Category: Ambion.news

Քանի որ ամառ է, սա շատ կարևոր է իմանալ։

Թունավոր օձերի հիմնական տարբերությունները, որոնց պետք է ուշադրություն դարձնել (հեռավորությունից)․👁️ Աչքի բիբը Թունավոր (իժեր): Ունեն ուղղահայաց, կատվի աչքի նման բիբեր։ Ոչ թունավոր (լորտուներ, սահնօձեր): Ունեն կլոր բիբեր։ Գլխի ձևը Թունավորների մոտ: Գլուխը եռանկյունաձև է, սուր անկյուններով և հստակ առանձնանում է պարանոցից։ Ոչ թունավոր: Գլուխը ձվաձև է, կլորավուն և սահուն անցնում է դեպի մարմին։🐍 Մարմնի կառուցվածքը և պոչը Թունավոր: Մարմինը հաստ է, կարճ, իսկ պոչը կտրուկ բարակում է։ Ոչ թունավոր: Մարմինը երկար է, սլացիկ, իսկ պոչը աստիճանաբար, սահուն է բարակում։ Նախշերը և գունավորումը Թունավոր: Մեջքի երկայնքով հաճախ անցնում է զիգզագաձև կամ շղթայաձև մուգ նախշ։ Ոչ թունավոր: Հաճախ միագույն են, երկայնակի գծերով կամ պտերով։ Օրինակ՝ սովորական լորտուն գլխի հետևում ունի երկու վառ դեղին կամ նարնջագույն բծեր Վարքագիծը Թունավոր: Դանդաղաշարժ են։ Վտանգի դեպքում կծկվում են, սուլում և ընդունում պաշտպանողական դիրք։Ոչ թունավոր: Շատ արագաշարժ են։ Մարդուն տեսնելիս գրեթե միշտ փորձում են արագ փախչել (բացառությամբ, եթե անկյուն են քշվել)։

 

Շիրակի մարզպետ Դավիթ Առուշանյանը հայտնում է․ «Տեղեկացնում եմ, որ հրաժարվել եմ Հայաստանի Հանրապետության Ազգային ժողովի պատգամավորի մանդատից և շարունակելու եմ իմ գործունեությունը՝ որպես Շիրակի մարզպետ։

Ինձ համար պետական ծառայությունը պատասխանատվություն է մարդկանց հանդեպ։ Այդ պատասխանատվությամբ էլ շարունակելու եմ առավել մեծ հաստատակամությամբ, հետևողականությամբ և վճռականությամբ աշխատել՝ հանուն Շիրակի զարգացման, նոր ծրագրերի իրականացման, ենթակառուցվածքների բարելավման և մեր մարզի ու սիրելի Գյումրու առաջընթացի։

Շնորհակալ եմ Շիրակի մարզի բոլոր բնակիչներին աջակցության և համագործակցության համար։ Ձեր վստահությունն ինձ համար ամենամեծ պատասխանատվությունն է, ամենօրյա աշխատանքով ու գործուն քայլերով անելու եմ հնարավորը՝ արդարացնելու ձեր սպասումները։

Վստահ եմ, որ միասին կկարողանանք իրականացնել մեր առջև դրված նպատակները և ապահովել Շիրակի ու Գյումրու կայուն զարգացումն ու բարեկեցիկ ապագան։

Անշեղ հանձնառությամբ, նվիրումով ու եռանդով քայլելու ենք առաջ՝ հանուն Շիրակի մարզի, նրա համայնքների, յուրաքանչյուր բնակչի և Հայաստանի Հանրապետության»

Եվրոպական հանձնաժողովը նախնական եզրակացության է եկել, որ Meta-ի Instagram և Facebook հարթակները խախտում են ԵՄ թվային ծառայությունների մասին օրենքը (DSA)՝ օգտատերերի, մասնավորապես՝ երեխաների և դեռահասների մտավոր և ֆիզիկական առողջության համար ռիսկերի պատճառով․ Բրյուսելում կայացած ճեպազրույցի ժամանակ հայտարարել է հանձնաժողովի խոսնակ Թոմա Ռենիերը։

 

Նա նշել է, որ հետաքննությունը բացահայտել է, որ ընկերությունը չի կարողացել պատշաճ կերպով գնահատել տեսանյութերի ավտոմատ միացումների, push-ծանուցումների և խիստ անհատականացված առաջարկությունների ալգորիթմների հետ կապված ռիսկերը և չի կարողացել իրականացնել արդյունավետ մեղմացնող միջոցառումներ։

 

Ըստ գնահատման՝ Meta-ն խախտում է DSA-ն՝ կախվածություն առաջացնող դիզայնի պատճառով։

 

Եվրոպական միությունում մոտ 270 միլիոն մարդ օգտվում է Meta-ի ծառայություններից, և երեխաների գրեթե կեսն արդեն իսկ ունի Instagram հաշիվ 12 տարեկանում, չնայած սա ընկերության կանոններով սահմանված նվազագույն տարիքից ցածր է։

 

Հանձնաժողովի ներկայացուցչի խոսքով՝ նման օգտագործման հետևանքները արտացոլվում են անչափահասների շրջանում անհանգստության, դեպրեսիայի և քնի խանգարումների աճով։ Հանձնաժողովի հրապարակած նախնական եզրակացությունների համաձայն՝ Meta-ն հաշվի չի առել իր ալգորիթմների և հարթակի գործառույթների ազդեցությունն օգտագործողի հարկադրական վարքագծի զարգացման վրա։ Մասնավորապես, պարզվել է, որ ընկերությունն անտեսել է առկա տվյալներն այն մասին, թե որքան ժամանակ են անչափահասները գիշերն անցկացնում Instagram-ում և Facebook-ում, ինչպես նաև այն մասին, թե ինչպես կարող են Reels և Stories ձևաչափերը նպաստել ծառայությունների չափազանց օգտագործմանը։

 

Եվրոպական հանձնաժողովը նաև անբավարար է համարում հարթակի օգտագործման ժամանակը սահմանափակելու առկա միջոցները։ Անվտանգության կենտրոնի առանձին բաժնում տեղադրված հոգեկան առողջության վերաբերյալ տեղեկատվական նյութերը նույնպես անբավարար են համարվել։ Հանձնաժողովը կարծում է, որ Meta-ն պետք է փոխի երկու հարթակների ճարտարապետությունը։

 

Meta-ն կարող է տուգանվել իր համաշխարհային տարեկան եկամտի մինչև 6%-ի չափով։

 

 

««Ադրբեջանում լայնածավալ զորավարժություններ են՝ ընդգծված հարձակողական ուղղվածությամբ։ Հայաստանում Գլխավոր շտաբի  պետը զեկուցում է N զորամասում նոր ճաշարան բացելու վերաբերյալ․․։

Կհիշե՞ք Հայաստանում վերջին անգամ երբ է խոշոր զորավարժություն անցկացվել: Աստծո սիրուն, Արծիվ գործընկերոջ օրինակը չբերեք։ Մասնակցել է ընդամենը 250 հայ խաղաղապահ, 58 ամերիկացի զինվոր և Կանզասի ազգային գվարդիայի ծառայող, 24 ֆրանսիացի ու 11 հույն»»։

Գործարար և քաղաքական գործիչ Տիգրան Արզաքանցյանը և Նատալյա Ռոտենբերգը պաշտոնապես ամուսնալուծվել են։ Այս տեղեկությունը հայտնի է դարձել պաշտոնական ընթացակարգերի ավարտից հետո։
Զույգը նախկինում հրապարակային էր հանդես գալիս տարբեր միջոցառումների ժամանակ, սակայն վերջին շրջանում նրանց անձնական կյանքի վերաբերյալ տարբեր տեղեկություններ էին շրջանառվում։ Այժմ ամուսնալուծության փաստը պաշտոնապես հաստատվել է։
Այս պահին կողմերից որևէ մեկը չի հրապարակել ամուսնալուծության պատճառների վերաբերյալ մեկնաբանություն։
Լուսանկարը՝ արխիվային։

Մհեր Ախտոյանն և հայրը արտերկրում անհետացել են.
Մերձավանի նախկին ՔՊ-ական ղեկավար Մհեր Ախտոյանը և հայրը արտերկրում անհետացել են։ Հիշեցնենք, որ Մհեր Ախտոյանը Հայաստանը լքել էր Վալոդյա Գրիգորյանի սպա­նությունից 10 օր առաջ, այժմ մեղադրյալի աթոռին են նրա ազգական Նարեկ Օհանյանը և սպանության մեջ մեղադրվող Գևորգ Հարությունյանը։Մեր տեղեկություններով՝ Մհեր Ախտոյանի մայրը նույնպես ամուսնու և որդու հետ մեկնել էր արտերկիր, ըստ բարեկամների` նա ՀՀ է վերադառնում առանց ամուսնու և որդու։ ՀՀ իրավապահները չգիտեն, թե ինչ է կատարվել դրսում: Քննչական կոմիտեից ասացին, որ Ախտոյանների «անհետանալու» հետ կապված վարույթ չկա:

Զգուշացե՛ք՝ ԱԱԾ-ն ձեր ծոծրակի հետևում է․ ինչպե՞ս կարող է իշխանությունն օգտագործել ձեր անձնական տվյալներն ու «գաղտնիքները»

«Ես պաշտոնապես ասում եմ, ժողովուրդ ջան, բոլորիդ բոլոր անձնական տվյալները ինչ-որ մի տեղ կուտակվում են, 21-րդ դարում դուք ոչ մի գաղտնիք չունեք»,- երեկ կառավարության նիստից հետո լրագրողների հետ ճեպազրույցի ժամանակ հայտարարեց Նիկոլ Փաշինյանը՝ անդրադառնալով բջջային հեռախոսների IMEI կոդերի վերահսկողության նախաձեռնության մասին լրագրողի հարցին։

Մեդիափորձագետ Սամվել Մարտիրոսյանը Ambion.news-ի հետ զրույցում, անդրադառնալով Փաշինյանի պնդումներին, ասաց, որ նախ՝ շատերին է մտահոգում անձնական տվյալների հավաքագրումը որևէ կառույցի կամ երկրի կողմից, այնպես չէ, որ դա ոչ ոքի չի հետաքրքրում։ Եվ հետո՝ արտաքին կառույցների ու երկրների կողմից մեր մասին հավաքագրված տեղեկատվության օգտագործումն այն նույն ռիսկերը չունի, ինչ տեղական իշխանությունների կողմից հավաքագրվածը։

Մենք՝ Հայաստանի Հանրապետության Ազգային ժողովի կին պատգամավորներս, խոր մտահոգություն ենք հայտնում մեր  գործընկեր, «Մայր Հայաստան» կուսակցության վարչության անդամ Արեգնազ Մանուկյանի նկատմամբ որպես խափանման միջոց ընտրված կալանքի կիրառման առնչությամբ։

Հաշվի առնելով փաստի հանրային հնչեղությունը, Արեգնազ Մանուկյանի՝ քաղաքական-հասարակական գործունեությունը, անչափահաս երեխա ունենալու հանգամանքը,  ինչպես նաև մարդու հիմնարար իրավունքների պաշտպանության սկզբունքները՝ կոչ ենք անում.

1️⃣Անհապաղ վերանայել Արեգնազ Մանուկյանի նկատմամբ ընտրված խափանման միջոցը։

2️⃣Կիրառել ազատությունից զրկելու հետ չկապված այլընտրանքային խափանման միջոց։

3️⃣Ապահովել քրեական վարույթի ամբողջ ընթացքում օրենքի, արդար դատաքննության և մարդու իրավունքների միջազգային չափանիշների լիարժեք պահպանումը։

Այսու, հորդորում ենք ՀՀ գլխավոր դատախազ Աննա Վարդապետյանին և վարույթ իրականացնող մարմնի ղեկավար Արթուր Պողոսյանին՝ վերանայել կալանքի անհրաժեշտությունը և ապահովել Արեգնազ Մանուկյանի կալանքից ազատ արձակումը՝ կիրառելով խափանման ավելի մեղմ, այլընտրանքային միջոց։

1️⃣Գալստյան Լիլիթ

2️⃣Գասպարյան Իրինա

3️⃣Գրիգորյան Աննա

4️⃣Թովմասյան Թագուհի (անկուսակցական)

5️⃣Խամոյան Ագնեսա

6️⃣Խերանյան Արմինե

7️⃣Կյուրեղյան Արմենուհի

8️⃣Կրպեյան Ասպրամ

9️⃣Միրզոեւա Զեմֆիրա

1️⃣0️⃣Մկրտչյան Աննա («Պատիվ ունեմ» խմբակցություն)

1️⃣1️⃣ Վարդանյան Արփինե

1️⃣2️⃣ Վարդանյան Էլինար

1️⃣3️⃣ Վարդանյան Քրիստինե

Գետահովիտ գյուղի Խաչաղբյուր գետից քաղաքացիները դուրս են բերել 19-ամյա Էրիկ Ս.-ի մարմինը։

Նախնական տվյալներով՝ նա ընկել է գետը և գլուխը հարվածել քարերին։ Դեպքի առնչությամբ նախաձեռնվել է քրեական վարույթ։

Վարչապետ Փաշինյանը որոշում է ստորագրել․

«Ղեկավարվելով «Հանրային ծառայության մասին» օրենքի 9-րդ հոդվածի 19-րդ
մասով՝
Վարչապետի մամուլի քարտուղար Նազելի Բաղդասարյանին տրամադրել 2025-2026 թվականների աշխատանքային տարվա ամենամյա արձակուրդի չօգտագործված մասը՝ 4 աշխատանքային օր տևողությամբ և 2026-2027 թվականների աշխատանքային տարվա ամենամյա նվազագույն արձակուրդի մասը՝ 5 աշխատանքային օր տևողությամբ՝ 2026 թվականի հուլիսի 15-27-ը ներառյալ»։