ՀՀ ԱԺ «Քաղաքացիական պայմանագիր» խմբակցության պատգամավոր Միքայել Խաչատրյանը «Ֆեյսբուք»-ի իր էջում գրառում է կատարել՝ անդևադառնալով ՀՀ քննչական կոմիտեի հաղորդագրությանը, համաձայն որի՝ ՀԷՑ-ին պատճառվել է 64,5 մլրդ դրամի վնաս, և այդ վարույթով քրհետապնդում է հարուցվել Սամվել Կարապետյանի ու 35 անձի նկատմամբ:
«Իսկ կարողա՞ ինչ որ մեկը «Ուժեղ Հայաստանից» պատասխանի թե ինչ 64,5 մլրդ դրամի վնաս է հասցվել ՀԷՑ ին իրենց կառավարման տարիներին։
Սահմանադրության մասին դուք չեք կարող ոչ մի բան խոսել, ընտրակաշառքով ընտրվածներդ։ Կհրապարակվի սահմանադրության տեքստը մեր քաղաքացիները իրենց գնահատականը կտան, հանուն խաղաղ և զարգացող Հայաստանի Հանրապետության։
Դուք հարցերին պատասխանեք, փողերն ու՞ր են ՀԷՑ ի, թե բա Ֆորբսով միլիարդատեր: Դուք պետքա ֆորբսում հայտնվեք որպես՝ փողամեռ, անհայրենիք, կոռումպացված օտարերկրյա գործակալներ։
Դե վայելեք»,- գրել է Խաչատրյանը:
Հիշեցնենք՝ նոյեմբերի 4-ի վաղ առավոտից 65 հասցեում ընթացել են խուզարկություններ, ընդ որում՝ Սամվել Կարապետյանի և Նարեկ Կարապետյանի բնակարաններում:
Սամվել Կարապետյանը ձերբակալվել է։
ՀՀ քննչական կոմիտեն մանրամասներ է հայտնել վարույթից։
Leave a Reply