«ՇԼԱՆԳ»-ը կաշառելով բանտապահին՝ փախել է «Երևան-Կենտրոն» ՔԿՀ-ից․ ժամեր անց նրան գտել են տաքսու մեջ

Սեպտեմբերի 7-ին «Երևան-Կենտրոն» քրեակատարողական հիմնարկից ոստիկանության Մաշտոցի բաժնում ահազանգ է ստացվել, որ կալանավոր Գագիկ Խաչատրյանը

(հանրությանը ավելի հայտնի “ՇԼԱՆԳ” մականունով)

ժամը 7:45-ի սահմաններում փախել է կալանավայրից։

Սեպտեմբերի 7-ին կալանավորվո Գագիկ Խաչատրյանը կաշառելով բանտապահին փախուստի է դիմել։

Հաղորդումից մի քանի ժամ անց ոստիկանության քրեական հետախուզության գլխավոր, Երևան քաղաքի վարչությունների, Մաշտոցի, Քանաքեռ-Զեյթունի, Նոր Նորքի, Մալաթիայի բաժինների և պարեկապահակետային ծառայության գնդի 3-րդ հատուկ գումարտակի ծառայողների ձեռնարկած միջոցառումների արդյունքում՝

Երևանի Թբիլիսյան խճուղում հայտնաբերվեց և բերման ենթարկվեց փախուստի դիմած ԳագիկԽաչատրյանը:

Ոստիկանները նրան հայտնաբերել են «Օպել» ավտոմեքենայի մեջ:

Տաքսու վարորդ, Քանաքեռ-Զեյթունի բնակիչ, 50-ամյա Անդրանիկ Դոդորյանի խուզարկությամբ հայտնաբերվեց 20 և 25 սմ երկարությամբ, գաղտնի փականով ծալովի դանակներ, որոնք ուղարկվել են փորձաքննության:

Անդրանիկ Դոդորյանը բաց է թողնվել, իսկ փախուստի դիմած Գագիկ Խաչատրյանը (ՇԼԱՆԳ) ձերբակալվել և անմիջապես տեղափոխվել քրեակատարողական հիմնարկ:

Կատարվում է քննություն: