Ծանրամարտի պատանեկան հավաքականը շարունակում է հաջող ելույթները Կոսովոյում ընթացող պատանիների ու Մ15 տարեկանների Եվրոպայի առաջնությունում։
Մրցումային հերթական օրը պատանիների 60 կգ քաշային կարգում Հայաստանի ընտրանու անդամ Արթուր Պետրոսյանը հաջորդաբար պոկեց 102 կգ, 105 կգ ու 108 կգ։ Այս ձևում նա արժանացավ արծաթե մեդալի։ Հրումում նա գլխավերևում պահեց 127 կգ ու 133 կգ։ Այս վարժությունում նա կրկին երկրորդն էր։ Երկամարտի 241 կգ արդյունքով Արթուր Պետրոսյանը դարձավ Եվրոպայի առաջնության փոխչեմպիոն։
Այս քաշային կարգում Հայաստանի հավաքականի անդամ Վարազդատ Հարությունյանը պոկեց 100 կգ ու 103 կգ։ Հրում վարժությունում նա բարձրացրեց 121 կգ ու 125 կգ։ Երկամարտի 228 կգ արդյունքով՝ Հարությունյանը ԵԱ-ում 4-րդն է։
Բելառուսի նախագահ Ալեքսանդր Լուկաշենկոն շնորհավորել է Ամենայն Հայոց Կաթողիկոս Գարեգին Երկրորդին ծննդյան օրվա առթիվ․
«Ձեր ողջ կյանքը բարձր ծառայության, անձնազոհության և քրիստոնեական եկեղեցուն ու հայ ժողովրդին անմնացորդ նվիրվածության օրինակ է», — ասվում է շնորհավորական ուղերձում։
Բելառուսի նախագահը Վեհափառին մաղթել է քաջառողջություն, անսպառ եռանդ և հաջողություններ։
Ընտրություններից հետո Նիկոլ Փաշինյանը հայտարարեց, թե աշխարհի 200 լավագույն համալսարանների շրջանավարտներին հրավիրում է Հայաստան` կառավարման համակարգում աշխատելու: Օգոստոսի սկզբին էլ հայտնեց, որ հազարից ավելի մարդ է դիմել, որից ընտրել են մոտ 400-ին եւ շուտով կնշանակեն տարբեր օղակներում: Եվ իրոք` մի խումբ անհայտ անձանց փոխնախարարներ են նշանակել, որոնց կենսագրություններից տեղեկացանք, որ նրանք արեւմտյան տարբեր համալսարաններում են ուսանել` ոմանք ինչ-որ դասընթացներ են ավարտել, ոմանք լիարժեք կրթություն են ստացել:
Հիմա փաշինյանական ռեժիմը թմբկահարում է, թե բացառիկ բանիմաց կադրեր են նրանք, տիրապետում են օտար լեզուների, ունեն գիտելիքների մեծ բազա եւ այլն: Օրինակ, առողջապահության նորանշանակ փոխնախարար Շահանե Մնացականյանը, ԲՏԱ փոխնախարար Տաթեւ Ասլանյանը, որը սովորել է Նիդերլանդներում, եւ այլք: Իհարկե, սա լավ է, բայց արդյո՞ք երկրի կառավարումը մեկ-երկու փոխնախարարի աշխատանքով կբարելավվի, եթե վարչապետը Նիկոլ Փաշինյանն է, իշխող քաղաքական ուժը` «Քաղպայմանագիրը», եւ երկրի քաղաքականությունը որոշում է, ըստ էության, մեկ մարդ: Գործ ունենք մեկի հետ, որն անգամ դատաիրավական համակարգն է փորձում ղեկավարել, դատավճիռներ կայացնել: Արդյո՞ք այս պայմաններում փոխնախարարները կարող են ինչ-որ բան փոխել: Ընդ որում, դրսից կադրեր բերելու գործընթացը փորձում են ներկայացնել որպես նախադեպը չունեցող, մի բացառիկ երեւույթ, բայց երրորդ հանրապետության ձեւավորումից հետո՝ հենց առաջին նախագահ Լեւոն Տեր-Պետրոսյանի իշխանավարման տարիներին են բազմաթիվ կադրեր սփյուռքից տեղափոխվել Հայաստան եւ բարձր պաշտոնների նշանակվել: Ի տարբերություն Փաշինյանի կադրերի, նրանք ծնվել եւ մեծացել էին արտերկրում, կայացել, բարձր կարգավիճակ ունեին: Րաֆֆի Հովհաննիսյանը, օրինակ, 1991-1992 թվականներին արտգործնախարար է աշխատել: Նա ծնվել է Ֆրեզնոյում եւ Հայաստանի անկախությունից հետո դարձել է հանրապետության առաջին արտաքին գործերի նախարարը։ Սեպուհ Թաշճյանը նշանակվել էր էներգետիկայի եւ վառելիքի նախարար, իսկ 1992-1993 թվականներին եղել է նաեւ պետական նախարար։ Պաշտոնավարել է 1992-1993 թթ.։ Միրոն Շիշմանյան` էներգետիկայի եւ վառելիքի նախարար, 1993-1995 թթ. ծնվել է Լենինգրադում, մինչեւ Հայաստան գալը երկար տարիներ ապրել ու աշխատել է ԽՍՀՄ-ում, իսկ 1993-1995 թթ. եղել է էներգետիկայի եւ վառելիքի նախարար։ Մեծ թվով փոխնախարարներ ու բարձր պաշտոնյաներ են նշանակվել: Հալեպում ծնված Վարդան Օսկանյանը նշանակվել էր ԱԳ նախարարի տեղակալ, ապա՝ 1996-ին` առաջին տեղակալ, 1998-ին արդեն Ռոբերտ Քոչարյանի կողմից նշանակվել էր ԱԳ նախարար։ Ժիրայր Լիպարիտյանը եղել է ԱԳ նախարարի առաջին տեղակալ, ապա՝ նախագահի գլխավոր խորհրդական։ Իշխան Մարտիրոսյան` գյուղատնտեսության փոխնախարար: Հետագայում դրսից մասնագետ հրավիրելու փորձեր էլի են եղել, օրինակ` Կարեն Կարապետյանին հրավիրեցին Երեւանի քաղաքապետ, ապա վարչապետ աշխատելու: Իսկ Արմեն Դարբինյանի կառավարությունը ստացավ արհեստավարժների կառավարություն անվանումը, որովհետեւ անկուսակցական կադրերից էր կազմված` ոլորտային մասնագետներից:
Նախկին վարչապետ Խոսրով Հարությունյանը, «Հրապարակի» հետ զրույցում անդրադառնալով թեմային, նկատում է. «Պետք է նախ արձանագրենք, որ հայության կապիտալի օգտագործումը պետականաշինության գործընթացում միշտ է եղել, եւ դա դիտվել է որպես դրական միտում` երկու կոնտեքստում. առաջինը` հայ մասնագետների մասնագիտական կարողությունների օգտագործումը, որոնք նաեւ վերաբերել են քաղաքականությանը, ինչպես նաեւ սփյուռքի հետ համագործակցությունը սերտաճեցնելու նպատակով են այդ քայլերն արվել: Սրանք մեկը մյուսին լրացնող տենդենցներ են եղել, որոնք երրորդ հանրապետության ձեւավորման առաջին իսկ օրվանից են գործի դրվել: Այն ժամանակ ամենապատասխանատու ոլորտների ղեկավարները հասկանում էին, որ ստեղծված ոչ ստանդարտ իրավիճակում` պետականաշինության գործում կար լավ կադրերի դեֆիցիտ: Բնական է, որ ԽՍՀՄ կազմաքանդման արդյունքում այդ ժամանակվա կադրերը չէին կարող որակապես բարձր լինել, քանի որ ԽՍՀՄ-ի պահանջներն այլ էին, հետեւաբար՝ առանձին ոլորտներում դրսից եկած կադրերին բարձր պաշտոններ վստահելն արդարացված էր: Այդ նախադեպը եղել է միշտ, անկախացումից հետո` առավել եւս: Խնդիրն այն է, որ քաղաքական որոշումները ձեւավորվում են նախապատրաստական փուլում: Ցանկացած որոշում պետք է նախապատրաստել: Քաղաքական որոշում կայացնողները մշտապես եղել են երկրի ղեկավարները` Տեր-Պետրոսյան, Քոչարյան, Սարգսյան եւ այլն: Նրանք որոշումներ կայացնում էին նախապատրաստված նյութերի հիման վրա: Քաղաքականության որակը հենց այդ հանգամանքով է պայմանավորված, պետք է նախապատրաստվել: Այսօր էլ որոշում կայացնողը վարչապետն է, այդ կադրերը որոշում կայացնողներ չեն, սակայն նրանք կարող են քաղաքական որոշումների որակի վրա ազդել, եթե տարվում են նախապատրաստական աշխատանքներ: Այս երեւույթը նորույթ չէ, հեծանիվ չեն հայտնագործում: Տարբեր ինտենսիվությամբ, սակայն միշտ են նման կադրեր նշանակվել»:
Կանգառ մեկ այլ բանակային դիրքում. զինծառայողների համար լավագույն պայմանների ապահովման ուղղությամբ աշխատանքները շարունակվում են։ Այս մասին ֆեյսբուքյան իր էջում գրել է ՀՀ պաշտպանության նախարար Սուրեն Պապիկյանը և կից տեսանյութ հրապարակել:
Այսօր՝ օգոստոսի 22-ին, ավտովթար է տեղի ունեցել Շիրակի մարզում։ Ժամը 11։05-ի սահմաններում Ախուրյան-Կառնուտ ավտոճանապարհին «Mercedes» մակնիշի ավտոմեքենան դուրս է եկել ճանապարհի երթևեկելի գոտուց և բախվել հողաթմբերին ու ծառին։
Shamshyan.com-ի հաղորդմամբ՝ վթարի հետևանքով վարորդը մարմնական վնասվածքներով տեղափոխվել է «Գյումրի» բժշկական կենտրոն։
Վթարի փաստով քննչական վարչությունում նախաձեռնվել է քրեական վարույթ, որտեղ էլ պարզվում են ավտոմեքենայի սեփականատիրոջ և վիրավոր վարորդի ինքնությունը։
«Ժողովուրդ» օրաթերթը գրում է. «ՌԴ-ում ՀՀ արտակարգ և լիազոր դեսպան Գուրգեն Արսենյանը չի շարունակի պաշտոնավարել Մոսկվայում։ Նիկոլ Փաշինյանը որոշել է հետ կանչել նրան, և իշխանական մեր աղբյուրները վստահեցնում են՝ որոշումն անշրջելի է։
Թե ով կփոխարինի Արսենյանին, դեռևս պարզ չէ․ մեր տեղեկություններով՝ այս պահին նույնիսկ հստակ թեկնածու չկա։ Արսենյանի աշխատանքից Նիկոլ Փաշինյանը դժգոհ է, քանի որ հայ-ռուսական լարված հարաբերությունների կարգավորմանը չի կարողանու հասնել: Մինչդեռ փաստ է, որ հենց Փաշինյանն էլ չի կարողանում Վլադիմիր Պուտինի հետ հարաբերությունները կարգավորել։ Դրա ամենացցուն դրվագներից մեկն այն է, որ ՌԴ նախագահը անգամ չշնորհավորեց Փաշինյանին խորհրդարանական ընտրություններից հետո»։
«Քանզի այդպիսիներինն է Աստծու արքայությունը» (Մարկոս Ժ 14)։ Ոսկետափի Սուրբ Սահակ-Մեսրոպ եկեղեցու հոգևոր-բակային ճամբարի 4-րդ օրը նշանակալի էր երեխաների համար։ Եկեղեցու հոգևոր հովվի հրավերով մանուկներին ու պատանիներին այցելեց Մասյացոտնի թեմի առաջնորդ Գերաշնորհ Տեր Ռուբեն եպիսկոպոս Զարգարյանը։
Սրբազան Հայրը, ջերմորեն ողջունելով մասնակիցներին, անցկացրեց օրվա հոգևոր զրույցը։ Նա անդրադարձավ միասնության, համերաշխության և ընկերասիրության, ինչպես նաև Հայրենիքի, Եկեղեցու ու ընտանիքի հանդեպ սիրո կարևորությանը՝ առանձնակի ընդգծելով մայրենի լեզվին լավ տիրապետելու անհրաժեշտությունը։
Այնուհետև Սրբազան Հայրը հետևեց առաջին բուժօգնության գործնական դասընթացին, իսկ օրվա ավարտին ունկնդրեց երեխաների կողմից ճամբարի ընթացքում սովորած աղոթքներն ու հոգևոր երգերը։
Սրբազան հայրն իր գնահատանքի խոսքը հղեց եկեղեցու հոգևոր հովիվ Արժանապատիվ Տեր Արտաշես քահանա Հակոբյանին և օրհնեց բոլոր ջոկատավարներին ու ճամբարականներին։ Մասյացոտնի թեմ
դիտվել է 79 անգամ
Լրահոս
Ամենաընթերցվածները
Շուտով
Օգոստոսի 21-ին՝ ժամը 12։00-ին, Հայելի ակումբի հյուրն է Ռուզաննա Ստեփանյանը
Օգոստոսի 21-ին՝ ժամը 13։00-ին, Հայելի ակումբի հյուրն է Խաչիկ Մանուկյանը
Օգոստոսի 20-ին՝ ժամը 14։00-ին, Հայելի ակումբի հյուրն է Ձյունիկ Աղաջանյանը
Օգոստոսի 20-ին՝ ժամը 12։30-ին, Հայելի ակումբի հյուրն է Երվանդ Բոզոյանը
Օգոստոսի 20-ին՝ ժամը 11։00-ին, Հայելի ակումբի հյուրն է Լարիսա Ալավերդյանը
Օգոստոսի 19-ին՝ ժամը 14։00-ին, Հայելի ակումբի հյուրն է Անաստաս Իսրայելյանը
Օգոստոսի 19-ին՝ ժամը 11։00-ին, Հայելի ակումբի հյուրն է Մանուկ Սուքիասյանը
Օգոստոսի 18-ին՝ ժամը 15։30-ին, Հայելի ակումբի հյուրն է Հովհաննես Շահինյանը
Օգոստոսի 18-ին՝ ժամը 14։00-ին, Հայելի ակումբի հյուրն է Խոսրով Հարությունյանը
Օգոստոսի 18-ին՝ ժամը 13։00-ին, Հայելի ակումբի հյուրն է Նարինե Դիլբարյանը
«Փաշինյանը մեզ 10-րդ հանրապետություն էլ կհասցնի, դրա համար չպետք է թողնենք»,- դատական նիստից առաջ լրագրողներին ասաց «Ուժեղ Հայաստան» կուսակցության ղեկավար Սամվել Կարապետյանը։
Նա շարունակեց. «Եթե հողերը հանձնելով հռչակենք հանրապետություններ՝ կգանք ու կհասնենք Լոռվան»։
Սամվել Կարապետյանն ասաց, որ իր հայտնած գաղտնի պլանի հետ կապված այլ ուժերի հետ հանդիպում պետք չէ։
«Մենք էլ ունենք գաղտնի պլան, Փաշինյանն էլ ունի գաղտնի պլան՝ իրեն հեռացնելու։ Արդյունքները, ինձ թվում է, շուտով կլինի»,- նշեց նա։
Առաջիկա ընտրությունները կհաստատեն Ռուսաստանի դիմադրողականությունը և ցանկացած արտաքին սպառնալիքի դիմակայելու նրա կարողությունը, հայտարարել է ՌԴ նախագահ Վլադիմիր Պուտինը։
«Նույնիսկ ամենադժվարին հանգամանքներում Ռուսաստանը չի շեղվի ժողովրդական ինքնիշխանության սկզբունքներից և ընտրություններ կանցկացնի ամբողջ երկրում։ Առաջիկա ընտրությունները կհաստատեն Ռուսաստանի դիմադրողականությունը և ցանկացած արտաքին սպառնալիքի դիմակայելու նրա կարողությունը»,-նշել է նա։
Խոսելով ռուս-ուկրաինական հակամարտությունից՝ Պուտինը նշել է, որ որքան բարդ է իրավիճակը ճակատում հակառակորդի համար, այնքան ավելի դաժան ու բարբարոսական հարձակումներ է իրականացնում Կիևի ռեժիմը։
Բելառուսի նախագահ Ալեքսանդր Լուկաշենկոն շնորհավորել է Ամենայն Հայոց Կաթողիկոս Գարեգին Երկրորդին ծննդյան օրվա առթիվ․
«Ժողովուրդ» օրաթերթը գրում է. «ՌԴ-ում ՀՀ արտակարգ և լիազոր դեսպան Գուրգեն Արսենյանը չի շարունակի պաշտոնավարել Մոսկվայում։ Նիկոլ Փաշինյանը որոշել է հետ կանչել նրան, և իշխանական մեր աղբյուրները վստահեցնում են՝ որոշումն անշրջելի է։
