Օդեսայում ԱԹՍ-ները հարվածել են Ադրբեջանի քաղաքացիներ տեղափոխող նավի․ նավապետն անհետ կորել է

Ուկրաինայի Օդեսա քաղաքի ափերի մոտ անօդաչու թռչող սարքով հարձակման է ենթարկվել Ադրբեջանի քաղաքացիների տեղափոխող քաղաքացիական առևտրային նավը։

Ադրբեջանի ԱԳՆ-ն հայտարարություն է տարածել։ Միջադեպը տեղի է ունեցել հուլիսի 14-ին։ Թուրքական Okean Maritime ընկերությանը պատկանող «Atlas Bey» քաղաքացիական առևտրային նավը հարձակման է ենթարկվել անօդաչու թռչող սարքով։

Նավի անձնակազմի տասնմեկ անդամներ Ադրբեջանի քաղաքացիներ են։

Հաղորդագրության համաձայն՝ բացառությամբ Ադրբեջանի քաղաքացի հանդիսացող նավի կապիտանի, մնացած անձնակազմի անդամները ափ են իջել Օդեսայում։ Նրանց վիճակը գնահատվում է բավարար։

Աշխատանքներ են տարվում նավապետին գտնելու ուղղությամբ։