Media Monitoring

Blog

  • Շինհրապարակներում պատահարների թիվն աճում է․ վերջին 3,5 տարում 80 մարդ է մшհացել. Hetq.am





    2026 թվականի հուլիսի 20-ին «Դեֆանս Հաուզինգ» համալիրի շինհրապարակում աշխատակիցներից մեկը բարձրությունից վայր ընկավ ու տեղում մահացավ։ Սա առաջին դեպքը չէր այս տարածքում. նախորդ տարի սեպտեմբերին «Դեֆանս Հաուզինգ» թաղամասում ծանր մարմնական վնասվածք էր ստացել 47-ամյա մեկ այլ աշխատակից։

    Այս երկու դեպքի վերաբերյալ նախաձեռնվել է քրեական վարույթ։ Քննչական կոմիտեից հայտնեցին, որ նշանակվել են փորձաքննություններ, սակայն դրանց պատասխանները դեռևս չեն ստացվել, նախաքննությունն էլ շարունակվում է։

    Կա մի ուշագրավ փաստ․ դեռ մայիսին Առողջապահության և աշխատանքի տեսչական մարմինը ստուգումներ էր իրականացրել «Դեֆանս Հաուզինգ ինվեստ»-ՓԲԸ–ում և արձանագրել խախտումներ։ Թե հատկապես ի՞նչ խախտումներ են եղել՝ տեսչական մարմինը լռում է։ Իսկ այս լռությունից շաբաթներ անց գրանցվեց նոր պատահարը․ ընկերությունը նույնպես հրաժարվում է պատասխանել մեր գրավոր հարցումներին։

    Ներքին գործերի նախարարությունից ստացված տվյալների համաձայն՝ 2023 թվականին անվտանգության կանոնների խախտման հետևանքով շինհրապարակներում արձանագրվել է 131 դեպք, 2024-ին՝ 202, իսկ 2025-ին՝ արդեն 277։ Այսինքն՝ 2023-2025 թվականներին պատահարների թիվն ավելի քան կրկնապատկվել է։ 2026 թվականի առաջին կիսամյակում արդեն արձանագրվել է 142 դեպք։

    Նույն ժամանակահատվածում շինհրապարակներում տեղի ունեցած պատահարների հետևանքով մահացել է 80 մարդ։ Այս դեպքերի առնչությամբ հաճախ նախաձեռնվում են քրեական վարույթներ, սակայն դրանց միայն փոքր մասն է հասնում դատարան։

    Գլխավոր դատախազությունից մեր գրավոր հարցմանն ի պատասխան նշել են, որ 2023 թվականի ընթացքում «ՀՀ քրեական օրենսգրքի» 355-րդ հոդվածի հատկանիշներով նախաձեռնվել է 246 քրեական վարույթ, 140 քրեական վարույթ կարճվել է, 10 քրեական վարույթ 10 անձի վերաբերյալ հաստատված մեղադրական եզրակացությամբ հանձնվել է դատարան։

    Մանրամասները՝ սկզբնաղբյուրում:




    դիտվել է 77 անգամ


    https://www.youtube.com/watch?v=cFjwI7gikpU



    Լրահոս

    Ամենաընթերցվածները



    Շուտով



    Սեպտեմբերի 11-ին՝ ժամը 16։00-ին, Հայելի ակումբի հյուրն է Արմենակ Դանիելյանը

    Սեպտեմբերի 11-ին՝ ժամը 15։00-ին, Հայելի ակումբի հյուրն է Սերգեյ Շաքարյանցը

    Սեպտեմբերի 11-ին՝ ժամը 14։30-ին, Հայելի ակումբի հյուրն է Էլոնորա Մանանդյանը

    Սեպտեմբերի 11-ին՝ ժամը 14։00-ին, Հայելի ակումբի հյուրն է Էմանուել Մանուկյանը

    Սեպտեմբերի 11-ին՝ ժամը 13։00-ին, Հայելի ակումբի հյուրն է Հայկ Այվազյանը

    Սեպտեմբերի 10-ին՝ ժամը 12։00-ին, Հայելի ակումբի հյուրն է Գյուլնարա Ալեքսանյանը

    Սեպտեմբերի 10-ին՝ ժամը 16։00-ին, Հայելի ակումբի հյուրն է Ռուզան Ստեփանյանը

    Սեպտեմբերի 10-ին՝ ժամը 14։00-ին, Հայելի ակումբի հյուրն է Էլոնորա Մանանդյանը

    Սեպտեմբերի 10-ին՝ ժամը 15։00-ին, Հայելի ակումբի հյուրն է Գոռ Ալվրցյանը

    Սեպտեմբերի 10-ին՝ ժամը 11։00-ին, Հայելի ակումբի հյուրն է Նարեկ Մանթաշյանը

  • Team-ը՝ Tour of Armenia միջազգային հեծանվավազքի տեխնոլոգիական գործընկեր



    Հասարակություն


    16 պրոֆեսիոնալ թիմ աշխարհի տարբեր երկրներից. Հայաստանում առաջին անգամ անցկացվում է Tour of Armenia միջազգային պրոֆեսիոնալ բազմօրյա հեծանվավազքը, որի տեխնոլոգիական գործընկերը Team Telecom Armenia-ն է։ 

    Միջազգային մրցաշարն անցկացվում է չորս մրցափուլով, որոնց ընթացքում շուրջ 300 մասնակիցներն անցնում են ընդհանուր 568 կմ՝ հաղթահարելով շուրջ 5300 մետր վերելք։ Մրցուղիներն անցնում են Հայաստանի տարբեր մարզերով և ճանապարհներով, իսկ մրցաշարի եզրափակիչ փուլը կանցկացվի Երևանում։

    Tour of Armenia-ի անցկացումը կարևոր իրադարձություն է Հայաստանի մարզական կյանքի համար, քանի որ առաջին անգամ Հայաստանում հյուրընկալվել է միջազգային մակարդակի պրոֆեսիոնալ հեծանվային մրցաշար։ Այն միաժամանակ նոր հարթակ է հայկական հեծանվային սպորտի զարգացման, տեղացի մարզիկների միջազգային փորձի ընդլայնման և Հայաստանի՝ որպես սպորտային ուղղության ներկայացման համար։ Մրցաշարի միջազգային հեռարձակումը հնարավորություն կտա աշխարհի տարբեր երկրներում հեծանվասպորտի երկրպագուներին հետևելու մրցմանը և դրա միջոցով բացահայտելու Հայաստանը։

    «Միջազգային մասշտաբի միջոցառումների անցկացումն այսօր անհնար է առանց հուսալի կապի և ժամանակակից տեխնոլոգիական լուծումների։ Tour of Armenia-ն կարևոր իրադարձություն է Հայաստանի համար ոչ միայն սպորտային, այլև միջազգային տեսանելիության առումով։ Ուրախ ենք լինելու այս մրցաշարի տեխնոլոգիական գործընկերը և մեր հնարավորություններով նպաստելու դրա բարձր մակարդակով անցկացմանը։ Team-ի համար կարևոր է աջակցել այն նախաձեռնություններին, որոնք Հայաստանը կապում են միջազգային հարթակների հետ և նոր հնարավորություններ ստեղծում երկրի, սպորտի ու հասարակության զարգացման համար»,-նշում է Team Telecom Armenia-ի կոմերցիոն տնօրեն Տիգրան Ֆրանգյանը։

    «Նման մասշտաբի միջազգային մրցաշարի կազմակերպումը շատ ավելին է, քան պարզապես մրցութային չորս օրերի անցկացումը։ Tour of Armenia-ն բացառիկ հնարավորություն է Հայաստանը միջազգային հարթակում ներկայացնելու՝ իր հարուստ բնությամբ, պատմամշակութային ժառանգությամբ և զբոսաշրջային մեծ ներուժով։

    Այս ամենն աշխարհին պատշաճ և անխափան ներկայացնելու համար կարևոր է նաև վստահելի տեխնոլոգիական ենթակառուցվածքն ու աջակցությունը։ Ուրախ ենք, որ Tour of Armenia-ի տեխնոլոգիական գործընկերն է Team Telecom Armenia-ն»,-նշում է Սպորտի կառավարման կենտրոնի տնօրեն Խորեն Զարգարյանը:

    Team Telecom Armenia-ն, լինելով ազգային օպերատոր, շարունակելու է իր ներդրումն ունենալ երկրի ճանաչելիության բարձրացմանն ու միջազգային հարթակներում հայկական ներուժը ներկայացնելուն միտված նախաձեռնություններում:








  • Հայաստանում առաջին անգամ կանցկացվի «Անցյալի ապագան-Future of the past» էթնիկ նորաձևության միջազգային նախագիծը


    Մշակույթ





    ԿԳՄՍ նախարարության ֆինանսական աջակցությամբ, «Վիկտորի Պարկ» ժամանցի այգու համաֆինանսավորմամբ «Տերյան» մշակութային կենտրոնի նախաձեռնությամբ Հայաստանում առաջին անգամ կանցկացվի «Անցյալի ապագան-Future of the past» միջազգային էթնիկ նորաձևության լայնածավալ նախագիծը։ Այն կկայանա սեպտեմբերի 12–13-ը Երևանում: Այս մասին հայտնում է նախարարությունը։

     

    «Նախագիծը երկխոսություն է անցյալի և ապագայի միջև, որի հիմնական նպատակն է ցույց տալ՝ մշակութային ժառանգությունը միայն անցյալի հիշողություն չէ, այլ կենդանի, ստեղծագործ և անսպառ աղբյուր, որը նոր կյանք է ստանում ժամանակակից արվեստում ու նորաձևության մեջ՝ դառնալով ժողովուրդներին միավորող կարևոր կամուրջ։ 

     

    Երկու օր շարունակ մեկ հարթակում կհամախմբվեն 11 երկրների պատվիրակություններ, դիզայներներ, արհեստագործներ ու մշակութային ժառանգության պահպանման ոլորտի մասնագետներ Հայաստանից, Բուլղարիայից, Ռումինիայից, Լիտվայից, Սերբիայից, Վրաստանից, Ուկրաինայից, Քաթարից, Հունգարիայից, Ուրուգվայից և Անգլիայից։

     

    Ծրագիրը ներառում է.

     

    ժամանակակից էթնո-հավաքածուների և հեղինակային ստեղծագործությունների ցուցադրություններ- ավանդական մշակութային ժառանգության,

     

    խորհրդանիշների և պատկերագրության ժամանակակից վերաիմաստավորման հիման վրա ստեղծված արվեստի և դիզայնի աշխատանքների ներկայացում,

     

    ավանդական արհեստների ժամանակակից մեկնաբանություններ և կենդանի ցուցադրություններ- ավանդական տեխնիկաների, նյութերի և ձեռագործ մշակույթի ներկայացում՝ ժամանակակից արվեստի, դիզայնի և ստեղծագործական մոտեցումների համատեքստում։

     

    «Անցյալի ապագան-Future of the past» նախագիծը մեկ հարթակում համադրում է տարբեր ժողովուրդների մշակութային ինքնությունը, ավանդական գիտելիքն ու ժառանգությունը՝ դրանք վերաիմաստավորելով ժամանակակից արվեստի, նորաձևության և ստեղծագործական արտահայտչամիջոցների լեզվով»,- ասվում է հաղորդագրության մեջ։



  • Գոլեր խփող ֆուտբոլիստը երբեք խնդիր չի լինի թիմի համար․ Մբապեն պատասխանել է քննադատներին



    Սպորտ





    Մադրիդի «Ռեալի» և Ֆրանսիայի հավաքականի հարձակվող Կիլիան Մբապեն արձագանքել է իր հասցեին հնչող այն քննադատություններին, թե ինքը բավարար ծավալի աշխատանք չի կատարում պաշտպանությունում և քիչ տարածություն է անցնում հանդիպումների ընթացքում։

    France Football-ին տված հարցազրույցում ֆրանսիացին նշել է, որ հանգիստ է վերաբերվում նման խոսակցություններին և տարբերակում է կառուցողական քննադատությունը «հիմարություններից»։

    «Ես այլևս նորություն չեմ ֆուտբոլում: Բոլորն արդեն երկար տարիներ գիտեն, թե ինչ կարող եմ անել։ Երբ դու մի բան անում ես տասը տարի շարունակ, մարդիկ սովորում են դրան և սկսում են ուշադրություն դարձնել նրան, ինչ դու չես անում։ Դա մարդկային բնույթն է, ուստի ես դա անձնական վիրավորանք չեմ համարում։

    Ինչ վերաբերում է խոսակցություններին, թե իմ խփած գոլերի քանակը կարող է վնասել թիմային խաղին, ապա դա անտրամաբանական է։ Եթե ես գոլ չխփեմ, ինձ կհարցնեն՝ ինչու։ Յուրաքանչյուր խաղից հետո հայտնվում են տանը նստած միլիոնավոր մարզիչներ, որոնք միշտ դժգոհ են։ Ամեն մեկն իր կարծիքն ունի, բայց ֆուտբոլի իմաստը մրցակցից մեկ գոլ ավելի խփելն է։ Գոլեր հեղինակող ֆուտբոլիստը երբեք խնդիր չի լինի թիմի համար. ես երբեք չեմ տեսել, որ որևէ թիմ տիտղոսներ նվաճի՝ զրո գոլ խփելով»,- նշել է Մբապեն։

    Նա նաև հավելել է, որ քննադատությունը երբեք չի ազդում իր որոշումների վրա. եթե ինքը վստահ է իր քայլի ճշմարտացիության մեջ, ապա գնում է մինչև վերջ։

    Ընթացիկ մրցաշրջանում 27-ամյա հարձակվողը բոլոր մրցաշարերում անցկացրած 5 խաղում դարձել է 5 գոլի հեղինակ (4-ը՝ Լա Լիգայում, 1-ը՝ Չեմպիոնների լիգայում):




  • Պաշտպանության և անվտանգության հարցերի հանձնաժողովը սկսեց…

    Պաշտպանության և անվտանգության հարցերի հանձնաժողովը սկսեց…

  • 44-օրյա պատերազմի մասին զեկույցում աղմկահարույց մատնանշումներ կան. Մանուկյան |

    ԱԺ պաշտպանության և անվտանգության հարցերի մշտական հանձնաժողովի առաջին նիստում «Հայաստան» խմբակցության անդամ, դաշնակցական գործիչ Գեղամ Մանուկյանը նոր ընտրված գործընկերներին հորդորեց ձեռք բերել գաղտնիության թույլտվություն ու ծանոթանալ 44-օրյա պատերազմի վերաբերյալ նախորդ գումարման ԱԺ-ում ձևավորված քննիչ հանձնաժողովի պատրաստած զեկույցին։

    «Դահլիճում ներկա է հատկապես մեր հանձնաժողովի փորձագետ, ԶՈւ գնդապետ Վահան Ավետիսյանը, որը շատ բան ունի այդ մասին պատմելու, բայց բաց նիստում ցավոք սրտի, չենք կարող»,-ասաց Մանուկյանը։

    Ընդդիմադիր գործչի խոսքով, այդպես էլ կյանք չստացած զեկույցում բավականին հետաքրքիր շերտեր կան, աղմկահարույց մատնանշումներ։

    «Ցավոք սրտի, դրանք իրավունք չունեմ հրապարակել, հակառակ դեպքում մեր հասարակության աչքերն ավելի լայն կբացվեն։ 48 մլն դոլարի մետաղի ջարդոն, որ հայտարարում է Նիկոլ Փաշինյանը, հազար ու մի հարցեր։ Առաջիկայում վստահ եմ, 1-2 օրվա հարց է լինելու, գաղտնիության թույլտվությունը ստացեք, անպայման ծանոթացեք։ Տարողունակ զեկույց է, և շատ հարցեր այնտեղ կան»,-ասաց նա։

    Հանձնաժողովի ՔՊ-ական նախագահ Վիլեն Գաբրիելյանն էլ արձագանքեց՝ Մանուկյանը կարող է մի նախաձեռնություն մտածել, որի շնորհիվ հասարակությանը հնարավորություն կտրվի ծանոթանալ հիշյալ զեկույցին։

  • «Ուժեղ Հայաստան» խմբակցության անդամներն ու Կոպիրկինը քննարկել են Հայաստանի և Ռուսաստանի հարաբերությունների հետագա խորացման ու ընդլայնման հեռանկարներին վերաբերող հարցեր

    ԱԺ «Ուժեղ Հայաստան» խմբակցության ղեկավար Նարեկ Կարապետյանը և ԱԺ նախագահի տեղակալ Արամ Վարդևանյանը սեպտեմբերի 11-ին հանդիպել են Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինին։

    Քննարկվել են Հայաստանի և Ռուսաստանի հարաբերությունների հետագա խորացման ու ընդլայնման հեռանկարներին վերաբերող հարցեր, այդ թվում՝ միջխորհրդարանական համագործակցության համատեքստում։

    Կողմերը կառուցողական երկխոսությունը շարունակելու և երկկողմ փոխգործակցությանը նպաստող նախաձեռնություններին ու քայլերին աջակցելու պատրաստակամություն են հայտնել։

    Հանդիպմանն անդրադարձ է եղել նաև աշխարհաքաղաքական զարգացումներին։

  • Ի՞նչ եղանակ սպասել սեպտեմբերի 12-ից 16-ին


    Հասարակություն



    ՈՒՇԱԴՐՈՒԹՅՈՒՆ
    Սեպտեմբերի 12-16-ին Արարատյան դաշտում և Երևանում, Շիրակում, Արագածոտնի, Կոտայքի և Վայոց ձորի նախալեռներում, Սյունիքի հովտային շրջաններում սպասվում է բարձր կարգի հրդեհավտանգ իրավիճակ։

    Երևան քաղաքում՝
    Սեպտեմբերի  12-16-ին սպասվում է առանց տեղումների եղանակ։Հանրապետության տարածքում`
    Սեպտեմբերի 12-16-ին սպասվում է առանց տեղումների եղանակ։ Քամին`արևմտյան`2-5 մ/վ։ Օդի ջերմաստիճանը սեպտեմբերի  12-15-ին աստիճանաբար կբարձրանա 4-6 աստիճանով։
    Երևան քաղաքի սեպտեմբերի 12-ի բազմամյա կլիմայական տվյալներ
    Օդի առավելագույն ջերմաստիճան        35.0°C (2014թ.)
    Օդի նվազագույն ջերմաստիճա                4.9°C (1969թ.)
    Օդի միջին օրական ջերմաստիճան       21.0°C


    Հետևեք     մեզ՝ այստեղ



  • Գևորգ Պապոյանը կարևորել է հայկական ջերմոցային վարդի արտահանման մրցունակության բարձրացումը | Էկոնոմիկա

    ՀՀ էկոնոմիկայի նախարար Գևորգ Պապոյանը հանդիպել է Հայաստանում բարձր տեխնոլոգիաների կիրառմամբ վարդի արտադրությամբ զբաղվող մի շարք տնտեսվարողների հետ։

    Քննարկվել են ջերմոցային ոլորտում իրականացվող պետական քաղաքականությունը, արտահանման խթանման և արտահանման գործընթացների կազմակերպման ուղղությամբ գործող պետական աջակցության մեխանիզմները, ինչպես նաև ոլորտի զարգացման և մրցունակության բարձրացման հնարավորությունները։

    Առանձին անդրադարձ է կատարվել ջերմոցային վարդի արտահանման լոգիստիկ և տրանսպորտային առանձնահատկություններին, մաքսազերծման գործընթացին և ոլորտին առնչվող այլ հարցերի։

    Նախարար Գևորգ Պապոյանը կարևորել է ոլորտի բնականոն և շարունակական գործունեության ապահովումը, հայկական ջերմոցային վարդի արտահանման մրցունակության բարձրացումը և նոր շուկաներում հայկական արտադրանքի դիրքերի ամրապնդումը։

  • Ծանոթացեք «44-օրյայի» քննիչ հանձնաժողովի զեկույցին, աղմկարահույց է․ Գեղամ Մանուկյան (video)

    Ծանոթացեք «44-օրյայի» քննիչ հանձնաժողովի զեկույցին, աղմկարահույց է․ Գեղամ Մանուկյան (video)