ԲՀԿ առաջնորդ Գագիկ Ծառուկյանը՝ «Կենտրոն» ՔԿՀ-ից ուղերձ է հղել.
«Անկախության հռչակագրի ընդունման 36-ամյակի առիթով, վստահ եմ, շատերը կխոսեն, մանավանդ հիմա, երբ հարցականի տակ է դրվում ամեն ինչ։
Բազմիցս հայտարարել եմ, որ ես դասական քաղաքական գործիչ չեմ, ու այսօր էլ ինձ թույլ կտամ խոսել ոչ դասական ձևակերպումներով։ Կխոսեմ որպես մարդ, որը նույն այդ 36 տարիների ընթացքում իր հայրենիքում անդադար կառուցել է, ստեղծել տասնյակ հազարավոր աշխատատեղեր, հայկական սպորտը հասցրել միջազգային մակարդակի, աջակցել սփյուռքի հայկական համայնքներին և միշտ հանդես եկել ներքին համերաշխության կոչով։
Ակնհայտ է, որ անկախության հռչակագրի 36-րդ տարում մենք կանգնած ենք բարդ որոշումների և մեծ ռիսկերի առաջ։
Ամեն սերունդ իր պատկերացումներով կարժևորի Անկախության հռչակագիրը։ Քաղաքական շահերով պայմանավորված քննարկումները և գնահատականները ոչինչ չեն տա։ Դա կբերի է´լ ավելի մեծ պառակտման ու է´լ ավելի մեծ անորոշության։
Փոխարենը մենք կարիք ունենք սառը մտքով հասկանալու այսօրվա և վաղվա ռիսկերը, մատնացույց անելու բոլոր վտանգավոր մարտահրավերները, հասկանալու զարգացման հնարավորությունները, գտնելու լավագույն քայլերը՝ մեր երկրի անվտանգության և ժողովրդի բարեկեցության համար։
Պետությունները զարգանում են միայն հստակ նպատակներ ու ռացիոնալ խնդիրներ դնելու դեպքում։
Ակնհայտ է, որ մենք խնդիր ունենք՝ մեր երկիրը դուրս բերելու Ռուսաստան-Արևմուտք հակամարտությունից։ Ակնհայտ է, որ մենք խնդիր ունենք՝ լուծելու տնտեսությանը սպառնացող լրջագույն ճգնաժամը։ Ակնհայտ է, որ մենք կարիք ունենք խոշոր տնտեսական ծրագրերի։ Ակնհայտ է, որ մենք պետք է պատրաստ լինենք տարածաշրջանային խաղաղության փուլին. պատրաստ լինենք մեր ծրագրերով, մեր առաջարկներով, և «ոչ» կամ «այո» ասելու մեր վճռականությամբ։
Ակնհայտ է, որ մեր շուրջ անհանգիստ է, և մեր հարևան Իրանը փաստացի գտնվում է պատերազմի մեջ։ Ակնհայտ է, որ ցանկացած պահի, ցանկացած պատրվակով իրադրությունը տարածաշրջանում կարող է լարվել։ Ակնհայտ է, որ պետք է լուծումներ գտնենք՝ ներքին պառատկումը մեղմելու, վերացնելու համար։
Ինձ համար ակնհայտ է, որ Հայաստանը և հայկական աշխարհն ունեն բավարար պոտենցիալ՝ այդ բարդագույն վիճակից դուրս գալու և երկիրը զարգացման ճանապարհով տանելու համար։ Բայց դրա համար անհրաժեշտ է մեկ պայման՝ ներքին համերաշխություն։
Օգտվելով այս օրվա ընձեռած առիթից՝ Անկախության հռչակագրի 36-րդ տարվա կապակցությամբ ուզում են իմ ողջույնը հղել Բաքվի բանտերում պահվող մեր հայրենակիցներին՝ իմ ընկեր Ռուբենին, իմ ընկեր Բակոյին, իմ ընկեր Արկադիին, իմ ընկեր Լեւոնին, իմ ընկեր Դավիթին, իմ մյուս բոլոր ընկերներին ու հարազատ մարդկանց, որոնցից ոմանց անձամբ չեմ ճանաչում։ Նրանք բոլորը անկախության հռչակագրի և Հայաստանի հարատևության գաղափարի կրողներն են, մեր ժողովրդի արժանի զավակները, որոնք այսօր զրկանքներ են կրում անազատության մեջ։ Ես ուզում եմ հույս հայտնել, որ այս ծանր շրջանը շուտով կավարտվի, և Հայաստանի ճակատագրով իրապես մտահոգ մարդկանց համար կսկսվի նոր, լուսավոր շրջան։
Կենտրոն ՔԿՀ
23.08.26թ.
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
77 տարեկանում մահացել է Էստոնիայի նախկին վարչապետ, նախկին եվրահանձնակատար և երկրի ժամանակակից տնտեսական ու եվրոպական ինտեգրման գործընթացի առանցքային գործիչներից Սիյմ Կալասը։ Նրա մահվան մասին օգոստոսի 22-ին հայտնել է դուստրը՝ Եվրամիության արտաքին հարաբերությունների և անվտանգության քաղաքականության բարձր ներկայացուցիչ Կայա Կալասը։
«Մեծ ցավով պետք է հայտնեմ, որ իմ սիրելի հայրը՝ Սիյմ Կալասը, մահացել է անցած գիշեր»,– գրել է Կայա Կալասը սոցիալական ցանցում։ Մահվան պատճառը հրապարակայնորեն չի նշվել։
Սիյմ Կալասը ծնվել է 1948 թվականի հոկտեմբերի 2-ին Տալլինում և համարվում էր անկախությունից հետո Էստոնիայի քաղաքական ու տնտեսական համակարգի ձևավորման կարևորագույն դեմքերից մեկը։
Հետևեք մեզ՝ այստեղ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ճապոնիայում տեղի է ունեցել 5,9 մագնիտուդով երկրաշարժ, հաղորդել է Kyodo-ն։
Ճապոնիայի օդերևութաբանական գործակալության տվյալներով՝ ստորգետնյա ցնցումները գրանցվել են օգոստոսի 23-ին, տեղի ժամանակով ժամը 02:00-ին Իբարակի պրեֆեկտուրայում։
Երկրաշարժի օջախը գտնվել է մոտ 70 կիլոմետր խորության վրա։ Ցնցումների առավելագույն ուժգնությունը հասել է 5 թույլ բալի՝ ճապոնական յոթ բալանոց սանդղակով, որը հաշվի է առնում ցնցումների ուժն անմիջապես բնակավայրերում։
Երկրաշարժի կապակցությամբ հրապարակվել է ստորգետնյա ցնցումների մասին արտակարգ նախազգուշացում։ Ցունամիի վտանգ չի հայտարարվել։
Հետևեք մեզ՝ այստեղ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Օգոստոսի 22-ին՝ ժամը 14։32-ին, Տավուշի մարզային օպերատիվ կառավարման կենտրոն ահազանգ է ստացվել, որ Դիլիջան-Վանաձոր ավտոճանապարհին տեղի է ունեցել ՃՏՊ․ կա տուժած։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Փրկարար ծառայության հաղորդմամբ, պարզվել է, որ «VAZ» մակնիշի ավտոմեքենան դուրս է եկել ճանապարհի երթևեկելի հատվածից և բախվել հողաթմբին․ վարորդն արգելափակվել է ավտոմեքենայում։
Փրկարարներն արգելափակումից դուրս են բերել վարորդին և մոտեցրել շտապօգնությանը, հոսանքազրկել ավտոմեքենան և սահմանազատել տարածքը։
Հետևեք մեզ՝ այստեղ
Ժողովրդավարության կարևոր հիմնասյուններից է` անկախ դատական համակարգը: Վերջին 8 տարվա ընթացքում չի եղել ու չկա իրական քաղաքական կամք ունենալու անկախ ու անվախ դատարաններ:
Իրավունքը պետք է գերակայի:
Ազատություն բոլոր քաղբանտարկյալներին
Աստված պահապան մեր ժողովրդին ու հայոց աշխարհին
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Միացյալ Նահանգների դաշնային դատարանն ապօրինի է ճանաչել 75 երկրների, այդ թվում՝ Հայաստանի քաղաքացիներին ներգաղթային վիզաների տրամադրումը դադարեցնելու՝ նախագահ Թրամփի վարչակազմի որոշումը, հաղորդում է «Ազատությունը»։
Մանհեթենի շրջանային դատարանի դատավոր Ջինեթ Վարգասն «ակնհայտ ապօրինի» է որակել որոշումը, որով այդ երկրների քաղաքացիներին ներգաղթային վիզաների տրամադրումը դադարեցվել է բացառապես նրանց ազգության հիման վրա:
Դատավորը պնդել է, որ Մարկո Ռուբիոն գերազանցել է իր լիազորությունները, քանի որ օրենսդրությունը թույլ չի տալիս պետքարտուղարին նման ձևով միջամտել հյուպատոսությունների աշխատանքին:
Պետդեպարտամենտն այս տարվա հունվարին մտցրած սահմանափակումների հիմնավորման մեջ նշել էր, թե 75 երկրների քաղաքացիները մեծ հավանականությամբ կարող են ֆինանսական բեռ դառնալ պետության համար և ԱՄՆ-ում օգտվել սոցիալական աջակցությունից:
Խոսքը ներգաղթի վիզաներին էր վերաբերում և չէր տարածվում ԱՄՆ տուրիստական և ժամանակավոր այլ վիզաների տրամադրման վրա:
Հայաստանից բացի, սահմանափակումները վերաբերում էին Ռուսաստանի, Բելառուսի, Ադրբեջանի, Ղազախստանի, Ղրղզստանի, Ուզբեկստանի, Վրաստանի, Մոլդովայի, ինչպես նաև Սոմալիի, Աֆղանստանի, Բրազիլիայի, Իրանի, Իրաքի, Եգիպտոսի, Ուրուգվայի, Լիբանանի և այլ երկրների քաղաքացիներին:
Հետևեք մեզ՝ այստեղ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Իրանը ներկայում միաժամանակ բախվում է երկու լուրջ խնդրի՝ ԱՄՆ-ի կողմից նոր տնտեսական պատժամիջոցների սպառնալիքին և Վաշինգտոնի հետ բանակցային գործընթացի փաստացի փակուղուն։ Այս մասին Al Jazeera-ին ասել է Gulf International Forum-ի ավագ ոչ ռեզիդենտ գիտաշխատող Ռոբ Գայսթ Փինֆոլդը։
Նրա գնահատմամբ՝ Թեհրանի համար իրավիճակը բարդացել է այն պատճառով, որ վերջին շրջանում կիրառված դիվանագիտական մեխանիզմները չեն տվել սպասված արդյունքը ոչ Իրանի, ոչ էլ Միացյալ Նահանգների համար։
Փինֆոլդը հիշեցրել է, որ ԱՄՆ-ի և Իրանի միջև կնքված փոխըմբռնման հուշագրի գործողության ժամկետը վերջերս ավարտվել է, սակայն այն չի բերել այն արդյունքներին, որոնց ձգտում էին կողմերը։
«Հուշագիրն ակնհայտորեն չի հասցրել Իրանին այնտեղ, որտեղ նա ցանկանում էր լինել։ Միևնույն ժամանակ, այն ԱՄՆ-ին նույնպես չի տվել իր ցանկալի արդյունքը։ Այդ պատճառով Իրանը հիմա բավական բարդ ընտրության առաջ է կանգնած», – նշել է փորձագետը։
Իրանի և ԱՄՆ-ի հարաբերությունները տարիներ շարունակ գտնվում են տնտեսական և քաղաքական լարվածության պայմաններում։ Վաշինգտոնը շարունակում է պատժամիջոցային ճնշումը՝ հիմնականում կապված Իրանի միջուկային ծրագրի, նավթային արտահանման և տարածաշրջանային քաղաքականության հետ։ Թեհրանը, իր հերթին, պնդում է, որ պատժամիջոցները խոչընդոտում են իրական բանակցություններին և պահանջում է դրանց մեղմացում կամ վերացում։
2026 թվականին իրավիճակն ավելի է բարդացել ռազմական լարվածության և տարածաշրջանային հակամարտությունների պատճառով։ Միացյալ Նահանգներն արդեն հայտարարել է Իրանի դեմ նոր սահմանափակումների հնարավորության մասին, ինչը կարող է լրացուցիչ ճնշում գործադրել երկրի տնտեսության, արտահանման և ֆինանսական համակարգի վրա։
Փինֆոլդի խոսքով՝ Իրանի ղեկավարության ներսում նույնպես միասնական մոտեցում չկա հետագա քայլերի հարցում։ Իրանական իշխանական համակարգը բաղկացած է տարբեր քաղաքական և ուժային կենտրոններից, որոնք տարբեր կերպ են պատկերացնում երկրի առջև ծառացած խնդիրների լուծումը։
«Իրանի ռեժիմը երբեք միասնական դերակատար չի եղել։ Կան տարբեր անձինք և խմբեր, որոնք տարբեր պատկերացումներ ունեն այն մասին, թե ինչպես պետք է լուծել երկրի առջև ծառացած խնդիրները», – ասել է փորձագետը։
Նրա գնահատմամբ՝ Իրանի ղեկավարության ներսում այժմ քննարկվում է երկու հիմնական տարբերակ՝ շարունակել բանակցությունները և կրկին հնարավորություն տալ դիվանագիտությանը, թե վերադառնալ ավելի կոշտ՝ ռազմական և հակամարտային մոտեցման։
Այս տարաձայնությունները կարևոր են նաև այն պատճառով, որ արտաքին տնտեսական ճնշումը շարունակում է աճել։ Նոր պատժամիջոցները կարող են սահմանափակել Իրանի նավթային եկամուտները, միջազգային առևտրային կապերը և արտարժույթի հասանելիությունը՝ խորացնելով երկրի ներսում արդեն առկա տնտեսական խնդիրները։
Միաժամանակ, ըստ Փինֆոլդի, միայն տնտեսական ճնշումը դեռևս չի ստեղծել այն պայմանները, որոնք Վաշինգտոնը ցանկանում է տեսնել, իսկ բանակցային գործընթացն էլ չի ապահովել Թեհրանի համար ընդունելի արդյունք։
«Հստակ պատասխան այս պահին չկա։ Այո՛, տնտեսական ճնշում կա, սակայն բանակցություններն ու դիվանագիտությունը չեն բերել այն արդյունքին, որը ցանկանում է կամ Իրանը, կամ ԱՄՆ-ը», – եզրափակել է փորձագետը։
Այսպիսով, Իրանի ղեկավարությունը կանգնած է ռազմավարական ընտրության առաջ․ շարունակել փորձել դիվանագիտական ճանապարհով համաձայնության հասնել Վաշինգտոնի հետ, թե գնալ ավելի կոշտ դիմակայության ուղով՝ միաժամանակ փորձելով դիմակայել ԱՄՆ-ի նոր տնտեսական ճնշմանը։
Հետևեք մեզ՝ այստեղ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ՀՀ քաղաքացիներն օգտվել են ՀՀ վերադարձի չեղարկված չվերթների պատճառով նոր ավիատոմսեր ձեռք բերելու համար տրամադրվող գումարի փոխհատուցման՝ ՀՀ կառավարության կողմից տրամադրված աջակցությունից:
ՀՀ ԱԳՆ-ն իրականացրել է Մերձավոր Արևելքում փետրվարին տեղի ունեցած ռազմական գործողությունների հետևանքով ՀՀ վերադարձի կամ տարանցիկ չվերթների չեղարկման պատճառով նոր ավիատոմսեր ձեռք բերած ՀՀ քաղաքացիներին վերադարձի ավիատոմսերի փոխհատուցման տրամադրման գործընթացը:
2026 թ. ապրիլի 10-ից օգոստոսի 20-ը հաստատվել է ՀՀ քաղաքացիներից ստացված 630 հայտ, ինչի արդյունքում փոխհատուցում է ստացել ՀՀ 902 քաղաքացի: Փոխհատուցումների ընդհանուր գումարը կազմել է շուրջ 174 մլն դրամ՝ յուրաքանչյուր անձի համար մինչև 250 հազար դրամի չափով:
ՀՀ ԱԳՆ-ն ողջ գործընթացի ընթացքում աջակցել է քաղաքացիներին՝ հայտերի լրացումից և անհրաժեշտ փաստաթղթերի ներկայացումից մինչև փոխհատուցումների տրամադրում՝ անհրաժեշտության դեպքում համագործակցելով նաև ավիափոխադրողների և զբոսաշրջային ընկերությունների հետ։
Հաշվի առնելով հայտերի ստացման նվազող դինամիկան՝ ՀՀ կառավարության օգոստոսի 20-ի N1237 որոշմամբ հայտերի ընդունման վերջնաժամկետ է սահմանվել օգոստոսի 25-ը։
Հետևեք մեզ՝ այստեղ