Media Monitoring

Blog

  • ՄԱԿ գլխավոր քարտուղարի տեղակալը COP17-ում զգուշացրել է

    Գլոբալ տաքացման սահմանափակման համար անհրաժեշտ են անհապաղ և համատեղ գործողություններ․ ջերմաստիճանի հետագա բարձրացումը ծանր հետևանքներ է ունենալու նաև կենսաբազմազանության համար։ «Արմենպրես»-ի հաղորդմամբ՝ այս մասին COP17-ի շրջանակում հրավիրված ասուլիսում հայտարարել է ՄԱԿ-ի գլխավոր քարտուղարի տեղակալ, ՄԱԿ-ի շրջակա միջավայրի ծրագրի գործադիր տնօրեն Ինգեր Անդերսենը։

    Նա ներկայացրել է ՄԱԿ-ի շրջակա միջավայրի ծրագրի՝ արտանետումների վերաբերյալ նոր զեկույցի գնահատականները՝ ուշադրություն հրավիրելով գլոբալ տաքացման 1,5 աստիճանի շեմի գերազանցման վտանգներին։

    «Կենսաբազմազանության վրա թողած ազդեցությունները ծայրահեղ կլինեն։ Այս ճգնաժամի մեծագույն հետևանքներից խուսափելու համար մեզ աննախադեպ բազմակողմանի գործողություններ են պետք, որոնք սկսվում են ֆինանսական աջակցությունից»,– ընդգծել է Անդերսենը։

    Նա կարևորել է բնապահպանական տարբեր համաձայնագրերի շրջանակում աշխատանքների և ֆինանսավորման համադրումը, ինչպես նաև ֆինանսների նախարարությունների ներգրավումը կենսաբազմազանության օրակարգում։

    դիտվել է 3 անգամ



    Լրահոս

    Ամենաընթերցվածները



    Շուտով


    Հոկտեմբերի 27-ին՝ ժամը 13։30-ին, Հայելի ակումբի հյուրն է Խոսրով Հարությունյանը

    Հոկտեմբերի 27-ին՝ ժամը 16։00-ին, Հայելի ակումբի հյուրն է Հովհաննես Իշխանյանը

    Հոկտեմբերի 26-ին՝ ժամը 15։00-ին, Հայելի ակումբի հյուրն է Ռուզաննա Ստեփանյանը

    Հոկտեմբերի 26-ին՝ ժամը 14։00-ին, Հայելի ակումբի հյուրն է Էդգար Էլբակյանը

    Հոկտեմբերի 26-ին՝ ժամը 13։00-ին, Հայելի ակումբի հյուրն է Սուրեն Սուրենյանցը

    Հոկտեմբերի 26-ին՝ ժամը 11։00-ին, Հայելի ակումբի հյուրն է Հայկ Նահապետյանը

    Հոկտեմբերի 23-ին՝ ժամը 15։00-ին, Հայելի ակումբի հյուրն է Խաչիկ Մանուկյանը

    Հոկտեմբերի 23-ին՝ ժամը 14։00-ին, Հայելի ակումբի հյուրն է Աշոտ Անդրեասյանը

    Հոկտեմբերի 23-ին՝ ժամը 13։00-ին, Հայելի ակումբի հյուրն է Նաիրի Հոխիկյանը

    Հոկտեմբերի 23-ին՝ ժամը 12։00-ին, Հայելի ակումբի հյուրն է Հայկ Այվազյանը

  • Հայաստանի գավաթի խաղարկության 1/8 եզրափակիչում «Վանը» հաղթեց «Գանձասարին»

    Հայաստանի գավաթի խաղարկության 1/8 եզրափակիչում «Վանը» Չարենցավանի «Քաղաքային» մարզադաշտում համառ պայքարում կամային հաղթանակ տարավ Կապանի «Գանձասարի» նկատմամբ (2-1), հաղորդում է armsport.am-ը։

    Հանդիպման հաշիվը 44-րդ րոպեին բացեց հյուրերի ֆուտբոլիստ Ռոշան։ Տանտերերը պարտությունից փրկվեցին հիմնական ժամանակի ավարտին. 90+2-րդ րոպեին Պետրոս Ավետիսյանը վերականգնեց հաշվի հավասարությունը։ Ընդամենը մեկ րոպե անց՝ 90+3-րդ րոպեին, կապանյան թիմի ֆուտբոլիստ Ադրիանուն գնդակն ուղարկեց չարենցավանցիների դարպասը, սակայն գոլը չեղարկվեց խաղից դուրս վիճակի պատճառով։ Խաղը տեղափոխվեց լրացուցիչ ժամանակ, որտեղ 109-րդ րոպեին Բուկարի Կոնեն խփեց հաղթական գնդակը՝ քառորդ եզրափակիչի ուղեգիր պարգևելով «Վանին»։

    ​Հիշեցնենք, որ ավելի վաղ կայացած խաղում «Միկան» հետխաղյա 11-մետրանոց հարվածաշարում 5-3 հաշվով հաղթել էր Արարատի «Ավշարին»՝ նույնպես նվաճելով քառորդ եզրափակիչի ուղեգիր։ Այդ հանդիպման հիմնական և լրացուցիչ ժամանակներն ավարտվել էին գոլազուրկ ոչ-ոքիով։

    դիտվել է 2 անգամ



    Լրահոս

    Ամենաընթերցվածները



    Շուտով


    Հոկտեմբերի 27-ին՝ ժամը 13։30-ին, Հայելի ակումբի հյուրն է Խոսրով Հարությունյանը

    Հոկտեմբերի 27-ին՝ ժամը 16։00-ին, Հայելի ակումբի հյուրն է Հովհաննես Իշխանյանը

    Հոկտեմբերի 26-ին՝ ժամը 15։00-ին, Հայելի ակումբի հյուրն է Ռուզաննա Ստեփանյանը

    Հոկտեմբերի 26-ին՝ ժամը 14։00-ին, Հայելի ակումբի հյուրն է Էդգար Էլբակյանը

    Հոկտեմբերի 26-ին՝ ժամը 13։00-ին, Հայելի ակումբի հյուրն է Սուրեն Սուրենյանցը

    Հոկտեմբերի 26-ին՝ ժամը 11։00-ին, Հայելի ակումբի հյուրն է Հայկ Նահապետյանը

    Հոկտեմբերի 23-ին՝ ժամը 15։00-ին, Հայելի ակումբի հյուրն է Խաչիկ Մանուկյանը

    Հոկտեմբերի 23-ին՝ ժամը 14։00-ին, Հայելի ակումբի հյուրն է Աշոտ Անդրեասյանը

    Հոկտեմբերի 23-ին՝ ժամը 13։00-ին, Հայելի ակումբի հյուրն է Նաիրի Հոխիկյանը

    Հոկտեմբերի 23-ին՝ ժամը 12։00-ին, Հայելի ակումբի հյուրն է Հայկ Այվազյանը

  • 38-ամյա տղամարդը սպառնացել է բռնություն գործադրել շտապօգնության բժիշկների նկատմամբ

    Հոկտեմբերի 20-ին արտառոց դեպք է տեղի ունեցել Արագածոտնի մարզում։ Ժամը 20։30-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Աշտարակի բաժնում տեղեկություն է ստացվել, որ Աշտարակի շտապօգնության բժիշկները ահազանգով մեկնել են Աշտարակ քաղաքի Խորենացի փողոցի հասցեներից մեկը, որտեղ քաղաքացին ոչ ադեկվատ վարք է դրսևորել։

    Ինչպես հայտնում է ֆոտոլրագրող Գագիկ Շամշյանը, օպերատիվորեն նշված հասցե է մեկնել ոստիկանության Աշտարակի բաժնի օպերատիվ խումբը՝ ավագ համայնքային ոստիկանի գլխավորությամբ։ Այնտեղ «Հանրապետական շտապօգնության ծառայության» Աշտարակի կայանի հերթապահ բժիշկ, 34-ամյա Պետրոս Կ․-ն ոստիկաններին հայտնել է, որ ժամը 20։15-ի սահմաններում ստացված ահազանգով շտապօգնության բրիգադով մեկնել են նշված հասցե, որտեղ պարզվել է, որ կանչ տված անձը Արագածոտնի մարզի բնակիչ 38-ամյա Արմեն Ս․-ն է։

    Վերջինս արտաքնապես որևէ վնասվածք կամ առողջական խնդիր չի ունեցել, դրսևորել է ոչ ադեկվատ վարքագիծ, չի պատասխանել բժշկի հարցերին և սկսել է խոչընդոտել բուժաշխատողների մասնագիտական բնականոն աշխատանքը։ Մասնավորապես՝ նա թույլ չի տվել իրեն զննել, առանց թույլտվության ինքնակամ նստել է շտապօգնության ավտոմեքենայի՝ հիվանդների տեղափոխման համար չնախատեսված՝ դիմացի նստատեղին՝ պահանջելով իրեն տեղափոխել բժշկական կենտրոն։ Այդ ընթացքում նա բուժաշխատողների նկատմամբ բռնություն գործադրելու սպառնալիքներ է հնչեցրել։

    Գ․ Շամշյանի տեղեկություններով՝ ոստիկանության Աշտարակի բաժնի ծառայողների կողմից Արմեն Ս․-ն ժամը 21։00-ի սահմաններում ձերբակալվել և տեղափոխվել է ոստիկանության Աշտարակի բաժին։Դեպքի փաստով ոստիկանության Աշտարակի բաժնում փաստաթղթեր են կազմվել, որոնք Արմեն Ս․-ի հետ միասին ներկայացվել են ՀՀ քննչական կոմիտեի Արագածոտնի մարզային քննչական վարչություն։

    դիտվել է 11 անգամ



    Լրահոս

    Ամենաընթերցվածները



    Շուտով


    Հոկտեմբերի 27-ին՝ ժամը 13։30-ին, Հայելի ակումբի հյուրն է Խոսրով Հարությունյանը

    Հոկտեմբերի 27-ին՝ ժամը 16։00-ին, Հայելի ակումբի հյուրն է Հովհաննես Իշխանյանը

    Հոկտեմբերի 26-ին՝ ժամը 15։00-ին, Հայելի ակումբի հյուրն է Ռուզաննա Ստեփանյանը

    Հոկտեմբերի 26-ին՝ ժամը 14։00-ին, Հայելի ակումբի հյուրն է Էդգար Էլբակյանը

    Հոկտեմբերի 26-ին՝ ժամը 13։00-ին, Հայելի ակումբի հյուրն է Սուրեն Սուրենյանցը

    Հոկտեմբերի 26-ին՝ ժամը 11։00-ին, Հայելի ակումբի հյուրն է Հայկ Նահապետյանը

    Հոկտեմբերի 23-ին՝ ժամը 15։00-ին, Հայելի ակումբի հյուրն է Խաչիկ Մանուկյանը

    Հոկտեմբերի 23-ին՝ ժամը 14։00-ին, Հայելի ակումբի հյուրն է Աշոտ Անդրեասյանը

    Հոկտեմբերի 23-ին՝ ժամը 13։00-ին, Հայելի ակումբի հյուրն է Նաիրի Հոխիկյանը

    Հոկտեմբերի 23-ին՝ ժամը 12։00-ին, Հայելի ակումբի հյուրն է Հայկ Այվազյանը

  • Դատախազությունում տեղի են ունեցել կադրային փոփոխություններ

    Հայաստանի Հանրապետության գլխավոր դատախազ Աննա Վարդապետյանի՝ 2026 թվականի օգոստոս, սեպտեմբեր և հոկտեմբեր ամիսների հրամաններով՝ Դատախազությունում տեղի են ունեցել կադրային փոփոխություններ:

    Մասնավորապես՝

    Ø  Վարդան Պողոսյանը նշանակվել է Գլխավոր դատախազության բնակչության առողջության դեմ ուղղված հանցագործությունների գործերով վարչության պետի տեղակալի պաշտոնին:

    Ø  Արգամ Դալլաքյանը նշանակվել է Գլխավոր դատախազության տնտեսական գործունեության դեմ ուղղված հանցագործությունների գործերով վարչության ավագ դատախազի պաշտոնին՝ ազատվելով նույն վարչության դատախազի պաշտոնից:

    Ø  Աննա Հարությունյանը նշանակվել է Գլխավոր դատախազության ապօրինի ծագում ունեցող գույքի բռնագանձման գործերով վարչության ավագ դատախազի պաշտոնին՝ ազատվելով նույն վարչության դատախազի պաշտոնից:

    Ø  Թեհմինե Պապոյանը նշանակվել է Գլխավոր դատախազության ապօրինի ծագում ունեցող գույքի բռնագանձման գործերով վարչության դատախազի պաշտոնին:

    Ø  Տաթևիկ Ղուկասյանը նշանակվել է Գլխավոր դատախազության մարդու դեմ ուղղված հանցագործությունների գործերով վարչության ավագ դատախազի պաշտոնին՝ ազատվելով նույն վարչության դատախազի պաշտոնից:

    Ø  Գլխավոր դատախազության մարդու դեմ ուղղված հանցագործությունների գործերով վարչության ավագ դատախազ Սոնա Ասլանյանը փոխադրվել է Գլխավոր դատախազության սեփականության դեմ ուղղված հանցագործությունների գործերով վարչության ավագ դատախազի պաշտոնին:

    Ø  Երևան քաղաքի դատախազության ավագ դատախազ Հայկ Ավետյանը փոխադրվել է Գլխավոր դատախազության մարդու դեմ ուղղված հանցագործությունների գործերով վարչության դատախազի պաշտոնին:

    Ø  Միլենա Առուստամյանը նշանակվել է Գլխավոր դատախազության ՀՀ հակակոռուպցիոն կոմիտեում մինչդատական վարույթի օրինականության նկատմամբ հսկողության վարչության դատախազի պաշտոնին՝ ազատվելով Լոռու մարզի դատախազության դատախազի պաշտոնից:

    Ø  Սարգիս Պապոյանը նշանակվել է Գլխավոր դատախազության ՀՀ հակակոռուպցիոն կոմիտեում մինչդատական վարույթի օրինականության նկատմամբ հսկողության վարչության դատախազի պաշտոնին՝ ազատվելով Լոռու մարզի դատախազության ավագ դատախազի պաշտոնից:

    Ø  Էլեն Ծատուրյանը նշանակվել է Գլխավոր դատախազության ՀՀ հակակոռուպցիոն կոմիտեում մինչդատական վարույթի օրինականության նկատմամբ հսկողության վարչության դատախազի պաշտոնին՝ ազատվելով Արագածոտնի մարզի դատախազության ավագ դատախազի պաշտոնից:

    Ø  Մանե Սաֆարյանը նշանակվել է Գլխավոր դատախազության ՀՀ հակակոռուպցիոն կոմիտեում մինչդատական վարույթի օրինականության նկատմամբ հսկողության վարչության դատախազի պաշտոնին՝ ազատվելով Լոռու մարզի դատախազության դատախազի պաշտոնից:

    Ø  Գլխավոր դատախազության ՀՀ հակակոռուպցիոն կոմիտեում մինչդատական վարույթի օրինականության նկատմամբ հսկողության վարչության ավագ դատախազ Աննա Հակոբյանը փոխադրվել է Երևան քաղաքի Կենտրոն և Նորք-Մարաշ վարչական շրջանների դատախազի տեղակալի պաշտոնին:

    Ø  Արգիշտի Պետրոսյանը նշանակվել է Երևան քաղաքի դատախազության դատախազի պաշտոնին՝ ազատվելով Գեղարքունիքի մարզի դատախազության դատախազի պաշտոնից:

    Ø  Երևան քաղաքի դատախազության դատախազ Վանուհի Փայտյանն ազատվել է զբաղեցրած պաշտոնից:

    Ø  Վարազդատ Պետրոսյանը նշանակվել է Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազի պաշտոնին՝ ազատվելով նույն վարչական շրջանների դատախազության դատախազի պաշտոնից:

    Ø  Անահիտ Այվազյանը նշանակվել է Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազի պաշտոնին՝ ազատվելով նույն վարչական շրջանների դատախազության դատախազի պաշտոնից:

    Ø  Կոտայքի մարզի դատախազության ավագ դատախազ Տիգրան Առաքելյանը փոխադրվել է Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազի պաշտոնին:

    Ø  Երևան քաղաքի Ավան և Նոր Նորք վարչական շրջանների դատախազության ավագ դատախազ Արմեն Գրիգորյանը փոխադրվել է Երևան քաղաքի դատախազության դատախազի պաշտոնին:

    Ø  Կոտայքի մարզի դատախազության դատախազ Սոնա Հովհաննիսյանը փոխադրվել է Երևան քաղաքի Ավան և Նոր Նորք վարչական շրջանների դատախազության դատախազի պաշտոնին:

    Ø  Շիրակի մարզի դատախազության ավագ դատախազ Սերոբ Կիրակոսյանն ազատվել է զբաղեցրած պաշտոնից:

    Ø  Երևան քաղաքի Շենգավիթ վարչական շրջանի դատախազության դատախազ Դավիթ Թադևոսյանն ազատվել է զբաղեցրած պաշտոնից:

    Ø  Կոտայքի մարզի դատախազության ավագ դատախազ Էլեն Անանյանը ազատվել է զբաղեցրած պաշտոնից:

    Ø  Խաչատուր Պողոսյանը նշանակվել է Կոտայքի մարզի դատախազության դատախազի պաշտոնին:

    Ø  Հայկ Սարիբեկյանը նշանակվել է Կոտայքի մարզի դատախազության դատախազի պաշտոնին:

    Ø  Մխիթար Աբդոյանը նշանակվել է Արարատի մարզի դատախազության դատախազի պաշտոնին:

    Ø  Վիգեն Հովհաննիսյանը նշանակվել է Գեղարքունիքի կայազորի զինվորական դատախազության ավագ դատախազի պաշտոնին՝ ազատվելով Գեղարքունիքի կայազորի զինվորական դատախազության դատախազի պաշտոնից:

    Ø  Լոռու կայազորի զինվորական դատախազության դատախազ Խաչատուր Գալստյանն ազատվել է զբաղեցրած պաշտոնից:

  • Հայաստանում ՌԴ դեսպանությունն իր տարակուսանք է հայտնել

    Անհասկանալի է Շիրակի մարզպետ Դ. Առուշանյանի ֆեյսբուքյան էջում հոկտեմբերի 17-ին հրապարակված գրառման մեջ տեղ գտած ոմն «Իվանների» մասին հիշատակումը, որն ակամայից հիշեցնում է գերմանացի նացիստների կողմից Հայրենական մեծ պատերազմի տարիներին օգտագործվող բառապաշարը։ Այս մասին հայտարարություն է տարածել ՀՀ-ում ՌԴ դեսպանատունը։

    «Կցանկանայինք չհավատալ, որ մի մարզի ղեկավարը, որտեղ տեղակայված են ռուսական 102-րդ ռազմակայանը և ռուս սահմանապահները, կարող է ընդունելի համարել այնպիսի հրապարակային հայտարարություններ անելը, որոնք կարող են ռուսաստանցիների նկատմամբ էթնիկ թշնամանք հրահրել։ Սա արմատապես կհակասեր մեր երկու երկրների ժողովուրդների միջև դարավոր բարեկամության ոգուն»,- ասված է հաղորդագրության մեջ։

    դիտվել է 24 անգամ



    Լրահոս

    Ամենաընթերցվածները



    Շուտով


    Հոկտեմբերի 27-ին՝ ժամը 13։30-ին, Հայելի ակումբի հյուրն է Խոսրով Հարությունյանը

    Հոկտեմբերի 27-ին՝ ժամը 16։00-ին, Հայելի ակումբի հյուրն է Հովհաննես Իշխանյանը

    Հոկտեմբերի 26-ին՝ ժամը 15։00-ին, Հայելի ակումբի հյուրն է Ռուզաննա Ստեփանյանը

    Հոկտեմբերի 26-ին՝ ժամը 14։00-ին, Հայելի ակումբի հյուրն է Էդգար Էլբակյանը

    Հոկտեմբերի 26-ին՝ ժամը 13։00-ին, Հայելի ակումբի հյուրն է Սուրեն Սուրենյանցը

    Հոկտեմբերի 26-ին՝ ժամը 11։00-ին, Հայելի ակումբի հյուրն է Հայկ Նահապետյանը

    Հոկտեմբերի 23-ին՝ ժամը 15։00-ին, Հայելի ակումբի հյուրն է Խաչիկ Մանուկյանը

    Հոկտեմբերի 23-ին՝ ժամը 14։00-ին, Հայելի ակումբի հյուրն է Աշոտ Անդրեասյանը

    Հոկտեմբերի 23-ին՝ ժամը 13։00-ին, Հայելի ակումբի հյուրն է Նաիրի Հոխիկյանը

    Հոկտեմբերի 23-ին՝ ժամը 12։00-ին, Հայելի ակումբի հյուրն է Հայկ Այվազյանը

  • Դատարանը բավարարել է Արշակ Սրբազանի միջնորդությունը․ նա կարող է այցելել Վաղարշապատից դուրս գտնվող բուժկենտրոններ

    Արշակ Սրբազանն այսուհետ կարող է այցելել Վաղարշապատից դուրս գտնվող ԲԿ-ներ: Արմավիրի մարզի առաջին ատյանի դատարանը բավարարել է միջնորդությունը

    Հիշեցնենք, որ Արշակ Սրբազանը կալանքից ազատվել է մարտի 5–ին, նրա նկատմամբ սահմանվել է վարչական հսկողություն։ Նրան մեղադրում են մի խումբ անձանց կողմից նախնական համաձայնությամբ թմրամիջոց ապօրինի իրացնելու մեջ։

  • Սա Փաշինյանի կողմից ձևավորված քաղաքական և ընտրական պայմանների հետևանքն է. Ռոբերտ Ամստերդամ

    Սամվել Կարապետյանի փաստաբանական խմբի անդամ, միջազգային իրավապաշտպան Ռոբերտ Ամստերդամը գրել է․ 
    «Հոկտեմբերի 25-ին Հայաստանում տեղի ունեցած ընտրությունների պատկերը ժողովրդավարության ապագայով մտահոգ որևէ մեկին ուրախանալու առիթ չպետք է տա։

    Շատ համայնքներում ընտրողների նույնիսկ կեսը չի մասնակցել քվեարկությանը։ Իշխանությունը պետք է իրեն հարց տա՝ ինչո՞ւ են այդքան քաղաքացիներ հրաժարվում ընտրելուց։ Այս փաստն անտեսելն ու արդյունքները որպես համընդհանուր վստահության քվե ներկայացնելը նշանակում է՝ չցանկանալ տեսնել սեփական քաղաքացիներին։ 

    Իսկ ընտրողների ուղղորդման, ճնշումների և պետական միջոցները կուսակցական շահերին ծառայեցնելու մասին հաղորդումները պահանջում են անկախ քննություն։ Նման գործողությունները խախտում են ազատ ընտրության և հավասար մրցակցության հիմքերը․ քաղաքացին պետք է կարողանա ընտրել առանց վախի, իսկ ընդդիմությունը՝ մրցել առանց իր դեմ գործադրվող պետական ապարատի։ 

    Ստեփանավանում «Ուժեղ Հայաստանի» ցուցակը գլխավորող Արսեն Գևորգյանի կալանավորումն ի սկզբանե պահանջում էր համոզիչ իրավական հիմնավորում։ Իշխանությունները պարտավոր էին հիմնավորել թե՛ կալանքի անհրաժեշտությունը, թե՛ ավելի մեղմ միջոց կիրառելու անհնարինությունը։ Քրեական մեղադրանքը դեռևս մեղավորության ապացույց չէ և, ըստ այդմ, չէր կարող արդարացնել թեկնածուին ընտրապայքարից փաստացի հեռացնելը։ 
    Փաշինյանը չի կարող մի ձեռքով սահմանափակել քաղաքական մրցակցությունը, մյուսով՝ այդ սահմանափակման հետևանքով ստացած արդյունքները ներկայացնել որպես ժողովրդավարական հաջողություն, իսկ հետո մեղավորներ փնտրել բոլորի մեջ, բացի իրենից։

    Սա հաղթանակի պատմություն չէ։ Սա Փաշինյանի կողմից ձևավորված քաղաքական և ընտրական պայմանների հետևանքն է, և դրա համար պատասխանատու է հենց ինքը»։

    դիտվել է 4 անգամ



    Լրահոս

    Ամենաընթերցվածները



    Շուտով


    Հոկտեմբերի 27-ին՝ ժամը 13։30-ին, Հայելի ակումբի հյուրն է Խոսրով Հարությունյանը

    Հոկտեմբերի 27-ին՝ ժամը 16։00-ին, Հայելի ակումբի հյուրն է Հովհաննես Իշխանյանը

    Հոկտեմբերի 26-ին՝ ժամը 15։00-ին, Հայելի ակումբի հյուրն է Ռուզաննա Ստեփանյանը

    Հոկտեմբերի 26-ին՝ ժամը 14։00-ին, Հայելի ակումբի հյուրն է Էդգար Էլբակյանը

    Հոկտեմբերի 26-ին՝ ժամը 13։00-ին, Հայելի ակումբի հյուրն է Սուրեն Սուրենյանցը

    Հոկտեմբերի 26-ին՝ ժամը 11։00-ին, Հայելի ակումբի հյուրն է Հայկ Նահապետյանը

    Հոկտեմբերի 23-ին՝ ժամը 15։00-ին, Հայելի ակումբի հյուրն է Խաչիկ Մանուկյանը

    Հոկտեմբերի 23-ին՝ ժամը 14։00-ին, Հայելի ակումբի հյուրն է Աշոտ Անդրեասյանը

    Հոկտեմբերի 23-ին՝ ժամը 13։00-ին, Հայելի ակումբի հյուրն է Նաիրի Հոխիկյանը

    Հոկտեմբերի 23-ին՝ ժամը 12։00-ին, Հայելի ակումբի հյուրն է Հայկ Այվազյանը

  • «Լռության էքսպոնատներ». երբ լռությունը ցավ է, իսկ խոսելը`…

    «Լռության էքսպոնատներ». երբ լռությունը ցավ է, իսկ խոսելը`…

  • Վերաքննիչ հակակոռուպցիոն դատարանն արդարացրել է Մամիկոն Ասլանյանին

    Վերաքննիչ հակակոռուպցիոն դատարանն անսպասելի որոշում է ընդունել այն գործով, որով ինձ ավելի վաղ դատապարտել էին երկու տարի յոթ ամիս ազատազրկման։ Դատարանն ինձ ճանաչել է անմեղ և արդարացրել։ Դրա մասին հայտնել է «Ուժեղ Հայաստան» խմբակցության պատգամավոր Մամիկոն Ասլանյանը։

    «Հողերին առնչվող դրվագներով վաղեմության ժամկետն անցել է, և այդ հիմքով գործը կարճվել է։

    Հակասական զգացողություններ են ձևավորվել, քանի որ հինգ տարվա դատական քաշքշուկը մասամբ հանգեցրեց արդար արդյունքի»,- նշել է նա։

    Հիշեցնենք, որ Վանաձորի նախկին քաղաքապետ, ներկայում «Ուժեղ Հայաստան» խմբակցության պատգամավոր Մամիկոն Ասլանյանը 2021 թվականի դեկտեմբերին կալանավորվել էր պաշտոնեական լիազորությունները չարաշահելու և պաշտոնեական կեղծիքի մեղադրանքով։

  • «Իդեալական հարսի» դժոխքը․ երբ ընտանիք կազմելը նշանակում էր դառնալ սեփական կյանքիդ գերին

    ...Իդեալական ընտանիք ձևավորելու համար՝ ճիշտ լվացք փռելը շատ կարևոր էր: Ըդիկ հատուկ արվեստի գործ կհամարվեր: Նախ տղամարդ-կնիգմարդ շորերը՝ իրար կողքի բդի չընգնեին, ներքնաշորերը դրսի շորերի հետևի շարքը բդի մնային, նասկիները թաք-թաք, բայց իրանց զույգի կողքով ու ամենակարևորը ճաշակով` գույները համապատասխանեցրած բդի փռեին (երևի լվացք էնելուց առաջ հատուկ կընտրեին էն շորերը, օր փռելուց սազեն իրար հետ, կապ չուներ մաքուր էին, թե կեղտոտ): Ամեն մայլա մէ հարսըմ կար, օր ի ծնե իդեալական լվացք կփռեր. կնայեիր ու հավեսդ գուկար: Էդ՝ մյուս կիսուրներին ամենաշատ ներվայնացնող փաստն էր ու հարսերին ծեծել տալու առիթներից մեկը:

    «Ծանր հղիություն տանել» ֆոռմատը հեչ չէին ընդունվի կիսուրներիի կողմից: Թե քանիմ անգամ տնքտնքային հարսները ուրեմն վրեքը բդի առնեին, օր հիվնդոտ են ու էդ փաստը թաքցնելով ներխուժել էն ուրիշի ընտանիք, թե չէ` հարի ծննդաբերության վերջին օրը, լվացքի տաշտերը վեր ու վար էնելով, իրանց գործը բդի էնեին: Բժշկի էրթալն էլ մինչև երեխա ունենալը հեչ պարտադիր չէր. ոչ էխո կար, օր սեռ տեսնեին, ոչ էլ նամուսի բան էր փորները ցցած խալխի դեմը ման գալը: Կիսուրներն օր տրամադրություն կունենային, մեկըմ աչքները կքցեին հարսների երսին ու ամենաուժեղ էխոյից տոչնի կորոշեին երեխի սեռը. «Քա աղջի, ինչղ էլ գեշըցել ես, հաստատ աղջիկ բդի բերես» ու ինչպես միշտ, ամեն առիթ օգտագործելով մեղադրյալի աթոռին կդնեին հարսներին. «Ըբը տղես ըդո՞ր էր արժանի, ըբը ի՞նչղ բդի էրթա կորի իրանց ցեղի ազգանունը, ըբը հարևանները չե՞ն թքե իրանց լաշին»:

    Նորածինների հըմար ծախս էնելը կսահմանափակվեր աչքալուսանքի շոկոլադով: Մնացած պարագաները կռիշից կիջըցնեին` լյուլկա, կայլասկա, բոխճա, բարուր: Իրանք էն տեսկի կնիգ էին էղել, օր ըդոնք սաղ պահելով սերընդեսերունդ կփոխանցեին: Մինչև ծննդաբերելը հարսները ըդոնք սաղ ժավելի բերան կուդաին, կճերմըկցնեին ու ուժասպառ կերթային հիվանդանոց փոքրիկ կիսուրիկին կամ կեսրարիկին տուն բերելու, որդև այլ տարբերակ իսկի չէր շրջանառվի` էրեխեն բդի կամ տատի, կամ պապի անունը կրեր:

    Հարսը օր երջանկացած դուրս կգրվեր հիվանդանոցից ու տուն գուկար, կմտածեր՝ էդ էրեխեն շատ բան բդի փոխե իրա կյանքում: Բայց արի ու տես, օր էրեխեն էլ լրիվությամբ իրան չէր պատկանե: «Տատիկի լողցրած թոռները առողջ կեղնին» հին խորաթեն հեռու կտաներ հարսին էդ գործից: Մառգանցովկով ջուրը կբռնեին, ու առանց էն էլ կարմիր էրեխին, կմտցնեին մեջը, քանիմ անգամ սապնելուց հետո՝ տատը կանցներ ակռոբատիկ շարժումներին, նախ ոտ ու ձեռը կքաշքշեր որ էրեխի աճը համաչափ էրթա, ջրից հանելուց էլ անպայման քանիմ անգամ երկարավզիկ կեներ (երևի էդ ջրային պրոցեդուրաների շնորհիվ էր, օր էդ վախտերը ողնաշարի գրիժա ըսածը չկար, գրիժեն մենակ մեծ մարդկանց մոտ՝ ու փորից դուս էկած կեղներ): Ոչ հարսի ներքին ճիչը կլսեին, ոչ էլ էրեխի անկաջ ծագող ղըժժոցը: Արագ արագ ձեռ ու ոտը զգաստ պահած՝ ուպակովկա կենեին յոթը շերտ բարուրի մեջ ու, օ~ երջանկություն, կփոխանցեին հարսի ձեռը՝ օր կերակրեր ու քնցներ (էդ մէ թերմաշ բանն էլ օր կռնանային էնեին՝ էլ ինչերին էր պետք ուրիշի աղջիկը՝ իրանց տան մեջ):

    Երրորդ էրեխից հետո հարսը արդեն իրավունք ուներ ձեռը դեպի ճաշի շերեփը երկըրցնելու ( իրեք էրեխեն մինիմալն էր, էդ որոշման մեջ էլ հարսը չէր խառնվի., ինչքան օր կիսուրը որոշեր, ըդքան էլ կբերեր): Կիսուրը հարսի էփած ճաշի ամանից հոտ կքաշեր, պնչները կոլորեր, հետ կդներ կռիշկեն ու իրա հըմար առանձին ճաշ կեփեր: Իհարկե, տղեն էլ անպայման մամայի էփածից կուդեր, հանկարծ ու հանկարծ փորձվեր խախտել մենյուի դասավորությունը, էլի հարսին բաժին կհասներ էն խորաթեքը, թե.

    – Մինչև քու մարդդ դառնալը ինքը իմ տղես էր, ու չփորձվիս էդ կապը կտրես՝ տղիս քեզնով էնես: ( իհարկե կային հարսներ, օր կբաշարեին էդ կապը կտրել ու իրանց մարդկանց հետ առանձին կապրեին, իրանք էն հարսներն էին, ում հետևից անպայման կիսուրը կսեր. «շատ գովացինք ալիխան, ելավ քաքեց պատուխան» ու բաց կթողնեին իրանց ձեռի տակից):

    Էրեխեքը կմեծնային. հարսները արդեն իրավունք կստանային ըդոնց դասի, պարապունքների տանելու պատրվագի տակ քաղաք դուս գալ, մարդու երես տեսնել, ու արդեն դպրոցն ավարտելու համար էրեխի հետ նկարվելուց կտեսնեին, օր մազերը սիպտըկել է, կհասկնային օր կյանքերը անցել է ու ապրելու համար տակը բան չի մնացել:

    Էս կյանքում հեչ բան հավերժ չէ ու կիսուրի վերջն էլ մէ օրըմ գուկար: էն աղջիկն օր հարս էր էգել էրեխա-էրեխա ու իրա էրեխեքի հետ մեծըցել էր կիսաքաղցր, կիսալեղի կիսուրի քովը, կյանքի մէ ուրիշ պատկերացում չուներ ու անհամբեր կսպասեր իրա տղի բանակից գալուն, օր ինքն էլ ստանար գերի պահելու վեհ արտոնությունը ու էրթար աղջիկ ուզելու: