Ադրբեջանի տարածքով Ռուսաստանից Հայաստան պրոպան գազ և պարարտանյութ կմատակարարվեն

Ռուսաստանից Հայաստան Ադրբեջանի տարածքով կուղարկվի 14 վագոն պրոպան և 5 վագոն պարարտանյութ, հայտնում են ադրբեջանական ԶԼՄ-ները։

Նախկինում նույն երթուղով Ռուսաստանից Հայաստան տեղափոխվել է 1026 տոննա պրոպան, 414 տոննա անտրացիտ, 133 տոննա ալյումին, շուրջ 8000 տոննա պարարտանյութ, 68 տոննա հնդկացորեն և ավելի քան 36 հազար տոննա հացահատիկ։

Բացի տարանցիկ փոխադրումներից, Ադրբեջանի տվյալներով՝ երկիրը նաև անմիջականորեն Հայաստանին է մատակարարում սեփական էներգակիրները։ Նշվում է, որ Հայաստան արտահանման քանակը եղել է ավելի քան 14 հազար տոննա դիզելային վառելիք, ինչպես նաև շուրջ 5000 տոննա AI-92 և AI-95 տեսակի բենզին։