Հայաստանում սահմանվել են ԱԷԿ-ի արդիականացման համար բյուջետային վարկ տրամադրելու պայմանները

Սահմանվել են բյուջետային վարկ տրամադրելու պայմանները, որոնց համաձայն հնարավոր կլինի համաձայնագրեր կնքել Հայկական ԱԷԿ-ի 2-րդ էներգաբլոկի արդիականացման և շահագործման ժամկետի երկարաձգման նախագծի իրականացման համար։ Համապատասխան որոշումը հուլիսի 9-ին ընդունվել է Հայաստանի կառավարության նիստում։

Նախագծի շրջանակում 2026 թվականին որպես բյուջետային վարկ նախատեսվել է 20 մլրդ 111 մլն 798 դրամ։ Ընդ որում, ընկերությունը ներկայումս չի կարող համաձայնագիր կնքել Հայաստանի ֆինանսների նախարարության հետ, քանի որ բյուջետային վարկ տրամադրելու պայմանները սահմանված չեն։ 

Որոշման նախագծի ընդունումը թույլ կտա սահմանված ժամկետներում կնքել բյուջետային վարկի վերաբերյալ համաձայնագրեր ԱԷԿ-ի արդիականացման ծրագրի շրջանակում, իրականացնել համաձայնագրերով նախատեսված վճարումները, կնքել համապատասխան համաձայնագրերը և կատարել աշխատանքները նախատեսված ժամկետներում։