Blog

17:27 – 17/հոկտեմբերի/2026

Փաստաբան Ղևոնդ Պապոյանը գրում է․

«Ոստիկանության Էրեբունու բաժնի անգործությունը դարձել է հարևանների նոր առերևույթ հանցավոր արարքների պատճառ։

ՀՀ Ներքին գործերի նախարարության Ոստիկանության Էրեբունու բաժնի ծառայողների բացահայտ անգործության հետևանքով քաղաքացին ու նրա ընտանիքը հայտնվել են ահաբեկված վիճակում, իսկ նրանց իրավունքներն ու անվտանգությունը մնացել են լիովին անպաշտպան:

Դեպքերի շղթան սկիզբ է առել այն բանից հետո, երբ հարևանները երկաթե թիթեղներով, մեխելու եղանակով, ապօրինաբար փակել են քաղաքացու տան օրինական լուսամուտները՝ զրկելով ննջարանների միակ լուսավորությունից և մաքուր օդ շնչելու հնարավորությունից։ Երբ տանտերը փորձել է սեփական ուժերով հեռացնել պատուհանին մեխված թիթեղները, հարևաններից մեկը քաղաքացու բնակելի տարածք լուսամուտից բահը ներս մտցնելով հնչեցրել առողջությանը ծանր վնաս պատճառելու բացահայտ սպառնալիքներ (բնակարան ներխուժում՝ բռնություն գործադրելու սպառնալիքով)։

Դրանից հետո որոշ ժամանակ անց տուն է վերադարձել ապօրինաբար լուսամուտը թիթեղով մեխելու եղանակով փակած անձանցից մեկը և սկսել է բարձրաձայն խուլիգանական հայհոյանքներ հնչեցնել քաղաքացու և նրա ընտանիքի անդամների հասցեին։

Արդյունքում քաղաքացիները ահաբեկված այդ ամենից հաղորդում են ներկայացվել Ոստիկանության Էրեբունու բաժին, ինչպես նաև հստակ խնդրվել է ապահովել իրենց ընտանիքի ֆիզիկական անվտանգությունը։

Սակայն, Էրեբունու բաժնի աշխատակիցները, մեկնելով դեպքի վայր, հանցանք կատարելու անմիջականորեն ծագած կասկածի հիմքով չեն ձերբակալել առերևույթ հանցանք կատարած անձանց, ավելին ոստիկանության ծառայողները միջոցներ չեն ձեռնարկել հանցանքնրի կանխման և քաղաքացիների անվտանգությունն երաշխավորելու համար։

Ոստիկանության այսպիսի անտարբերությունից սանձարձակված՝ հարևանները նույն օրը՝ 16.10.2026 թ, գիշերը ժամը 21:00-ի սահմաններում, անցել են առերևույթ նոր հանցավոր գործողությունների։

Այն ընթացքում, երբ քաղաքացու կինն ու աղջիկը գտնվել են ննջասենյակներում, հարևանները կրկին սկսել են երկաթե թիթեղները մեխել լուսամուտներին։

Այս ահաբեկող, խուլիգանական գործողությունների հետևանքով տանը գտնվող կինն ու երեխան կրկին ենթարկվել են ուժեղ հոգեբանական ահաբեկման (սթրեսի)։

Առերևույթ հանցավոր արարքների վերաբերյալ կրկին ահազանգ է ներկայացվել ոստիկանության Էրեբունու բաժին, սակայն առերևույթ հանցավոր արարքներ կատարած անձանց ձերբակալելու փոխարեն, դեպքի վայր ժամանած ոստիկանները տուժած քաղաքացուն են միայն տեղափոխել ոստիկանության բաժին՝ հերթական հաղորդումը ներկայացնելու համար:

Գտնում եմ, որ ոստիկանության այսօրինակ գործելաոճն անթույլատրելի է։ Այն ոչ միայն չի կանխում հանցավոր վարքագիծը, այլև խրախուսում է հանցագործներին, իսկ տուժողներին թողնում անպաշտպան»:

դիտվել է 29 անգամ

17:35 – 17/հոկտեմբերի/2026

«Ցավալի է ու դատապարտելի, նման որոշումն ու արարքը բացարձակապես ցուցանիշ է պետականության ու պետության բարձրագույն գիտակցության չգոյության»,- նշել է ՀՀ-ում ՅՈՒՆԵՍԿՕ-ի Ազգային հանձնաժողովի անդամ Ասողիկ աբեղա Կարապետյանը՝ անդրադառնալով այն փաստին, որ այսօր ՅՈՒՆԵՍԿՕ-ի գլխավոր տնօրենն այցել է Զվարթնոցի տաճար, իսկ Մայր Աթոռ Սուրբ Էջմիածին՝ ոչ։

«ՑԱՎԱԼԻ ԵՎ ԴԱՏԱՊԱՐՏԵԼԻ Է

Լրատվությունից տեղեկացանք, որ Հայաստանում գտնվող ՅՈՒՆԵՍԿՕ-ի գլխավոր տնօրենի համար այց է կազմակերպվել Զվարթնոցի տաճար։ 

Եթե կարելի էր հասնել Զվարթնոց, հապա ինչո՞ւ չայցելել Մայր Աթոռ Սուրբ Էջմիածին, ինչո՞ւ չներկայացնել, ՅՈՒՆԵՍԿՕ-ի իսկ հավանությամբ, սքանչելիորեն վերանորոգված ու շքեղազարդված Մայր Տաճարը։ Հենց Մայր Տաճարի հայտն է ընդգրկվել ՅՈՒՆԵՍԿՕ-ի համաշխարհային ժառանգության ցանկի մեջ, իսկ Զվարթնոցի տաճարն ընդամենը մաս էր կազմում Մայր Տաճարի հայտի։

Ցավալի է ու դատապարտելի, նման որոշումն ու արարքը բացարձակապես ցուցանիշ է պետականության ու պետության բարձրագույն գիտակցության չգոյության։

Հայոց Եկեղեցին՝ իր Մայր Աթոռով, կանգուն է և տեր է իր ողջ աշխարհասփյուռ ժառանգության»,- գրել է Ասողիկ աբեղա Կարապետյանը։

Լրահոս

Ամենաընթերցվածները

Շուտով

Հոկտեմբերի 15-ին՝ ժամը 15։00-ին, Հայելի ակումբի հյուրն է Արմինե Ադիբեկյանը

Հոկտեմբերի 16-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը

Հոկտեմբերի 16-ին՝ ժամը 13։00-ին, Հայելի ակումբի հյուրն է Աշոտ Անդրեասյանը

Հոկտեմբերի 16-ին՝ ժամը 12։00-ին, Հայելի ակումբի հյուրն է Դերենիկ Մալխասյանը

Հոկտեմբերի 16-ին՝ ժամը 11։00-ին, Հայելի ակումբի հյուրն է Նարե Սոսեն

Հոկտեմբերի 15-ին՝ ժամը 15։30-ին, Հայելի ակումբի հյուրն է Մանուել Մանուկյանը

Հոկտեմբերի 15-ին՝ ժամը 15։00-ին, Հայելի ակումբի հյուրն է Էլյանորա Մանանդյանը

Հոկտեմբերի 15-ին՝ ժամը 13։00-ին, Հայելի ակումբի հյուրն է Պարույր Հայրիկյանը

Հոկտեմբերի 15-ին՝ ժամը 12։00-ին, Հայելի ակումբի հյուրն է Արմինե Ադիբեկյանը

Հոկտեմբերի 15-ին՝ ժամը 11։00-ին, Հայելի ակումբի հյուրն է Նարինե Դիլբարյանը

15:34 – 17/հոկտեմբերի/2026

Ներքին գործերի նախարարության elections.mia.gov.am հարթակում հրապարակված են հոկտեմբերի 25-ին կայանալիք տեղական ինքնակառավարման մարմինների ընտրությունների ընտրողների վերջնական ցուցակները։

Մասնավորապես՝

Արարատի մարզի Արտաշատ,

Արմավիրի մարզի Արաքս և Արմավիր,

Գեղարքունիքի մարզի Գավառ, Մարտունի և Վարդենիս,

Լոռու մարզի Ստեփանավան և Ֆիոլետովո,

Կոտայքի մարզի Գառնի, Ծաղկաձոր և Հրազդան,

Շիրակի մարզի Ախուրյան և Արթիկ,

Սյունիքի մարզի Գորիս և Մեղրի,

Վայոց ձորի մարզի Եղեգնաձոր, Ջերմուկ և Վայք,

Տավուշի մարզի Դիլիջան և Իջևան,

Արագածոտնի մարզի Շամիրամ համայնքներում ընտրելու իրավունք ունեցող անձինք կարող են որոնել իրենց տվյալները elections.mia.gov.am հարթակում և ՀՀ կենտրոնական ընտրական հանձնաժողովի ՀՀ ընտրողների ռեգիստր բաժնում (elections.am):

Քվեարկության օրվան նախորդող հինգ օրվա ընթացքում, ինչպես նաև քվեարկության օրը՝ մինչև քվեարկության ավարտը, դիմելու իրավունք ունեն այն անձինք, որոնք՝1️⃣ հաշվառված են համապատասխան ընտրական տեղամասի նկարագրում ընդգրկված հասցեում, սակայն դուրս են մնացել այդ ընտրական տեղամասի ընտրողների ցուցակից,

սույն օրենսգրքով սահմանված կարգով և ժամկետներում լիազոր մարմին ներկայացրել են համապատասխան ընտրական տեղամասի ցուցակում ժամանակավորապես ընդգրկվելու մասին դիմում, դիմումը չի մերժվել, սակայն նրանք չեն ընդգրկվել համապատասխան ցուցակում,

հաշվառված են համապատասխան ընտրական տեղամասի նկարագրում ընդգրկված հասցեում, սակայն քվեարկության օրվան նախորդող վեց ամսվա ընթացքում անձը հաստատող վավեր փաստաթուղթ չունենալու հիմքով չեն ընդգրկվել այդ ընտրական տեղամասի ընտրողների ցուցակում,

հաշվառված են համապատասխան ընտրական տեղամասի նկարագրում ընդգրկված հասցեում, սակայն ցուցակում չեն ընդգրկվել ՀՀ ընտրական օրենսգրքի 2-րդ հոդվածի 2-րդ մասով սահմանված ժամկետում Հայաստանի Հանրապետությունում փաստացի գտնվելու պահանջը չբավարարելու հիմքով։

Ուշադրություն․ եթե համապատասխանում եք վերոնշյալ 4 հիմքերից որևէ մեկին և Ձեր անունը չեք գտել ընտրողների վերջնական ցուցակներում, ապա հոկտեմբերի 20-ից մինչև հոկտեմբերի 25-ը՝ ժամը 20․00-ն, կարող եք դիմել ՆԳՆ միգրացիայի և քաղաքացիության ծառայության տարածքային գրասենյակ՝ քվեարկության օրը կազմվող ընտրողների լրացուցիչ ցուցակում ընդգրկվելու համար համապատասխան տեղեկանք ստանալու նպատակով։

Ընտրելու իրավունք ունեցող քաղաքացիներին հորդորում ենք նախապես ստուգել իրենց տվյալները։ Ձեր ընտրատեղամասը նախապես ճշտելը կօգնի ընտրության օրը գործընթացը կազմակերպել առավել արագ, սահուն և հարմարավետ։

դիտվել է 83 անգամ

15:49 – 17/հոկտեմբերի/2026

Ադրբեջանագետ Տաթև Հայրապետյանը գրում է. «Այն անհարմար պահը, երբ նախորդ ելույթդ մոռացել ես, որոշել ես նոր հեքիաթ հնարել պատերազմի սանձազերծման մասին, բայց կա մեկը, ով, թարսի պես, քո բոլոր ասածները հիշում է ու պահում:

Միշտ հիշե՛ք՝ պատերազմը եղել է Ալիևի կյանքի առաքելությունը․․․ինչու չէ նաև էթնիկ զտումն ու Արցախից հայկական ժառանգության ոչնչացնումը»:

Լրահոս

Ամենաընթերցվածները

Շուտով

Հոկտեմբերի 15-ին՝ ժամը 15։00-ին, Հայելի ակումբի հյուրն է Արմինե Ադիբեկյանը

Հոկտեմբերի 16-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը

Հոկտեմբերի 16-ին՝ ժամը 13։00-ին, Հայելի ակումբի հյուրն է Աշոտ Անդրեասյանը

Հոկտեմբերի 16-ին՝ ժամը 12։00-ին, Հայելի ակումբի հյուրն է Դերենիկ Մալխասյանը

Հոկտեմբերի 16-ին՝ ժամը 11։00-ին, Հայելի ակումբի հյուրն է Նարե Սոսեն

Հոկտեմբերի 15-ին՝ ժամը 15։30-ին, Հայելի ակումբի հյուրն է Մանուել Մանուկյանը

Հոկտեմբերի 15-ին՝ ժամը 15։00-ին, Հայելի ակումբի հյուրն է Էլյանորա Մանանդյանը

Հոկտեմբերի 15-ին՝ ժամը 13։00-ին, Հայելի ակումբի հյուրն է Պարույր Հայրիկյանը

Հոկտեմբերի 15-ին՝ ժամը 12։00-ին, Հայելի ակումբի հյուրն է Արմինե Ադիբեկյանը

Հոկտեմբերի 15-ին՝ ժամը 11։00-ին, Հայելի ակումբի հյուրն է Նարինե Դիլբարյանը

17:06 – 17/հոկտեմբերի/2026

«Hayasa Metals»-ը մտադիր է մինչև 20 մլն դոլար ներդնել Հայաստանում պղնձի նոր հանքավայրերի որոնման համար

Առաջիկա տարիներին նախատեսում ենք 10-ից 20 միլիոն դոլար ներդնել Հայաստանում՝ պղնձի նոր հանքավայրեր հայտնաբերելու նպատակով։ Այս մասին հոկտեմբերի 17-ին Ծաղկաձորում ընթացող «Mining Armenia Forum 2026» ֆորումի ժամանակ հայտարարել է կանադական «Hayasa Metals» հանքարդյունաբերական ընկերության գործադիր տնօրեն Ջոել Սաթերլենդը։

«Եթե հայտնաբերենք ոչ մեծ հանքավայրեր, որոնք հետաքրքիր չեն լինի ներդրողներին, ապա դրանք կմնան մեզ։ Անցյալ տարի ես նշել էի, որ խոշոր հանքավայր հայտնաբերելու դեպքում դրա շահագործումը կարող է մեկնարկել ավելի քան 10 տարի անց և պահանջել 5 միլիարդ դոլարի ներդրում»,- ընդգծել է նա։ Սաթերլենդը նաև հայտնել է, որ «Վարդենիս» նախագծում երկրաբանական հետախուզական աշխատանքներ իրականացնելու համար ընկերությունը գործընկերներ է փնտրում։

Նա շեշտել է, որ ամբողջ աշխարհում ակտիվորեն կառուցվում են տվյալների մշակման կենտրոններ, արտադրվում են սմարթֆոններ ու համակարգչային տեխնիկա, սակայն պղնձի նոր հանքավայրեր չեն հայտնաբերվում։

«Հաշվի առնելով, որ տվյալների մշակման կենտրոնների կառուցման տեմպերը միայն ավելանալու են՝ պղնձի պահանջարկն էլ ավելի է կտրուկ աճելու»,- նշել է Սաթերլենդը՝ որպես օրինակ մատնանշելով ԱՄՆ-ի տվյալների կենտրոնները, որոնց աշխատանքի համար, տարբեր գնահատականներով, պահանջվում է 10-ից 50 հազար տոննա պղինձ։

Նշենք, որ «Mining Armenia Forum 2026»-ի համակազմակերպիչներն են «Հանքարդյունաբերական ֆորում» զարգացման հիմնադրամն ու Հայաստանի հանքագործների և մետալուրգների ասոցիացիան։ Արդեն երրորդ անգամ անցկացվող ֆորումի ռազմավարական հովանավորներն են Զանգեզուրի պղնձամոլիբդենային կոմբինատն ու «Լիդիան Արմենիա» ընկերությունը, իսկ գլխավոր հովանավորները՝ «Ամերիաբանկն» ու «Թեղուտ» ՓԲԸ-ն։

Լրահոս

Ամենաընթերցվածները

Շուտով

Հոկտեմբերի 15-ին՝ ժամը 15։00-ին, Հայելի ակումբի հյուրն է Արմինե Ադիբեկյանը

Հոկտեմբերի 16-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը

Հոկտեմբերի 16-ին՝ ժամը 13։00-ին, Հայելի ակումբի հյուրն է Աշոտ Անդրեասյանը

Հոկտեմբերի 16-ին՝ ժամը 12։00-ին, Հայելի ակումբի հյուրն է Դերենիկ Մալխասյանը

Հոկտեմբերի 16-ին՝ ժամը 11։00-ին, Հայելի ակումբի հյուրն է Նարե Սոսեն

Հոկտեմբերի 15-ին՝ ժամը 15։30-ին, Հայելի ակումբի հյուրն է Մանուել Մանուկյանը

Հոկտեմբերի 15-ին՝ ժամը 15։00-ին, Հայելի ակումբի հյուրն է Էլյանորա Մանանդյանը

Հոկտեմբերի 15-ին՝ ժամը 13։00-ին, Հայելի ակումբի հյուրն է Պարույր Հայրիկյանը

Հոկտեմբերի 15-ին՝ ժամը 12։00-ին, Հայելի ակումբի հյուրն է Արմինե Ադիբեկյանը

Հոկտեմբերի 15-ին՝ ժամը 11։00-ին, Հայելի ակումբի հյուրն է Նարինե Դիլբարյանը

17:16 – 17/հոկտեմբերի/2026

Հռոմի պապ Լևոն XIV-ը թոքի չարորակ ուռուցքի՝ ադենոկարցինոմայի հեռացման վիրահատությունից հետո առաջին անգամ դուրս կգա հանրության առջև՝ հոկտեմբերի 10-ի կեսօրին անցկացնելով ավանդական աղոթքը։

Ինչպես տեղեկանում է «Արմենպրես»-ը, այս մասին հայտնել է Reuters լրատվական գործակալությունը` վկայակոչելով Վատիկանի տարածած հաղորդագրությունը։

«Հռոմի պապ Լևոն XIV-ի առողջական վիճակը կայուն կերպով բարելավվում է, և նա ի վիճակի է ինքնուրույն աշխատել ու կատարել առօրյա գործերը»,- նշված է հաղորդագրությունում։

Ավելին՝ սկզբնաղբյուրում։

Լրահոս

Ամենաընթերցվածները

Շուտով

Հոկտեմբերի 15-ին՝ ժամը 15։00-ին, Հայելի ակումբի հյուրն է Արմինե Ադիբեկյանը

Հոկտեմբերի 16-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը

Հոկտեմբերի 16-ին՝ ժամը 13։00-ին, Հայելի ակումբի հյուրն է Աշոտ Անդրեասյանը

Հոկտեմբերի 16-ին՝ ժամը 12։00-ին, Հայելի ակումբի հյուրն է Դերենիկ Մալխասյանը

Հոկտեմբերի 16-ին՝ ժամը 11։00-ին, Հայելի ակումբի հյուրն է Նարե Սոսեն

Հոկտեմբերի 15-ին՝ ժամը 15։30-ին, Հայելի ակումբի հյուրն է Մանուել Մանուկյանը

Հոկտեմբերի 15-ին՝ ժամը 15։00-ին, Հայելի ակումբի հյուրն է Էլյանորա Մանանդյանը

Հոկտեմբերի 15-ին՝ ժամը 13։00-ին, Հայելի ակումբի հյուրն է Պարույր Հայրիկյանը

Հոկտեմբերի 15-ին՝ ժամը 12։00-ին, Հայելի ակումբի հյուրն է Արմինե Ադիբեկյանը

Հոկտեմբերի 15-ին՝ ժամը 11։00-ին, Հայելի ակումբի հյուրն է Նարինե Դիլբարյանը