Category: Ambion.news

Հուլիսի 12-ին Սևանա լճի հանրային լողափերում հերթապահություն իրականացնող ջրափրկարարները նկատել են ափից տարբեր հեռավորությունների վրա շրջված ջրային մոտոցիկլետներ։

Թուրքիան ուղիներ է փնտրում ռուսական S-400 զենիթահրթիռային համալիրները վաճառելու համար (հավանաբար՝ Կատարին կամ Արաբական Միացյալ Էմիրություններին), որպեսզի ազատվի ԱՄՆ-ի CAATSA պատժամիջոցներից և վերադառնա հինգերորդ սերնդի F-35 կործանիչների ծրագրին։ Այս ռիսկային քայլը կարող է թուրքական ղեկավարության համար ավարտվել ազդեցության կարևոր լծակների կորստով՝ առանց դրա դիմաց որևէ իրական երաշխիք ստանալու։

Ամերիկյան կործանիչներ ձեռք բերելու ցանկության հետևում թաքնված է ավելի խորքային ռազմավարական հաշվարկ, որն անմիջականորեն առնչվում է Մերձավոր Արևելքում ուժերի հավասարակշռության հետ:

Հասկանալու համար, թե ինչու է Անկարան այսօր շտապում հրաժարվել 2,5 միլիարդ դոլար արժողությամբ ռուսական ՀՕՊ համակարգից, որի համար պատրաստ էր լուրջ հակամարտության գնալ իր դաշնակիցների հետ՝ անհրաժեշտ է գնահատել, թե որքան մեծ վնաս հասցրեց այդ գործարքը։

2019թ., երբ Թուրքիան ստացավ Ս-400 համալիրների առաջին խմբաքանակը, Վաշինգտոնի պատասխանը ամենևին էլ խորհրդանշական չէր։ Թուրքիան պաշտոնապես դուրս մնաց հինգերորդ սերնդի F-35 կործանիչների ծրագրից, որի մասնակիցն էր 2002 թ-ից՝ միաժամանակ լինելով թե՛ գնորդ, և թե՛ արդյունաբերական գործընկեր։

Թուրքիայի կողմից արդեն վճարված վեց հատ F-35 ինքնաթիռները, (ընդհանուր արժեքը՝ 1,4 միլիարդ դոլար), չփոխանցվեցին Անկարային։

2020թ դեկտեմբերին Դոնալդ Թրամփի վարչակազմը CAATSA օրենքի շրջանակներում պատժամիջոցներ կիրառեց Թուրքիայի պաշտպանական գնումների պետական գործակալության (SSTEK) նկատմամբ՝ փաստացի փակելով նրա մուտքը ամերիկյան ռազմական տեխնոլոգիաներին և ռազմատեխնիկական համագործակցությանը։

Թուրքիայի ռազմաօդային ուժերը, որոնք մինչ վերջերս համարվում էին ՆԱՏՕ-ի ուժեղներից մեկը՝ շարունակում են շահագործել աստիճանաբար հնացող F-16 կործանիչների տարբերակները, մինչդեռ տարածաշրջանային մրցակիցներն արագորեն արդիականացնում են իրենց ավիացիան։

Հունաստանը՝ Թուրքիայի պատմական հակառակորդը և միաժամանակ ՆԱՏՕ-ի դաշնակիցը, արդեն միացել է F-35 ծրագրին։

Թուրքիայի հետ սրված հարաբերություններով Իսրայելը շահագործում է աշխարհում ամենակատարելագործված F-35 պարկերից մեկը՝ ինքնաթիռները համալրելով սեփական կառավարման համակարգերով, ռադիոէլեկտրոնային պայքարի միջոցներով և մարտական կիրառման հնարավորություններով, որոնք չունի որևէ այլ օպերատոր։

Թուրքական ԶՈւ համար սա պարզապես վերացական ռազմավարական խնդիր չէ։ Սա տարածաշրջանում օդային գերազանցության իրական կորուստ է այն պայմաններում, երբ ուժերի հավասարակշռությունը արագ փոխվում է։

Ամերիկյան Ազգային պաշտպանության լիազորությունների մասին օրենքի (NDAA) համաձայն՝ ԱՄՆ վարչակազմը չի կարող Թուրքիային փոխանցել F-35 ինքնաթիռներ, քանի դեռ Կոնգրեսին չի ապացուցել, որ Անկարան այլևս չի տիրապետում S-400 համակարգերին։

Այս պահանջը կատարելու տարբերակը, համակարգը Թուրքիայի տարածքից ֆիզիկապես դուրս բերելն է՝ վաճառելով կամ փոխանցելով այն երրորդ պետության։

Սակայն, վաճառքը ևս լի է բազմաթից խնդիրներով: Ս-400-ը երբեք պարզապես զենիթահրթիռային համալիր չի եղել։ Երբ 2017թ. Անկարան Մոսկվայի հետ ստորագրեց 2,5 միլիարդ դոլարի պայմանագիր, այն ստացավ մի բան, որով Կրեմլը հազվադեպ է կիսվում (տեխնոլոգիաների լայնածավալ փոխանցում)։

Թուրքական կողմը ստացավ հասանելիություն համակարգի սկզբնական ծրագրային կոդերին, արտադրական տեխնոլոգիաներին և համալիրի ինտեգրման վերաբերյալ տեխնիկական տվյալներին։ Համագործակցության այս մակարդակը զգալիորեն ավելի խորն էր, քան S-400-ի այլ գնորդների՝ այդ թվում Հնդկաստանի և Չինաստանի դեպքում։

Եթե Թուրքիան վաճառի համակարգը, իր այդ առավելությունը ևս կկորցնի վերջնականապես։

Բացի այդ՝ S-400-ը Անկարայի համար միաժամանակյա ազդեցության լծակ էր թե՛ Վաշինգտոնի, թե՛ Մոսկվայի վրա։

Ռուսական համակարգերի առկայությունը Թուրքիայի տարածքում ստիպում էր Ռուսաստանին հաշվի նստել Անկարայի շահերի հետ։ Ու հենց այդ համակարգերի պատճառով էլ ԱՄՆ-ն չէր կարող պարզապես թելադրել իր պայմանները և ստիպված էր բանակցել Թուրքիայի հետ։

S-400 ՀՕՊ համակարգերի և F-35 ինքնաթիռների միջև ընտրության հարցում, Թուրքիան հայտնվում է ՌԴ-ԱՄՆ (ՆԱՏՕ) միջև հարաբերությունների փակուղային իրավիճակում:

Այցի շրջանակում Պաշտպանի ներկայացուցիչներն առանձնազրույցներ են ունեցել ազատությունից զրկված անձանց, այդ թվում՝ ՀՀ Ազգային ժողովի 8-րդ գումարման պատգամավոր Արեգնազ Մանուկյանի հետ։

Երևանում հուլիսի 13-ի ցերեկը, 14-15-ին սպասվում է առանց տեղումների եղանակ։ Հուլիսի 16-18-ի առավելապես երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ: Հուլիսի 13-18-ին երեկոյան սպասվում է քամու ուժգնացում՝ ՝ 13-16մ/վ։

Հանրապետության տարածքում հուլիսի 13-ի ցերեկը, 14-ին սպասվում է առանց տեղումների եղանակ։ Հուլիսիս 15-16-ին առավելապես կեսօրից հետո և 17-18-ին՝ գիշերը և կեսօրից հետո առանձին շրջաններում սպասվում է կարճատև անձրև և ամպրոպ, առանձին հատվածներում հնարավոր է կարկուտ:

Քամին`հարավարևմտյան` 2-5 մ/վ, ամպրոպի ժամանակ սպասվում է նաև քամու ուժգնացում՝ 16-20մ/վ արագությամբ։

Արմավիրում, Արագածոտնի և Կոտայքի նախալեռներում hուլիսի 13-17-ին առավելապես երեկոյան ժամերին սպասվում է քամու ուժգնացում՝ 15-18մ/վ։

Օդի ջերմաստիճանը հուլիսի 16-18-ին ցերեկային ժամերին աստիճանաբար կնվազի 4-5 աստիճանով։

Ուզում եմ կիսվել երեկվա փոքրիկ, բայց շատ մարդկային պատմությամբ։

Երեկ երեկոյան մեքենա վարելիս հանկարծ վահանակին հայտնվեց «ուշադրություն» նշանը՝ շարժիչի հովացման համակարգի հետ կապված։ Մինչ մտածում էի՝ որտեղ անվտանգ կանգնեմ, արդեն կապոտի տակից գոլորշի էր դուրս գալիս։ Արագ կանգնեցրի մեքենան (իհարկե, ոչ ամենահարմար տեղում), բացեցի կապոտը և սկսեցի նայել մեքենայի «ներքին աշխարհին»…

Փորձում էի զանգել եղբորս, որ հասկանամ՝ ինչ անել, երբ հանկարծ լսեցի.

— «Ինչո՞վ կարող ենք օգնել»։

Շրջվում եմ՝ ոստիկանական մեքենա և երեք ոստիկան։

Անկեղծ պատասխանեցի.

— «Եթե կարողանաք, իսկապես օգնություն է պետք»։

Առանց վարանելու մոտեցան, արագ գտան խնդրի պատճառը և սկսեցին լուծել։ Հետո հարցնում են.

— «Դանակ ունե՞ք»։

Այդ պահին իմ ուղեղում միակ միտքը սա էր. «Միայն թե սառը զենք չհամարեն…»։ 😂

Տվեցի դանակը, իրենք էլ ժպտացին ու շարունակեցին «վիրահատությունը»։ Հետո պարզվեց, որ ջուր էլ է պետք։ Իմ մեքենայի մեջ եղածը չբավարարեց, իրենք բերեցին, լցրեցին, գործարկեցին մեքենան, համոզվեցին, որ ամեն ինչ կարգին է, և միայն դրանից հետո ասացին.

— «Կարող եք գնալ, բայց վաղը անպայման տարեք ստուգման»։

Գիտե՞ք՝ ինչն էր ամենակարևորը։

Այդ պահին ես ինձ զգացի ապահով քաղաքացի։ Ոչ թե այն պատճառով, որ մեքենաս սարքվեց, այլ որովհետև տեսա ոստիկանների, որոնք կարող էին պարզապես անցնել, բայց կանգնեցին, առաջարկեցին օգնություն և մինչև վերջ մնացին կողքիս։ Դա պարզապես ծառայողական պարտականություն չէր, դա մարդկային վերաբերմունք էր։

Սրտանց շնորհակալություն Դավիթաշենի ոստիկանության անձնակազմին՝ հոգատարության, վերաբերմունքի և օգնության համար։

Լուսանկարը հրապարակում եմ առանց նրանց թույլտվությունը հարցնելու, որովհետև կարծում եմ՝ մարդիկ պետք է ճանաչեն ու գնահատեն իրենց ամենօրյա հերոսներին։ 🙏👏

Փոքր ժամանակ քո անունը ճիշտ ասել չէի կարողանում. Իմ մանկական գլխով քեզ «Դուդու» անվանեցի, ու այդ անունը մնաց։ Այնքան մնաց, որ ամբողջ ընտանիքն էլ քեզ «Դուդու» էր ասում, երբ խոսքը քո մասին էր. Երևի մտածում էիր, որ երբ մեծանամ, կդադարեմ քեզ այդպես կոչել, բայց այդպես էլ չեղավ

Շատ աղջիկներ, որ առանց իրենց հայրիկի են մեծացել, ամբողջ կյանքում հայրական սիրո պակաս են զգում. Բայց ես երբեք էդ ցավը չեմ զգացել, որովհետև դու միշտ կողքիս էիր. Մինչև քո վերջին շունչը ինձ պահեցիր, պաշտպանեցիր, սիրեցիր. Դու վերցրիր մի պատասխանատվություն, որ քոնը չէր, բայց պատվով տարար մինչև վերջ. Ես մեծացա քեզ իմ հայրիկի պես սիրելով. Դու իմ կյանքի ամենակարևոր մարդկանցից մեկն էիր Շատ էի ուզում, որ մի օր տեսնես, թե ոնց եմ բժիշկ դառնում, կամ իմ հարսանիքի օրը ձեռքիցս բռնած ինձ տանես դեպի խորան

Դու բացառիկ մարդ էիր՝ խելացի, արդար ու անսահման հավատարիմ Քո ամբողջ կյանքը լի էր արժանապատիվ գործերով ու ձեռքբերումներով Բոլորը սիրում ու հարգում էին քեզ, որովհետև մինչև վերջ հավատարիմ մնացիր քո արժեքներին ու սկզբունքներին. Դու պատվով ծառայեցիր օրենքին և միշտ ազնիվ մնացիր Քո ընտանիքը, ընկերներն ու գործընկերները միշտ կհիշեն քեզ մեծ սիրով ու հարգանքով Քո բացակայությունը մի դատարկություն է թողել, որը ոչ ոք երբեք չի կարող լրացնել
Դու միշտ իմ Դուդուն կմնաս, իսկ ես միշտ քո Գոջին կմնամ.

Թող Աստված լուսավորի քո հոգին ու խաղաղություն տա քեզ. Դու արժանի ես հավերժ խաղաղության.

Աշոցք համայնքում նախօրեին հանդիասավորությամբ նշվել է համայնքի օրը, որը կրել է «Մեկ ընտանիք, մեկ բերդ» խորագիրը։

Միջոցառմանը ներկա են գտնվել Շիրակի մարզպետ Դավիթ Առուշանյանը, մարզպետի տեղակալ Արտուշ Հովհաննիսյանը, Ազգային ժողովի պատգամավորներ, համայնքների ղեկավարներ, պաշտոնատար այլ անձինք, հյուրեր, համայնքի բնակիչներ։

✅️Տոնական միջոցառումների մեկնարկից առաջ Շիրակի մարզպետ Դավիթ Առուշանյանը հյուրերի, Աշոցք համայնքի ղեկավար Կարեն Մանուկյանի հետ Աշոցքի պուրակում հարգանքի տուրք են մատուցել և ծաղիկներ խոնարհել հայրենիքի համար հերոսացած քաջորդիների հիշատակը հավերժացնող հուշատախտակի մոտ։

🤝Տոնական օրվա առթիվ Շիրակի մարզպետը շնորհավորել է Աշոցքի բնակիչներին, նշել, որ օրը հրաշալի առիթ է ևս մեկ անգամ արժևորելու Աշոցքի ավանդույթներն ու այն մարդկանց, ովքեր իրենց աշխատասիրությամբ, նվիրումով և հայրենասիրությամբ կերտում են Աշոցքի ներկան ու ապագան։

💬 «Ուրախալի է, որ տոնակատարությունն անցկացվում է «Մեկ ընտանիք, մեկ բերդ» խորագրի ներքո։ Այս խորագիրը խորհրդանշում է մեր միասնականությունը, ընտանեկան արժեքների ամրությունը, ազգային ինքնության պահպանման կարևորությունը և այն ուժը, որը մենք ստանում ենք համախմբված լինելու շնորհիվ։ Վստահ եմ, որ այսօր Աշոցքի հյուրընկալ հարկի տակ միավորվելու են ավանդույթները, մշակույթը, ազգային արժեքներն ու ընտանեկան ջերմությունը՝ ստեղծելով իսկական տոնական մթնոլորտ։

Վերջին տարիներին ակնհայտորեն զգացվում է հոգատար և հետևողական վերաբերմունք համայնքի խնդիրների նկատմամբ։ Քայլ առ քայլ, Կառավարության հետ համագործակցությամբ, իրականացվում են կարևոր ծրագրեր, նորոգվում և կառուցվում են ճանապարհներ, զարգանում են ենթակառուցվածքները, կյանքի են կոչվում նախաձեռնություններ, որոնք միտված են համայնքի բնակիչների կյանքի որակի բարելավմանը։ Սա շարունակական աշխատանքի արդյունք է, որն արդեն տալիս է տեսանելի պտուղները և վստահություն ներշնչում վաղվա օրվա նկատմամբ։

Համոզված եմ, որ միասնական աշխատանքի, փոխվստահության և նվիրվածության շնորհիվ համայնքը շարունակելու է զարգանալ և հաղթահարել առկա մարտահրավերները։

Սիրելի՛ աշոցքցիներ,

Թող այս տոնը լինի համախմբման, նոր հաջողությունների և նոր ձեռքբերումների սկիզբ։ Մաղթում եմ ձեզ և ձեր ընտանիքներին առողջություն, խաղաղություն, բարեկեցություն, անսպառ ուժ ու լավատեսություն, իսկ Աշոցք համայնքին՝ կայուն զարգացում, նոր հաջողություններ և խաղաղ ապագա։

Շնորհավոր տոնդ Աշոցք»։

🎨🍞🍯Ներկաները շրջել են համայնքի 25 բնակավայրերը ներկայացնող տաղավարներով, ծանոթացել ժողովրդական արվեստի, ազգային խոհանոցի ամենահետաքրքիր ավանդույթներին, ներկայացված ցուցահանդեսին։

🎶🎤«Մեկ ընտանիք, մեկ բերդ» խորագրով տոնակատարությունը եզրափակվել է մեծ համերգային ծրագրով, որին հանդես են եկել հանրահայտ կատարողներ։