Արամ Ա կաթողիկոսն ընդունել է Վատիկանի ներկայացուցչին․
Այս առաւօտ՝ Հինգշաբթի, 5 Նոյեմբեր 2026-ին, Ն.Ս.Օ.Տ.Տ. Արամ Ա. Վեհափառ Հայրապետը իր գրասենեակին մէջ հանդիպում մը ունեցաւ Վատիկանի ներկայացուցիչ Ֆլավիօ Փաչէ արքեպիսկոպոսին հետ։ Հանդիպման ընթացքին, Վատիկանի եւ Մեծի Տանն Կիլիկիոյ Կաթողիկոսութեան գործակցութեան առաւել զարգացման առընթեր, անդրադարձ կատարուեցաւ նաեւ Անտիոքի Ասորի Պատրիարքութեան եւ Հնդկաստանի Ասորի Եկեղեցւոյ միջեւ գոյութիւն ունեցող ներկայ տարակարծութիւններուն եւ անոնց հետեւանքներուն՝ Արեւելեան Ուղղափառ Եկեղեցիներու ընտանիքին եւ Կաթոլիկ Եկեղեցւոյ միջեւ տարիներէ ի վեր շարունակուող աստուածաբանական երկխօսութեան վրայ։
Նոյն օրը Նորին Սրբութիւնը ընդունեց նաեւ Լուտերական Եկեղեցիներու Խորհուրդի միջ-եկեղեցական յարաբերութեանց պատասխանատու Վերապատուելի Տիրք Լէյնճ։ Հանդիպումը առիթ հանդիսացաւ ընդհանուր ակնարկ նետելու միջ-եկեղեցական շարժումին վրայ եւ անդրադառնալու անոր մէջ լուտերական եկեղեցիներու բերած կարեւոր նպաստին։ Ընդհանուր քարտուղարը առաջարկեց Հայրապետին՝ աստուածաբանական ու բարոյագիտական հարցերու շուրջ քննարկման հանդիպումներ կազմակերպելու Լուտերական Եկեղեցիներու Խորհուրդին եւ Մեծի Տանն Կիլիկիոյ Կաթողիկոսութեան միջեւ։ Ան նաեւ ուզեց իմանալ Նորին Սուրբ Օծութեան տեսակէտը՝ լուտերական եկեղեցիներու եւ Արեւելեան Ուղղափառ Եկեղեցիներու միջեւ աստուածաբանական հարցերու քննարկման նուիրուած նախաձեռնութեան գծով։
Վեհափառ Հայրապետին հանդիպեցաւ նաեւ Հին Կաթոլիկ Եկեղեցւոյ ներկայացուցիչ Քրիստոֆ Շուլերը՝ առաջարկելով, որ տարիներ առաջ Մեծի Տանն Կիլիկիոյ Կաթողիկոսութեան հետ սկսած բարոյագիտական հարցերու շուրջ քննարկումները շարունակուին։
Յայտնենք, որ վերոնշեալ անձերը կը մասնակցին Անթիլիասի Մայրավանքին մէջ տեղի ունեցող միջ-եկեղեցական միջազգային համաժողովին։
դիտվել է 4 անգամ
Լրահոս
Ամենաընթերցվածները
Շուտով
Նոյեմբերի 6-ին՝ ժամը 12։30-ին, Հայելի ակումբի հյուրն է Աշոտ Անդրեասյանը
Նոյեմբերի 6-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Նոյեմբերի 6-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Նոյեմբերի 6-ին՝ ժամը 14։00-ին, Հայելի ակումբի հյուրն է Արման Աբովյանը
Նոյեմբերի 5-ին՝ ժամը 15։00-ին, Հայելի ակումբի հյուրն է Հայկ Նահապետյանը
ԱԱԾ պադվալում շինարարություն են անում, ի՞նչ են կառուցում. «Հրապարակ»
Նոյեմբերի 5-ին՝ ժամը 12։00-ին, Հայելի ակումբի հյուրն է Նաիրի Հոխիկյանը
Նոյեմբերի 5-ին՝ ժամը 14։00-ին, Հայելի ակումբի հյուրն է Նաիրա Գրիգորյանը
Նոյեմբերի 5-ին՝ ժամը 13։00-ին, Հայելի ակումբի հյուրն է Մանուել Մանուկյանը
Նոյեմբերի 4-ին՝ ժամը 14։00-ին, Հայելի ակումբի հյուրն է Արմեն Դանիելյան /ավագանու՝ Մայր Հայաստան խմբակցության անդամ/
Leave a Reply