Օգոստոսի 24-ին` տեղական ժամանակով ժամը 18:04-ին (Գրինվիչի ժամանակով` ժամը 14։04-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41.35⁰ և արևելյան երկայնության 44.05⁰ աշխարհագրական կոորդինատներով Վրաստան՝ Դմանիսի քաղաքից 13 կմ արևմուտք, օջախի 10 կմ խորությամբ 2․9 մագնիտուդով երկրաշարժ:
Էպիկենտրոնային գոտում ստորգետնյա ցնցման ուժգնությունը կազմել է 4 բալ:
Երկրաշարժը զգացվել է Շիրակի մարզի՝ Բավրա,Սարագյուղ և Սիզավետ գյուղերում, ինչպես նաև Լոռու մարզի՝ Պաղաղբյուր, Ձյունաշող և Մեծավան գյուղերում՝ 2-3 բալ ուժգնությամբ։
«Թավա տոլմանը» Երեմյան ընկերությունների խմբի կողմից վերհանված և նորովի ներկայացված ուտեստ է, որը դարձել է հայկական ուղղվածության նրանց ռեստորանների հիմնական զարդերից մեկը։ Պանդոկ Երևան Գետափինը հեղինակել է այս ուտեստը։
Տոլման մեծ մշակութային նշանակություն ունի․ այն հայկական ավանդական խոհանոցի հիմնասյուներից է և խորհրդանշում է միասնությունը, ժառանգությունն ու ավանդույթների փոխանցումը։ Դարեր շարունակ այն միավորել է ընտանիքներին՝ պատրաստման համատեղ գործընթացով։
«Տոլմա» բառը ստացվում է ուրարտերեն «տոլի»-ից՝ խաղողի տերև։ Այսօր տոլման շարունակում է կարևոր տեղ ունենալ հայկական խոհանոցում, իսկ թավա տոլման դրա մատուցման մեր ձևերից մեկն է։
ՀՀ ԱԺ նախագահ Ռուբեն Ռուբինյանն օգոստոսի 24-ին ընդունել է ՀՀ-ում ԱՄՆ գործերի ժամանակավոր հավատարմատար Դեյվիդ Ալենին։
Հանդիպման ընթացքում քննարկվել են Հայաստան-ԱՄՆ միջխորհրդարանական համագործակցության խորացմանն ու հետագա փոխգործակցության օրակարգին վերաբերող հարցեր։ Այս համատեքստում զրուցակիցները կարևորել են երկկողմ փոխայցերի իրականացումը՝ ընդգծելով, որ դրանք կնպաստեն խորհրդարանական երկխոսության ակտիվացմանն ու առկա կապերի ամրապնդմանը:
Զրուցակիցները մտքեր են փոխանակել նաև տարածաշրջանային վերջին զարգացումների շուրջ:
Անդրադարձ է կատարվել Հայաստանի և Ադրբեջանի միջև խաղաղության հաստատմանն ու դրա հետագա ինստիտուցիոնալացմանն ուղղված ջանքերին։
Շնորհավորական նամակ Նորին Սրբություն Գարեգին Բ-ին ծննդյան 75-ամյակի կապակցությամբ.
«Նորին Սրբություն Գարեգին Բ Ամենայն հայոց կաթողիկոս Ձերդ Սրբություն,
Եվրոպայի հայկական միությունների ֆորումի և Վիեննայի ակումբի նախագահները, Հայ առաքելական եկեղեցու պաշտպանության միջազգային կոմիտեի անդամների հետ միասին, իրենց ջերմ շնորհավորանքներն են հղում Ձերդ Սրբությանը Ձեր 75-ամյակի կապակցությամբ։ Հայ առաքելական եկեղեցին եզակի և խորապես կարևոր տեղ է զբաղեցնում քրիստոնեության պատմության մեջ՝ որպես աշխարհի ամենահին քրիստոնեական եկեղեցիներից մեկը և առաջին ազգային եկեղեցին, որն ընդուվնել է որպես պետական կրոն։ Մենք խորը հարգանքով և մեծ ակնածանքով ենք վերաբերվում Ձերդ Սրբությանը հայ ժողովրդին, եկեղեցուն և քրիստոնեական հավատքին մատուցած Ձեր ծառայության համար։
Մենք խորապես մտահոգված ենք Հայաստանում տեղի ունեցող հակաքրիստոնեական և հակակրոնական զարգացումներով և ցանկանում ենք մեր անսասան աջակցությունը հայտնել Հայ առաքելական եկեղեցուն՝ հայ հասարակության հոգևոր և բարոյական հիմքերը, ինչպես նաև քրիստոնեության արժեքները և հայ ազգային ժառանգությունը պաշտպանելու նրա ջանքերում։
Մեծագույն հարգանքով ցանկանում ենք ընդգծել, որ մեր կազմակերպությունները հանձնառու են ոչ միայն աջակցել Ամենայն հայոց կաթողիկոսին այս կարևոր առաքելության մեջ, այլև բարձրացնել այս հարցերի վերաբերյալ իրազեկվածությունը ամբողջ Եվրոպայում և միջազգային մակարդակով: Մենք կշարունակենք մեր ջանքերը՝ խթանելու այս հարցերի արդար և սկզբունքային քննարկումը և նպաստելու արդարության հետապնդմանը։
Այս նշանակալի տարեդարձի առթիվ, Ձերդ Սրբություն, մաղթում ենք Ձեզ ուժ, իմաստություն, տոկունություն և հաջողություններ՝ Ձեզ վստահված կարևոր գործը շարունակելու գործում: Թող օրհնված լինի Ձեր առողջությունը և նորացված ուժը՝ Հայ Առաքելական Եկեղեցուն և հայ ժողովրդին ծառայելու գործում։
Խորին հարգանքով և ամենաջերմ շնորհավորանքներով՝
Բրատիսլավա, Սլովակիա Յան Չարնոգուրսկի Վիեննայի ակումբի համանախագահ Սլովակիայի նախկին վարչապետ Բրատիսլավա, Սլովակիա ՀԱԵ պաշտպանության կոմիտեի պատվավոր փոխնախագահ , ԱՄՆի նախագահ Դոնալդ Տրամպի խորհրդական, Գուիդո Լոմբարդի,(ԱՄՆ) Ռոբերտ Ամստերդամ Հայ առաքելական եկեղեցու պաշտպանության կոմիտեի համանախագահ Միջազգային ճանաչում ունեցող իրավաբան Լոնդոն, Միացյալ Թագավորություն Ֆրանտիշեկ Միկլոշկո Սլովակիայի Ազգային խորհրդի նախկին նախագահ Խորհրդի անդամ Բրատիսլավա, Սլովակիա Յան Ֆիգել Եվրոպական Միությունում Սլովակիայի առաջին հանձնակատար Կրոնական ազատության եվրոպական ֆորումի նախագահ Բրատիսլավա, Սլովակիա Մոնսինյոր Ժան-Մարի Ժերվեյս «Տոտա Պուլչրա» ասոցիացիայի նախագահ Հռոմ, Իտալիա Ալեքսանդր Ռահր Գերմանիայի Եվրասիայի կոմիտեի նախագահ Բեռլին, Գերմանիա»։
ՀՀ ԱԺ նախագահ Ռուբեն Ռուբինյանն օգոստոսի 24-ին ընդունել է Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինին: Այս մասին տեղեկացնում են ԱԺ մամուլի ծառայությունից:
Քննարկվել են Հայաստանի և Ռուսաստանի միջև միջխորհրդարանական համագործակցության հետագա խորացմանն ու ընդլայնմանն առնչվող հարցեր։
Ռուբեն Ռուբինյանն ընդգծել է, որ Հայաստանի Հանրապետության Ազգային ժողովը մտադիր է շարունակել կառուցողական երկխոսությունն ու զարգացնել երկարաժամկետ, փոխշահավետ համագործակցությունը։
Կողմերը կարևորել են ՀՀ ԱԺ և ՌԴ ԴԺ միջև համագործակցության միջխորհրդարանական հանձնաժողովի գործունեությունը՝ բարձր գնահատելով համատեղ աշխատանքը։
Զրուցակիցները համոզմունք են հայտնել, որ երկկողմ համագործակցության զարգացումը կնպաստի փոխադարձ հետաքրքրություն ներկայացնող հարցերի լայն շրջանակի արդյունավետ լուծմանն ուղղված համատեղ ջանքերին։
ԱԺ հարցուպատասխանում «Հայաստան» խմբակցության պատգամավոր Արթուր Խաչատրյանը, դիմելով Նիկոլ Փաշինյանին, նշել է, որ նրա խոսքում մի քանի անգամ հնչել է «Նախչևան», մինչդեռ «Նա-խի-ջև-ան» է, հավելելով, որ թիմակից պարոն Գաբրիելյանը ևս կհուշի։
Նա հետաքրքրվել է, թե «Նախիջևանով անցնող» երկաթուղու դեպքում ավելի երկար է Դիլուջու-Արալիկ-Իգդիր-Կարս, թե՞ Սադարակ-Երասխ-Գյումրի-Կարս երթուղին։
Ի պատասխան վարչապետ Նիկոլ Փաշինյանը նշել է, որ դեռ 2007-ին ծանր տպավորություն է ունեցել՝ պետական- ինստիտուցիոնալ գրագիտության խնդրի մասին մտածելով, հիշեցնելով Վարդան Օսկանյանի խոսքը «Նախիջևան» բառի ծագման վերաբերյալ և Լևոն Տեր-Պետրոսյանի թերթի 2 էջանոց հոդվածը, ընդգծելով, որ հայկական պատմագիտությունը դա չի վիճարկում։
«Հայաստան» խմբակցության ղեկավար Աննա Գրիգորյանը հայտարարել է, որ կառավարության ներկայացրած ծրագիրը, իր գնահատմամբ, հայկական պետության բովանդակության առումով պիղծ է։ Պատգամավորը պնդել է, որ ընտրությունների արդյունքներով «Քաղաքացիական պայմանագիրը» չի ստացել սահմանադրական մեծամասնություն, հետևաբար, ըստ նրա, չի կարող հայտարարել, որ քաղաքացիներն իշխանությանը նոր Սահմանադրություն ընդունելու լիազորություն են տվել։
«Ժողովուրդը ձեզ չի տվել այդ մեծամասնությունը, հետևաբար դուք Սահմանադրության փոփոխության լիազորություն չեք ստացել»,- ասել է Գրիգորյանը։
Ի պատասխան՝ Փաշինյանը նշել է, որ նոր Սահմանադրության ընդունումն ընդգրկված է եղել «Քաղաքացիական պայմանագրի» նախընտրական ծրագրում, իսկ վերջնական որոշումը պետք է կայացվի հանրաքվեով։ Փաշինյանի գնահատմամբ՝ «քոչարյանասերժական կլանը» պետք է ունեզրկվի։
Ամենայն հայոց կաթողիկոս Գարեգին Բ-ի և Հայ առաքելական եկեղեցու մի քանի բարձրաստիճան անդամների դեմ դատավարությունը սկսվել է 2026 թվականի օգոստոսի 7-ին Վաղարշապատում՝ Էջմիածնի հին քաղաքում, սակայն ավարտվել է գրեթե անմիջապես։ Դատավոր Հակոբ Մանուկյանը հայտարարել է, որ ձեռնպահ է մնում դատավարությունից, և գործը պետք է փոխանցվի մեկ այլ դատավորի, որը կշարունակի քննել գործը։ Այս մասին գրում է իտալական FarodiRoma կայքը։
Հայաստանի անկախությունից ի վեր առաջին անգամ Ամենայն հայոց կաթողիկոսը պատասխանատվության է ենթարկվում քրեական դատարանում՝ Հայ առաքելական եկեղեցու այլ բարձրաստիճան անդամների հետ միասին։
Դատական նիստում, որը, ըստ նախորդ հայտարարությունների, պետք է անցկացվեր փակ դռների ետևում, մեղադրյալների թվում, Գարեգին Բ-ից բացի, ներգրավված են նաև երկու արքեպիսկոպոսներ և չորս եպիսկոպոսներ: Մեղադրանքի համաձայն՝ եկեղեցական ղեկավարությունը խոչընդոտել է քաղաքացիական դատարանի որոշման կատարումը՝ կապված եպիսկոպոս Գևորգ Սարոյանի՝ 2026 թվականի սկզբին եկեղեցական իշխանությունների կողմից ազատված պաշտոնից, վերականգնման հետ: Հետևաբար, մեղադրանքները պաշտոնապես կապված են դատական որոշումը չկատարելու հետ և դատապարտվելու դեպքում նախատեսում են մինչև երկու տարի ազատազրկում:
Սակայն դատավարությունը մեկնաբանելը միայն մեղադրանքների միջոցով սահմանափակող կլիներ: Դատական մարտահրավերների հետևում թաքնված է վարչապետ Նիկոլ Փաշինյանի գլխավորած կառավարության և Հայ Առաքելական եկեղեցու միջև աճող սրվող հակամարտություն՝ մի հաստատություն, որը երկրի պատմության ընթացքում ներկայացրել է ոչ միայն կրոնական իշխանություն, այլև հայ ազգային ինքնության հիմնական հենասյուներից մեկը:
Մայր Աթոռի և կառավարության միջև ճգնաժամը աստիճանաբար վատթարացավ 2026 թվականի ընթացքում։ Հունվարի 5-ին Փաշինյանը հրապարակավ ներկայացրեց եկեղեցական բարեփոխումների «ճանապարհային քարտեզ», որը, այլ նպատակների շարքում, ներառում էր կաթողիկոսի հեռացումը, տեղապահի ընտրությունը և եկեղեցական հաստատությունը կառավարելու համար համակարգող խորհրդի ստեղծումը։
Հետագայում վարչապետը բազմիցս կոչ արեց Գարեգին Բ-ի հրաժարականին՝ պնդելով, որ կաթողիկոսն այլևս պիտանի չէ իր ծառայությունը կատարելու համար։ Նրա կուսակցությունը իր քաղաքական նպատակների շարքում նաև նշել էր կաթողիկոսի փոխարինումը մինչև 2031 թվականը։
Մինչդեռ, ինստիտուցիոնալ հակամարտությունը առաջացրել է այլ, հատկապես նշանակալի ազդանշաններ։ Անկախությունից ի վեր առաջին անգամ Գարեգին Բ-ն չի հրավիրվել Հայաստանի խորհրդարանի 9-րդ օրենսդիր նստաշրջանի բացման նիստին՝ խախտելով երկարատև ավանդույթը։ Ավելին, փետրվարին, ըստ հաղորդումների, նրան արգելվել է արտասահման մեկնել, մինչդեռ մի քանի քահանաներ և եպիսկոպոսներ ձերբակալվել կամ ենթարկվել են քրեական հետապնդման։
Այս մթնոլորտում է, որ կաթողիկոսի դեմ հարուցված քրեական գործերը ստանում են շատ ավելի լայն քաղաքական նշանակություն։ Կառավարության քննադատների կարծիքով, քրեական իրավունքի կիրառումը Եկեղեցու ղեկավարությունը թուլացնելու և նրա ինքնավարությունը նվազեցնելու փորձ է, որը պետության և կրոնական հաստատությունների միջև հարաբերությունները վերաիմաստավորելու ավելի լայն ռազմավարության մի մասն է։
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Զինվորական ծառայության հետ առնչություն չունեցող պատճառներով 37-ամյա զինծառայող է մահացել։
«Արմենպրես»-ին այս մասին հայտնեցին ՀՀ պաշտպանության նախարարությունից՝ արձագանքելով մամուլում շրջանառվող լուրերին, թե զորամասերից մեկում հայտնաբերվել է պայմանագրային զինծառայողի դի, և նախնական տեղեկություններով նա ինքնասպանություն է գործել։
«Նախնական տվյալներով՝ այսօր 37-ամյա ծառայողը մահացել է ծառայության հետ առնչություն չունեցող պատճառներով, նախաձեռնված է վարույթ»,- նշեցին ՀՀ պաշտպանության նախարարությունից։
«Թավա տոլմանը» Երեմյան ընկերությունների խմբի կողմից վերհանված և նորովի ներկայացված ուտեստ է, որը դարձել է հայկական ուղղվածության նրանց ռեստորանների հիմնական զարդերից մեկը։ Պանդոկ Երևան Գետափինը հեղինակել է այս ուտեստը։
ԱԺ հարցուպատասխանում «Հայաստան» խմբակցության պատգամավոր Արթուր Խաչատրյանը, դիմելով Նիկոլ Փաշինյանին, նշել է, որ նրա խոսքում մի քանի անգամ հնչել է «Նախչևան», մինչդեռ «Նա-խի-ջև-ան» է, հավելելով, որ թիմակից պարոն Գաբրիելյանը ևս կհուշի։
