարար Սերգեյ Լավրովի հետ, որոնց ընթացքում կողմերը կքննարկեն երկկողմ համագործակցության ընթացիկ վիճակը և տարածաշրջանային ու միջազգային օրակարգի առանցքային հարցեր։

Ըստ ՌԴ ԱԳՆ-ը հաղրոդագրության՝ Ռուսաստանը Ադրբեջանին դիտարկում է որպես Հարավային Կովկասում և Կասպյան տարածաշրջանում կարևոր գործընկեր։

«Հանդիպման կարևոր թեմաներից է լինելու նաև Հարավային Կովկասում կայունության ապահովումը։ Ռուսական կողմը վերահաստատել է իր պատրաստակամությունը՝ աջակցելու Ադրբեջանի և Հայաստանի միջև հարաբերությունների կարգավորմանը, ներառյալ խաղաղության պայմանագրի կնքմանը, սահմանազատմանը և տրանսպորտային հաղորդակցությունների ապաշրջափակմանը՝ հիմնվելով 2020-2022 թվականների եռակողմ հայտարարությունների վրա։ Այս համատեքստում շեշտվել է «3+3» տարածաշրջանային հարթակի ներուժը, որը նպատակ ունի խթանելու տարածաշրջանային խնդիրների լուծումը՝ առանց արտաքին միջամտության»,- ասվում է ՌԴ ԱԳՆ տարածած հաղորդագրության մեջ։