Category: FreeNews

Վարչապետ Նիկոլ Փաշինյանը առողջապահության նախարար Անահիտ Ավանեսյանի, ԿԳՄՍ նախարար Ժաննա Անդրեասյանի ուղեկցության այցելել է Վ.Ա. Ֆանարջյանի անվան ուռուցքաբանության ազգային կենտրոն ՓԲԸ-ի միջուկային բժշկության ազգային կենտրոն: Նա շրջայց է կատարել կենտրոնում, ծանոթացել ստեղծված պայմաններին և առաջիկա ծրագրերին:

Կենտրոնը 2025 թ․ վերազինվել է և ընդլայնել իր գործունեության շրջանակը։ Պետական բյուջեի միջոցների հաշվին ներդրումը կազմել է ավելի քան 1 մլրդ 444 մլն դրամ: Կենտրոնի մասնակի վերանորոգման շինարարական աշխատանքների համար հատկացվել է ավելի քան 36 մլն դրամ, ձեռք են բերվել ավելի քան 1 մլրդ 407 մլն դրամի սարքավորումներ: Պետական բյուջեի հաշվին կատարված ներդրումների շնորհիվ կենտրոնը համալրվել է նորագույն, թվային ՊԷՏ/ՀՏ համակարգով, բարձր դասի սոնոգրաֆիկ ու մամոգրաֆիկ սարքավորումներով, կոլոնոսկոպիկ ու կոլպոսկոպիկ համակարգերով, ինչպես նաև անխափան սնուցման սարքավորումներով։

Միջուկային բժշկության ազգային կենտրոնը եզակի մասնագիտացված կենտրոն է, որը համալրված է բելգիական IBA ընկերության արտադրության ցիկլոտրոնով։ Կենտրոնի զարգացման շրջանակում արդեն իսկ իրականացված մրցութային գործընթացների արդյունքում ձեռք են բերվել համապատասխան սարքավորումներ՝ թեռանոստիկ բժշկության զարգացման նպատակով։

Ըստ պատասխանատուների՝ ենթակառուցվածքային և տեխնոլոգիական ստեղծված հնարավորությունները կարևոր նախադրյալներ են միջուկային բժշկության ախտորոշիչ և բուժական ուղղությունների հետագա զարգացման, նոր ռադիոֆարմպրեպարատների կիրառման, թեռանոստիկ մոտեցումների ներդրման, ինչպես նաև համապատասխան մասնագիտական ներուժի ձևավորման համար։

Գլենդեյլի ոստիկանությունը ձերբակալել է հինգ հայի՝ փոստային առաքանիների գողության, անձնական տվյալների յուրացման և վարկային քարտերի հետ կապված խարդախության գործով։

Այս մասին օգոստոսի 13-ին հայտնել է Գլենդեյլի ոստիկանության վարչությունը՝ նշելով, որ հետաքննությունը սկսվել է այն բանից հետո, երբ տեղեկություններ են ստացվել, որ անհայտ անձինք մուտք են գործում բազմաբնակարան շենքի բնակիչների փոստարկղեր և այնտեղից վերցնում նամակներն ու այլ առաքանիները։ Դեպքը տեղի է ունեցել West Colorado Street-ի 500-րդ թաղամասում։

Քննության ընթացքում պարզվել է, որ կասկածյալները, օգտագործելով այլ անձանց նույնականացնող տվյալները, նրանց անուններով խարդախությամբ վարկային քարտեր են ձևակերպել, որոնք այնուհետև ուղարկվել են նույն բնակելի համալիրի հասցեներով։ Ոստիկանությունը նաև հայտնել է, որ փոստարկղերի փականները փոփոխվել և փոխարինվել են կեղծ փականներով՝ դրանց չարտոնված մուտք ապահովելու համար։

Օգոստոսի 13-ին ոստիկանությունը բնակելի համալիրում մի շարք խուզարկություններ է իրականացրել և ձերբակալել Գլենդեյլի հինգ բնակչի՝ 36-ամյա Ռազմիկ Բարսեղյանին, 27-ամյա Ռոբերտ Պողոսյանին, 35-ամյա Վահան Քալաշյանին, 26-ամյա Արմեն Հարությունյանին և 27-ամյա Արտյոմ Միլիտոնյանին։

Նրանք կասկածվում են խարդախության, անձնական տվյալների յուրացման և գողության հետ կապված հանցագործությունների համար:

Խուզարկությունների ընթացքում հայտնաբերվել են այլ անձանց պատկանող մեծ քանակությամբ անձնական տվյալներ, վարկային քարտերի վերակոդավորման սարքեր, բազմաթիվ վարկային քարտեր, կանխիկ գումար և ոսկի։ Հետաքննությունը շարունակվում է, իսկ ոստիկանությունը փորձում է պարզել հնարավոր լրացուցիչ տուժածների շրջանակը։ Գործը նախատեսվում է ներկայացնել Լոս Անջելեսի շրջանի դատախազություն՝ մեղադրանք առաջադրելու հարցը քննարկելու համար։

ԱԺ նախագահի տեղակալ Վահագն Ալեքսանյանն իր ելույթում ողջունել է գործընկերներին, «հայ զինվորների մահը ողջունող սրիկային», ապա դիմելով ԱԺ փոխնախագահ Արամ Վարդևանյանին, ասել, թե նա լիովին արդարացնում է իր հեղինակությունը որպես էդպիսին:

«Քիչ էր մնում մեզ մեղավոր հանեիք, որ բերել ձեր ցուցակում մարդ եք ներգրավել, որ վերջին 2-3 տարում, ի դեպ, շեշտեմ, որ ոչ միայն մեր խմբակցությանը, այլև «Հայաստան» խմբակցությանն էլ էր տենց, տներով մտել դուրս է եկել ամենավերջին սրիկայի պես, ընտանիքի ապաքաղաքական անդամներին անձնապես վիրավորել է: Էդ մարդու վերջին հետագիծը վերջին երկու տարվա եղել է դա` մարդկանց ընտանիքի անդամներին թիրախավորելը»,- հայտարարել է Ալեքսանյանը, ապա դիմելով Արամ Վարդևանյանին, ասել, որ նա պետք է ներողություն խնդրի քաղաքացիներից՝ այդ պերսոնաժի՝ այնտեղ հայտնվելու համար:

Նրա խոսքով՝ չի էլ ուզում հիշեցնել՝ ինչեր է ասել «Հայաստան» խմբակցության հասցեին:

«Տարել «Հայաստան» խմբակցությանն էլ մոտիկ եք նստեցրել, չեմ իմանում՝ ինչ է լինելու վերջը»,- ասել է Ալեքսանյանը՝ դիմելով ընդդիմադիր գործընկերներին: 

Ապա նա, դիմելով «Ուժեղ Հայաստան» խմբակցության ղեկավար Նարեկ Կարապետյանին, նկատել է, թե ՔՊ խմբակցությունում չկա մարդ, որը նրանց՝ քաղաքականության մեջ չներգրավված ընտանիքի անդամներին մի թթու տառ ասած լինի:

«Չկա տենց մարդ, հասկանո՞ւմ եք, պարոն Կարապետյան: Դուք բերել էստեղ մարդ եք նստեցրել, որն ընտանիքի անդամների է թիրախավորել»,- նշել է Ալեքսանյանը:

Ինչպես ավելի վաղ հայտնել էինք, ԱԺ-ն քննարկում է տնտեսական հարցերի մշտական հանձնաժողովի նախագահի պաշտոնում Բաբկեն Թունյանի թեկնածության հարցը:

«Քաղաքացիական պայմանագիր» խմբակցության անունից ելույթում խմբակցության ղեկավար Արուսյակ Մանավազյանը հայտնել է, որ Բաբկեն Թունյանը մասնագիտական բավականին բարձր փորձ ունի, փաստացի, նախորդ երկու գումարումներում եղել է հանձնաժողովի նախագահ: 

«Ադ առումով հրաշալի տիրապետում է իր գործին»,- ասել է Մանավազյանը: 

Պատասխանելով ընդդիմադիրների մեղադրանքներին, թե նա չի խոսել ապագայի մասին, Մանավազյանն ասել է, որ ապագան այսօր է, որ կան այն ցուցանիշները, որ բերել է ՀՀ Կառավարությունը, և կան կատարողական բարձր ցուցանիշներ:

Ինչ վերաբերում է ներդրումներին՝ անավազյանը նշել է, որ տնտեսությունում կատարվել են միլիոնավոր դոլարների ներդրումներ: 

«Նույն պատկերն է նաև բիզնես վարկերի դեպքում, որովհետև Հայաստանում վերացել են արտոնյալները, մոնոպոլիաները, փայ մտնելու, շուկաները գրավելը մեկ անձի կողմից: Այսօր քաղաքացին գիտի, որ աշխատում է օրենքի դաշտում, և օրենքը և պետությունը կանգնած են իր կողքին, որ իր տված միջոցները չեն գնում մի քանի հոգու գրպանը»,- ընդգծել է Մանավազյանը: