«Մոսկվա» կինոթատրոնի մոտ «Կիա»-ն վրաերթի է ենթարկել հետիոտնի․ վերջինը տեղափոխվել է հիվանդանոց

Երեկ, հոկտեմբերի 17-ին, Երևանում վրաերթ է տեղի ունեցել։ Ժամը 17։20-ի սահմաններում Աբովյան փողոցում, «Մոսկվա» կինոթատրոնի մոտ, 42-ամյա Սոս Ս.-ը իր վարած «Կիա» մակնիշի ավտոմեքենայով վրաերթի է ենթարկել հետիոտնի։

Shamshyan.com-ի տեղեկություններով՝ վարորդը փախուստի չի դիմել, ահազանգել է շտապօգնություն, տեղում ցուցաբերել առաջին բուժօգնություն և վրաերթի ենթարկվածին տեղափոխել «Հերացի» թիվ 1 հիվանդանոցային համալիր։