Category: ArmPulse

Ռուսաստանը ոչնչացրել է Ուկրաինայի առևտրային ցանցերի պահեստների շուրջ 90 տոկոսը: Այս մասին հայտարարել է Ուկրաինայի գյուղատնտեսության նախարար  Տարաս Վիսոցկին ։

 Նա ասել է. «Ռուսները ոչնչացրել են ժամանակակից պահեստների մոտ 90%-ը, բայց սովը չի սպառնում ուկրաինացիներին։ Սովի սպառնալիք չկա»։
Ռուսական հարձակումների արդյունքում Ուկրաինայում ժամանակակից պահեստների մոտ 90%-ը ոչնչացվել է։
Այս մասին հաղորդում է «Ինտերֆաքս-Ուկրաինան»՝ հղում անելով  գյուղատնտեսության նախարար Տարաս Վիսոցկու ճեպազրույցի ժամանակ արված հայտարարությանը։

Միևնույն ժամանակ նախարար  Վիսոցկին ասել է, որ լոգիստիկ ենթակառուցվածքների վրա հարձակումները կարող են ազդել խանութներում ապրանքների տեսականու վրա։

 Մոլդովայի ԱԳՆ շնորհակալություն է հայտնել Հայաստանին Մոլդովայի Անկախության օրվա առթիվ հղած շնորհավորանքների համար։

«Մենք բարձր ենք գնահատում մեր սերտ երկխոսությունն ու բարեկամությունը և հույս ունենք երկկողմ համագործակցության հետագա խորացման վրա փոխադարձ հետաքրքրություն ներկայացնող ոլորտներում», — նշել են Մոլդովայի ԱԳՆ-ում։

Միևնույն ժամանակ Մոլդովայի ԱԳՆշնորհակալություն է հայտնել ևաև Ադրբեջանին Անկախության օրվա առթիվ հղած շնորհավորանքների համար և նշել, որ Մոլդովան բարձր է գնահատում երկու  երկրների միջև բարեկամությունն ու համագործակցությունը։

Տարածքային կառավարման և ենթակառուցվածքների նախարար Դավիթ Խուդաթյանը 2026 թվականի սեպտեմբերի 6-7-ը կգործուղվի Վրաստան (Բաթում)՝ Վրաստանի միջազգային ծովային ֆորումին մասնակցելու նպատակով։ Այս մասին որոշում է ստորագրել ՀՀ վարչապետը։ 

Դավիթ Խուդաթյանի՝ Վրաստան գործուղման ճանապարհածախսի և օրապահիկի ծախսերը կատարվելու են 2026 թվականի պետական բյուջեով Տարածքային կառավարման և ենթակառուցվածքների նախարարությանը հատկացված միջոցների հաշվին: Իսկ գիշերավարձի ծախսերը կատարվելու են հրավիրող կողմի միջոցների հաշվին։

Գործուղումից վերադառնալուց հետո՝ եռօրյա ժամկետում, Դավիթ Խուդաթյանը ներկայացնելու է Վրաստան գործուղման արդյունքների մասին հաշվետվություն։

Փոխվարչապետ Մհեր Գրիգորյանն ընդունել է Եվրասիական տնտեսական հանձնաժողովի տեխնիկական կանոնակարգման հարցերով նախարար Ալեքսանդր Սուբբոտինին։

Հանդիպման ընթացքում քննարկվել են ԵԱՏՄ շրջանակներում տեխնիկական կանոնակարգման, ստանդարտացման և համապատասխանության գնահատման ոլորտներում համագործակցությանն առնչվող հարցեր, ինչպես նաև առկա տեխնիկական խոչընդոտների վերացման ուղղությամբ իրականացվող աշխատանքները։

Հանդիպման ընթացքում մտքեր են փոխանակվել նաև ոլորտում առկա խնդիրների և դրանց լուծման հնարավորությունների շուրջ, ինչպես նաև նախանշվել են հետագա համագործակցության ուղղությունները։