Այս տարվա օգոստոսին և՛ օդի ջերմաստիճանը, և՛ տեղումների քանակը կլինի կլիմայական նորմայի սահմաններում, ինչը նշանակում է, որ ամսվա ընթաքում հանրապետության տարածքում արտառոց շոգեր կամ արտառոց ցրտեր չեն սպասվում։
Այս մասին ֆեյսբուքի իր էջում հայտնել է ՇՄՆ հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։
«Մեզ սպասվում են մեղմ կլիմայական պայմաններին բնորոշ օգոստոս»,-հայտնել է նա։
ԱՄՆ-ն և Իսրայելը դիտարկում են հակամարտության ամբողջ ընթացքում Իրանի էներգետիկ օբյեկտներին ամենախոշոր ռմբակոծություններից մեկն հասցնելու հնարավորությունը, հայտնում է CBS News-ը։
Հնարավոր հարվածները կարող են հասցվել արդեն այս հանգստյան օրերին։
Հեռուստաալիքի աղբյուրների փոխանցմամբ՝ որպես հնարավոր թիրախներ դիտարկվում են էլեկտրակայաններն ու նավթավերամշակման գործարանները։ Ամերիկյան վարչակազմում քննարկել են գործողությունը մինչև երկուշաբթի օրվա համաշխարհային ֆինանսական շուկաների բացման ավարտի տարբերակը՝ մտավախություն ունենալով, որ հարձակումները կարող են ազդել ԱՄՆ-ի և այլ երկրների տնտեսության վրա, սակայն ավարտի վերջնական ժամկետները որոշված չեն։
Իսրայելը տեղեկացված է եղել հնարավոր գործողությունների մասին և իր քայլերը կոորդինացնում է Վաշինգտոնի հետ, հայտնել են ամերիկյան աղբյուրները։ Այդուհանդերձ, գործողությունը սկսելու վերջնական որոշումն ԱՄՆ նախագահ Դոնալդ Թրամփը դեռևս չի կայացրել։
Ռազմական գործողության ծրագրերը քննարկվել են ուրբաթ օրը Քեմփ Դեվիդում կայացած ԱՄՆ կառավարության նիստի ընթացքում։ Աղբյուրների համաձայն՝ Սպիտակ տան քաղաքական հարցերով պատասխանատու խորհրդականների մի մասը դեմ է արտահայտվել էսկալացիայի նոր ալիքին։
Լրագրողների հետ հանդիպման ժամանակ Թրամփը հայտարարել է Թեհրանի դեմ վճռական գործողությունների պատրաստակամության մասին։
«Մենք նրանց շատ ուժեղ հարված կհասցնենք։ Ինչ-որ պահի նրանք կասեն․ «Մենք պարզապես այլևս չենք կարող սա հանդուրժել»», — այսպես է արտահայտվել ԱՄՆ նախագահը։
Դիվանագիտությանը վերադառնալու հնարավորության մասին հարցին Թրամփը պատասխանել է․ «Կարծում եմ՝ մենք պարզապես ուզում ենք հաղթել»։
Վաշինգտոնի միջնորդությամբ ձեռք բերված հրադադարից հետո ԱՄՆ-ի և Իսրայելի համատեղ գործողությունը կնշանակեր Իսրայելի վերադարձը ակտիվ ռազմական գործողություններին։
CBS News հեռուստաալիքի տվյալներով՝ Իրանը հարվածներ չի հասցրել Իսրայելին հուլիսի սկզբին փոխըմբռնման հուշագրի փլուզումից և ամերիկյան գործողությունների վերսկսումից ի վեր։
Միևնույն ժամանակ, Իսրայելի ներկայացուցիչը CBS News-ին հայտնել է, որ իրենք տեղեկություն չունեն լայնամասշտաբ ռազմական գործողությունները վերսկսելու որոշման մասին և Իրանի դեմ որևէ հարձակման մասնակցելու հարցում տեղեկացված չեն։
Սպիտակ տան մամուլի քարտուղար Քերոլայն Լիվիթը հայտարարել է, որ ԱՄՆ-ն մտադիր է հասնել հաղթանակի և թույլ չի տա Իրանին միջուկային զենք ձեռք բերել Թրամփի նախագահության ընթացքում։
Պենտագոնի ներկայացուցիչ Շոն Փարնելը հրաժարվել է մեկնաբանել հնարավոր թիրախները՝ նախքան նախագահի կողմից վերջնական որոշում կայացնելը, սակայն հայտարարել է, որ ամերիկյան զինված ուժերը պատրաստ են կատարել պետության ղեկավարի ցանկացած հրաման։
Ամերիկացի նախկին ռազմական պաշտոնյաներից մեկի խոսքով՝ էներգետիկ ենթակառուցվածքներին հասցվող հարվածները կարող են նպատակ ունենալ նվազեցնել իրանական զինված ուժերի՝ պետության գործունեությունն ապահովելու կարողությունները։
Ավելի վաղ Թրամփի հետ հանդիպման ժամանակ Իսրայելի վարչապետ Բենիամին Նեթանյահուն ներկայացրել էր հակամարտության զարգացման մի քանի տարբերակ, այդ թվում՝ Իրանի ցամաքային մատակարարման երթուղիների ուղղությամբ հարվածները։ Աղբյուրների փոխանցմամբ՝ Նեթանյահուն բանակցություններ է վարել նաև ԱՄՆ պաշտպանության նախարար Փիթ Հեգսեթի հետ։
Ամերիկացի զինվորականներն արդեն իսկ հարվածներ են հասցրել Իրանում գտնվող երկակի նշանակության օբյեկտներին, այդ թվում՝ կամուրջներին, որոնք օգտագործվում են ինչպես ռազմական, այնպես էլ քաղաքացիական կառույցների կողմից։
Բացի այդ, ուրբաթ օրը Վաշինգտոնում քննարկվել է Թեհրանում էլեկտրամատակարարումն անջատելու հնարավորությունը, սակայն այդ հարցով որոշում դեռ չի կայացվել։
Ավելի վաղ Թրամփն իր Truth Social սոցիալական ցանցում հայտարարել էր, որ ԱՄՆ-ն հարվածներ է հասցնելու իրանական կամուրջներին կամ էլեկտրակայաններին՝ ի պատասխան Հորմուզի նեղուցում նավերի վրա իրականացվող հարձակումների։
ԱՄՆ պետքարտուղար Մարկո Ռուբիոն հայտարարել է, որ առաջիկա շաբաթներին ջանքեր կգործադրվեն՝ պարզելու համար Ուկրաինայի և Ռուսաստանի միջև խաղաղ բանակցությունները վերսկսելու հնարավորությունը։
Ինչպես հայտնում է «Европейская правда»-ն, այս մասին Ռուբիոն հայտարարել է Fox News-ին տված հարցազրույցում։
ԱՄՆ պետքարտուղարի խոսքերով՝ մոտ ապագայում ակնկալվում է դիվանագիտական ջանքերի ակտիվացում՝ ռուս-ուկրաինական պատերազմին վերջ տալու նպատակով։
«Առաջիկա մի քանի շաբաթների ընթացքում դուք ականատես կլինեք որոշակի ջանքերի, որոնք ուղղված կլինեն պարզելու՝ արդյոք մեզ կհաջողվի վերսկսել Ռուսաստանի և Ուկրաինայի միջև բանակցությունները և վերջ դնել այս պատերազմին»,-ասել է Ռուբիոն։
Բանկը ժամկետից շուտ ավարտել է 5մլն ԱՄՆ դոլար ընդհանուր ծավալով դոլարային պարտատոմսերի հերթական տրանշի տեղաբաշխման գործընթացը:
Պարտատոմսերի արժեկտրոնային տարեկան եկամտաբերությունը 5% է, արժեկտրոնների վճարման պարբերականությունը` կիսամյակային, շրջանառության ժամկետը՝ 36 ամիս, իսկ պարտատոմսերի մարման ամսաթիվը՝ 09.07.2029թ.:
Պարտատոմսերը ներկայացվելու են ցուցակման Հայաստանի ֆոնդային բորսայում և գնանշվելու են շուկա ստեղծողի (Marketmaker) կողմից։
Պարտատոմսերի արժեկտրոնային եկամուտների վճարումը և մարումն իրականացվելու է հետևյալ ժամանակացույցով՝
Հիշեցնենք, որ «Ֆիզիկական անձանց բանկային ավանդների հատուցումը երաշխավորելու մասին» ՀՀ օրենքի համաձայն՝ Բանկի կողմից թողարկված անվանական արժեկտրոնային պարտատոմսերով ներգրավված դրամական միջոցները համարվում են երաշխավորված բանկային ավանդ և երաշխավորվում են «Ավանդների հատուցումը երաշխավորող հիմնադրամի» կողմից:
86 86 | aeb.am
Հայէկոնոմբանկը վերահսկվում է ՀՀ Կենտրոնական բանկի կողմից:
Փետրվարի 27-ից հուլիսի 27-ն ընկած ժամանակահատվածում տեղի ունեցած Թեհրանի հետ առճակատման ընթացքում Վաշինգտոնը բախվել է հակաօդային պաշտպանության միջոցների պաշարների զգալի կրճատմանը։ ԱՄՆ-ն ծախսել է ավելի քան 1,5 հազար «Patriot» հրթիռ և «THAAD» (Terminal High Altitude Area Defense) համակարգի շուրջ 200 կալանիչ-հրթիռ։ Հուլիսի 27-ին այս մասին հայտնել է Ռազմավարական և միջազգային հետազոտությունների կենտրոնը (CSIS):
«Ռազմական գործողությունների վերսկսումն ավելի է կրճատել պաշարները, թեև իրանական կողմի հրթիռարձակումներն առայժմ ավելի հազվադեպ են, քան մինչև հրադադարը։ Հակաօդային պաշտպանության քարոզարշավն, ընդհանուր առմամբ, հաջողված էր», — նշված է հրապարակման մեջ։
Վերլուծաբանների հաշվարկներով՝ այդ ժամանակահատվածում ամերիկյան զինուժն օգտագործել է մոտ 1,5–1,57 հազար «Patriot» հրթիռ, իսկ «THAAD» կալանիչների քանակը նվազել է 174–218 միավորով։ Փետրվարի 27-ի դրությամբ ԱՄՆ-ի սպառազինության մեջ կար շուրջ 2,33 հազար «Patriot» հրթիռ և 452 «THAAD» կալանիչ-հրթիռ։ Հուլիսի վերջին պաշարների ծավալը նվազել է՝ հասնելով 759–827 «Patriot» և 234–278 «THAAD» հրթիռի։
CSIS-ում նշել են, որ նման կրճատումը կարող է բարդացնել հնարավոր հրթիռային հարձակումները հետ մղելու հարցում ԱՄՆ-ի և նրա դաշնակիցների հնարավորությունները։ Կազմակերպության գնահատմամբ՝ բալիստիկ սպառնալիքների դեմ պայքարում «Patriot» և «THAAD» համակարգերին լիարժեք փոխարինող չկա, իսկ նավային հակահրթիռային պաշտպանության համակարգերը կարող են բավարար չափով արագացված չլինել՝ հակամարտության գոտուց հեռու գտնվելու պատճառով։
«Ժողովուրդ» օրաթերթը ուսումնասիրել է ԱԺ աշխատակազմի ղեկավարի տեղակալ Էդուարդ Խանզրադյանի վերջին հինգ տարիների հայտարարագրերը՝ հասկանալու համար, թե ինչ գույք, եկամուտներ, դրամական միջոցներ և պարտավորություններ է հայտարարագրել ԱԺ բարձրաստիճան պաշտոնյան։
Կոռուպցիայի կանխարգելման հանձնաժողովի հրապարակած 2025 թվականի հայտարարագրի համաձայն՝ Էդուարդ Խանզրադյանը հաշվետու տարվա ընթացքում ստացել է ընդհանուր 14 մլն 357 հազար 875 դրամ եկամուտ։ Այդ գումարից 12 մլն 136 հազար 258 դրամը կազմել է Ազգային ժողովի աշխատակազմից ստացած աշխատավարձը, իսկ 2 մլն 221 հազար 617 դրամը՝ եկամտային հարկի վերադարձը։
Խանզրադյանը հայտարարագրել է Երևանի Մալաթիա-Սեբաստիա վարչական շրջանում գտնվող համատեղ սեփականությամբ բնակարան, որը ձեռք է բերվել դեռևս 1994 թվականին։ Նա շարունակում է տնօրինել նաև 2003 թվականի արտադրության Mercedes-Benz մակնիշի ավտոմեքենա, որը ստացել է նվիրատվության կարգով 2018 թվականին։
Պաշտոնյայի դրամական միջոցների մասով՝ տարվա վերջի դրությամբ բանկային հաշիվներում առկա է եղել 2 մլն 439 հազար 461 դրամ և 200.87 եվրո, իսկ կանխիկ դրամական միջոցները կազմել են 14 մլն 400 հազար դրամ։ Համեմատության համար՝ տարվա սկզբին նա հայտարարագրել էր 17 մլն դրամ կանխիկ գումար։
Հայտարարագրում ուշագրավ է նաև այն, որ Էդուարդ Խանզրադյանը որպես պարտատեր ներկայացրել է «ՄԼ ՄԱՅՆԻՆԳ» ՍՊԸ-ին տրված 22 մլն 653 հազար 612 դրամ փոխառություն, որը տարվա ընթացքում չի վերադարձվել և նույն չափով պահպանվել է տարվա վերջում։ Միաժամանակ պաշտոնյան ունեցել է նաև 21 մլն 297 հազար 168 դրամի վարկային պարտավորություններ, որոնցից 19 մլն 498 հազար 397 դրամը հիփոթեքային վարկ է։
2024 թվականի հայտարարագրի համաձայն՝ Խանզրադյանի գույքային պատկերը գրեթե փոփոխության չի ենթարկվել։ Նա շարունակել է համատեղ սեփականության իրավունքով տիրապետել Երևանի Մալաթիա-Սեբաստիա վարչական շրջանում գտնվող բնակարանին, որը ձեռք է բերել 1994 թվականին, ինչպես նաև 2003 թվականի արտադրության Mercedes-Benz ավտոմեքենային, որը ստացել է նվիրատվությամբ 2018 թվականին։
Հենց 2024 թվականին է նա «ՄԼ ՄԱՅՆԻՆԳ» ՍՊԸ-ին տրամադրել 22 մլն 653 հազար 612 դրամի փոխառություն, որը նույն չափով պահպանվել է նաև տարվա վերջի դրությամբ։ Դրամական միջոցների մասով բանկային հաշիվներում առկա գումարը տարվա ընթացքում աճել է՝ 3 մլն 796 հազար դրամից հասնելով 4 մլն 89 հազար դրամի, մինչդեռ կանխիկ դրամական միջոցները նվազել են՝ 19 մլն դրամից դառնալով 17 մլն դրամ։
Այսպիսով, 2024 թվականի ավարտին Էդուարդ Խանզրադյանի տնօրինության տակ եղած դրամական միջոցները կազմել են շուրջ 21 մլն 89 հազար դրամ, իսկ «ՄԼ ՄԱՅՆԻՆԳ» ՍՊԸ-ին տրված փոխառության հետ միասին նրա ֆինանսական ակտիվները գերազանցել են 43,7 մլն դրամը։
Եկամուտների մասով պաշտոնյան տարվա ընթացքում ստացել է ընդհանուր 33 մլն 578 հազար 268 դրամ։ Այդ թվում՝ 10 մլն 734 հազար 295 դրամ աշխատավարձ Ազգային ժողովի աշխատակազմից, 19 մլն 821 հազար 902 դրամ վարկ Ինեկոբանկից, 2 մլն 100 հազար դրամ վարկ ՀայԷկոնոմԲանկից, 822 հազար 71 դրամ եկամտային հարկի վերադարձ և 100 հազար դրամ այլ եկամուտ։ Հաշվետու տարվա վերջի դրությամբ նրա վարկային պարտավորությունները կազմել են 22 մլն 96 հազար 285 դրամ։
2023 թվականի տարեկան հայտարարագրի համաձայն՝ Խանզրադյանը նոր անշարժ կամ շարժական գույք չի ձեռք բերել և չի օտարել։ Նրա սեփականության մեջ շարունակել է մնալ Երևանի Մալաթիա-Սեբաստիա վարչական շրջանում գտնվող համատեղ սեփականությամբ բնակարանը, որը ձեռք է բերվել դեռևս 1994 թվականին, ինչպես նաև 2003 թվականի արտադրության Mercedes-Benz ավտոմեքենան, որը ձեռք է բերել 2018 թվականին։
Բանկային հաշիվներում առկա միջոցները տարվա ընթացքում աճել են՝ 516 հազար 498 դրամից հասնելով 3 մլն 796 հազար դրամի։ Միաժամանակ կանխիկ միջոցները նվազել են՝ 20 մլն դրամից դառնալով 19 մլն դրամ։ Եկամուտների բաժնում պաշտոնյան հայտարարագրել է ընդհանուր 12 մլն 184 հազար 824 դրամ եկամուտ, որից 10 մլն 184 հազար 824 դրամը ստացել է որպես աշխատավարձ Ազգային ժողովի աշխատակազմից, իսկ 2 մլն դրամը՝ որպես ստացված վարկ կամ փոխառություն ՀայԷկոնոմԲանկից։
Տարվա վերջի դրությամբ նա ունեցել է 2 մլն 350 հազար դրամ վարկային պարտավորություններ։ Հայտարարագրում բացակայում են բաժնետոմսերը, բիզնեսներում մասնակցությունը, բանկային ավանդները, կրիպտոարժույթները, թանկարժեք գույքն ու այլ ներդրումները։ Չեն արձանագրվել նաև 2 մլն դրամը գերազանցող միանվագ ծախսեր, նվիրատվություններ կամ անշարժ գույքի վերանորոգման զգալի ծախսեր։
2022 թվականի հայտարարագիրը ևս վկայում է համեմատաբար կայուն գույքային պատկերի մասին։ Խանզրադյանը շարունակել է ունենալ Մալաթիա-Սեբաստիա վարչական շրջանում գտնվող համատեղ սեփականությամբ բնակարանը և 2003 թվականի արտադրության Mercedes-Benz ավտոմեքենան։
2022 թվականի սկզբին նրա բանկային հաշվի մնացորդը կազմել է 554 հազար 376 դրամ, իսկ տարեվերջին՝ 516 հազար 498 դրամ։ Միաժամանակ կանխիկ միջոցներն աճել են՝ 19 մլն դրամից հասնելով 20 մլն դրամի։
Եկամուտների բաժնում նշված է, որ նա Ազգային ժողովի աշխատակազմից ստացել է 10 մլն 427 հազար 812 դրամ աշխատավարձ։ Բացի այդ, ստացել է 600 հազար դրամ վարկ, իսկ տարեվերջին նույն չափով պահպանվել է նաև վարկի մայր գումարի մնացորդը։ Հատկանշական է, որ այդ տարվա հայտարարագրում ևս բացակայում են բաժնետոմսերի, ներդրումների, ավանդների և թանկարժեք գույքի վերաբերյալ տվյալները։
2021 թվականի տարեկան հայտարարագրի համաձայն՝ բանկային հաշիվներում նրա միջոցները տարվա ընթացքում նվազել են՝ 1 մլն 580 հազար 726 դրամից հասնելով 554 հազար 376 դրամի։ Փոխարենը աճել են կանխիկ դրամական միջոցները՝ 18 մլն դրամից դառնալով 19 մլն դրամ։
Հայտարարագրի համաձայն՝ 2021 թվականին Խանզրադյանը ստացել է ընդհանուր 7 մլն 566 հազար 813 դրամ եկամուտ։ Այդ գումարից 3 մլն 801 հազար 500 դրամը կազմել է Ազգային ժողովից ստացած աշխատավարձը, 3 մլն 247 հազար 902 դրամը՝ «Վեոն Արմենիա» ՓԲԸ-ից ստացած աշխատավարձը, իսկ 517 հազար 411 դրամը՝ «ՎՏԲ-Հայաստան» բանկից ստացված վարկը։
Տարվա վերջի դրությամբ նա ունեցել է նաև 517 հազար 411 դրամի վարկային պարտավորություն։
Միլիարդատեր Իլոն Մասկը պատրաստվում է հսկայական ֆինանսական միջոցներ ներդնել ԱՄՆ Կոնգրեսի միջանկյալ ընտրություններից առաջ՝ հանրապետականներին աջակցելու համար, հայտնում է «Axios» պորտալը։
Ըստ աղբյուրի տվյալների՝ նա վերսկսում է իր «America PAC» քաղաքական հիմնադրամի գործունեությունը, որը 2024 թվականին ավելի քան 260 միլիոն դոլար էր ծախսել՝ Դոնալդ Թրամփին նախագահի պաշտոնում ընտրվելուն օգնելու համար։
Պորտալը նշում է, որ այս անգամ Մասկի հիմնադրամը կենտրոնանալու է բնակարանային շրջայցերի, թվային առցանց գովազդի և ուղղակի փոստային առաքումների վրա, որոնք նպատակաուղղված են հանրապետական ընտրողներին ներգրավելուն։
Հաղորդվում է, որ հիմնադրամի աշխատանքը ղեկավարելու է Մասկի քաղաքական հարցերով գլխավոր խորհրդական Քրիս Յանգը։
Մասկի ներկայացուցիչները հրաժարվել են հստակեցնել, թե կոնկրետ որքան գումար է նա պատրաստ ծախսել նախընտրական քարոզարշավի վրա։ Այնուամենայնիվ, պորտալը ենթադրում է, որ խոսքը բավականին խոշոր գումարի մասին է։
Նոր հարցումները վկայում են նախագահի պաշտոնում Թրամփի գործունեության ցածր վարկանիշի մասին, սակայն դա կարող է վտանգի տակ դնել Հանրապետական կուսակցության դիրքերը 2026 թվականի նոյեմբերի 3-ին կայանալիք ԱՄՆ Կոնգրեսի միջանկյալ ընտրություններում:
Քվինիփեքի համալսարանի անցկացրած հարցման համաձայն՝ հարցվածների ընդամենը 32%-ն է աջակցում, թե ինչպես է Թրամփն անցկացնում իր նախագահության երկրորդ ժամկետը։ Ընդ որում, հարցվածների 58%-ը բացասական է արտահայտվել, իսկ 10%-ը զերծ է մնացել նրա աշխատանքը գնահատելուց։
Ըստ հարցման տվյալների՝ Թրամփի նախագահության աջակցության վարկանիշը հասել է նոր հակառեկորդային նվազագույնի։
Համալսարանի հարցմանը մասնակցած շատ քաղաքացիներ դժգոհություն են հայտնել ԱՄՆ-ի և Իրանի միջև շարունակվող հակամարտությունից, որը հանգեցրել է էներգակիրների գների աճին, ամբողջ աշխարհում քաղաքական լարվածության ավելացմանն ու 18 ամերիկացի զինծառայողի մահվան։
Հարցումն անցկացվել է հուլիսի 23-ից 27-ը, որին մասնակցել է 963 գրանցված ընտրող: Վիճակագրական սխալի մարժան կազմում է 4,1 տոկոսային կետ:
Վերջին երեք շաբաթվա ընթացքում առաջին անգամ Կատարից հեղուկացված բնական գազ տեղափոխող նավը է հատել Հորմուզի նեղուցը։ Նավը շարժվել է Իրանի հետ համաձայնեցված երթուղով։ Այս մասին հայտնել է «Fars» գործակալությունը։
Ըստ աղբյուրի տվյալների՝ կատարական նավն անցել է առանց որևէ խոչընդոտի՝ միացված պահելով տվյալների փոխանցման (AIS) համակարգը և հետևել է Իրանի սահմանած երթուղուն։ Այս ամենից հետո նավն ուղևորվել է դեպի բաց ծով։
Խոյ- Մասնագիտական ոլորտում որեւէ քայլեր չձեռնարկեք: Հատկապես հրաժարվեք նոր, նույնիսկ առաջին հայացքից հեռանկարային գործնական առաջարկներից: Ձեզ ամբողջ օրվա ընթացքում կտանջեն կասկածները եւ անվստահությունը, որով պայմանավորված կաճի ներքին լարվածությունն ու նյարդային կլինեք:
Ցուլ.- Այս շրջանում դուք կբախվեք հիմնականում հաճելի հարցերի: Նոր ու հետաքրքիր առաջարկություններ կանեն ձեզ: Զբաղվեք այն ամենով, ինչը կամրապնդի ձեր դիրքերը, սակայն ժամանակ հատկացրեք նաեւ հանդիպումների եւ ընկերներին տված խոստումները կատարելու համար:
Երկվորյակ- Հարազատների հետ կոնֆլիկտները կարող ենք մթագնել ձեր օրը եւ փչացնել տրամադրությունը: Շատ հարցերում սակայն դուք կկարողանաք հստակություն մտցնել: Հիշեք, որ այնուհանդերձ խորհուրդ չի տրվում հասնել մինչեւ կոպտություն եւ գոռգոռոցի: Ֆինանսական հարցերում զգոն եղեք եւ մի շտապեք որոշումներ կայացնել:
Խեցգետին.- Կարեւոր գործերն ավելի լավ է հետաձգել: Այժմ դուք կարող եք շատ գործնական եւ կարեւոր հարցերում որպես ոչ-կոմպետենտ երեւալ: Կարեւոր է, որ ժամանակ չվատնեք բացասական էմոցիաների վրա: Ընկերների եւ բարեկամների աջակցությունն ու ողջամիտ խորհուրդները ձեզ կօգնեն, որպեսզի ավելի ինքնավստահ զգաք ձեզ:
Առյուծ.- Օրը հարմար է ցանկացած նոր նախաձեռնության համար: Վիճելի հարցերը փորձեք լուծել առանց կոնֆլիկտների եւ սուր վիճաբանությունների: Մի զրկեք ձեզ շփումից եւ հանդիպումներից: Ձեր համար թանկ մարդկանց հետ հարաբերություններում կթագավորի փոխադարձ հասկացողությունն ու ներդաշնակությունը: Այժմ նոր ծանոթությունների համար լավ ժամանակահատված է:
Կույս.- Այսօր էմոցիոնալ առումով կարող է թեժ լինել ձեր համար: Եթե չեք ցանկանում հարթել ձեր մտերիմների ու շրջապատի մարդկանց հետ ունեցած հակասությունները, ապա գոնե փորձեք զուսպ լինել էմոցիաների եւ խոսքերի առումով: Ինքնավերահսկողություն սահմանեք ինքերդ ձեր համար: Այդպես դուք կկարողանաք խուսափել մեծ բախումներից եւ նաեւ ձեր հեղինակությունը չի տուժի:
Կշեռք .- Եթե նոր գործեր ունեք սկսելու, ապա սկսեք անվարան: Հարմար օր է նաեւ կարեւոր գործերով զբաղվելու համար: Պլաններ կազմեք համարձակ կերպով նաեւ ապագայի վերաբերյալ: Սակայն ձեր խաղի կանոնները մի թելադրեք ընտանիքի անդամներին, հարազատներին եւ ընկերներին: Հավատացեք, դա նրանց ամենեւին դուր չի գա: Ավելի լավ է զիջեք, եթե նման բան պահանջվի ձեզանից:
Կարիճ. – Խոճընդոտների մի ամբողջ շարք կարող է ծառանալ ձեր դիմաց, որն հաղթահարելը կլինի շատ բարդ եւ դժվար: Չարության եւ ագրեսիայի որեւէ դրսեւորումից զերծ մնացեք: Այլապես ձեր շորջը այսօր կտիրի միայն լարվածություն, հակակրանք եւ անհասկացողություն ձեր անձի հանդեպ:
Աղեղնավոր .- Մի տրվեք գայթակղիչ գործանական առաջարկություններին, եթե նրանք կլինեն չափազանց եկամտաբեր եւ հեռանկարային: Եթե ամեն դեպքում կունենաք կասկածներ, ապա խորհրդակցեք մասնագետների հետ: Օրը հարմար է ամեն տեսակ անձնական, սիրային եւ նոր ծանոթություններին առնչվող գործերի համար:
Այծեղջյուր .- Հնարավոր են ոչ մեծ վիճաբանություններ սիրելի մարդու կամ ընտանիքի տարեց անդամների հետ: Հակասությունները սակայն ոչ թե սկզբունքային հարցերի շուրջ են, այլ պարզ մի բանի. պարզապես դուք չեք կարողանում կամ չեք ուզում իրար լսել: Ջերմ խոսքերի հարցում ժլատություն մի արեք: Առատաձեռն եղեք նաեւ ուշադրության այլ նշանների եւ նվերների հարցում։
Ջրհոս.- Շրջանը, որն ապրում եք հիմա, նման է քննությունների եւ կախված այն հանգամանքից, թե դուք ինչպես կհանձնեք այդ քննությունները, հետագա իրադարձությունները կզարգանան ըստ այդմ: Միայնակ Ջրհոսները կկարողանան հանդիպել հետաքրքիր մարդու: Պարտք մի տվեք եւ պարտք մի վերցրեք, այլապես կունենաք ֆինանսական լուրջ բարդություններ:
Ձուկ.- Օրը բարենպաստ է զվարճալի միջոցառումներ կազմակերպելու կամ դրանց այցելելու համար: Հաջող կանցնեն նաեւ գործնական հանդիպումներն ու բանակցությունները: Եթե որոշել եք այս օրը նվիրել հյուր գնալուն, ապա, դա արեք ձեր երկրորդ կեսի հետ, սակայն այնպես, որ նա անտեսված չմնա հյուր գնալու թոհուբոհի մեջ: Այլապես նա կվիրավորվի ձեզանից: