Category: FreeNews

ՀՀ տարածքային կառավարման և ենթակառուցվածքների նախարար Դավիթ Խուդաթյանն այսօր աշխատանքային այցով Շիրակի մարզում էր՝ Գյումրիում իրականացվող մի շարք ենթակառուցվածքային ծրագրերի ընթացքը դիտարկելու նպատակով։ Այդ մասին հայտնում են ՏԿԵՆ-ից:

 

 

Նախարարը Շիրակի մարզպետ Դավիթ Առուշանյանի և պատասխանատու պաշտոնյաների ուղեկցությամբ նախ այցելել է Գյումրու «Արևիկ» մանկապարտեզ, որտեղ իրականացվում են շենքի վերանորոգման աշխատանքներ։

 

Ծրագրի ավարտից հետո մանկապարտեզը նախատեսվում է շահագործել 186 տեղ հզորությամբ։ Շինարարական աշխատանքներն այս պահին ընթացքի մեջ են։

 

Դավիթ Խուդաթյանը եղել է նաև Գյումրու «Լապտերիկ մսուր-մանկապարտեզ» ՀՈԱԿ-ում, որտեղ նույնպես իրականացվում են շենքի վերանորոգման աշխատանքներ։ Ծրագրի ավարտից հետո մանկապարտեզը նախատեսվում է շահագործել 177 տեղ հզորությամբ։

 

Այնուհետև նախարարն այցելել է Գյումրի-Արևիկ-Այգաբաց-Վարդաքար մարզային նշանակության ավտոճանապարհի 10.4 կմ երկարությամբ հատվածի շինհրապարակ՝ ծանոթանալու շինարարական աշխատանքների ընթացքին։ Տեղում Դավիթ Խուդաթյանը պատասխանատուներին տվել է մի շարք հանձնարարականներ՝ աշխատանքների պատշաճ կազմակերպման և սահմանված ժամկետների պահպանման վերաբերյալ։

Նախարարը դիտարկել է նաև Շիրակացու և Խորենացու փողոցների հիմնանորոգման աշխատանքների ընթացքը։

 

Աշխատանքներն այս պահին նախատեսված ժամանակացույցից հետ են։ Շինարարական կազմակերպության ներկայացուցիչը վստահեցրել է, որ առաջիկա շաբաթների ընթացքում կսկսվեն ասֆալտի ներքին շերտի տեղադրման աշխատանքները։

 

Դավիթ Խուդաթյանը ծանոթացել է նաև Մյասնիկյան փողոցի հիմնանորոգման ծրագրի ընթացքին։ Այստեղ նախատեսվում է հիմնանորոգել 115 մետր երկարությամբ ճանապարհահատված և 484 քմ մայթեր։ Աշխատանքներն իրականացվում են սուբվենցիոն ծրագրի շրջանակում և ներկայում ընթացքի մեջ են։

Աշխատանքային այցի ավարտին Շիրակի մարզպետարանում տեղի է ունեցել խորհրդակցություն՝ Վերակառուցման և զարգացման եվրոպական բանկի «Գյումրի քաղաքի ճանապարհներ» ծրագրով Անի և Ավստրիական թաղամասերի ճանապարհների և փողոցների հիմնանորոգման աշխատանքների վերաբերյալ։

 

Խորհրդակցության ընթացքում նախարար Դավիթ Խուդաթյանը պատասխանատուների հետ քննարկել է ծրագրերի ընթացքը, աշխատանքների որակը, առկա խնդիրներն ու սահմանված ժամկետների պահպանման անհրաժեշտությունը։

Նախարարը հանձնարարել է հետևողականորեն վերահսկել աշխատանքների ընթացքը, ապահովել դրանց պատշաճ որակը և ձեռնարկել անհրաժեշտ միջոցներ՝ նախատեսված ժամկետներում ծրագրերի իրականացումն ապահովելու համար։

Մ-20 ԱԱ-ում 77 կգ քաշային Սամվել Տերտերյանը եզրափակչում 1:1 հաշվով հաղթեց ադրբեջանցի Ջավիդան Նահմաթովին ու կկանգնի պատվո հարթակի ամենաբարձր աստիճանին: Այդ մասին հայտնում են Ըմբշամարտի ֆեդերացիայից:

Տերտերյանը հաղթել էր եգիպտոսցի (9:0), ամերիկացի (6:0), հունգարացի (5:0) և վրացի (6:0) ըմբիշների:

Մ-20 աշխարհի առաջնությունում 87 կգ քաշային Յուրիկ Պետրոսյանը դարձավ արծաթե մեդալակիր: Այս մասին հայտնում են Հայաստանի ըմբշամարտի ֆեդերացիայից։

 

Եզրափակչում հայ ըմբիշը պարտվեց ճապոնացի մրցակցին:

ՀՀ նախագահ Վահագն Խաչատուրյանը հրամանագիր է ստորագրել, ըստ որի՝ Սերյոժա Ստեփանյանն ազատվել է ԶՈՒ բարոյահոգեբանական ապահովման վարչության պետի պաշտոնից:

 

«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 3-րդ մասի.

Սերյոժա Ստեփանյանին ազատել Հայաստանի Հանրապետության զինված ուժերի բարոյահոգեբանական ապահովման վարչության պետի պաշտոնից»,- նշված է հրամանագրում:

ՔԿ-ից հայտնում են՝ օգոստոսի 13-ին ՊՆ N զորամասի զինծառայողի մահվան դեպքի առթիվ նախաձեռնված քրեական վարույթի նախաքննության ընթացքում 1 անձի նկատմամբ հարուցվել է հանրային քրեական հետապնդում՝ Քրեական օրենսգրքի 522-րդ հոդվածի 2-րդ մասի 2-րդ և 3-րդ կետերով (զինծառայողին անզգուշությամբ ինքնասպանության հասցնելը):

 

Նա կալանավորվել է: