1,3 միլիարդի ճեղքվածք ունի մեր բյուջեն․․․ խնայել եմ, ուրիշ բաներ չեմ հարցրել․ Նարեկ Կարապետյան (video)

Written by

in

Հանրաքվեները պառակտման դեմ գործիքներ են. երբ ընդդիմությունը տեսնի, որ պառակտում չկա՝ թույլ կտանք հանրաքվե անցկացնել, իսկ երբ տեսնի, որ պառակտում կա, անկախության, ինքնիշխանության վտանգ կա, թույլ չենք տալու, լրագրողների հետ զրույցում հայտարարեց «Ուժեղ Հայաստան» խմբակցության ղեկավար Նարեկ Կարապետյանը։

Նա ասաց, որ իշխանության օրակարգը մերժելի է։

«Իշխանությունն ԱԺ ամբիոնից լսելու է բացասական կարծիք, դա լինելու է»,- նշեց Կարապետյանը։

«Ուժեղ Հայաստան»-ը կարևորում է իրազեկումը, որովհետև հասարակությունում ամեն երրորդը, ըստ Կարապետյանի, տեղյակ չէ, թե ինչ է կատարվում։

Անդրադառնալով ֆինանսների նախարար Վահե Հովհաննիսյանի ասածին, թե ժամանակն է գործի դնել բյուջեի հրթիռը՝ Կարապետյանն ասաց, թե ինքը կերազեր, որ Հայաստանն ունենար այնպիսի բյուջե, որը հրթիռ գործարկելու բյուջե լիներ, ոչ թե ճեղքվածքի։

«Սա սպառողական բյուջե է, ապագա կառուցելու բյուջե չէ, այսօր լավ է՝ վարկերը վերցնենք, ապրենք, իսկ վաղը…»,- ընդգծեց Կարապետյանը։

դիտվել է 11 անգամ

Comments

Leave a Reply

Your email address will not be published. Required fields are marked *