Ambion.news – ին ՀՀ հակակոռուպցիոն կոմիտեից հայտնել են, որ կաշառք տալու և ստանալու դեպքերի առթիվ քննվող քրեական վարույթի շրջանակում ձերբակալվել են մի շարք անձինք, այդ թվում՝ Շենգավիթի վարչական շրջանի ղեկավարի աշխատակազմի պաշտոնատար անձ և ղեկավարի օգնականը։ Վերջինիս նկատմամբ որպես խափանման միջոց կիրառվել է կալանքը։
Հրապարակման համաձայն՝ Կարեն Հակոբյանը համակարգել է նաև թաղապետարանի կրթության վարչության գնումների մրցույթները։ Գործի հնարավոր այլ մասնակիցների վերաբերյալ տեղեկությունները դեռ պաշտոնապես հաստատված չեն։
Նշենք, որ կալանավորումը մեղավորության հաստատում չէ․ գործի հանգամանքները պարզվում են նախաքննության ընթացքում։
Ռուսաստանի արտգործնախարար Սերգեյ Լավրովը հայտարարել է, որ Մոսկվան շարունակելու է աջակցել Իրանին՝ վերջինիս պայքարը որակելով որպես «արդարացի գործ»։ Նրա հայտարարությունը հնչել է ԱՄՆ նախագահ Դոնալդ Թրամփի խոսքերից մի քանի ժամ անց, երբ վերջինս պնդել էր, որ Ռուսաստանը քիչ է օգնում Իրանին, և ցանկություն հայտնել, որ այդ աջակցությունը չընդլայնվի։
Թեհրանում Իրանի արտգործնախարար Աբբաս Արաղչիի հետ հանդիպման ընթացքում Լավրովը մեղադրել է ԱՄՆ-ին և Իսրայելին Իրանի դեմ ռազմական գործողություններ սկսելու մեջ։ Նա նաև հայտարարել է, որ Ռուսաստանը պատրաստ է աջակցել հակամարտության դիվանագիտական կարգավորմանը, մարդասիրական օգնություն է տրամադրում Իրանին և չի հրաժարվելու երկկողմ տնտեսական ու ներդրումային համաձայնագրերից։
Միաժամանակ Թրամփը պաշտպանել է Ռուսաստանի դեմ տնտեսական ճնշումների մեղմացման որոշումը՝ պատճառաբանելով, որ նոր պատժամիջոցները կարող են խոչընդոտել Ուկրաինայի հետ խաղաղության բանակցություններին։ Նա նաև քննադատել է Ուկրաինայի նախագահ Վլադիմիր Զելենսկիին՝ պնդելով, որ ուկրաինական հարվածները վնասում են վառելիքի համաշխարհային շուկային։
CNN հեռուստաընկերությունը սպառնացել է դիմել դատարան, եթե ԱՄՆ նախագահ Դոնալդ Թրամփի վարչակազմը շարունակի իր լրագրողներին չթողնել նախագահական Air Force One ինքնաթիռ և սահմանափակել պետության ղեկավարի ուղևորությունների լուսաբանումը։ Դրա մասին ասվում է հեռուստաընկերության փաստաբան Թեդ Բուտրուսի նամակում, որը երկուշաբթի ուղարկվել է ԱՄՆ արդարադատության նախարարություն։
«CNN-ից վրեժ լուծելու և հեռուստաընկերությանը նրա լրատվական նյութերի բովանդակության պատճառով խտրական վերաբերմունք ցուցաբերելու այս փորձերը սխալ են, հակաարդյունավետ և անօրինական»,- գրել է իրավաբանը։ Նա ընդգծել է, որ եթե սահմանափակումները պահպանվեն, CNN-ը ստիպված կլինի ձգտել լրացուցիչ դատական միջոցների։
Հեռուստաընկերության տվյալներով՝ Սպիտակ տունը մի քանի անգամ CNN-ին բացառել է այն հեռուստաընկերությունների փուլից, որոնք հերթով ապահովում են նախագահի միջոցառումների և ուղևորությունների տեսանկարահանումը։ Մասնավորապես, անցած հանգստյան օրերին CNN-ի լրագրողներին թույլ չեն տվել ուղեկցել Թրամփին Ջորջիա և Ֆլորիդա կատարած ուղևորության ընթացքում, թեև հեռուստաընկերությունը պետք է ապահովեր ընդհանուր տեսանկարահանումը մյուս լրատվամիջոցների համար։ Ի նշան համերաշխության՝ մյուս խոշոր ամերիկյան հեռուստաընկերությունները հրաժարվել են փոխարինել CNN-ին։
Նամակում Բուտրուսն ընդգծել է, որ CNN-ն արդեն 45 տարի մասնակցում է հեռուստաընկերությունների փուլին և լուսաբանում է իրադարձությունները Օվալաձև աշխատասենյակում ու Air Force One-ում։ Նա նշել է, որ Սպիտակ տունը սահմանափակումների վերաբերյալ գրավոր ծանուցում չի ներկայացրել և չի բացատրել լրագրողներին չթողնելու պատճառները։
Փաստաբանը վարչակազմից պահանջել է գրավոր հաստատել, որ Սպտակ տունը կդադարեցնի CNN-ին փուլից բացառելն ու լրագրողներին իրենց պարտականությունները կատարելուն խոչընդոտելը։ Պատասխանելու համար Սպիտակ տանը ժամկետ է տրվել մինչև հինգշաբթի՝ ԱՄՆ արևելյան ժամանակով 17:00։
Հակամարտությունը դարձել է Թրամփի վարչակազմի և լրատվամիջոցների միջև դատական դիմակայության շարունակությունը։ Մեկ ամիս առաջ նախագահը CNN-ին, MS NOW-ին և Politico-ին արգելել էր աշխատել Սպիտակ տանը։ Այդ լրատվամիջոցները հայց էին ներկայացրել՝ հայտարարելով, որ խախտվել են ԱՄՆ Սահմանադրության Առաջին և Հինգերորդ փոփոխությունները։ Դաշնային դատավոր Թիմ Քելլին նախնական դատական արգելք էր սահմանել՝ համարելով, որ սահմանափակումները, հավանաբար, խախտում են Առաջին փոփոխությունը, քանի որ ներկայացնում են խտրականություն՝ ըստ հայացքների։ Դրանից հետո վարչակազմը վերականգնել էր լրագրողների մուտքը, սակայն շարունակել էր նրանց սահմանափակել այլ ձևերով։
Սպիտակ տունն, իր հերթին, չի հաստատել, որ CNN-ի նկատմամբ կիրառում է նույն ռազմավարությունը, ինչ Associated Press գործակալության նկատմամբ, որի լրագրողներին Թրամփն ավելի վաղ հեռացրել էր Օվալաձև աշխատասենյակում միջոցառումների և Air Force One-ով ուղևորությունների լուսաբանումից։ Այդ ժամանակ պատճառը գործակալության՝ նախագահի առաջարկած Մեքսիկական ծոցի նոր անվանումն անմիջապես օգտագործելուց հրաժարվելն էր։
2025 թվականի հունիսին վերաքննիչ դատարանը մասնակիորեն չեղարկել էր Associated Press գործակալության օգտին սահմանված ժամանակավոր սահմանափակումները՝ նշելով, որ այնպիսի փակ տարածքներ, ինչպիսիք են նախագահական ինքնաթիռը և Օվալաձև աշխատասենյակը, Առաջին փոփոխության իմաստով կարծիքների ազատ արտահայտման համար հանրային հարթակներ չեն։ Միևնույն ժամանակ որոշումը պարտադիր ուժ չէր ունեցել այլ գործերի համար։
Հոկտեմբերի 19-ին Երևանի գնդի պարեկների՝ մայրաքաղաքում իրականացրած մոտոցիկլետներով ուժեղացված ծառայությունը հերթական դրական արդյունքն է տվել։ Պարեկային ծառայողների թիրախային միջոցառումների արդյունքնում արձանագրվել են բազմաթիվ խախտումներ՝ մոտոցիկլետավարների կողմից անընթեռնելի համարանիշով երթևեկելուց մինչև հոծ գծի վրա մանևրներ։
Կազմվել է վարչական իրավախախտումների վերաբերյալ 143 արձանագրություն, 31 մոտոցիկլետ տեղափոխվել է պահպանվող հատուկ տարածք։
Մասնավորապես, հայտնաբերվել են անընթեռնելի կամ ստանդարտին չհամապատասխանող հաշվառման համարանիշով վարելու, առանց վարորդական իրավունքի վկայականի և մոտոցիկլետի հաշվառման համարանիշի նիշը փակելու, ուժը կորցրած վարորդական իրավունքի վկայականով և առանց սաղավարտի վարելու, ինչպես նաև այլ իրավախախտման դեպքեր։
ՆԳՆ ոստիկանությունը հորդորում է վարորդներին խստորեն պահպանել ճանապարհային երթևեկության կանոնները, զերծ մնալ հաշվառման համարանիշերը փակելուց կամ տեսանելիությունը որևէ եղանակով սահմանափակելուց։
Նմանօրինակ ուժեղացված ծառայությունները շարունակական են։
ՀՀ էկոնոմիկայի նախարար Գևորգ Պապոյանը «Ֆեյսբուք»-ի իր էջում հայտնել է, որ կաթի սուբսիդավորման ծրագրի փոխհատուցումները (մոտ 1,1 մլն դրամ) կսկսվեն հաջորդ շաբաթվանից և կավարտվեն դեկտեմբերին։
«Այս տարվա ընթացքում բոլոր վճարումները կկատարվեն»,- գրել է նախարարը:
«Մայր Հայաստան» կուսակցության առաջնորդ Անդրանիկ Թևանյանի կալանքի ժամկետի երկարացման որոշման դեմ վերաքննիչ բողոք է ներկայացվել։ Այս մասին հայտնում են կուսակցության ֆեյսբուքյան պաշտոնական էջում։
«2026 թվականի սեպտեմբերի 8-ին նախագահող դատավոր Ջոն Հայրապետյանի որոշմամբ Անդրանիկ Թևանյանի նկատմամբ կիրառված կալանքի ժամկետը երկարաձգվել է երեք ամսով։ Այս որոշման դեմ Անդրանիկ Թևանյանի պաշտպանական թիմը բողոք է ներկայացրել Վերաքննիչ դատարան»,- նշված է հայտարարության մեջ։
Հիշեցնենք` Թևանյանը ձերբակալվել է մայիսի 23–ին լրտեսության և պետական դավաճանության մեղադրանքով։ Մայիսի 21–ին ՀՀ քննչական կոմիտեն հայտնեց, որ քաղաքացի Ա.Թ.–ն (Անդրանիկ Թևանյան), լինելով պատգամավոր, 2024 թվականին իբր հավաքագրվել է օտարերկրյա հատուկ ծառայությունների կողմից և վարել գործակալական գործունեություն: Քննության վարկածով՝ նա ապօրինի կերպով մանրամասն տեղեկություններ է ստացել 2024 թվականի ապրիլին տեղի ունեցած խորհրդարանական փակ քննարկումից, նյութերը թարգմանել է ռուսերեն և փոխանցել պետական գաղտնիք պարունակող տեղեկություններ։ Ինչպես պնդում է ՀՀ քննչական կոմիտեն, այդ նպատակով նա ստացել է 622 հազար դոլար։
Մայիսի 23-ին նա կալանավորվել է և կալանքի տակ է մինչ օրս։
Այսօր՝ հոկտեմբերի 20-ին Օսլոյում բանակցություններին մասնակցում են Ուկրաինայի նախագահ Վլադիմիր Զելենսկին, Նորվեգիայի և Ֆինլանդիայի առաջնորդները, ինչպես նաև Մեծ Բրիտանիայի, Ֆրանսիայի, Գերմանիայի և Լեհաստանի ներկայացուցիչներն ու ԵՄ-ի և ՆԱՏՕ-ի պաշտոնյաները։ Հանդիպման նպատակն է ԱՄՆ-ի, Ուկրաինայի և եվրոպական դաշնակիցների մասնակցությամբ մշակել Ռուսաստանի հետ քննարկվելիք խաղաղության առաջարկ։
ԱՄՆ նախագահ Դոնալդ Թրամփի հատուկ դեսպանորդ Սթիվ Վիտկոֆը բանակցություններից հետո նախատեսում է մեկնել Ռուսաստան և հանդիպել Վլադիմիր Պուտինի հետ՝ ներկայացնելու մշակված առաջարկները։ Թրամփի փեսա Ջարեդ Քուշները բանակցություններին կմասնակցի հեռավար։
Ամերիկացի պաշտոնյայի խոսքով՝ առաջարկների մշակման շուրջ վերջին շաբաթվա ընթացքում համատեղ աշխատել են ԱՄՆ-ի, Ուկրաինայի և Եվրոպայի ներկայացուցիչները։ Այցի ընթացքում նախատեսվում է նաև քննարկել Ռուսաստանում կալանավորված ամերիկացի նախկին ուսուցիչ Սթիվեն Հաբարդի ազատ արձակման հարցը։
Վթшրվել է Երևան մտնող մայրուղային ջրատար: Այս մասին հայտնում են Վեոլիա ջուր ընկերությունից:
«Արայի ամառանոցների ձորում վթարվել է «Ապարան-Երևան» 1200 մմ-ոց մայրուղային ջրատարը՝ վայրկյանում 90 լիտր ջրի կորստով։ Որոշ տարածքներում հայտարարվել է 24-ժամյա ջրանջատում
Վթարի վերացման աշխատանքներով պայմանավորված՝ ջրատարից սնվող տարածքներում հայտարարվել է 24-ժամյա ջրանջատում՝ հոկտեմբերի 21-ին ժամը 11:00-ից մինչև հոկտեմբերի 22-ը ժամը 11:00-ն՝
Դավթաշեն վարչական շրջանը՝ ամբողջությամբ,
Աջափնյակ վարչական շրջանի՝ Նազարբեկյան, Նորաշեն, Գ-1 թաղամասերի, Ալիխանյան Եղբայրների, Մարգարյան, Ֆուչիկի, Բաշինջաղյան, Ջանիբեկյան, Շիրազի, Մազմանյան փողոցները իրենց նրբանցքներով, Հալաբյան 22-38 համարները իրենց կոտորակներով,
Արագածոտնի մարզի՝ Նոր Երզնկա, Սաղմոսավան, Ուշի գյուղերի:
Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար»,-նշված է հայտարարության մեջ:
դիտվել է 48 անգամ
Լրահոս
Ամենաընթերցվածները
Շուտով
Հոկտեմբերի 21-ին՝ ժամը 13։00-ին, Հայելի ակումբի հյուրն է Լարիսա Ալավերդյանը
Հոկտեմբերի 21-ին՝ ժամը 15։00-ին, Հայելի ակումբի հյուրն է Հովհաննես Շահինյանը
Հոկտեմբերի 21-ին՝ ժամը 14։00-ին, Հայելի ակումբի հյուրն է Արմենակ Դանիելյանը
Հոկտեմբերի 21-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Հոկտեմբերի 21-ին՝ ժամը 11։00-ին, Հայելի ակումբի հյուրն է Նաիրա Գևորգյանը
Հոկտեմբերի 20-ին՝ ժամը 12։00-ին, Հայելի ակումբի հյուրն է քաղաքագետ Երվանդ Բոզոյանը
Հոկտեմբերի 20-ին՝ ժամը 14։00-ին, Հայելի ակումբի հյուրն է արտակարգ և լիազոր դեսպան Ձյունիկ Աղաջանյանը
Հոկտեմբերի 20-ին՝ ժամը 11։00-ին, Հայելի ակումբի հյուրն է Հայաստանի դեմոկրատական կուսակցության նախագահ Արամ Սարգսյանը
Հոկտեմբերի 19-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հոկտեմբերի 19-ին՝ ժամը 14։00-ին, Հայելի ակումբի հյուրն է Գառնիկ Դանիելյանը
Ambion.news – ին ՀՀ հակակոռուպցիոն կոմիտեից հայտնել են, որ կաշառք տալու և ստանալու դեպքերի առթիվ քննվող քրեական վարույթի շրջանակում ձերբակալվել են մի շարք անձինք, այդ թվում՝ Շենգավիթի վարչական շրջանի ղեկավարի աշխատակազմի պաշտոնատար անձ և ղեկավարի օգնականը։ Վերջինիս նկատմամբ որպես խափանման միջոց կիրառվել է կալանքը։
