Կառավարությունից հայտնում են, որ վարչապետն այդ մասին ասել է՝ ընդունելով սփյուռքի գործերի հանձնակատարներին, որոնք Երևանում են գտնվում Համաշխարհային հայկական երրորդ գագաթնաժողովին մասնակցելու նպատակով:
«Մենք նոր Սահմանադրության տեքստի վրա ենք աշխատում և նախագիծը նոյեմբեր ամսվա ընթացքում կհրապարակվի:
Այնտեղ շատ կարևոր անդրադարձ ունենք Հայաստան-սփյուռք հարաբերություններին և այդ հարաբերությունների նպատակին: Իհարկե, այդ հարաբերությունները միաշերտ չեն, բայց մենք կարևոր համարեցինք, որպեսզի նոր Սահմանադրության նախագծում հստակ ձևակերպվի, թե որն է ի վերջո Հայաստան-սփյուռք հարաբերությունների վերջնանպատակը: Կարող են լինել ընթացիկ նպատակներ, բայց պետք է լինի նաև վերջնանպատակ:
Մենք եկել ենք այն եզրակացության, որ վերջնանպատակն, ի վերջո, հայրենադարձությունն է, որպեսզի մարդիկ իրենց կյանքի և կենսագործունեության կենտրոնը համարեն Հայաստանի Հանրապետությունը: Մեզ համար կարևոր է, որ հայության ներկայացուցիչներն իրենց նույնականացնեն Հայաստանի Հանրապետության հետ»:
Leave a Reply