Category: TIV 1

ԱՄՆ նախագահ Դոնալդ Թրամփը նշել է, որ Իրանում նոր ռազմական գործողություն սկսելու փոխարեն պատրաստ է մեծացնել Թեհրանի վրա տնտեսական ճնշումը։ Այս մասին հայտնել է Axios-ը՝ Թրամփի հետ կարճատև հեռախոսազրույցից հետո։

Օգոստոսի 8-ին Իսլամական Հանրապետությունը հրապարակել է Հորմուզի նեղուցով նավագնացության վերսկսման պահանջների ցանկը։ «Մենք դրա վրա չենք կենտրոնանում, միայն կես բանակցություններ ենք վարում նրանց հետ։ Մենք պարզապես հետևում ենք Իրանին, նրանց հսկայական գնաճին և այն փաստին, որ նրանք գումար չունեն»,- ասել է Սպիտակ տան ղեկավարը։

Ըստ Թրամփի՝ ԱՄՆ ռազմածովային շրջափակումը վատթարացրել է Իրանի տնտեսական ճգնաժամը, և այն չունի իր զինծառայողներին վճարելու համար միջոցներ։

Օգոստոսի 8-ին Թեհրանը պահանջել է, որ Վաշինգտոնը վերացնի պատժամիջոցները և փոխհատուցում վճարի ԱՄՆ զինվորականների կողմից հունիսին ստորագրված փոխըմբռնման հուշագիրը խախտելու համար։

Tasnim գործակալության տվյալներով՝ ազգային անվտանգության բարձրագույնխորհրդի ղեկավար Մոհամմադ ԲաղերԶոլգադրը Սպիտակ տնից երաշխիքներ է պահանջել, որ Իրանն այլևս երբեք չի ենթարկվի ԱՄՆ-ի սպառնալիքներին: Մյուս պայմանների թվում են ԱՄՆ զորքերի դուրսբերումը տարածաշրջանից, իրանականնավահանգիստների ծովային շրջափակմանվերացումը, պատժամիջոցներից հրաժարվելը, ակտիվների ապասառեցումը և Իրանին հասցված հարվածների դիմաց փոխհատուցումը:

Բացի այդ, Իրանի ազգային անվտանգության գերագույն խորհուրդը պահանջել է դադարեցնել «Իրանի դաշնակիցների դեմ ագրեսիան Լիբանանում, Պաղեստինում, Եմենում և Իրաքում»։

ԻՀՊԿ-ն հաստատել է, որ նեղուցը փակ է՝ «մինչև թշնամին չկատարի մեր բոլոր պայմանները»։

ԱԺ «Ուժեղ Հայաստան» խմբակցության պատգամավոր Արամ Վարդևանյանն ընտրվեց Ազգային ժողովի փոխնախագահ:

Քվեարկության արդյունքներն Ազգային ժողովի՝ օգոստոսի 10-ի նիստին ներկայացրեց Հաշվիչ հանձնախմբի նախագահ Լիլիթ Մինասյանը:

Փակ քվեարկության համաձայն՝ Արամ Վարդևանյանն ստացավ 53 կողմ, 0 դեմ, 0 ձեռնպահ ձայն:

Ավելի վաղ «Քաղաքացիական պայմանագիր» խմբակցության ղեկավար Արուսյակ Մանավազյանը հայտարարել էր, որ խմբակցությունն ունի որոշում՝ բավարար ձայնով կողմ քվեարկելու Արամ Վարդևանյանի թեկնածությանն ԱԺ նախագահի տեղակալի պաշտոնում:

ԱԺ «Հայաստան» խմբակցությունը ևս հայտարարել էր, որ կողմ է քվեարկելու Արամ Վարդևանյանի թեկնածությանը:

Հիշեցնենք, որ 9-րդ գումարման Ազգային ժողովի՝ «Քաղաքացիական պայմանագիր» խմբակցության առաջադրած և ընտրված երկու ԱԺ փոխնախագահներն են Հայկ Կոնջորյանը և Վահագն Ալեքսանյանը:

ՊԵԿ հետաքննության և օպերատիվ հետախուզության վարչությունը տնտեսական հանցագործությունների դեմ պայքարի շրջանակներում բացահայտել է շուրջ 1,3 մլրդ դրամի թաքցված հարկման օբյեկտ։

Այսպես, վարչության 12-րդ բաժին օպերատիվ տվյալներ էին ստացվել, որ Կոտայքի մարզում առևտրի կենտրոնի գործունեությամբ զբաղվող ընկերությունն առևտրի իրականացման վայրում գտնվող պահեստային տարածքները տրամադրում է վարձակալության, որոնցից գոյացած հասույթները չի արտացոլում հարկային մարմին ներկայացվող հարկային հաշվարկներում։ Նույն տվյալների համաձայն առևտրի իրականացման վայրի կազմակերպիչը վաճառատեղերի վարձավճարներից բացի յուրաքանչյուր ամիս կանխիկ եղանակով գանձում է նաև հավելյալ գումարներ, որոնք չեն փաստաթղթավորվում օրենսդրությամբ սահմանված կարգով և չեն ներառվում հարկային մարմին ներկայացվող հարկային հաշվարկներում։

Վարչության աշխատակիցները ձեռնարկել են համակողմանի և  մեծածավալ օպերատիվ-հետախուզական միջոցառումներ, արդյունքում ստացված օպերատիվ տվյալները հաստատվել են:Հետազոտվել են առևտրի կենտրոնի ներքին հաշվապահական հաշվառման փաստաթղթերը և աշխատանքային համակարգիչներում առկա տեղեկատվությունը, միաժամանակ օպերատիվ հարցման են ենթարկվել առևտրի կենտրոնում գործունեություն իրականացնող մի շարք հարկ վճարողներ, որոնք հայտնել են արժեքավոր տեղեկություններ։ Ձեռք բերված ամբողջ տեղեկությունները մանրամասն վերլուծվել և ուսումնասիրվել են, այնուհետև տվյալները համադրվել են առևտրի կենտրոնի կողմից հարկային մարմին ներկայացրած համապատասխան հարկային հաշվարկներում ներառված տվյալների հետ: Պարզվել է, որ ընկերության կողմից թաքցվել է շուրջ 1,3 մլրդ  դրամի հարկման օբյեկտ։ Արդյունքում չի հաշվարկվել և չի վճարվել շուրջ 492 միլիոն ՀՀ դրամի հարկեր՝ պետությանը պատճառելով առանձնապես խոշոր չափերի վնաս։

Օպերատիվ-հետախուզական միջոցառումների արդյունքում ՀՀ քրեական օրենսգրքի համապատասխան հոդվածով նախատեսված առերևույթ հանցանքի վերաբերյալ հաղորդում է ներկայացվել ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչություն, որտեղ նախաձեռնվել է քրեական վարույթ։

Ընկերությունում իրականացվող միջոցառումների ընթացքում հետաքննության և օպերատիվ հետախուզության վարչության և հարկ վճարողների ընթացիկ հսկողության հարկային տեսչություն-վարչության աշխատակիցները օպերատիվ հսկողության տակ են պահել նաև առևտրի կենտրոնում գործող խանութների ընթացիկ գործունեությունը և ուշագրավ է այն հանգամանքը, որ այդ օրերին խանութների ընդհանուր ֆիսկալ շրջանառությունը նախորդ ժամանակահատվածի համադրելի օրերի համեմատ կտրուկ ավելացել է շուրջ 110 տոկոսով։  

Պետական եկամուտների կոմիտեն առևտրի կենտրոններին և դրանցում գործող հարկ վճարողներին հորդորում է զերծ մնալ հարկային մարմին ներկայացված հաշվարկ-հաշվետվություններում ակնհայտ կեղծ տվյալներ ներառելու և հարկվող օբյեկտները թերհայտարարագրելու արատավոր վարքագծից։ Հետաքննության և օպերատիվ հետախուզության վարչությունը հետևողական է լինելու նման արատավոր երևույթները կանխելու և դրանց կազմակերպիչներին բացահայտելու հարցում։

Ծանուցում. ենթադրյալ հանցանքի համար կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։

«Հայաստան» դաշինքը կողմ է քվեարկելու ԱԺ փոխնախագահի պաշտոնում Արամ Վարդևանյանի թեկնածությանը»,- ասել է «Հայաստան» դաշինքի պատգամավոր Իշխան Սաղաթելյանը։

«Երկու օր սենց կարմիր գծով անցկացնում եք, որ Արամ Վարդևանյանը եղել է «Հայաստան» դաշինքի անդամ՝ փորձելով հասկացնել, թե ճամբարափոխություն է տեղի ունեցել։ Տեսեք, Արամ Վարդևանյանը նախ «Հայաստան» դաշինքին մաս կազմող կուսակցություններից որևէ մեկի անդամ չի եղել, կուսակցություն չի լքել։ Մանդատը վայր է դրել, զբաղվել է փաստաբանական գործունեությամբ»,- ասել է Սաղաթելյանը:

Վարչապետ Նիկոլ Փաշինյանը ելույթ է ունեցել Ղրղզստանում Եվրասիական միջկառավարական խորհրդի նիստին։

«Հայաստանը հավատարիմ է ԵԱՏՄ սկզբունքներին։ Հիմնական սկզբունքներից մեկը ապրանքների, ծառայությունների ազատ տեղաշարժի ապահովումն է։  Ցավոք, գործնականում այդ սկզբունքները կատարվում են ոչ ամբողջական ծավալով՝ խանգարելով բիզնեսի զարգացմանը»,-ասել է վարչապետը և հավելել, որ ՀՀ-ն ի գիտություն է ընդունել ԵԱՏՄ 4 երկրների հայտարարությունը՝ ԵՄ մտնելու հարցով հանրաքվե անցկացնելու վերաբերյալ։

«Չենք կարող հանրաքվե անել հարցի շուրջ, որն այս պահին գոյություն չունի»,-շեշտել է Նիկոլ Փաշինյանը։ Վարչապետի խոսքով՝ ՀՀ-ի և ԵՄ-ի ընթացիկ հարաբերություններում չկան իրավական, տնտեսական կամ քաղաքական պարտավորություններ, որոնք կհակասեն ԵԱՏՄ-ում մեր պարտավորվածություններին։

ԵԱՏՄ միջկառավարական խորհրդի նիստում ՀՀ վարչապետ Նիկոլ Փաշինյանը ԵԱՏՄ գործընկերներին բացատրել է, թե ինչու է անհնար ԵԱՏՄ-ի և ԵՄ-ի միջև ընտրության վերաբերյալ հանրաքվե անցկացնելը։

«Մենք հասկանում ենք, որ ԵԱՏՄ-ին և ԵՄ-ին միաժամանակ անդամակցելը անհնար է, բայց այս օրենքի ընդունման փաստը (ԵՄ ձգտումների վերաբերյալ) նշանակում է, որ Հայաստանն ունի հնարավորություն դառնալու Եվրամիության անդամ։ Երևանի պատրաստակամությունը ապագայում ԵՄ-ին անդամակցելու համար ավտոմատ կերպով չի նշանակում, որ մեր երկիրը կդառնա ԵՄ անդամ։ Դրա համար դեռևս անհրաժեշտ է ԵՄ անդամների և ՀՀ քաղաքացիների համաձայնությունը։ Մյուս կողմից, անհնար է այս հարցը բարձրացնել ՀՀ քաղաքացիների ուշադրությանը առանց նախնական ինստիտուցիոնալ աշխատանքի, և նույնիսկ այդ դեպքում ԵՄ-ին անհրաժեշտ կլինի ներկայացնել ԵՄ անդամակցության պաշտոնական դիմում։ Այնուհետև անհրաժեշտ կլինի ստանալ ԵՄ անդամակցության թեկնածուի կարգավիճակ»,- ասել է վարչապետը։ 

Ըստ վարչապետի՝ քայլերի առնվազն մեծ մասը չկատարելու դեպքում այս հարցի վերաբերյալ հանրաքվեի անցկացումը կլինի անիմաստ և կնշանակի, որ քաղաքացիները կպատասխանեն մի հարցի, որն այժմ գոյություն չունի։

«Սա կնշանակեր, որ մենք ստիպում ենք Հայաստանի քաղաքացիներին ընտրություն կատարել այլընտրանքների միջև, որոնցից մեկը գոյություն չունի։ Սա անհարգալից կլինի ժողովրդի նկատմամբ և անօրինական։ Եվրոպական Միության հետ Հայաստանի հարաբերությունները չեն պարունակում որևէ պարտավորություն, որը հակասի ԵԱՏՄ-ում նրա կարգավիճակին։ Հայաստանը կարծում է, որ Եվրասիական տնտեսական միությունը չպետք է դիտարկվի որպես սահմանափակումների տարածք։ ԵԱՏՄ անդամ պետությունների և երրորդ երկրների միջև հարաբերությունները չպետք է ընկալվեն որպես զրոյական գումարով խաղ»,- ընդգծել է վարչապետը։ 

«Այո, հակամարտությունն ու դրանից բխող Արցախի ժողովրդի վերադարձի, գերիների տունդարձի, օկուպացված տարածքների ազատագրման և մյուս հարցերը պետք է լուծվեն, բայց դա անհնար է առանց այդ հարցերի հիմնարար կարգավորման և այդ հարցերը ծնող պատճառների վերացման։

Իրական խաղաղության հաստատման գործընթացում արցախահայության հարցի լուծումը ենթադրում է նրանց՝ սեփական հայրենիքում արժանապատիվ, անվտանգ և միջազգայնորեն երաշխավորված ապրելու իրավունքի իրացում։

Հումանիտար հարցերի վերջնական կարգավորումն անհնար է առանց Բաքվում պահվող մեր բոլոր հայրենակիցների անհապաղ վերադարձի։ Առանց հումանիտար նման հարցերի լուծման անհնար է պատկերացնել իրական խաղաղություն։

Խաղաղությունն անհնար է առանց Հայաստանի Հանրապետության ինքնիշխան տարածքից ադրբեջանական զինված ուժերի դուրսբերման։

Ad by NATIVE NETWORK

Ինչ վերաբերում է արցախահայերի հավաքական վերադարձի իրավունքի և Հայաստանում ադրբեջանցիների բնակեցման օրակարգերի նույնացմանն ու համահավասարեցմանը․ քաղաքական և իրավական տեսանկյունից անընդունելի է Արցախի հայերի վերադարձի իրավունքի նույնացումը Ադրբեջանի կողմից շրջանառվող «Արևմտյան Ադրբեջան» թեզի հետ։

Արցախահայերի վերադարձը սեփական բնօրրանում էթնիկ զտման ենթարկված բնիկ ժողովրդի հիմնարար, միջազգայնորեն ճանաչված իրավունքն է՝ այդ թվույմ ՄԱԿ-ի Արդարադատության միջազգային դատարանի կողմից։

Դրան հակառակ՝ «Արևմտյան Ադրբեջանի» կոնցեպտը ենթադրում է Հայաստանում որոշակի ժամանակ ապրած և իրենց կամքով Հայաստանից հեռացած ու փոխհատուցում ստացած ադրբեջանցիների պարտադրաբար բնակեցում Հայաստանում։

Չնայած դրան՝ Ադրբեջանն այդ ծրագիրն առաջ է տանում պետական մակարդակով, մինչդեռ Հայաստանը պետական մակարդակով ոչ միայն չի խոսում արցախահայերի հավաքական վերադարձի մասին, այլև ամեն կերպ հետապնդում է այդ իրավունքի մասին բարձրաձայնողներին։

Եթե ՀՀ գործող իշխանությունները մեծ ցանկություն ունեն քննարկելու այդ արհեստածին օրակարգը, ապա այն պետք է հակադրել Բաքվում, Սումգայիթում և Ադրբեջանի այլ քաղաքներում ապրած ու ջարդերի արդյունքում իրենց ծննդավայրը լքած հազարավոր հայերի իրավունքների պաշտպանության հայեցակարգային մոտեցումներով։

Ամփոփելով՝ իրական խաղաղությունն իսկապես նպատակ է, որին պետք է ձգտել, բայց խաղաղությունը չի կարող լինել անվտանգության հաշվին, խաղաղությունը պետք է երաշխավորի ազգի և պետականության անվտանգությունը, ոչ թե վտանգի այն։ Ուրեմն մեզ առաջարկվողը ոչ միայն հեռու է խաղաղությունից, այլ հակադիր է բուն խաղաղության կոնցեպտին»։

ՀՅԴ Հայաստանի Գերագույն մարմնի ներկայացուցիչ, ՀՀ ԱԺ պատգամավոր Իշխան Սաղաթելյան

Իրանի նախագահ Մասուդ Փեզեշքիանը հայտարարել է, որ երկրի հարաբերությունները հարևան պետությունների հետ ներկայում ավելի լավ են, քան նախկինում, և տարածաշրջանի երկրները սերտ համագործակցում են Իրանի հետ։ «Մեր հարաբերությունները հարևանների հետ շատ ավելի լավ են, քան նախկինում, և հարևան երկրները շատ լավ համագործակցում են մեզ հետ», – ասել է Փեզեշքիանը։

Նրա խոսքով՝ պատերազմի ընթացքում նախատեսված սցենարներից մեկը եղել է Իրանի հյուսիս-արևմուտքից և հարավ-արևելքից լարվածություն ու անկարգություններ հրահրելը։ «Նրանք պնդում էին, որ մարդիկ այդ ուղղություններից կմտնեն՝ անկարգություններ առաջացնելու համար», – նշել է Իրանի նախագահը։

Փեզեշքիանը հայտարարել է, որ տարածաշրջանի երկրները թույլ չեն տվել, որպեսզի որևէ մեկը այդ ուղղություններով հեշտությամբ անցնի և անկայունություն ստեղծի։ «Սա շատ կարևոր հանգամանք է․ մեր հարևանները թույլ չտվեցին, որ մարդիկ անցնեն և ստեղծեն անկարգություններ ու անկայունություն։ Նրանք ոչ միայն ձեռնպահ մնացին նման քայլերից, այլև աջակցեցին մեզ», – ասել է Իրանի նախագահը։

Հռոմի պապ Լևոն XIV-ը հայտարարել է, որ ցավով և մտահոգությամբ է հետևում Ռուսաստանում և Ուկրաինայում խաղաղ բնակչության շրջանում զոհերի թվի աճի մասին լուրերին։ Նա բոլոր կողմերին կոչ է արել երկխոսություն սկսել հակամարտության կարգավորման շուրջ։

Ավանդական կիրակնօրյա ուղերձի ժամանակ պոնտիֆիկոսը նշել է, որ ժամանակն է կանգնեցնել բռնության շղթան և ճանապարհ հարթել դեպի խաղաղություն։ «Կրկին կոչ եմ անում հարգել մարդասիրական իրավունքն ու դադարեցնել հարձակումները քաղաքացիական օբյեկտների վրա»,- ընդգծել է նա՝ իր հոգևոր զորակցությունը հայտնելով զոհվածների և տուժածների հարազատներին։

Իսրայելը թույլ չի տա, որ Իրանը միջուկային զենք ձեռք բերի՝ անկախ Վաշինգտոնի և Թեհրանի միջև որևէ համաձայնագրի առկայությունից։ Այս մասին կառավարության նիստում հայտարարել է Իսրայելի վարչապետ Բենիամին Նեթանյահուն։

Բարձր գնահատելով ԱՄՆ-ի հետ պատմական գործընկերությունը՝ վարչապետն ընդգծել է. «Համաձայնագրով, թե առանց դրա, քանի դեռ ես վարչապետ եմ, Իրանը միջուկային զենք չի ունենա»։

Նեթանյահուի խոսքով՝ վերջին շաբաթներին Իրանը հարձակվում է տարածաշրջանի տարբեր երկրների վրա, սակայն զերծ է մնում Իսրայելին հարվածելուց, քանի որ գիտակցում է սպասվելիք պատասխան հարվածի ուժգնությունը։