ՀՀ էկոնոմիկայի նախարարի տեղակալ Էդգար Զաքարյանն այսօր այցելել է Արարատի ցեմենտի գործարան և տեղում ծանոթացել արտադրական գործընթացի կազմակերպմանը. հայտնում են նախարարությունից։ Շրջայցի ընթացքում նրան ուղեկցել է գործարանի գլխավոր տնօրենը։
Էդգար Զաքարյանը հայտնել է նախարարության պատրաստակամությունը աջակցելու գործարանի արտադրական գործունեության ընթացքում առաջացող հնարավոր խոչընդոտների լուծմանը։
Անդրադառնալով գործարանի աշխատանքի վերականգնման ընթացքին՝ նախարարի տեղակալը նշել է, որ արտադրական գործընթացի անխափան և անընդհատ պրոցեսը կարևոր է ինչպես արդյունաբերական ներուժի պահպանման, այնպես էլ տնտեսական ակտիվության խթանման տեսանկյունից:
Ռուսաստանը կապի մեջ է Թուրքիայի հետ՝ այդ երկրին նախկինում մատակարարված S-400 հակաօդային պաշտպանության հրթիռային համակարգերի վերաբերյալ։ Սա չափազանց զգայուն թեմա է՝ հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Մենք այս հարցի շուրջ կապ ենք հաստատել թուրքական կողմի հետ, և կշարունակենք դա անել»,- լրագրողներին ասել է նա՝ մեկնաբանելով թուրքական լրատվամիջոցների այն տեղեկությունները, որ Անկարան վերավաճառել է ռուսական S-400-ներ՝ ԱՄՆ պատժամիջոցներից խուսափելու համար։
Կրեմլի խոսնակին հարցրել են, թե արդյոք Անկարան խնդրել է Մոսկվայի թույլտվությունը նման վաճառքի համար, և եթե այո, ապա ինչպե՞ս է արձագանքել Ռուսաստանը։
Ռոբերտ Քոչարյանը դատարանում հայտարարեց, որ չի հասկանում, թե ինչ գործողությամբ է գերազանցել իր լիազորությունները, և պնդեց, որ իրեն մեղադրում են նախագահի պարտականությունները կատարելու համար։ Նա նաև զուգահեռ անցկացրեց 2021 թվականի ընտրությունների հետ՝ նշելով, որ եթե այն ժամանակ իրենք հայտարարեին հաղթանակի մասին և շարժվեին դեպի կառավարության շենք, իր հետ «ճիշտ նույնը» կկատարվեր։
Հոգատարության տնտեսություն. ինչպե՞ս է «ՍուպերՆանի»-ն կառուցում Հայաստանի սոցիալական նոր ենթակառուցվածքը:
Աշխարհում սրընթաց կերպով ձևավորվում է մի նոր տնտեսական ուղղություն, որը փորձագետներն անվանում են «Care Economy» կամ հոգատարության տնտեսություն։ Այն ներառում է այն ամենը, ինչը վերաբերում է մարդու խնամքին՝ երեխաներից մինչև տարեցներ։ Հայաստանում այս հսկայական շուկան տասնամյակներ շարունակ գոյություն է ունեցել ստվերում՝ հիմնված ֆեյսբուքյան պատահական հայտարարությունների և չստուգված վստահության վրա։ Սակայն «ՍուպերՆանի» (SuperNanny) նախաձեռնության հայտնվելը խոստանում է այս քաոսը վերածել քաղաքակիրթ և թվային ենթակառուցվածքի։
Ստվերից դեպի տեսանելիություն. ոլորտի պրոֆեսիոնալացումը
Հայաստանում ընտանիքների մեծ մասը դայակ կամ հիվանդապահ փնտրելիս հայտնվում է նույն «թակարդում». տասնյակ ֆեյսբուքյան խմբեր, անհասկանալի փորձով անծանոթներ և ամենակարևորը՝ անվտանգության երաշխիքների բացարձակ բացակայություն։ Մյուս կողմից՝ հազարավոր պրոֆեսիոնալ մասնագետներ մնում են «անտեսանելի»՝ զրկված լինելով մասնագիտական գնահատականից կամ զարգացման հնարավորությունից։
«ՍուպերՆանի»-ն այս խնդրին մոտենում է ոչ թե որպես սովորական միջնորդ, այլ որպես սոցիալական էկոհամակարգ։ Նախաձեռնության հիմքում դրված է այն գաղափարը, որ խնամքը ոչ թե պարզապես «օգնություն» է, այլ բարձր պատասխանատվություն պահանջող մասնագիտություն։
Րոպեների ճշգրտություն. ինչպե՞ս է տեխնոլոգիան հաղթում բյուրոկրատիային
Ավանդական տարբերակները՝ լինեն դրանք ֆիզիկական գրասենյակներ (գործակալություններ), սոցիալական ցանցերի հայտարարություններ, թե սովորական թվային այլ գործիքներ, ծնողից խլում են թանկարժեք ժամեր, երբեմն նույնիսկ օրեր։ Թեկնածուների հետ զանգեր կատարելը, նրանց ստուգելն ու հանդիպումներ նշանակելը սովորաբար վերածվում է երկար ու հոգնեցուցիչ գործընթացի։ «ՍուպերՆանի» բջջային հավելվածը հեղափոխում է որոնման հենց այս հատվածը։
ՍուպերՆանի Ակադեմիա. Կրթությունը որպես փոփոխության շարժիչ Ոլորտը ստվերից դուրս բերելու համար անհրաժեշտ է կրթված աշխատուժ։ «ՍուպերՆանի Ակադեմիան» իր 216-ժամյա ակադեմիական ծրագրով դարձել է այն դարբնոցը, որտեղ ձևավորվում է խնամքի մասնագետների նոր սերունդը։ Առաջին բուժօգնություն, էթիկա, հոգեբանություն և հաղորդակցություն. սրանք այն հմտություններն են, որոնք դայակին դարձնում են որակավորված մասնագետ։ Մեր ակադեմիայի պրոֆեսիոնալ մասնագետները և վավերացված դայակներն անմիջապես տեսանելի են դառնում բջջային հավելվածում։ Ներդրված խելացի ֆիլտրացիայի համակարգի շնորհիվ ընտանիքները կարող են ըստ իրենց հարմար չափանիշների՝ գտնվելու վայր, աշխատանքային փորձ, հատուկ հմտություններ, հաշված րոպեների ընթացքում տեսնել, ընտրել և կապ հաստատել իրենց համապատասխանող մասնագետի հետ։
Այն, ինչ նախկինում պահանջում էր օրերի սթրեսային սպասում, այժմ իրականացվում է ընդամենը մի քանի հպումով։
Հոգատարության տնտեսության առաջին թվային ենթակառուցվածքը
«ՍուպերՆանի»-ն Հայաստանում առաջին հարթակն է, որը հոգատարության տնտեսությունը (Care Economy) վերածում է թվային ենթակառուցվածքի։ Այն միավորում է տարբեր ուղղություններ, որոնք նախկինում մասնատված էին, ինչպես նաև մասնագետներին որպես Անհատ Ձեռնարկատերեր դարձնում է մեր տնտեսության մեջ գործող անձինք:
Հուլիսի 9-ին` տեղական ժամանակով ժամը 11:42-ին (Գրինվիչի ժամանակով` ժամը 07։42-ին), ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40․46⁰ և արևելյան երկայնության 44․24⁰ աշխարհագրական կոորդինատներով Հայաստան՝ Ապարան քաղաքից 18 կմ հարավ
Վարչապետ Նիկոլ Փաշինյանն անդրադարձել է «Արարատցեմենտի» հետագա գործունեությանը՝ ընդգծելով, որ այն շատ շուտով լինելու է պետական, և նույն ընթացակարգով նշանակվելու է կառավարիչ.
«Օրինականությունը պետք է տեղի ունենա և պետք է լինի տրամաբանության սահմաններում։ Ապօրինի գույքի բռնագանձման վճիռները հերթով մտնում են օրինական ուժի մեջ»,- ասել է վարչապետը։
«Եկեք՝ այսօր բաներ չանենք․ Զանգեզուրի պղնձամոլիբդենային կոմբինատի դեպքն եմ ուզում հիշեցնել։ Ես Կապանում զգուշացրել էի՝ այն մարդիկ, որոնք պատվերով գործեր են անում, ազատվելու են աշխատանքից։ Հունիսին ասացի, օգոստոսին ազատված էին, մի մասն էլ դատվել է»,- հիշեցրել է վարչապետը։
Նա «Արարատցեմենտի» աշխատակիցներին հորդորում է չմտնել նման «դաշտեր», որ հետո տարիներով այս նույն ցիկլի մեջ չմնանք․ «Նրանք, ովքեր կանեն այդ կարգի գործողություններ կամ մարդկանց վրա ճնշում կգործադրեն, կհեռացվեն գործից։ Այո՛, սպառնում եմ, ըստ էության»,- նշել է վարչապետը։
«Սահմանադրության փոփոխության օրակարգը ներառված է ՀՀ-ի կառավարող մեծամասնության նախընտրական ծրագրում»,- այս մասին ճեպազրույցի ժամանակ ասել է վարչապետ Նիկոլ Փաշինյանը։
Պատասխանելով հարցին, թե երբ է հրապարակվելու նոր Սահմանադրության տեքստը, Փաշինյանը նշեց, «Կոնկրետ ժամկետներ չեմ ասի, բայց մինչև տարվա վերջ կհրապարակենք տեքստը»:
«Մենք պետք է բոլոր կիսատ մնացած հարցերը լուծենք», ճեպարույցի ժամանակ ասել է վարչապետ Նիկոլ Փաշինյանը՝ անդրադառնալով անկլավների և էքսկլավների թեմային:
Նա նշել է, որ այդ թեմայով շահագրգռություն կա. «Մենք նույնպես ունենք այդ թեմայով շահագրգռվածություն, որովհետև Արծվաշեն գյուղը էքկլավային կարգավիճակով գտնվում է Ադրբեջանի վերահսկողության ներքո և ՀՀ-ի ինքնիշխան տարածք է՝ համաձայն 1991 թվականի Ալմա-Աթայի հռչակագրով արձանագրված սկզբունքների»-ընդգծել է Փաշինյանը և ասել, որ անկլավների ու էքսկլավների հարցին պետք է լուծումներ տան:
«Որևէ անկլավի կամ էքսկլավի տարածքը անկլավային կամ էքսկլավային կարգավիճակով մնում է այն երկրի տարածքում, որին դե յուրե պատկանում է, կամ մենք պայմանավորվում ենք և, օրինակ, համարժեք տարածքները սահմանի երկայնքով համարժեք տարածությամբ, այսպես ասած, փռում ենք, կամ կոնկրետ տեղանքներով իրականացնում ենք փոփոխություններ»,- ընդգծել է նա:
«Իրանի, ՌԴ-ի, Վրաստանի, Ադրբեջանի, Թուրքիայի, ԵՄ-ի, Կենտրոնական Ասիայի երկրների, Չինաստանի, բոլորի հետ աշխատելու ենք, որովհետև TRIPP-ը գլոբալ նախագիծ է, և գնալով այդ նախագծի արժեքն ու նշանակությունը մեծանալու են»:
Այս մասին Կառավարության ճեպազրույցի ժամանակ ասել է վարչապետ Նիկոլ Փաշինյանը:
«Մենք ուզում ենք րոպե առաջ սկսել TRIPP-ի իրականացումը, ինչքան հասկանում եմ, ամերիկյան կողմն էլ է դա ուզում: Հիմա պետք է ընթացակարգերը նորմալ ապահովենք, որպեսզի, հույս ունեմ, այս տարվա մեջ աշնանը գետնի վրա առաջին աշխատանքներն իրականացվեն:
TRIPP նախագծի գործընթացն իրականացնելու արդյունքում մենք Պարսից ծոցից Սև ծով երկաթուղին ենք բացելու, և Հայաստանի ու Իրանի միջև առևտրատնտեսական հարաբերությունների հնարավորություններն էականորեն ընդլայնվելու են, ԻԻՀ-ի առևտրատնտեսական հնարավորություններն էականորեն ընդլայնվելու են, այսինքն՝ այս դետալները հաշվի առնելով՝ TRIPP նախագծի իրականացումն անկեղծորեն և ուղղակիորեն բխում է նաև ԻԻՀ-ի շահերից»,- ասել է նա:
Իրանի զինված ուժերը տեղեկացրել են, որ մեծ թվով տարբեր տեսակի անօդաչու թռչող սարքերի կիրառմամբ հարձակումներ են իրականացրել Պարսից ծոցի երկրներում գտնվող ամերիկյան ռազմական օբյեկտների վրա։
Հարվածների թիրախ են դարձել Քուվեյթում գտնվող «Patriot» հրթիռային համակարգը, Քաթարում՝ վաղ նախազգուշացման արբանյակային ալեհավաքների կայանը, իսկ Բահրեյնում՝ ամերիկյան զինվորականներին պատկանող վառելիքի պահեստները։
Իրանական կողմը հայտարարել է, որ այս քայլով վճռական է թույլ չտալ ԱՄՆ-ի նախագահի «անխոհեմ» նպատակների իրականացումը և պաշտպանել Իսլամական հեղափոխության գաղափարները մինչև վերջնական հաղթանակ։
