Category: SyunyacErkir

Երկու օր առաջվանից Հայաստանում կարծես ինչ-որ «ռուբիլնիկով» միացրել ու ակտիվորեն շրջանառում են մի գաղափար, թե իբր՝ «ժողովրդավարությունը» պաշտպանելու համար կարելի է ոտնակոխ անել մարդու իրավունքները․ սոցցանցի իր էջում գրում է իրավապաշտպան Ռուբեն Մելիքյանը։

«Նախ, վերլուծենք այս թեզը տրամաբանության դիրքերից։ «Ժողովրդավարություն» երևույթի անխզելի մաս են մարդու հիմնարար իրավունքները։ Ուստի «ժողովրդավարությունը պաշտպանելու համար կարելի է ոտնակոխ անել մարդու իրավունքները» թեզը հանգիստ կարելի է վերաձևակերպել այսպես՝ «ժողովրդավարությունը պաշտպանելու համար կարելի է ոտնակոխ անել ժողովրդավարությունը»։ Իսկ դա աբսուրդ է։

Այժմ վերլուծենք այս թեզը բարոյականության դիրքերից։ Բոլոր գլխակեր ռեժիմներն իրենց ոճիրներն արդարացրել են ինչ-որ «բարձր արժեքներով» ու էական չէ, թե ո՛րն է այդ արժեքը՝ ռե՞յխը (ֆաշիզմի դեպքում), դասակարգային շահը (բոլշևիզմի դեպքում), թե՞ «ժողովրդավարությունը»։ Էականն այն է, որ ստեղծվի թշնամու կերպար, որն իբր ոտնձգում է «բարձրագույն արժեքին», ուստի պետք է ամեն գնով ոչնչացվի։ Շեշտադրվում է հենց «ամեն գնով»-ը։ Արժեքային բանաձևն էլ «նպատակն արդարացնում է միջոցն» է։ Իսկ դա հանրային բարոյականության ամեն տեսակ աղճատումների ունիվերսալ արդարացումն է, այսինքն՝ բարոյականության հակոտնյան։

Անցնենք թեզի իրավական կողմին։ Այն օրը, երբ մեր երկրում իրավապահ համակարգը դուրս գա կախյալ վիճակից, նույն օրն այդ թեզն ակտիվորեն շրջանառողները կարող են մեղադրվել, օրինակ, սահմանադրական կարգի տապալման կոչի համար, քանի որ նրանց ասածը փաստացի նշանակում է դադարեցնել Սահմանադրության 1-ին հոդվածի գործողությունը («Հայաստանի Հանրապետությունը […] իրավական պետություն է»)՝ կեղծ հակադրություն ստեծելով նույն հոդվածում ամրագրված մեկ այլ դրույթի հետ («Հայաստանի Հանրապետությունը […] ժողովրդավարական […] պետություն է»)։

Ուշադիր լինենք և արձանագրենք այդ ֆաշիստական թեզն ակտիվորեն շրջանառողներին։ Հուշեմ մի քանի բանալի բառեր՝ «Պուտին», «ինքնաշխանություն», «Կրեմլ», «ռսաստրուկ»»,- նշում է նա։

Իրանի արտաքին գործերի նախարար Աբբաս Արաղչին հեռախոսազրույց է ունեցել սաուդացի գործընկերոջ՝ արքայազն Ֆեյսալ բին Ֆարհանի հետ, որի ընթացքում քննարկել են Իրանի դեմ ԱՄՆ-ի հարձակումներից հետո տարածաշրջանային վերջին զարգացումները։ Այս մասին հայտնում է Mehr գործակալությունը։

Նախարարները նաև մտքեր են փոխանակել երկկողմ հարաբերությունների վերաբերյալ։

Հեռախոսազրույցը Թեհրանի և տարածաշրջանի երկրների միջև շարունակական դիվանագիտական ​​շփումների մաս էր կազմում։

Ալիևի փաստաբանի երեկվա հայտարարությունները ևս մեկ անգամ գալիս են ապացուցելու, որ այդ փաստաբանը, որը համատեղության կարգով ՀՀ վարչապետ է, տեղը չի գտնում, չգիտի էլ՝ ինչ պետք է անի, ինչպես անի, որ Ադրբեջանի սրտով գնա։ Ասում է՝ փաստորեն էս քարտեզն էլ իրենց սրտով չէ, տեսնեմ էլ ոնց խեղեմ, իր օգտին փոխեմ, էլ ինչ անեմ․ գրել է ադրբեջանագետ Տաթևիկ Հայրապետյանը:

«Այդ փաստաբանության ճանապարհին հորինվում են ամենապրիմիտիվ ու անհեթեթ «մուտիտները», թե բա սա չտանք, սա չեն տա։ Հանձնված ո՞ր հողակտորի դիմաց եք դուք բան ստացել Ադրբեջանից, ինչ տվել եք, փոխարենը դրա հազարապատիկ մեծացած ախորժակն եք ստացել։ Ալիևի փաստաբանը համառորեն լռեցնում է այն թեման, որ Ադրբեջանի քաղաքական ղեկավարությունը ուղիղ տեքստով հայտարարել է, որ «Հայաստանը զավթելը իրենց ազգային նոր նպատակն է»։ Նա չի տեսնում, որ Ադրբեջանի պետական լրատվական ծառայությունները գրեթե էլ չեն օգտագործում «Հայաստան» բառը, երբ Հայաստանի մասին են խոսում, հորինել են իրենց տված նոր անունը՝ զավթողական նկրտումներ ունեցող, ու դա են կիրառում։ Իսկ զավեշտն ու անհեթեթությունն այն է, որ Ալիևի հորինովի տերմինը, դրա ներքո դրվող քարտեզն իր մասշտաբներով ավելի մեծ է, քան «Քանդենք պետությունը» կուսակցության կողմից շարունակ փոփոխվող ՀՀ քարտեզը։

Բացեք, փաստաբաններով կարդացեք Ադրբեջանի պետական լրատվական գործակալության հունիս ամսվա 80 հոդվածները, այդ թվում՝ պաշտոնյաների հայտարարությունները։ Չնայած՝ չէ, մի կարդացեք, դրանից հետո միգուցե ավելի ակտիվ սկսեք փաստաբանություն անել հակառակորդի օգտին, քանի որ, ոնց նայում եմ, ձեր ուղեղում գերակա են հենց ադրբեջանական խոսույթները, դուք դրանցով եք առաջնորդվում։

Այդուհանդերձ՝ Ալիևին տված ձեր անվերջ, անթիվ խոստումների հաշիվը բավական է իմ երկրի, իմ պետության, իմ ազգային արժանապատվության հաշվին փակեք։ Ձեզ այդ քվեն չէին տվել ո՛չ 2018-ին, ո՛չ 2021-ին, ո՛չ էլ առավել ևս՝ 2026-ին, երբ հարկադրված էիք ընտրություններ կեղծել՝ իշխանություն պահելու համար։ Դուք Հայաստանն ադրբեջանական մոդելով ու կամքով խեղելու քվե չունեք»,- նշել է նա։

Հունիսի 10-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց ԱՄՆ Հայոց Արևելյան թեմի Մասաչուսեթս նահանգի Ուստրի Սուրբ Փրկիչ եկեղեցու համայնքի ուխտավորներին՝ առաջնորդությամբ հոգևոր հովիվ Արժանապատիվ Տ. Թադեոս քահանա Բարսեղյանի։

Հայոց Հովվապետն իր հայրական սերն ու օրհնությունը փոխանցեց ուխտավորներին՝ ուրախություն հայտնելով հայրենիք և Մայր Աթոռ Սուրբ Էջմիածին նրանց այցի առիթով և կարևորելով սփյուռքի հայորդյաց զորակցությունն իրենց հայրենաբնակ քույրերին ու եղբայրներին՝ Հայաստանի համար այս դժվարին ժամանակաշրջանում։

Իր խոսքում Վեհափառ Հայրապետն ընդգծեց, որ թեև սփյուռքում ապրող հայորդիներն իրենց սրտերում մշտապես կրում են հայրենիքի սերը և հետևում երկրում տեղի ունեցող զարգացումներին, սակայն նման այցելությունները հնարավորություն են ընձեռում անմիջականորեն հաղորդ դառնալու իրենց հոգևոր ու ազգային ժառանգությանը, հայրենի սրբություններին, ինչպես նաև առ աչոք տեսնելու ներկա իրողություններն ու ամբողջական պատկերացում կազմելու երկրի առջև ծառացած մարտահրավերների մասին։

Ամենայն Հայոց Կաթողիկոսը վստահություն հայտնեց, որ հայրենիքից ստացած տպավորություններն ու հոգևոր ապրումները նոր ներշնչանք կհաղորդեն ուխտավորներին՝ իրենց համայնք վերադառնալուց հետո առավել նվիրումով ծառայելու Հայոց Եկեղեցուն ու հայրենիքին, գործուն մասնակցություն բերելու ազգային-եկեղեցական կյանքին և ամուր պահելու կապը Մայր Աթոռ Սուրբ Էջմիածնի հետ։

Վերջում Նորին Սրբությունը պատասխանեց նաև ներկաների հարցերին, որոնք վերաբերում էին Եկեղեցի-իշխանություն հարաբերություններին և Եկեղեցու առաքելության առավել արդյունավետ իրագործմանն արդի ժամանակներում։

Ադրբեջանում շուրջ երեք տարի գերերված և 20 տարվա ազատազրկման դատապարտված Արցախի նախկին պետնախարար, բարերար Ռուբեն Վարդանյանի գործով իրավապաշտպան Սիրանուշ Սահակյանը պատրաստվում է դիմել Մարդու իրավունքների եվրոպական դատարան: Միջազգային իրավունքի մասնագետը նշում է, որ իրենց վերջապես հաջողվել է ստանալ Վարդանյանի դատավճիռը, ինչն անհրաժեշտ էր Եվրոպական դատարանում գործընթաց սկսելու համար․ գրում է «Ազատությունը»։

««Նախապատրաստական փուլում ենք, շաբաթներ անց արդեն գործը մուտք կարվի։ «Ռուբեն Վարդանյանի պարագայում մենք ցուցադրելու ենք, որ մեղադրանքը քաղաքական է, որևէ անհատական հանցավոր արարք երբևէ Վարդանյանի կողմից չի իրականացվել: Հավաքական ինքնորոշման իրավունքը ապօրինաբար որակավորվել է որպես ահաբեկչություն, մինչդեռ չի կարող լինել պատիժ՝ առանց օրենքով նախատեսված արարքի», – ընդգծեց իրավապաշտպանը:

Ինչ վերաբերում է Ադրբեջանի բանտերում պահվող մյուս 15 հայ գերիներին, որոնց շարքում է Արցախի նախկին ռազմաքաղաքական ղեկավարությունը, ապա Բաքուն դեռ հրաժարվում է նրանց ու նաև վերջիներիս հանրային պաշտպաններին տրամադրել դատավճիռները, որոնք հրապարակվել էին դեռևս ութ ամիս առաջ: Այսինքն՝ 15 հայ գերիներն առայսօր զրկված են իրենց դատավճիռներին ծանոթանալու հնարավորությունից, մասնավորապես՝ թե կոնկրետ ինչ գործողություններ են վերագրվել նրանց և ինչ ապացույցների հիման վրա:

«Կարծում եմ՝ փորձում են խոչընդոտել միջազգային բողոքներ ներկայացնելու գործընթացին, և նաև մենք չենք բացառում , որ այդ դատավճիռնեը վերջնականացված էլ չեն, քանի որ դատավարությունը ինքնին շինծու էր, և քաղաքական պատվերով էր ձևավորվել դատավարության ելքը: Կարծում եմ՝ ժամանակ է անհրաժեշտ, որպեսզի ողջ իրավապահ համակարգը ինչ-որ պատճառաբանություններ ներկայացնի այդ դատական ակտում, քանի որ գիտակցում են, որ այս գործընթացները տեղափոխվում են միջազգային ատյաններ», – ասաց միջազգային իրավունքի մասնագետը»,- նշում է լրատվամիջոցը:

Կապանի Ռուսական գրքի տանն Ընտանիքի, սիրո և հավատարմության օրվան նվիրված կլոր սեղան է կազմակերպվել։

Միջոցառման կազմակերպիչը Սյունիքում Ռուսական տան նախագծերի համակարգող Լյուդմիլա Աղախանյանն էր։

Հանդիպման հյուրերն Ալեքսանդր Գրիբոյեդովի անվան գրական ակումբի անդամներն էին, Կապանում Ռուսաստանի Գլխավոր հյուպատոսության բացման հարցերով առաջատար խմբի դիվանագետները, գրադարանի աշխատակիցները և ռուսաց լեզվի ուսուցիչները։

Հանդիպման ընթացքում մասնակիցները խոսել են տոնի պատմության և նշանակության, հոգևոր ավանդույթների, ինչպես նաև Սուրբ Պետրոս և Ֆևրոնիա Մուրոմցիների մասին, որոնք ընտանիքի, սիրո և հավատարմության հովանավոր են համարվում։

Կապանում Ռուսաստանի Գլխավոր հյուպատոսության բացման հարցերով առաջատար խմբի ղեկավար Վլադիմիր Չերտկովը նշել է, որ Ընտանիքի, սիրո և հավատարմության օրը մարդկանց ընտանեկան ավանդական արժեքների շուրջ համախմբող ամենալուսավոր և բարի տոներից է։

В Сюнике отметили День семьи, любви и верности

В Доме русской книги в Капане состоялся круглый стол, посвящённый Дню семьи, любви и верности.

Организатором мероприятия выступила координатор проектов Русского дома в Сюнике Людмила Агаханян.

Гостями встречи стали члены литературного клуба имени Александра Грибоедова, дипломаты Передовой группы по открытию Генконсульства России в Капане, сотрудники библиотеки и преподаватели русского языка.

В ходе встречи участники говорили об истории и значении праздника, его духовных традициях, а также о святых Петре и Февронии Муромских, почитаемых как покровители семьи, любви и верности.

Руководитель Передовой группы по открытию Генконсульства России в Капане Владимир Чертков отметил, что День семьи, любви и верности является одним из самых светлых и добрых праздников, объединяющих людей вокруг традиционных семейных ценностей

Սևանա լճի էկոհամակարգի վերականգնման, պահպանման, վերարտադրման և օգտագործման 2027 թվականի տարեկան ծրագրով նախատեսվում է իրականացնել 19 միջոցառում՝ լճի էկոլոգիական հավասարակշռության բարելավման, կենսաբազմազանության պահպանության, կեղտաջրերի մաքրման, ռեկրեացիայի զարգացման և «Սևան» ազգային պարկի կառավարման համակարգի կատարելագործման նպատակով։

Ինչպես հաղորդում է «Արմենպրես»-ը, որոշման նախագիծը հանրային քննարկման է ներկայացվել Իրավական ակտերի նախագծերի հրապարակման միասնական կայքում։ Նախագիծը մշակվել է ՀՀ շրջակա միջավայրի նախարարության կողմից։

Տարեկան ծրագրի ընդունման անհրաժեշտությունը բխում է «Սևանա լճի մասին» ՀՀ օրենքի պահանջներից և Սևանա լճի էկոհամակարգի վերականգնման, պահպանման, վերարտադրման և օգտագործման տարեկան ու համալիր ծրագրերով սահմանված նպատակներից։

Նախագծի հիմնավորման մեջ նշվում է, որ Սևանա լիճը Հայաստանի Հանրապետության համար ունի գեոքաղաքական մեծ նշանակություն՝ որպես տարածաշրջանային քաղցրահամ ջրի միակ հսկայական աղբյուր։ Այն նաև կարևոր դեր ունի Հայաստանի ջրային հաշվեկշռում և կլիմայական համակարգում։

«Սևանա լիճը Հայաստանի Հանրապետության ջրային հաշվեկշռում բացառիկ տեղ է գրավում: Նրա պահպանությունը բնապահպանական և տնտեսական կարևոր հիմնախնդիր է»,-նշված է հիմնավորման մեջ։

Ծրագրով նախատեսված միջոցառումները հիմնված են մի քանի հիմնական սկզբունքների վրա՝ Սևանա լիճը և նրա ջրհավաք ավազանը որպես մեկ ամբողջական համակարգ դիտարկելը, լճի ջրային բացասական հաշվեկշռի բացառումը, էկոլոգիապես անհրաժեշտ մակարդակի բարձրացումը, կենսաբազմազանության պահպանության գերակայությունը, ինչպես նաև էկոլոգիապես մաքուր և անվտանգ տեխնոլոգիաների կիրառումը։

2027 թվականի տարեկան ծրագրի շրջանակում առանձնացվել են միջոցառումներ, որոնք ուղղված են Սևանա լճի որակական և քանակական հիմնախնդիրների կարգավորմանը։ Ակնկալվում է լճի էկոլոգիական հավասարակշռության վիճակի բարելավում, լճի և դրա ջրհավաք ավազանի էկոհամակարգերի կենսաբազմազանության պահպանում, կենսապաշարների կայուն օգտագործման բարելավում, կենցաղային և շինարարական թափոնների կառավարման կատարելագործում։

Ծրագրում ներառված է նաև Սևանա լճի ջրհավաք ավազանում առաջացած կեղտաջրերի մաքրման միջոցառում։ Դրա շրջանակում նախատեսվում է գյուղական առափնյա համայնքներում ժամանակակից մաքրման կայանների տեղադրում։ Նշված աշխատանքները նախատեսվում է իրականացնել «Սևանա լճի ավազանի Վարդենիկ և Ծովինար բնակավայրերի կեղտաջրերի հեռացման և համատեղ մաքրման համակարգի ստեղծում» ծրագրի շրջանակում։

Նախագծով նախատեսվում է նաև սահմանել Սևանա լճի էկոլոգիական կայունությունը չխախտող և լճի ջրային դրական հաշվեկշիռն ապահովող ջրթողումների ու անվերադարձ ջրառումների պլանները, ինչպես նաև Սևանա լճից ջրթողումների և ջրառումների տարեկան առավելագույն չափաքանակը՝ ամսական կտրվածքով։

Հիմնավորման համաձայն՝ ոռոգման նպատակով ջրառի պլաններն ու ընթացիկ գրաֆիկները, ջրառի և ջրբացթողումների ամսական առավելագույն չափաքանակները, ինչպես նաև ջրօգտագործման հայտերը յուրաքանչյուր տարի ձևավորվում են ջրօգտագործողների ներկայացրած հայտերի հիման վրա և պայմանավորված են եղանակային պայմաններով ու ոռոգման համակարգերի շահագործման խնդիրներով։

Նախագծի ընդունման արդյունքում ակնկալվում է ապահովել Սևանա լճի էկոհամակարգի պահպանության, վերականգնման և կայուն օգտագործմանն ուղղված միջոցառումների իրականացումը, լճի և դրա ջրհավաք ավազանի կենսաբազմազանության պահպանությունը, ափամերձ ջրածածկ տարածքների, կենցաղային և շինարարական թափոնների կառավարման բարելավումը, ռեկրեացիայի կայուն զարգացումը և «Սևան» ազգային պարկի կառավարման համակարգի կատարելագործումը։

Նախագծի ընդունումը պետական կամ տեղական ինքնակառավարման մարմինների բյուջեների վրա էական ազդեցություն չի ունենա։

Հանրային քննարկումը կշարունակվի մինչև 2026 թվականի հուլիսի 25-ը։

ԵՄ երկրները կարող են համաձայնության չգալ Ռուսաստանի դեմ նոր պատժամիջոցների փաթեթի շուրջ՝ առանձին սահմանափակումների վերաբերյալ տարաձայնությունների պատճառով, հայտնել է Euractiv պորտալը։

«Դեսպանները պատրաստվում են հերթական բարդ փոխզիջմանը, երբ խոսքը հասնի Ռուսաստանի դեմ պատժամիջոցներին», — նշվել է հրապարակման մեջ։

Վիճահարույց հարցերից մեկը դարձել է ռուսաստանցի զինծառայողների՝ ԵՄ մուտքի արգելքը։ Բալթյան երկրների առաջարկած նախաձեռնությանը միության ոչ բոլոր պետություններն են աջակցել։ Ֆրանսիան, Իտալիան և Հունաստանը հանդես են եկել սահմանափակումների մեղմացման օգտին, ինչի հետևանքով բոլոր մարտական գործողությունների մասնակիցների համար կարճաժամկետ վիզաների լիակատար արգելքի առաջարկը փոխարինվել է ավելի նեղ տարբերակով։

Բացի այդ, ԵՄ երկրները քննարկում են սահմանափակումներ էներգետիկ ոլորտում։ Փաթեթում կարող է ներառվել ռուսական նավթի գործող գնային շեմի սառեցումը, սակայն պետությունները դեռևս չեն համաձայնեցրել նման միջոցի ժամկետները։ Բացի այդ, Հունաստանը կողմ է հանդես գալիս ԵՄ-ից դուրս գտնվող երկրներ ռուսական հեղուկացված բնական գազի փոխադրման հնարավորությունը պահպանելուն։

Հուլիսի լույս 9-ի գիշերը ԱՄՆ -ը հարվածել է Իրանը Ռուսաստանին և Չինաստանին կապող երկաթուղային կամրջին։ Այդ մասին հայտնել է իրանական Fars գործակալությունը։ Կամուրջը գտնվում է Իրանի հյուսիս-արևելյան Գոլեստան նահանգի Աքքալա շրջանում՝ Թուրքմենստանի հետ սահմանային գոտում։ Ըստ տեղեկությունների, այդ երթուղով Ռուսաստանը և Չինաստանը «դեպի Իրան ռազմավարական նշանակության բեռնափոխադրումներ են կատարում»։

Իրանի դեմ թե անցյալ տարվա, թե այս տարվա փետրվարի վերջին սկսած իսրայելա-ամերիկյան հարձակումներից ի վեր դա առաջին դեպքն է, երբ Միացյալ Նահանգները թիրախավորել են Իրան-Ռուսաստան հաղորդակցությունը ապահովող այդ կամուրջը։ Ընդ որում, դա տեղի է ունեցել Անկարայում ՆԱՏՕ-ի գագաթաժողովի ամփոփիչ հայտարարությունը տարածելուց ժամեր հետո, երբ նախագահ Թրամփը, ամենայն հավանականությամբ, դեռևս Վաշինգտոնի ճանապարհին էր։

Այդ ռազմագործողությունը կարևոր է ոչ այնքան առարկայական, որքան՝ քաղաքական նշանակությամբ․ կամուրջը կարելի է վերանորոգել, բայց ուղերձը, որ Միացյալ Նահանգները հղել է Ռուսաստանին և Չինաստանին, ուժի մեջ կմնա այնքան, քանի դեռ միջազգային հարաբերություններում էական փոփոխություն չի լինի։ Հատկանշական է նաև, որ Դոնալդ Թրամփ-Վլադիմիր Պուտին հեռախոսազրույցը, որ Անկարայում անոնսավորել է ԱՄՆ նախագահը, անցած օրվա ընթացքում այդպես էլ չի կայացել։

Իրանը Ռուսաստանին և Չինաստանին կապող երկաթուղային կամրջի հրթիռակոծումը կարելի է գնահատել նաեւ ազդակ Ադրբեջանին, որտեղ ամիսներ առաջ հայտարարել են Արաքսի վրայով ավտոմոբիլային կամրջի բացումը Իրանի պաշտոնական ներկայացուցիչների հետ բացելու մասին։ Ապրիլի վերջին այդ նույն տեղանքում Ադրբեջանը և Ռուսաստանը անցկացրել են տնտեսական համագործակցության Միջկառավարական հանձնաժողովների համատեղ նիստ։

Բաքվի և Մոսկվայի միջև արդեն մի քանի տարի է՝ քննարկվում է «Հյուսիս-հարավ միջազգային տրանսպորտային միջանցքի» հարցը։ Այն ենթադրում է, որ Սանկտ Պետերբուրգը երկաթուղային կապ կունենա Պարսից ծոցի հետ։ ԱՄՆ դեմոկրատական վարչակազմը այդ նախագծին մշտապես քննադատաբար է մոտեցել։ Թուրքմենստանի սահմանի մոտ իրանական երկաթուղային կամրջի հրթիռակոծումը կարող է Ադրբեջանին «ինչ-որ բան հուշել»։ Եթե առաջիկայում Աղբենդի կամրջի պաշտոնական բացում տեղի չունենա, ուրեմն Ադրբեջանը հրաժարվում է Իրան-Ռուսաստան ռազմավարական դաշինքի «կապող օղակ լինել»։