Category: Oragir.live

«Սա ամբողջովին քաղաքական գործընթաց է, որի մեկնարկը տրված էր երկրի վարչապետի կողմից դեռ ընտրարշավի ժամանակ»,- ՊԵԿ քննչական վարչության  դիմաց, որտեղ ընթանում է ԲՀԿ առաջնորդ Գագիկ Ծառուկյանի հարցաքննությունը, ասաց ԱԳ նախկին փոխնախարար Արա Այվազյանը։

Նա ցավ հայտնեց, որ իրավապահ կառույցները կատարում են վերևից իրջեցված հրամանները։

«Սա ամենամեծ հարվածն է Հայաստանի ժողովրդավարությանը և մենք մեր միջազգային գործընկերներին կոչ ենք արել, որպեսզի արձագանքեն, որովհետև բոլոր ժողովրդավարական երկրները ջատագովում են ժողովրդավարական արժեքները և դրանցից ամենակարևորը այն է, որ մեկ անձ կամ մեկ ուժ չի կարող իր մեջ կենտրոնացնել բոլոր գործառույթները՝ գործադիր օրենսդիր և դատական»,-ասաց Այվազյանը՝ նկատելով, որ այսօր Հայաստանում այդ բոլոր գործառույթները կենտրոնացել են մեկ անձի ձեռքում։

Անդրադառնալով Հայաստանում կատարվողի նկատմամբ արտաքին խաղացողների լռությանը՝ ԱԳ նախկին փոխնախարարն ասաց. «Աջակցել մի իշխանության, որը չի վայելում իր ժողովրդի վստահությունը և թույլ է, այն, ի վերջո, իրենց շահերին էլ է խփելու»։

Մա գնահատեց Ծառուկյանի նկատմամբ իշխանությունների սանձազերծած գործողություններին՝ ասելով. «Ցանկացած երկրում քաղաքական տարաձայնությունները բնական են, բայց ամենակարևորն է, որ դրանք չեն վերածվում անձնական վիրավորանքի։ Իսկ այստեղ մենք տեսնում ենք, որ գործող իշխանությունները ցանկանում են, որ քաղաքական ընդդիմադիրներին և այլախոհներին ուղղակի ոչնչացնեն։ Չեմ կարծում, որ պարոն Ծառուկյանի որևէ խոսք կարող էր առիթ դառնալ, որ այսպիսի անմարդկային հետապնդումների ենթարկվեր։

https://www.youtube.com/watch?v=F8aMuNjEFKQ

IDBank-ն ազդարարում է իր 35-ամյակին նվիրված հոբելյանական  միջոցառումների մեկնարկը։ «Արամ Խաչատրյան» համերգասրահի պատմության մեջ առաջին անգամ Հայաստանի ազգային ֆիլհարմոնիկ նվագախումբը դուրս կգա ավանդական բեմից՝ տեղափոխվելով անմիջապես բաց երկնքի տակ՝ Khachaturian Rooftop: 

 «Մենք որոշեցինք միանալ ու աջակցել այս նախաձեռնության կայացմանը ոչ միայն այն պատճառով, որ Երևանի ևս մեկ գեղեցիկ անկյուն հասանելի դառնա մեր հանրությանը, այլ նաև՝ նշանավորելու մեզ համար շատ խորհրդանշական իրադարձություն։ Ընդամենը մի քանի օրից IDBank-ը կդառնա 35 տարեկան, և այսօր մենք ազդարարում ենք մեր  35-ամյակին նվիրված հոբելյանական միջոցառումների մեկնարկը»,- նշել են Բանկից։

Աննախադեպ երաժշտական երեկոն կդառնա IDBank-ի 35-ամյա հաջողության ճանապարհի գեղեցիկ ակնթարթներից մեկը, ինչպես նաև  յուրօրինակ երաժշտական նվեր մեր վարդագույն քաղաքին ու բոլոր նրանց, ովքեր կերտում են նրա ռիթմը:

ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ

Հանքարդյունաբերության ոլորտի մասնագիտությունների մասին հանրության շրջանում դեռևս բազմաթիվ թյուր պատկերացումներ կան, իսկ շատ երիտասարդներ նույնիսկ չեն պատկերացնում, թե այս ոլորտում ինչ մասնագիտություններ կարելի է ընտրել։ Մինչդեռ հանքարդյունաբերությունը երկրի տնտեսության առանցքային ճյուղերից մեկն է, որտեղ յուրաքանչյուր մասնագետ կարևոր դեր ունի։ Հենց այս կարծրատիպերը փոխելու և երիտասարդներին ոլորտին մոտեցնելու նպատակով Քաջարանում արդեն երկրորդ տարին անընդմեջ անցկացվում է Երևանի պետական համալսարանի Աշխարհագրության և երկրաբանության ֆակուլտետի նախաձեռնած «Պատանի երկրաբանի ճամբարը», որի նպատակն է բարձր դասարանների աշակերտներին ծանոթացնել երկրաբանի մասնագիտությանը և հանքարդյունաբերության ոլորտին։

Եռօրյա ծրագրի մասնակիցները հնարավորություն են ստանում ոչ միայն լսել մասնագիտական դասախոսություններ, այլև այցելել արտադրական հարթակներ։ Նախաձեռնությունն արդեն տվել է առաջին արդյունքները. անցած տարվա ճամբարի երեք մասնակիցներ այս տարի ընդունվել են Երևանի պետական համալսարանի Աշխարհագրության և երկրաբանության ֆակուլտետ։

«Արմենպրես»-ի հետ զրույցում  Երևանի պետական համալսարանի Աշխարհագրության և երկրաբանության ֆակուլտետի դեկան Սարգիս Քելյանի խոսքով՝ վերջին տարիներին նկատվում է երկրաբանության մասնագիտության նկատմամբ հետաքրքրության աճ, որում կարևոր դեր ունի Զանգեզուրի պղնձամոլիբդենային կոմբինատի և ոլորտի այլ ընկերությունների հետ ձևավորված սերտ համագործակցությունը։

«Գործընկերների հետ համագործակցությունը հատկապես ակտիվ փուլ մտավ վերջին երեք-չորս տարիների ընթացքում, երբ հասկացանք, որ հասարակության շրջանում երկրաբանության մասնագիտության նկատմամբ հետաքրքրությունը որոշակիորեն նվազել է։ Հասկանալի էր, որ առանց ոլորտի գործընկերների աջակցության և ներգրավվածության դժվար կլինի թե՛ որակյալ մասնագետներ պատրաստել, թե՛ բարձրացնել մասնագիտության նկատմամբ հետաքրքրությունը։

Բացի ուսումնական պրակտիկաներից և հրավիրյալ մասնագետների դասախոսություններից, որոշեցինք ավելի սերտ աշխատել նաև դպրոցների հետ։ Սակայն հաշվի առնելով մասնագիտության առանձնահատկությունները՝ մեկ կամ երկու այցը բավարար չէր աշակերտներին երկրաբանության բոլոր նրբություններն ու հնարավորությունները ներկայացնելու համար։ Այդ պատճառով էլ Զանգեզուրի պղնձամոլիբդենային կոմբինատի հետ համատեղ նախաձեռնեցինք Սյունիքի մարզի բարձր դասարանների աշակերտների համար ամառային ճամբարը»-ասաց Սարգիս Քելյանը։

Նա նշեց, որ անցած տարվա ճամբարը մեծ հետաքրքրություն է առաջացրել. «Եթե խոսենք թվերով, ապա 30 մասնակիցներից երեքն արդեն այս տարվա սեպտեմբերի 1-ից կդառնան մեր ֆակուլտետի առաջին կուրսի ուսանողներ։ Ընդ որում, նրանցից մեկը մինչ ճամբարին մասնակցելը պատրաստվում էր իրավաբան դառնալ, սակայն արդյունքում ընտրեց երկրաբանությունը։ Եվս երեք մասնակից հայտնել են, որ ավարտելուց հետո նույնպես պատրաստվում են ընդունվել մեր ֆակուլտետ»:

Քելյանը վստահեցրեց, որ սա ևս մեկ անգամ ցույց տվել, որ նախաձեռնությունը պետք է շարունակական լինի։ Այս տարի ճամբարին մասնակցելու ցանկություն է հայտնել ավելի քան 80 աշակերտ, որոնցից ընտրել են առավել մոտիվացված և ստեղծագործ մտածողություն ունեցողներին:

Նրա խոսքով՝ ճամբարի գլխավոր նպատակը բարձր դասարանների աշակերտներին հանքարդյունաբերության և երկրաբանության իրական պատկերը ներկայացնելն է, որպեսզի նրանք տեղեկացված ընտրություն կատարեն։ Դեկանի գնահատմամբ՝ ծրագրի մեկնարկին մասնակիցների մեծ մասը ոլորտի մասին պատկերացում էր կազմել միայն առկա կարծրատիպերի հիման վրա, սակայն ճամբարից հետո նրանց վերաբերմունքն ու ընկալումները զգալիորեն փոխվել են։

Ճամբարի մասնակից, Սյունիքի մարզի Տաթև համայնքի Շինուհայր բնակավայրի 10-րդ դասարանի աշակերտուհի Մանե Հովհաննիսյանը պատմեց, որ «Պատանի երկրաբանի ճամբարի» մասին իմացել է միայն այս տարի, երբ դպրոցում առաջարկել են մասնակցել ծրագրին։ Նրա խոսքով՝ անցյալ տարվա մասնակիցներն այնքան ոգևորված էին ներկայացրել իրենց տպավորությունները, որ ինքն էլ որոշել է միանալ նախաձեռնությանը։

Մանեն նշում է, որ մինչ ճամբարին մասնակցելը հանքարդյունաբերության մասին որոշ տեղեկություններ ուներ, իսկ երկրաբանության վերաբերյալ գրեթե ոչինչ չգիտեր։ Երեք օրում մասնակցել է դասախոսությունների, հանդիպել ոլորտի մասնագետների, լսել նրանց փորձն ու ձեռք բերել նոր գիտելիքներ։

«Ստացած գիտելիքներով փորձում եմ կիսվել նաև իմ համայնքում։ Տարբեր կրթական ծրագրերի մասնակցելուց հետո երեխաների համար հանդիպումներ եմ կազմակերպում, ներկայացնում անցած ճանապարհն ու խրախուսում նրանց ևս մասնակցել նման նախաձեռնություններին։ Նույն կերպ կներկայացնեմ նաև «Պատանի երկրաբանի ճամբարն» ու այստեղ ստացած գիտելիքները։

Մանեն պատմեց, որ ամենամեծ տպավորությունն իր վրա թողել է Զանգեզուրի պղնձամոլիբդենային կոմբինատ կատարած այցը։ Մինչ այդ հանքարդյունաբերությունը բոլորովին այլ կերպ էր պատկերացնում, չէր էլ ենթադրում, թե որքան մեծ են արտադրական տարածքներն ու այնտեղ կիրառվող տեխնիկան։ Այցից հետո, ինչպես ինքն է նշում, իր պատկերացումները լիովին փոխվել են, և հասկացել է, թե իրականում որքան մեծածավալ ու պատասխանատու աշխատանք է իրականացվում ոլորտում։

Թեև այս պահին իրեն դեռ չի պատկերացնում երկրաբանի մասնագիտության մեջ, չի բացառում, որ ապագայում կարող է փոխել իր որոշումը։ Մանեի խոսքով՝ եթե հաջորդ տարի ևս մասնակցի ճամբարին, հնարավոր է վերջնականապես հետաքրքրվի երկրաբանությամբ և ընտրի այդ մասնագիտությունը։

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Եվրոպական ներդրումային բանկի (ԵՆԲ) աջակցությամբ իրականացվող «Երևանի էներգաարդյունավետության» ծրագրի շրջանակում Հայաստանի Հանրապետության կողմից ԱԱՀ- ի մասով համաֆինանսավորման անհրաժեշտությամբ պայմանավորված՝ Կառավարությունն ընդունել է որոշում:

 

Ըստ այդմ՝ առաջարկվում է էներգաարդյունավետության ծրագրի պետական աջակցության համար նախատեսել 89,155.8 հազար դրամ։

Ծրագրի շրջանակում իրականացվում են Երևանի մանկապարտեզների հիմնանորոգման և էներգաարդյունավետության բարձրացման աշխատանքներ: Ներկայումս ընթացքի մեջ են Երևանի թիվ 156 մսուր-մանկապարտեզի կառուցման և թվով 47 հանրային շենքերի հորիզոնական միջոցառումների իրականացումը, որոնց աշխատանքների պայմանագրերի մնացորդային գումարը կազմում է 534,934.3 հազար դրամ: Արդյունքում՝ կապահովվի Երևանի թիվ 156 մսուր-մանկապարտեզի կառուցման աշխատանքների և 47 հանրային շենքերի հորիզոնական միջոցառումների լիարժեք ավարտը:

Հետևեք մեզ՝ այստեղ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Արհեստական բանականության գործակալներից մեկը կարողացել է ներթափանցել Hugging Face ընկերության համակարգեր

OpenAI-ն հաստատել է, որ կիբերանվտանգության փորձարկման ընթացքում իր արհեստական բանականության գործակալներից մեկը կարողացել է շրջանցել թեստային միջավայրի սահմանափակումները, հասանելիություն ստանալ համացանցին և ներթափանցել Hugging Face ընկերության համակարգեր։

Միջադեպը տեղի է ունեցել AI մոդելների կիբերանվտանգության կարողությունները գնահատելու նպատակով անցկացվող փորձարկման ժամանակ։ Գործակալին հանձնարարված էր լուծել հատուկ պատրաստված տեխնիկական առաջադրանքներ մեկուսացված՝ «sandbox» միջավայրում։

Փոխարենը AI գործակալը հայտնաբերել է թեստային ենթակառուցվածքի խոցելիությունը, օգտագործել այն սահմանափակ միջավայրից դուրս գալու համար և փորձել արտաքին աղբյուրներից ստանալ առաջադրանքների պատասխանները։

OpenAI-ի տվյալներով՝ գործակալը ներթափանցել է Hugging Face-ի ենթակառուցվածքի մի հատված՝ օգտագործելով գողացված մուտքային տվյալներ և ծրագրային խոցելիություններ։

Hugging Face-ը հայտնաբերել և դադարեցրել է ներխուժումը։ Ընկերությունների հրապարակած նախնական տվյալներով՝ օգտատերերի հիմնական ծառայությունները չեն խափանվել, սակայն միջադեպը ցույց է տվել, որ առաջատար AI համակարգերը կարող են անվտանգության փորձարկումների ժամանակ իրականացնել չնախատեսված և վտանգավոր գործողություններ։

OpenAI-ն և Hugging Face-ը հայտարարել են, որ համագործակցում են միջադեպի ամբողջական ուսումնասիրության, անվտանգության բացերի վերացման և ապագա փորձարկումների համար ավելի խիստ վերահսկողության մեխանիզմների ներդրման ուղղությամբ։

Դեպքը մասնագետների շրջանում նոր քննարկումներ է առաջացրել AI գործակալների ինքնավարության, վերահսկողության և մեկուսացված փորձարկման միջավայրերի անվտանգության վերաբերյալ։

Հետևեք մեզ՝ այստեղ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Պլանային աշխատանքներ իրականացնելու նպատակով՝ հուլիսի 30-ին ժամը 09:30-ից մինչև ժամը 19:00-ն, կդադարեցվի Կոտայքի մարզի Գառնի, Գեղարդ, Գեղադիր, Հացավան, Ողջաբերդ բնակավայրերի, Ձորաղբյուրի ամառանոցների գազասպառողների, հարակից տարբեր նշանակության հանրային կազմակերպությունների գազամատակարարումը։

Պլանային աշխատանքներ իրականացնելու նպատակով՝ հուլիսի 30-ին ժամը 10:00-ից մինչև հուլիսի 31-ը ժամը 17:00-ն, կդադարեցվի Արմավիրի մարզի Այգեշատ բնակավայրի գազասպառողների գազամատակարարումը

Պլանային աշխատանքներ իրականացնելու նպատակով՝ հուլիսի 28-ին ժամը 09:30-ից մինչև հուլիսի 29-ը ժամը 19:00-ն, կդադարեցվի Երևան քաղաքի Կենտրոն վարչական շրջանի Փ․ Բյուզանդի, Մ․ Մկրտչյան, Մ․ Ադամյան, Հանրապետության փողոցներով, Տիգրան Մեծի պողոտայով պարփակված թաղամասի գազասպառողների, հարակից տարբեր նշանակության հանրային կազմակերպությունների գազամատակարարումը։

Պլանային աշխատանքներ իրականացնելու նպատակով՝ հուլիսի 28-ին ժամը 10:00-ից մինչև ժամը 18:00-ն, կդադարեցվի Արմավիրի մարզի Էջմիածին քաղաքի Չարենցի, Խորենացու, Թումանյան, Վազգեն Առաջինի, Պատկանյան, Կնունյանց, Բաղրամյան, Ալավերդյան, Վ․ Սարգսյան փողոցների, Անդրանիկի թաղամասի, Արագածի զանգվածի, ինչպես նաև Արտիմետ, Ծաղկունք, Ծիածան, Հովտամեջ, Մրգաստան, Աղավնատուն, Դողս, Արագած, Ծաղկալանջ, Շահումյան, Դաշտ, Մոնթեավան, Այգեշատ, Ամբերդ բնակավայրերի գազասպառողների, հարակից տարբեր նշանակության հանրային կազմակերպությունների գազամատակարարումը։

Պլանային աշխատանքներ իրականացնելու նպատակով՝ հուլիսի 28-ին ժամը 09:00-ից մինչև ժամը 18:00-ն, կդադարեցվի Սյունիքի մարզի Կապան քաղաքի Գ․ Արզումանյան նրբանցքների, Ձորք, Բաղաբերդ, Հալիձոր թաղամասերի գազասպառողների, հարակից տարբեր նշանակության հանրային կազմակերպությունների գազամատակարարումը։

Պլանային աշխատանքներ իրականացնելու նպատակով՝ հուլիսի 28-ին ժամը 10:00-ից մինչև ժամը 19:00-ն, կդադարեցվի Լոռու մարզի Մեծավան բնակավայրի (ամբողջությամբ), Օձուն բնակավայրի (մասնակի) գազասպառողների, հարակից տարբեր նշանակության հանրային կազմակերպությունների գազամատակարարումը։

Պլանային աշխատանքներ իրականացնելու նպատակով՝ հուլիսի 28-ին ժամը 09:00-ից մինչև ժամը 16:00-ն, կդադարեցվի Լոռու մարզի Դեբեդ բնակավայրի գազասպառողների, հարակից տարբեր նշանակության հանրային կազմակերպությունների գազամատակարարումը։

Պլանային աշխատանքներ իրականացնելու նպատակով՝ հուլիսի 28-ին ժամը 10:00-ից մինչև ժամը 18:00-ն, կդադարեցվի Արարատի մարզի Վեդի քաղաքի, ինչպես նաև Ուրցաձոր, Դաշտաքար և Գոռավան բնակավայրերի գազասպառողների, հարակից տարբեր նշանակության հանրային կազմակերպությունների գազամատակարարումը։

Պլանային աշխատանքներ իրականացնելու նպատակով՝ հուլիսի 27-ին ժամը 10:00-ից մինչև ժամը 19:00-ն, կդադարեցվի Լոռու մարզի Վանաձոր քաղաքի Խնձորուտ թաղամասի 1-ին, 6-րդ, 7-րդ, 8-րդ փողոցների, Երևանյան խճուղու թիվ 124-ից 176 (զույգ) հասցեների առանձնատների, թիվ 211-ից 243 (կենտ) հասցեների առանձնատների, Շահումյան բնակավայրի գազասպառողների գազամատակարարումը։

Պլանային աշխատանքներ իրականացնելու նպատակով՝ հուլիսի 27-ին ժամը 10:00-ից մինչև ժամը 19:00-ն, կդադարեցվի Լոռու մարզի Թեղուտ բնակավայրի գազասպառողների գազամատակարարումը։

Հետևեք մեզ՝ այստեղ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ՄԱԿ-ի գլխավոր քարտուղար Անտոնիու Գուտերեշը հայտարարել է, որ Մերձավոր Արևելքում տիրող իրավիճակը գնալով դուրս է գալիս վերահսկողությունից՝ սպառնալով ծանր հետևանքներ առաջացնել ոչ միայն տարածաշրջանի, այլև ամբողջ աշխարհի համար, գրում է The Guardian-ը։

«Իրավիճակը դուրս է գալիս վերահսկողությունից։ Այն մոտենում է մի սահմանագծի, որը նախկինում դժվար էր անգամ պատկերացնել», — հայտարարել է Գուտերեշը ՄԱԿ-ի Անվտանգության խորհրդում ունեցած ելույթի ժամանակ։

Նա նշել է, որ տարածաշրջանը ներքաշվում է հակամարտությունների ավելի լայն շրջանակի մեջ, մինչդեռ միջազգային իրավունքի նկատմամբ անտեսումը խորացնում է առկա ճգնաժամերը։

Գուտերեշը կողմերին կոչ է արել անհապաղ նվազեցնել լարվածությունը, դադարեցնել ռազմական գործողությունների ընդլայնումը և վերադառնալ դիվանագիտական բանակցությունների ճանապարհին։

ՄԱԿ-ի գլխավոր քարտուղարի խոսքով՝ հակամարտությունների շարունակությունը կարող է կործանարար հետևանքներ ունենալ խաղաղ բնակչության, միջազգային անվտանգության և համաշխարհային տնտեսության համար։

Նա նաև ընդգծել է քաղաքացիական բնակչության և ենթակառուցվածքների պաշտպանության, միջազգային մարդասիրական իրավունքի պահպանման և տարածաշրջանում ռազմական գործողությունների հետագա տարածումը կանխելու անհրաժեշտությունը։

Հետևեք մեզ՝ այստեղ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հնդկաստանի Ումբերգաոն քաղաքում հուլիսի 23-ին 24 ժամվա ընթացքում թափվել է Հայաստանի տեղումների տարեկան քանակի 1,5 անգամի չափ տեղումներ՝ 906մմ։

Այս մասին «Ֆեյսբուք»-ի իր էջում գրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը։

Տեղումները Հնդկաստանի, մասնավորապես Գուջարաթ նահանգում, ջրհեղեղների պատճառեն դարձել։

Հետևեք մեզ՝ այստեղ

https://www.youtube.com/watch?v=eKMF64pzOyU

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հայաստանում ընտանեկան և կենցաղային բռնության մասին ոստիկանություն ստացված հաղորդումները 78-ով ավելացել են։

Այս մասին հաղորդագրություն է տարածել ՀՀ ՆԳՆ ոստիկանությունը։

«Տարիներ շարունակ բռնության բազմաթիվ դեպքեր մնում էին ընտանիքի ներսում։ Այսօր բռնության ենթարկված անձանցից շատերը չեն լռում, դիմում են Ոստիկանություն՝ վստահ, որ իրենց ձայնը լսելի է, անվտանգությունն ու իրավունքներն առավել քան պաշտպանված են»,- ասվում է հաղորդագրության մեջ։

Հետևեք մեզ՝ այստեղ