Category: Oratert.am

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Քիչ առաջ խոշոր հրդեհ է բռնկվել Վահագնի թաղամասում: 

ՀՀ ՆԳՆ-ից հայտնեցին, որ այրվում է չոր խոտածածկ տարածք:

«Չորս մարտական հաշվարկ այս պահին հրդեհաշիջման աշխատանք է իրականացնում»,- մեզ հետ զրույցում ասաց ՆԳՆ մամուլի քարտուղար Նարեկ Սարգսյանը:

Հետևեք մեզ՝ այստեղ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Գերմանիայի մի շարք շրջաններում գրանցվել են ուժգին ամպրոպներ, որոնք ուղեկցվել են պտտահողմերով և փոթորկալից քամիներով։ Փոթորկի հարվածն ամենից ուժգին զգացվել է Ռայնլանդ-Պֆալցում և Հեսսենում։ Մեկ կին զոհվել է, ևս մի քանի մարդ վիրավորվել։ 

Արվայլերի շրջանի Վալդորֆ բնակավայրում 58-ամյա կինը փորձել է պատսպարվել անձրևից, սակայն նրա վրա ծառ է ընկել։ Կինը մահացու վնասվածքներ է ստացել։ Վալդորֆում ևս մի քանի հոգի վնասվածքներով տեղափոխվել են հիվանդանոց։

Հետևեք մեզ՝ այստեղ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Այսօր՝ օգոստոսի 20-ին, շղթայական ավտովթար է տեղի ունեցել Երևանում։ Ժամը 21:00-ի սահմաններում Մինսկի փողոցում բախվել են «Kia EV6», «Kia Forte», «Honda Accord», «Renault Logan» և «Opel» մակնիշի ավտոմեքենաները։

Վթարի հետևանքով 1 հոգի, ում առաջինն օգնության են հասել քաղաքացիներն ու ըստ քաղաքացիների հայտնածի օպերատիվորեն ժամանած Երևանի 103 շտապօգնության բժիշկների հերթապահ խումբը, տեղափոխվել է «Սուրբ Գրիգոր Լուսավորիչ» բժշկական կենտրոն։

Հետևեք մեզ՝ այստեղ

Պլանային աշխատանքներ իրականացնելու նպատակով՝ օգոստոսի 27-ին ժամը 09:00-ից մինչև ժամը 20:00-ն, կդադարեցվի Լոռու մարզի Վանաձոր քաղաքի Սուխումիի, Յուբեկա փողոցների, Համբարձումյան փողոցի թիվ 1, 3, 7, 9ա, Շինարարների փողոցի 27/1, 27/2 բազմաբնակարան շենքերի, Արևաշող բնակավայրի գազասպառողների գազամատակարարումը։
Պլանային աշխատանքներ իրականացնելու նպատակով՝ օգոստոսի 27-ին ժամը 09:00-ից մինչև ժամը 18:00-ն, կդադարեցվի Լոռու մարզի Մեծավան բնակավայրի գազասպառողների գազամատակարարումը։

Պլանային աշխատանքներ իրականացնելու նպատակով՝ օգոստոսի 26-ին ժամը 10:00-ից մինչև ժամը 18:00-ն, կդադարեցվի Երևան քաղաքի Կենտրոն վարչական շրջանի Տիգրան Մեծ պողոտայով, Ա.Խանջյան, Հանրապետության, Փ.Բյուզանդի փողոցներով պարփակված թաղամասի գազասպառողների և հարակից տարբեր նշանակության հանրային կազմակերպությունների գազամատակարարումը։

Պլանային աշխատանքներ իրականացնելու նպատակով՝ օգոստոսի 26-ին ժամը 10:00-ից մինչև ժամը 18:00-ն, կդադարեցվի Երևան քաղաքի Աջափնյակ վարչական շրջանի Էջմիածին հին խճուղու թիվ 86-ից մինչև 106, Նորագյուղ թաղամասի թիվ 102-ից մինչև 148, թիվ 260-ից 265, թիվ 276–282, 302, 296 հասցեների, Ամերիկյան փողոցի 6/3, 6/4, 106 հասցեների, հարակից առանձնատների և այլ տարբեր նշանակության հանրային կազմակերպությունների գազամատակարարումը։

Պլանային աշխատանքներ իրականացնելու նպատակով՝ օգոստոսի 26-ին ժամը 09:00-ից մինչև ժամը 20:00-ն, կդադարեցվի Լոռու մարզի Վանաձոր քաղաքի Ադամյան, Հյուսիսային փողոցների, Նարեկացու փողոցի թիվ 3ա, 3բ, 4ա, 4բ, 4վ, Թևոսյան փողոցի թիվ 13ա, 13բ բազմաբնակարան շենքերի գազասպառողների գազամատակարարումը։
Պլանային աշխատանքներ իրականացնելու նպատակով՝ օգոստոսի 26-ին ժամը 10:00-ից մինչև ժամը 18:00-ն, կդադարեցվի Արարատի մարզի Քաղցրաշեն բնակավայրի գազասպառողների և հարակից տարբեր նշանակության հանրային կազմակերպությունների գազամատակարարումը։
Պլանային աշխատանքներ իրականացնելու նպատակով՝ օգոստոսի 26-ին ժամը 10:00-ից մինչև ժամը 17:00-ն, կդադարեցվի Լոռու մարզի Վարդաբլուր բնակավայրի գազասպառողների գազամատակարարումը։
Պլանային աշխատանքներ իրականացնելու նպատակով՝ օգոստոսի 26-ին ժամը 10:00-ից մինչև ժամը 15:00-ն, կդադարեցվի Շիրակի մարզի Գյումրի քաղաքի Խորենացու, Սևակի, Չարենցի, 3-րդ և 5-րդ փողոցներով պարփակված թաղամասերի գազասպառողների, հարակից տարբեր նշանակության հանրային կազմակերպությունների գազամատակարարումը։
Պլանային աշխատանքներ իրականացնելու նպատակով՝ օգոստոսի 25-ին ժամը 10:00-ից մինչև ժամը 15:00-ն, կդադարեցվի Շիրակի մարզի Գյումրի քաղաքի Շիրակացու փողոցի թիվ 25ա բազմաբնակարան շենքի, Շիրակացու 1-ին փակուղու և հարակից տարածքների գազասպառողների, հարակից տարբեր նշանակության հանրային կազմակերպությունների գազամատակարարումը։

Պլանային աշխատանքներ իրականացնելու նպատակով՝ օգոստոսի 25-ին ժամը 10:00-ից մինչև ժամը 18:00-ն, կդադարեցվի Լոռու մարզի Վանաձոր քաղաքի Տավրոս թաղամասի 2-րդ, 3-րդ, 4-րդ փողոցների, Շիրակի խճուղու թիվ 56, 58, 60, 66 բազմաբնակարան շենքերի գազասպառողների գազամատակարարումը։
Պլանային աշխատանքներ իրականացնելու նպատակով՝ օգոստոսի 25-ին ժամը 10:00-ից մինչև ժամը 18:00-ն, կդադարեցվի Արարատի մարզի Մասիս քաղաքի Մասիս կայարան թաղամասի գազասպառողների գազամատակարարումը։
Պլանային աշխատանքներ իրականացնելու նպատակով՝ օգոստոսի 25-ին ժամը 09:00-ից մինչև ժամը 20:00-ն, կդադարեցվի Լոռու մարզի Սպիտակ քաղաքի Փյունիկ թաղամասի գազասպառողների գազամատակարարումը։
Պլանային աշխատանքներ իրականացնելու նպատակով՝ օգոստոսի 25-ին ժամը 10:00-ից մինչև ժամը 17:00-ն, կդադարեցվի Լոռու մարզի Ստեփանավան քաղաքի Բաղրամյան, Երիտասարդական, Արևելյան, Րաֆֆու, Կամոյի, Մուրացանի, Չարենցի, Պռոշյան, Խանջյան, Տերյան, Իսահակյան, Գ.Նժդեհի, Մ.Գորկու, Միլիոնի, Մայակովսկու, Խորենացու, Անտառային, Զ.Անդրանիկի, Սպարապետի, Ս.Նշանի, Սայաթ-Նովայի, Թելմանի, Աբովյան, Գետափնյա, Թումանյան փողոցների գազասպառողների և հարակից տարբեր նշանակության հանրային կազմակերպությունների գազամատակարարումը։

Պլանային աշխատանքներ իրականացնելու նպատակով՝ օգոստոսի 24-ին ժամը 10:00-ից մինչև ժամը 18:00-ն, կդադարեցվի Լոռու մարզի Սարահարթ, Գոգարան, Շենավան բնակավայրերի գազասպառողների գազամատակարարումը։

Պլանային աշխատանքներ իրականացնելու նպատակով՝ օգոստոսի 24-ին ժամը 09:00-ից մինչև ժամը 20:00-ն, կդադարեցվի Լոռու մարզի Վանաձոր քաղաքի Աճառյան, Կասյան, Կնունյանց, Ձեռժինսկու, Ճավճավաձեյի, Մաշտոցի, Մարտի 8-ի, Մելքոնյան, Սունդուկյան, Ստեփանյան փողոցների, Ներսիսյան թիվ 1, 2 բազմաբնակարան շենքերի, Ներսիսյան կոոպերատիվ թիվ 6 բազմաբնակարան շենքի գազասպառողների գազամատակարարումը։

Պլանային աշխատանքներ իրականացնելու նպատակով՝ օգոստոսի 21-ին ժամը 09:00-ից մինչև ժամը 17:00-ն, կդադարեցվի Գեղարքունիքի մարզի Ծաղկունք բնակավայրի գազասպառողների գազամատակարարումը։

Պլանային աշխատանքներ («Անգեղակոթ-Ջերմուկ» DN500 տրամագծով մայրուղային գազատարի նորոգում) իրականացնելու նպատակով՝ օգոստոսի 20-ին ժամը 09:00-ից մինչև օգոստոսի 21-ը ժամը 21:00-ն, կդադարեցվի Վայոց Ձորի մարզի Ջերմուկ, Վայք, Եղեգնաձոր քաղաքների, Գնդեվազ, Կեչուտ, Հերհեր, Զառիթափ, Արին, Ազատեկ, Փոռ, Մալիշկա, Ագարակաձոր, Վերնաշեն, Գլաձոր, Գետափ բնակավայրերի գազասպառողների, «Գլաձոր ՄԳՀ», «Վահգալ», «Ս․Ավետյան և ընկերներ», «Վայք գազ», «Ռոբեն Յ.Հ.», «Թամսար», «Մելինե Էմիլիա» ՍՊԸ-ների ԱԳԼՃԿ-ների, «Վայքի ՃՇՇ», «Ջերմուկ Գրուպ» ՓԲԸ-ների, «Ջերմուկի նոր կյանք», «Ջերսան», «Այս Էներջի» ՍՊԸ-ների և նշված բնակավայրերում գործող այլ տարբեր նշանակության հանրային կազմակերպությունների գազամատակարարումը։

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

 

ՀՀ կրթության, գիտության, մշակույթի և սպորտի նախարարությունը հայտարարում է արտադպրոցական ուսումնական հաստատությունների մանկավարժական աշխատողների կամավոր ատեստավորման հայտերի ընդունելություն 2026 թվականի սեպտեմբերի 1-ից մինչև հոկտեմբերի 31-ը:

Ատեստավորմանը մասնակցելու համար մանկավարժական աշխատողները հայտերը ներկայացնում են Կրթության կառավարման տեղեկատվական համակարգի էլեկտրոնային մատյանում մինչև 2026 թ. հոկտեմբերի 31-ը՝ ժամը 18:00-ը, և ստանում հաղորդագրություն՝ հայտն ընդունված լինելու վերաբերյալ:

Նշված ժամկետի ավարտից հետո ներկայացված հայտերը չեն քննարկվում և վերադարձվում են հայտ ներկայացրած մանկավարժական աշխատողին՝ նշելով պատճառը:

Ատեստավորմանը կարող են մասնակցել նաև պետական և համայնքային մանկապատանեկան ստեղծագործական և գեղագիտական կենտրոններում, մշակույթի տներում դասավանդող մանկավարժական աշխատողները։ Անկախ դասավանդած ուղղությունների քանակից՝ մանկավարժական աշխատողը տվյալ տարում կարող է ատեստավորման հայտ ներկայացնել միայն մեկ ուղղությամբ՝ իր ընտրությամբ։

Ատեստավորումն ըստ ուղղությունների իրականացվում է թեստավորման եղանակով: Երաժշտարվեստի ուղղությամբ կամավոր ատեստավորումը ներառում է մի շարք մասնագիտացումներ, իսկ մարզադպրոցների մարզիչ-մանկավարժների կամավոր ատեստավորումն ընդգրկում է 20 մարզաձև և մասնագիտացում: Ատեստավորման ուղղությունները՝ այստեղ:

Ատեստավորման հայտ ներկայացնելիս պահանջվում են հետևյալ փաստաթղթերն ու տեղեկատվությունը՝

մանկավարժական աշխատողի անունը, ազգանունը, հայրանունը,

ուսումնական հաստատության անվանումը, գտնվելու վայրը (մարզ, տարածաշրջան),

դասավանդվող ուղղությունը, որից մանկավարժական աշխատողը պատրաստվում է ատեստավորվել՝ նշելով դրույքաչափը,

այլ արտադպրոցական ուսումնական հաստատությունում համատեղությամբ աշխատելու դեպքում՝ տեղեկանք աշխատանքի վայրից,

հանրային ծառայությունների համարանիշը,

մանկավարժական աշխատողի էլեկտրոնային հասցեն, բջջային հեռախոսահամարը,

մարզադպրոցներում դասավանդող մանկավարժական աշխատողները ներկայացնում են նաև բարձրագույն կրթությունը հավաստող դիպլոմի պատճենը,

արվեստի և երաժշտական դպրոցներում դասավանդող մանկավարժական աշխատողները ներկայացնում են բարձրագույն կամ միջին մասնագիտական կրթությունը հավաստող դիպլոմի պատճենը, իսկ մանկապատանեկան ստեղծագործական և գեղագիտական կենտրոններում, մշակույթի տներում դասավանդող մանկավարժական աշխատողները՝ բարձրագույն կամ միջին մասնագիտական կրթությունը հավաստող կամ վերջին 5 տարում ատեստավորվող ուղղության դասավանդումը հավաստող տեղեկանքը։

Որևէ արտադպրոցական ուսումնական հաստատությունում չաշխատող և մանկավարժական աշխատողի պահանջները բավարարող անձը ատեստավորմանը մասնակցելու համար ներկայացնում է հետևյալ տեղեկատվությունը՝

 

անունը, ազգանունը, հայրանունը.

կրթությունը հավաստող փաստաթուղթը (բարձրագույն կամ միջին մասնագիտական կրթության դիպլոմ, միջնակարգ կրթության ատեստատ).

աշխատանքային ստաժի վերաբերյալ տեղեկանք.

բնակության վայրը (մարզը, համայնքը).

ուղղությունը, որից պատրաստվում է ատեստավորվել.

հանրային ծառայությունների համարանիշը.

էլեկտրոնային հասցեն, հեռախոսահամարը։

Մինչև երեք տարեկան երեխայի խնամքի համար արձակուրդում գտնվող մանկավարժական աշխատողը կարող է մասնակցել ատեստավորմանը և սահմանված արդյունք ցուցաբերելու դեպքում օգտվել լրավճարի տրամադրման իրավունքից՝ արձակուրդից վերադառնալուց հետո։ Լրավճարի տրամադրման հնգամյա ժամկետը հաշվարկվում է ատեստավորման օրվանից սկսած։

Ատեստավորման անցկացման ժամանակացույցը կհաստատվի ՀՀ կրթության, գիտության, մշակույթի և սպորտի նախարարի հրամանով և սահմանված կարգով կհրապարակվի։

Հայտերի լրացման մանրամասները՝ my.emis.am հարթակում

Հետևեք մեզ՝ այստեղ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Չինաստանի դատարանը ցմահ ազատազրկման է դատապարտել անշարժ գույքի ոլորտում աշխարհի խոշորագույն փոխառուի՝ China Evergrande Group-ի հիմնադրին։ Սա տեղի է ունեցել ընկերության փլուզումից հինգ տարի անց, ինչը ցնցել էր երկրի տնտեսությունն ու ֆինանսական շուկաները։

Հուեյ Կա Յանը, որ մի ժամանակ Ասիայի ամենահարուստ մարդն էր, ապրիլին մեղավոր էր ճանաչվել ութ հոդվածներով, այդ թվում՝ միջոցների ոչ նպատակային օգտագործման, ներդրումների ներգրավման ժամանակ խարդախության, պետական ավանդների ապօրինի յուրացման, ապօրինի վարկերի տրամադրման, արժեթղթերի խարդախ թողարկման և կաշառակերության մեջ։

Նշենք, որ 2020 թվականին նրա Evergrande ընկերության տարեկան վաճառքի ծավալը հասել էր 700 միլիարդ յուան (100 միլիարդ դոլար):

2017 թվականին Հուեյի կարողությունը գնահատվում էր 45,3 միլիարդ դոլար, ինչը, Forbes-ի տվյալներով, ամենաբարձր ցուցանիշն էր Ասիայում: 2023 թվականին այն նվազեց մինչև մոտ 3 միլիարդ դոլար:

Ի դեպ, դատարանը որոշեց բռնագրավել նրա ամբողջ անձնական գույքը:

Հետևեք մեզ՝ այստեղ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ուկրաինայի նախագահ Վոլոդիմիր Զելենսկին ռուսական ուժերի կողմից Ուկրաինայի ուղղությամբ օգոստոսի 20-ի գիշերային հարվածները որակել է որպես զանգվածային հարձակում, որին Մոսկվան երկար էր պատրաստվել։ Այս մասին նա հայտնել է X սոցիալական հարթակում։

Նախագահի խոսքով՝ ռուսաստանցի զինվորականները «երկար ժամանակ պատրաստվել և համատեղել են տարբեր տեսակի բալիստիկ հրթիռներ, թևավոր հրթիռներ և անօդաչու թռչող սարքեր՝ քաղաքացիական ենթակառուցվածքներին հնարավորինս մեծ վնաս հասցնելու համար»։

Զելենսկին նշել է Կիևում և շրջակա տարածքներում, ինչպես նաև Օդեսայի և Չեռնիգովի մարզերում ավերածությունների մասին։

«Ուկրաինայի մայրաքաղաքում վնասվել են բնակելի շենքեր, այդ թվում՝ բարձրահարկ շենք, որի վերին հարկերն, ինչպես նաև մանկական հիվանդանոցը և դպրոցը ավերվել են», – նշել է Զելենսկին։

Նա նաև պարզաբանել է, որ Օդեսայի մարզում ռուսական ռազմական անօդաչու թռչող սարքերը հարձակվել են Մոլդովայի հետ սահմանային անցակետի վրա, իսկ Չեռնիգովի մարզում՝ գազի ենթակառուցվածքների վրա։

«Ցավոք, մինչ Մոսկվան ներդրումներ է կատարում բալիստիկայի և լարվածության սրման մեջ, աշխարհը միշտ չէ, որ ցանկալի արձագանք է տալիս նման հարվածներին», – ասել է Ուկրաինայի նախագահը։

Նա կրկին շեշտել է, որ Ոկրաինան չունի բավարար չափով հակաբալիստիկ պաշտպանություն, իսկ Patriot համակարգերի համար հրթիռներն անհրաժեշտ են ամեն օր։

Կիևի քաղաքապետ Վիտալի Կլիչկոյի խոսքով՝ Կիևում գիշերը տեղի ունեցած հարվածների հետևանքով զոհերի թիվը հասել է 15-ի։ Շուրջ 40 մարդ վիրավոր է։

Օգոստոսի 21-ը Կիևում հայտարարվել է սգո օր։

ՌԴ պաշտպանության նախարարությունը հայտնել է, որ Կիևում և Կիևի մարզում թիրախավորել է անօդաչու թռչող սարքերի և «Ֆլամինգո» հրթիռների արտադրության հետ կապված ձեռնարկություններ և լոգիստիկ կենտրոններ։

Հետևեք մեզ՝ այստեղ

Սյունիքում խոշոր բիզնեսի գործունեությունը վաղուց չի սահմանափակվում միայն արտադրական ցուցանիշներով։ Այստեղ կարևոր է նաև այն, թե ինչ ազդեցություն ունի ընկերության աշխատանքը մարդկանց, համայնքների և մարզի զարգացման վրա։ Այս տեսանկյունից հետաքրքիր է Զանգեզուրի պղնձամոլիբդենային կոմբինատի գործունեությունը։

Past.am-ը, համագործակցության շրջանակում ներկայացնելով ԶՊՄԿ-ի գործունեությունը, առանձնացրել է մի քանի ուղղություն, որոնք ցույց են տալիս, թե ինչու է ընկերության աշխատանքը կարևոր ոչ միայն արտադրության, այլև Սյունիքի սոցիալ-տնտեսական կյանքի համար։

ԶՊՄԿ-ում աշխատում է ավելի քան 4600 մարդ, իսկ աշխատակիցների ավելի քան 80 տոկոսը տեղական համայնքներից են։ Ընկերության աշխատակիցների 22 տոկոսը կանայք են։ Այսինքն՝ կոմբինատի գործունեությունն անմիջականորեն կապված է հազարավոր ընտանիքների և Սյունիքի աշխատաշուկայի հետ։

Ընկերությունում առանձնահատուկ ուշադրություն է դարձվում նաև մասնագիտական զարգացմանը։ 2026 թվականին ավելի քան 60 աշխատակից մասնակցել է մասնագիտական ատեստավորման ծրագրերի, որոնց նախորդել են տեսական և գործնական պատրաստության դասընթացներ։

ԶՊՄԿ-ի գործունեության կարևոր ուղղություններից մեկը համայնքների զարգացումն է։ Ընկերությունը տարիներ շարունակ աջակցում է Կապան և Քաջարան համայնքներում, ինչպես նաև Հայաստանի այլ մարզերում և Երևանում իրականացվող նախաձեռնություններին։

Միայն սուբվենցիոն ծրագրերի շրջանակում Քաջարան համայնքի զարգացման նախագծերում ԶՊՄԿ-ի ներդրումը կազմել է շուրջ 5.5 միլիոն դոլար։

Այսպիսի ծրագրերը կարևոր են հատկապես այն պատճառով, որ դրանց արդյունքը տեսանելի է ոչ միայն ընկերության գործունեության մեջ, այլև համայնքի առօրյայում։

Նոր տեխնոլոգիաներ՝ նոր հնարավորություններ

ԶՊՄԿ-ում զարգացվում է նաև թվայնացման ուղղությունը։ Ընկերությունը ներդնում է թվային գործիքներ, սենսորներ, կառավարման համակարգեր և տվյալների հավաքագրման ու վերլուծության լուծումներ՝ արտադրական գործընթացներն ավելի արդյունավետ դարձնելու համար։

Այս մոտեցումը ցույց է տալիս, որ ժամանակակից հանքարդյունաբերությունը միայն հանքաքարի արդյունահանման մասին չէ։ Այն նաև տեխնոլոգիաների, մասնագիտացված գիտելիքի և նոր մասնագետների պահանջարկի մասին է։

Կրթությունը՝ որպես երկարաժամկետ ներդրում

ԶՊՄԿ-ի սոցիալական ծրագրերում առանձին տեղ ունի կրթությունը։ 2025 թվականից ընկերությունը միացել է Սյունիքում «Դասավանդի՛ր հանուն Հայաստանի» ծրագրին՝ ֆինանսավորելով մարզ ժամանած առաջնորդ-ուսուցիչների կենցաղային ծախսերն ու հավելավճարները։ Ծրագրի արդյունքում Սյունիքի դպրոցներում հնարավոր է եղել լրացնել մի շարք թափուր հաստիքներ։

Այսպիսով, ընկերության ներդրումը կարող է դիտարկվել նաև որպես երկարաժամկետ ներդրում մարդկային կապիտալի մեջ։

Past.am-ի դիտարկմամբ՝ ԶՊՄԿ-ի պատմությունը միայն խոշոր արտադրական ձեռնարկության պատմություն չէ։ Այն նաև մարդկանց աշխատանքի, համայնքների զարգացման, կրթության, տեխնոլոգիական փոփոխությունների և Սյունիքում նոր հնարավորությունների ձևավորման մասին պատմություն է։

Եվ գուցե հենց սա է այն չափանիշը, որով այսօր պետք է գնահատել խոշոր ընկերության ազդեցությունը․ ոչ միայն այն, թե ինչ է արտադրում, այլև՝ ինչ է թողնում իր գործունեության արդյունքում մարդկանց և համայնքների համար։