Category: Syunik.TV

Օգոստոսի 22-ին Քաջարանը նշեց քաղաքի օրը։ Տոնի գլխավոր նվերը համայնքի բնակիչներին թիվ 1 մսուր-մանկապարտեզի բացումն էր։ Կառավարություն-համայնք-ԶՊՄԿ համաներդրմամբ իրականացված սուբվենցիոն ծրագրի շնորհիվ նախկին ոչ տիպային շենքի տեղում կառուցվել է նոր, ժամանակակից բոլոր պահանջներին համապատասխան ուսումնական հաստատություն:

Օգոստոսի 23-ին հայտնաբերվել է ՊՆ N զորամասի զինծառայող Էդգար Գևորգի Գևորգյանի դին՝ հրազենային վնասվածքով: 

Դեպքի հանգամանքներն ամբողջովին պարզելու նպատակով ընթանում է քննություն:

Պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին ու ծառայակիցներին։

Հայտնում են Պաշտպանության նախարարությունից։

Հայաստանի Հանրապետության գլխավոր դատախազ Աննա Վարդապետյանի գլխավորությամբ 2026 թվականի օգոստոսի 21-ին տեղի է ունեցել Դատախազության կոլեգիայի նիստ, որի ընթացքում ամփոփվել են Երևան քաղաքի վարչական շրջանների և մարզերի դատախազությունների, ինչպես նաև կայազորների զինվորական դատախազությունների 2026 թվականի 1-ին կիսամյակի աշխատանքները: Ինչպես 2025 թվականի տարեկան աշխատանքների ամփոփման ժամանակ, Սյունիքի մարզի դատախազությունը կրկին զբաղեցրել է առաջին տեղը, իսկ 2-րդ և 3-րդ տեղերը հավասար ցուցանիշներով կիսել են Լոռու և Արարատի մարզի դատախազությունները: Կայազորների զինվորական դատախազությունների պարագայում 1-ին տեղը զբաղեցրել է Տավուշի կայազորի զինվորական դատախազությունը, 2-րդը՝ Գեղարքունիքի կայազորի զինվորական դատախազությունը, 3-րդը՝ Սիսիանի կայազորի զինվորական դատախազությունը:

Հիշեցնենք, որ ՀՀ գլխավոր դատախազի հրամանով սահմանված աշխատանքի գնահատման չափանիշները, ի թիվս այլնի, ներառում են՝

1. Պետական և համայնքային շահերի պաշտպանության հայցերով պետությանը և համայնքին վերջնական դատական ակտով վերադարձված գումարի չափը,

2. Քրեական վարույթներով, ինչպես նաև դատախազական ներգործության միջոցների կիրառմամբ պետությանը, համայնքին, պետական և համայնքային մասնակցությամբ կազմակերպություններին պատճառված վնասի վերականգնման գումարի չափը,

3. Ծանր և առանձնապես ծանր հանցագործություններով մեղադրական եզրակացությամբ դատարան հանձնված քրեական վարույթների թիվը,

4. Ծանր և առանձնապես ծանր հանցագործություններով վերջնական դատական ակտերի թիվը:

Կոլեգիայի նիստի ընթացքում ամփոփվել են նաև 2018 թվականից մինչև 2026 թվականի առաջին կիսամյակը ներառյալ՝ քրեական վարույթներով, դատարաններում ավարտված գործերով, պետական և համայնքային շահերի պաշտպանության հայցերով ու հաշտություններով, դատախազական ներգործության միջոցներով, իսկ 2023 թվականից՝

նաև ապօրինի ծագում ունեցող գույքի բռնագանձման գործիքակազմի կիրառման արդյունքում, Հայաստանի Հանրապետության և համայնքների սեփականությանը կամ տիրապետմանը վերադարձված գույքերի ու դրամական միջոցների տվյալները:

«Համաձայն այդ ցուցանիշների՝ 2018 թվականից մինչև 2026 թվականի առաջին կիսամյակը ներառյալ՝ Հայաստանի Հանրապետության և համայնքների սեփականությանը կամ տիրապետմանն է վերադարձվել շուրջ 304 միլիարդ 182 միլիոն դրամի (շուրջ 833 միլիոն ԱՄՆ դոլարի) գույք և դրամական միջոց, որից 67.5%-ը կամ շուրջ 205 միլիարդ 450 միլիոն դրամի (շուրջ 562 միլիոն ԱՄՆ դոլարի) գույքն ու դրամական միջոցը՝ 2023 թվականի հունվարի 1-ից մինչ 2026 թվականի հունիսի 30-ն ընկած ժամանակահատվածում»,- ընդգծել է Աննա Վարդապետյանը և հավելել, որ այս ոլորտում աշխատանքներն ակտիվացնելու հանրային պահանջն առավել, քան արդիական է, բացի այդ, Կառավարության 2026-2031 թվականների ծրագրով նախատեսված է մինչև 2031 թվականը հանրությանը վերադարձնել շուրջ 2 միլիարդ ԱՄՆ դոլարին համարժեք գույք և դրամական միջոց: «Այս ցուցանիշին հասնելու համար ակնկալում եմ յուրաքանչյուրիդ ամենօրյա նվիրված աշխատանքը»,- ընդգծել է հանրապետության գլխավոր դատախազը:

Կոլեգիայի նիստի ընթացքում անդրադարձ է կատարվել նաև օրակարգային այլ հարցերի, որոնք, ի թիվս այլնի, վերաբերել են «Դատախազի աշխատանքի մասին» վիճակագրական հաշվետվության էլեկտրոնային համակարգին, որը գտնվում է ՀՀ գլխավոր դատախազի ամենօրյա ուշադրության կենտրոնում:

Դատախազություն

Օգոստոսի 22-ին Քաջարանը նշում է քաղաքի օրը։ Տոնական միջոցառումներին մասնակցել են Սյունիքի մարզպետ Ռոբերտ Ղուկասյանը, համայնքի ղեկավարը, Զանգեզուրի պղնձամոլիբդենային կոմբինատի ղեկավարությունը։

Քաջարան 68-ի օրվա կարեւոր իրադարձություններց էր «Քաջարանի թիվ 1 մսուր-մանկապարտեզ»-ի բացման արարողությունը։ ՀՀ կառավարություն-համայնք-ԶՊՄԿ համաներդրմամբ իրականացված սուբվենցիոն ծրագրի արդյունքում կառուցվել է 120 երեխայի համար նախատեսված նոր նախադպրոցական ուսումնական հաստատություն։

Հանրապետության տարածքում օգոստոսի 22-24-ն սպասվում է առանց տեղումների եղանակ։ Օգոստոսի 25-ի և 26-ի երեկոյան ժամերին առանձին շրջաններում սպասվում է կարճատև անձրև և ամպրոպ։

Քամին հարավարևելյան և արևելյան է` 4-7 մ/վ, ամպրոպների ժամանակ սպասվում է քամու ուժգնացում 17-20 մ/վրկ։ Օդի ջերմաստիճանն օգոստոսի 23-ին և 24-ին աստիճանաբար կբարձրանա 5-6 աստիճանով:

Ամենաբարձր ջերմաստիճանները կգրանցվեն օգոստոսի 24-ին լեռնային մարզերում ցերեկը հասնելով +32 +33C, նախալեռնային գոտում՝ +36․․․+37C, հովտային գոտում՝ հատկապես Երևանում, Արարատյան դաշտում և Սյունիքի հովիտներում +38․․․+40C։

Օգոստոսի 22-26-ին Երևանում, Արարատյան դաշտում, Արագածոտնի, Կոտայքի և Վայոց ձորի նախալեռներում սպասվում է բարձր կարգի հրդեհավտանգ իրավիճակ։

Թմրամիջոցների ապօրինի շրջանառության դեմ պայքարի շրջանակում ՆԳՆ ոստիկանության քրեական ոստիկանության Երևան քաղաքի վարչության ծառայողները բացահայտել են թմրամիջոցների իրացման ենթադրյալ շղթա։

ՀՀ շուկայի վերահսկողության տեսչական մարմինը վերահսկողական միջոցառումներ է իրականացրել «Անուշիկ Գևորգյան Ավետիքի» Ա/Ձ-ում։

Նմուշառման և լաբորատոր փորձաքննության արդյունքում պարզվել է, որ տնտեսվարողի կողմից իրացվող խաղալիքներից մեկի բաղադրության մեջ առկա են երեխաների առողջության համար վտանգավոր, թունավոր նյութեր։

Հայտնաբերված խախտման հիմքով տեսչական մարմնի ղեկավար Արմեն Կոտոլյանի կողմից տրվել են համապատասխան հանձնարարականներ՝ արտադրանքի կամ դրա խմբաքանակի իրացումը կասեցնելու, արտադրանքը հետ կանչելու և ոչնչացնելու վերաբերյալ։

Տեսչական մարմինը հորդորում է այն սպառողներին, ովքեր ձեռք են բերել տվյալ խաղալիքը, կապ հաստատել տեսչական մարմնի հետ և վերադարձնել այն՝ երեխաների առողջությանը հնարավոր վնասի ռիսկից խուսափելու համար։

Հայաստանի հանքարդյունաբերության և մետալուրգիայի ասոցիացիայի նախագահ, ԶՊՄԿ գլխավոր տնօրենի առաջին տեղակալ Վարդան Ջհանյանը հանդիպել է մետալուրգիական ընկերությունների ղեկավարների հետ։

Քննարկվել են ոլորտին առնչվող հարցեր, նշվել են ընթացիկ խնդիրների կարգավորմանն ուղղված քայլեր։

Ներկաներն ուշադրություն են դարձրել նաև մասնագիտական կրթությանը, բուհերում համապատասպան մասնագետներ պատրաստելուն ուղղված քայլերին։ Մասնավորապես, կարևորվել են համապատասխան մասնագիտությունների ընտրության համար նախաձեռնած ծրագրերը։

Հայաստանի հանքարդյունաբերության և մետալուրգիայի ասոցիացիայի անդամ են հանդիսանում ՀՀ բոլոր մետաղական հանքարդյունաբերական ընկերությունները, ինչպես նաև մետալուրգիական մի շարք ընկերություններ։ Գործակցության արդյունքում խնդիրների համակարգային լուծման ուղղությամբ իրականացվում է գործունեություն ինչպես տեղական, այնպես էլ միջազգային ոլորտում։ Պարբերաբար հանդիպումներով քայլեր են ձեռնարկվում մետալուրգիայի զարգացման ուղղությամբ։

Ներկայացնում ենք տարադրամի փոխարժեքները՝ ըստ rate.am-ի:

ԱՄՆ դոլարի առքի առավելագույն արժեքն է 363 դրամ, վաճառքի նվազագույն արժեքը՝ 366 դրամ:

Եվրոյի առքի առավելագույն արժեքն է 422 դրամ, վաճառքի նվազագույն արժեքը՝ 429 դրամ:

Ռուսական ռուբլու առքի առավելագույն արժեքն է 4.3 դրամ, վաճառքի նվազագույն արժեքը՝ 4.44 դրամ:

2026 թ․ երկրորդ եռամսյակում Հայաստանի Համախառն ներքին արդյունքն (ՀՆԱ) ընթացիկ գներով կազմել է 2 տրլն 834 մլրդ 894.2 մլն ՀՀ դրամ՝ նախորդ տարվա նույն ժամանակահատվածի 2 տրլն 537 մլրդ 409.2 մլն ՀՀ դրամի համեմատ։

Նախորդ տարվա նույն ժամանակահատվածի նկատմամբ ՀՀ-ում ՀՆԱ-ն աճել է 6․7%-ով։

2026 թ. երկրորդ եռամսյակում Հայաստանում մեկ շնչի հաշվով ՀՆԱ-ն կազմել է 913 հազ. 892 ՀՀ դրամ, նախորդ տարվա նույն ժամանակահատվածի՝ 823 հազ. 86 ՀՀ դրամի համեմատ։