Կարող եք շնորհավորել:
Եթե Աստված քեզ հետ է, ապա ո՞վ է կարող է քեզ դեմ լինել: Թունելի վերջում միշտ լույսը կա՛:
Հինգ ու կես տարի տևած դատական գործից հետո այսօր ստացա ՀՀ Վճռաբեկ դատարանի որոշումը, որի համաձայն՝ Հանրային հեռուստաընկերության դեմ հայցս բավարարվել է, այսինքն՝ հաղթել եմ: Պետրոս Ղազարյանի հորդորներով իմ դեմ կազմակերպված սուտ և հորինված նկատողությունները, որոնց տակ ժամանակին ստորագրել էր Մարգարիտա Գրիգորյանը, անհիմն են:
Ես Հանրային հեռուստաընկերությունում աշխատել եմ 2013 թվականից և հեռացել 2020 թվականի մարտի 9-ին: Այդ ընթացքում հեռուստաալիքին բերել եմ հարյուրավոր էքսկլյուզիվ, դիտարժան ռեպորտաժներ, հարյուրհազարավոր դիտումներ: Ֆրանկոֆոնիայի գագաթնաժողովի ընթացքում ավելի քան տասը պետության ղեկավարների հետ, այդ թվում՝ Ֆրանսիայի նախագահ Մակրոնի հետ հարցազրույցներ եմ ունեցել իմ լրագրողական հմտությունների շնորհիվ, որոնցից օգտվել է ամբողջ մեդիադաշտը: Ֆրանկոֆոնիայի մասին 40-ից ավելի հեղինակային ռեպորտաժ ունեմ, նույնքան էլ Շառլ Ազնավուրի մասին և այլն:
Լսարանս լավ գիտի՝ հիմնականում լուսաբանել եմ մշակութային, կրթական, սոցիալական ոլորտները, և դուք չեք գտնի որևէ ռեպորտաժ, որտեղ մասնագիտական էթիկան չեմ պահպանել կամ որտեղ երևացել են իմ անձնական քաղաքական հայացքները:
Միշտ դրսևորել եմ բարձր պատասխանատվություն և պրոֆեսիոնալիզմ, այդուհանդերձ, ենթարկվել եմ քաղաքական հետապնդումների և ճնշումների Պետրոս Ղազարյանի և իր ենթակաների կողմից, որոնք մասնագիտական գործունեությունս ծավալելու ընթացքում ինձ համար ստեղծում էին արհեստական խոչընդոտներ, բանսարկություններ, քանի որ ես որպես ՀՀ քաղաքացի՝ Փաշինյանի իշխանության կողմնակիցը չեմ եղել, ինչպես նաև ընտանիքիս անդամները հանրային գործունեություն էին ծավալում և պարբերաբար քննադատում այս իշխանությանը, որը Պետրոս Ղազարյանին կանաչ լույս էր տալիս, որ ինձ ճնշեր և խաղար իմ հեղինակության հետ: Բայց ինչպես ասում են՝ ԱՐԴԱՐՈՒԹՅՈՒՆԸ հիվանդանում է, բայց չի մեռնում:
Անսահման շնորհակալ եմ Ռուբեն Մելիքյանին և իր փաստաբանական գրասենյակին, փաստաբան Դավիթ Ավագյանին իրենց պրոֆեսիոնալիզմի համար:
Աստված օրհնի նաև այն դատավորներին ու իրենց ընտանիքներին, որոնք առաջնորդվել են օրենքով, մտքով ու խղճով:
Չեմ մոռանում շնորհակալություն հայտնել իմ առաջին փաստաբան Սամվել Գրիգորյանին, որն իմ ամենածանր օրերին իմ կողքին էր նաև իր մարդկային բարձր որակներով:
Շնորհակալ եմ իմ ընկերներին, հարազատներին, բարեկամներին, հեռուստադիտողներին, ովքեր թույլ չտվեցին, որ կոտրվեի…
Երախտապարտ եմ բոլորիդ:
ՊՆ վարժական հավաքները բանակի ներկայիս վիճակին ծանոթանալու, բայց նաև քաղաքացիական կյանքից կտրվելու և ինքնանդրադարձի լավ հնարավորություն էր։
Արդարադատության նախարարությունը առաջարկում է փոփոխություն կատարել Քրեական օրենսգրքում՝ լրացնելով 342-րդ հոդվածը։ Հոդվածը վերաբերում է ճանապարհային երթևեկության կանոնների խախտմանը, որի հետևանքով վնաս է պատճառվել անձի առողջությանը։
Օգոստոսի 18-ին՝ ժամը 11։00-ին, Ներքին գործերի նախարարությունում (Նալբանդյան 130, Հանրային հաղորդակցության և իրազեկման վարչությունում) տեղի կունենա մամուլի ասուլիս։
>կուսակցության քաղաքական խորհրդի անդամ Արսեն Բաբայանը գրում է. Ուժեղը ՔՊ-ն ա, որ նախ թելադրեց իր կանոնները, ենթարկեցրեց իր պայմաններին եւ 2 օր շարունակ մեծ օրակարգ դարձրեց իրենց ենթարկվելու «ԳԱԼԱ համերգը»:
Իրանական ընկերությունները սկսել են Հայաստանի տարածքում 7,2 կիլոմետր երկարությամբ Քաջարանի թունելի շինարարությունը։
«Ազգային ժողովի «Ուժեղ Հայաստան» խմբակցությունում վերջին միջադեպից հետո լուրջ քննարկում է տեղի ունեցել խմբակցության անդամների և պատգամավոր Էդգար Ղազարյանի միջև։
ՀՀ նախագահ Վահագն Խաչատուրյանի օգոստոսի 14-ի կարգադրությամբ Արմեն Մարկոսյանը նշանակվել է Հանրապետության նախագահի աշխատակազմի ղեկավարի տեղակալ։
ՀՀ քննչական կոմիտեի կիբեռհանցագործությունների և բարձր տեխնոլոգիաների ոլորտում կատարված հանցագործությունների քննության վարչությունում նախաձեռնված քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, Ս․Ղ․-ն տեղեկանալով համակարգչային համակարգ հանդիսացող ընկերության էլեկտրոնային հավելվածի ծրագրային ապահովման մոդուլի՝ հաշվից քարտ և քարտից քարտ փոխանցումներ կատարելիս ծրագրում հաշվի մնացորդի ստուգման գործառույթ իրականացնելու տեխնիկական խոտանի մասին, 2024 թվականի դեկտեմբերի 30-ից մինչև 2025 թվականի հունվարի 5-ն ընկած ժամանակահատվածում, նույն բանկում իր հաշվին ունենալով ընդամենը 92 հզր ՀՀ դրամ, վերը նշված հավելվածի միջոցով ապօրինի՝ առանց օրենքով, պայմանագրով կամ իրավաչափ այլ հիմքով նախատեսված թույլտվության, համակարգչային համակարգում 2709 անգամ մուտքագրել է համակարգչային տվյալ հանդիսացող փոխանցման թվային տարբեր արժեքներ, ինչի արդյունքում նշված խոտանով պայմանավորված իր քարտային հաշվին գեներացրել է 802 մլն 568 հզր ՀՀ դրամ, որը նույն խոտանով պայմանավորված՝ համակարգի կողմից դիտարկվել է որպես բարեհաջող կատարված գործարք:
Առաջիկայում թվայնացումը դառնալու է Պետական եկամուտների կոմիտեի բոլոր բարեփոխումների առանցքային բաղադրիչը։