Ձևակերպի՛ր Յունիբանկի Visa Digital թվային քարտ՝ գնումների և փոխանցումների համար

Յունիբանկն առաջարկում է Visa Digital թվային քարտեր՝ փոխանցումներ կատարելու, առցանց ու խանութներում գնումների դիմաց վճարելու համար։ Անհպում վճարումներ կատարելու համար բավական է քարտն ավելացնել Apple Pay-ին կամ Google Pay-ին: 

Visa Digital քարտը կարելի է ակնթարթորեն ձևակերպել UNIMobile հավելվածում՝ առանց բանկ այցելելու։ Ռեզիդենտ հաճախորդների համար քարտի թողարկումն անվճար է։

Քարտը ձևակերպելու համար UNIMobile հավելվածում անհրաժեշտ է անցնել «Քարտեր» → «Նոր քարտ» բաժին և ընտրել Visa Digital Card-ը։ Այնուհետև ընտրել դիզայնն ու արժույթը՝ ՀՀ դրամ, ԱՄՆ դոլար կամ եվրո։ Թողարկումից անմիջապես հետո քարտը պատրաստ է օգտագործման։ Քարտի տվյալները՝ համարը, վավերականության ժամկետը և CVV կոդը, հասանելի են հավելվածում։ Visa Digital-ը կարելի է ցանկացած պահի համալրել այլ քարտերից կամ հաշիվներից փոխանցման միջոցով։ Քարտը հատկապես հարմար է արտասահմանյան կայքերում գնումների, բաժանորդագրությունների, ամրագրումների և այլ առցանց ծառայությունների վճարման համար։ Նման գործարքների համար առանձին քարտի օգտագործումն օգնում է վերահսկել ծախսերը և բարձրացնել վճարումների անվտանգությունը․ հաճախորդը կարող է քարտը համալրել տվյալ գնման համար անհրաժեշտ գումարով։

Թվային ծառայությունների զարգացումը Յունիբանկի առաջնահերթ ուղղություններից է։ Հաճախորդներին առաջարկելով առօրյա վճարումների հարմար և ապահով լուծումներ՝ բանկը նաև խրախուսում է ռեսուրսների ավելի պատասխանատու օգտագործումը։ Visa Digital-ը հնարավորություն է տալիս հրաժարվել պլաստիկ կրիչից՝ պահպանելով բանկային քարտի հնարավորությունները։ Կայուն զարգացման սկզբունքներին  Յունիբանկի կողմնակցությունն արտացոլվել է Agents for Impact GmbH ընկերության գնահատականում․ բանկը ստացել է Կենսակայունության համապատասխանության B++ վարկանիշ: 

Բանկը վերահսկվում է ՀՀ Կենտրոնական բանկի կողմից: