Պետական աջակցություն ԲՏ ոլորտին | Հայաստան

Բարձր տեխնոլոգիաների ոլորտում գործունեություն իրականացնող կազմակերպություններին ու անհատ ձեռնարկատերերին պետական աջակցությունների տրամադրման գործընթացի երկրորդ եռամսյակի հայտերի ընդունումը սկսված է։ Այս մասին հայտնում ենԲՏԱ նախարարությունից:

Հայտերն ընդունվում են 2026թ․ հուլիսի 21-ից մինչև օգոստոսի 20-ը ներառյալ։

 Ծրագրի շրջանակում տրամադրվում է ԲՏ ոլորտի աջակցություն՝

* աշխատանքային միգրանտների համար,
* նոր աշխատողների ներգրավման համար,
* կադրերի վերապատրաստման համար:

Եթե գործունեություն եք իրականացնում բարձր տեխնոլոգիաների ոլորտում, սա ձեր հնարավորությունն է ստանալու պետական աջակցություն՝ թիմը զարգացնելու և բիզնեսը նոր մակարդակի բարձրացնելու համար։

Հայտերն ընդունվում են առցանց՝ հետևյալ հղումներով. 

https://hartak.am/services/39dd295c-593d-407d-b5fa-14b819c5f4b5/yesem/

կամ https://benefits.hightech.gov.am/ 

Դիմումը կարող է ներկայացնել տնտեսավարող սուբյեկտի ղեկավարը կամ սահմանված կարգով՝ լիազորված անձը։