Category: FreeNews

Օգոստոսի 18-ին՝ ժամը 14։44-ին, Կոտայքի մարզային օպերատիվ կառավարման կենտրոն ահազանգ է ստացվել, որ Նոր Հաճըն քաղաքում շինարարական աշխատանքների իրականացման ընթացքում ավտոկռունկը պոկվել և ընկել է․ քաղաքացին մնացել է տակը։ Այս մասին տեղեկացնում են ՆԳՆ Փրկարար ծառայությունից:

Դեպքի վայր են մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը և մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Ըստ նախնական տվյալների՝ կա երկու զոհ, մեկ անձ ստացել է մարմնական վնասվածքներ։

Պարզվել է, որ շինարարական աշխատանքների իրականացման ընթացքում զամբյուղը բարձրացնելիս ավտոկռունկի ճոպանը պոկվել է, և զամբյուղն ընկել է: 

ՀՀ ԱԺ նախագահ Ռուբեն Ռուբինյանն օգոստոսի 18-ին ընդունել է ԱՄՆ Կոնգրեսի Ներկայացուցիչների պալատի անդամ Աբրահամ Համադեին։ Այս մասին տեղեկացնում են ԱԺ մամուլի ծառայությունից:

Քննարկվել են Հայաստան-ԱՄՆ միջխորհրդարանական համագործակցության խորացմանն առնչվող հարցեր։

Կողմերն անդրադարձել են վերջին շրջանում տարածաշրջանում տեղի ունեցող զարգացումներին։ Կարևորվել է Հարավային Կովկասում բոլոր տրանսպորտային ուղիների ապաշրջափակումը, այդ թվում «Թրամփի ուղի՝ հանուն միջազգային խաղաղության և բարգավաճման» (TRIPP) նախագծի իրականացումը։

Ընդգծվել է նաև հումանիտար հարցերի լուծման և այդ ուղղությամբ անհրաժեշտ քայլերի ձեռնարկման կարևորությունը։

Մտքեր են փոխանակվել երկկողմ հետաքրքրություն ներկայացնող ոլորտներում գործակցության ընդլայնման վերաբերյալ։

Ըմբիշ Յուրիկ Մխիթարյանը դարձել է Մ-20 տարեկանների Աշխարհի առաջնության մեդալակիր: Այս մասին հայտբնում են Հայաստանի ըմբշամարտի ֆեդերացիայից։

Հայ ըմբիշը բրոնզե գոտեմարտում առանց միավոր տալու առավելության հասավ իրանցի մրցակցի նկատմամբ ու կկանգնի պատվո հարթակի 3-րդ աստիճանին։

Օգոստոս 18-ին տեղի է ունեցել «Քաղաքացիական պայմանագիր» կուսակցության Վարչության նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։

Նիստի ընթացքում քննարկվել է առաջիկա տեղական ինքնակառավարման մարմինների (ՏԻՄ) ընտրությունների նախապատրաստական աշխատանքների ընթացքը։

Օգոստոսի 3-ից մեկնարկել է լոլիկի մթերման գործընթացը․ այսօրվա դրությամբ արդեն մթերվել է շուրջ 4700 տոննա լոլիկ, որից 1800 տոննան՝ «Արտաշատի պահածոների գործարան» ԲԲԸ-ի կողմից։ Այս տարի լոլիկի մթերման հետ կապված խնդիր չենք ունենալու։ Մթերող ընկերությունները պատրաստ են ընդունել առաջարկվող ամբողջ բերքը։

ԱԺ «Քաղաքացիական պայմանագիր» խմբակցության պատգամավոր Արթուր Հովհաննիսյանը «Ֆեյսբուք»-ի իր էջում տեսանյութ է հրապարակել՝ հայտնելով, որ Վազգեն (Բագրատ) Գալստանյանը պարտվել է դատարանում:

Հովհաննիսյանը հավելել է, որ Գալստանյանն ինքն է դատի տվել Հովհաննիսյանին՝ զրպարտության համար, այժմ ստիպված է լինելու վճարել նաև իր փաստաբանական ծախսերի համար:

Առավել մանրամասն՝ տեսանյութում:

Ազգային ժողովում շարունակվում է հանձնաժողովների նախագահների թեկնածությունների քննարկումը։

Ինչպես հայտնել ենք, Մարդու իրավունքների պաշտպանության մշտական հանձնաժողովի համար ընդդիմադիր «Հայաստան» խմբակցությունն առաջադրել է Լիլիթ Գալստյանի թեկնածությունը:

Նրա կենսագրությունը ներկայացնելուց հետո պատգամավորները վերջինիս հարցեր են ուղղել:

«Քանի որ Ձեր գործընկերոջը՝ Արթուր Սարգսյանին, Վազգեն Գալստանյանին և մյուսներին արդար եք անվանում, որոնք դատվում են տեռորիզմի նախապատրաստության գործով, որ Բեն Լադենը Հայաստանում դատապարտված լիներ, Դուք նրան արդար անվանելո՞ւ էիք»,- Վահագն Ալեքսանյանը այս հարցն ուղղել է Մարդու իրավունքների պաշտպանության և հանրային հարցերի մշտական հանձնաժողովի նախագահի թեկնածու Լիլիթ Գալստյանին։

«Ես անթույլատրելի եմ համարում Բագրատ սրբազանի կոնտեքստում Բեն Լադենի հետ համեմատությունը: Կարծում եմ՝ բացարձակապես կոռեկտ չի: Դուք նաև վիրավորում եք ինձ՝ որպես Հայ առաքելական եկեղեցու հավատացյալի»,- պատասխանել է Լիլիթ Գալստյանը։

Ալեքսանյանը արձագանքելով պատասխանել է. «Ես առանձնապես մեծ տարբերություն չեմ տեսնում այդ երկու անձանց միջև: Իմ կրոնական ազատություններն էլ վիրավորվում են, երբ Հայ առաքելական եկեղեցու սպասավորն իրեն պահում է ջիհադիստի պես»: