Category: Newday.am

Եկեղեցու հեղինակության և նրա հոգևոր առաքելության դեմ ուղղված ՀՀ իշխանությունների գործողությունները հակասահմանադրական են և հակազգային: Այս մասին գրել է ՀՅԴ Բյուրոն:

«Սիրելի հայրենակիցներ,

Առերեսվում ենք հայ ժողովրդի պատմության ամենաանպատվաբեր, պատմական նախադեպը չունեցող փաստին:  Վարչախմբի կողմից   Հայ Առաքելական Սուրբ Եկեղեցու ծրագրավորված թիրախավորումն ու հալածանքները հատել են բոլոր կարմիր գծերը։ Ապօրինաբար հարուցված քրեական վարույթի շրջանակներում դատական գործընթաց է հարուցվել Ամենայն Հայոց Վեհափառ Հայրապետ Ն.Ս.Օ.Տ.Տ Գարեգին Բ-ի և մի շարք բարձրաստիճան հոգևորականների դեմ:

Հայ Առաքելական Սուրբ Եկեղեցին դարեր շարունակ եղել և մնում է հայ ժողովրդի հոգևոր, ազգային և մշակութային ինքնության անսասան հենասյունը, որն առաջնորդել է մեր ժողովրդին ամենածանր փորձությունների միջով, պահպանել է մեր Սուրբ հավատքը, ազգային ինքնությունը, լեզուն և դարավոր արժեքները։

Եկեղեցու հեղինակության և նրա հոգևոր առաքելության դեմ ուղղված ՀՀ իշխանությունների գործողությունները հակասահմանադրական են և հակազգային: Այսպիսով հիմնովին խարխլվում է պետություն-եկեղեցի հարաբերությունների տարանջատման սահմանադրական սկզբունքը, ոտնահարվում հազարավոր հավատացյալների խղճի ազատության իրավունքն ու հոգևոր արժանապատվությունը, խորանում հանրային պառակտվածությունը, թուլանում մեր ինքնության հիմքերն ու նոր ցնցումների ենթարկվում պետական ու հասարակական կյանքը:

Որպես Հայ Առաքելական Սուրբ Եկեղեցու հավատավոր զավակներ՝ դատապարտում ենք իշխանությունների որդեգրած հակաօրինական գործողությունները, անսակարկ վստահությամբ վերահաստատում ենք մեր լիակատար աջակցությունը Հայ Առաքելական Սուրբ Եկեղեցուն և Ամենայն Հայոց Վեհափառ Հայրապետին։

Կոչ ենք անում դատաիրավապահ համակարգին՝ մնալ սահմանադրականության և ՀՀ օրենքների շրջանակներում և չտրվել քաղաքական խարդավանքների պարտադրանքին։ Թեմերի կառավարման և առհասարակ կանոնական իրավունքի ու ներքին ընթացակարգերի հետ կապված հարցերը գտնվում են բացառապես Եկեղեցու իրավասության տիրույթում, և ցանկացած միջամտություն անթույլատրելի է։

Կոչ ենք ուղղում մեր հայրենակիցներին՝ ազգային գիտակցությամբ ու համերաշխության սկզբունքներով առաջնորդվելով, պահպանել ազգային միասնությունը, համախմբվել Հայ Առաքելական Սուրբ Եկեղեցու, նրա հոգևոր առաքելության և Ամենայն Հայոց Վեհափառ Հայրապետի շուրջ»,- նշված է հայտարարության մեջ:

Հայաստանը հասկանում է՝ ԵԱՏՄ-ին և Եվրամիությանը միաժամանակ անդամակցել հնարավոր չէ։ Անդրադառնալով Եվրամիությանն անդամակցելու հարցին՝ ասել է Փաշինյանը:

«Միևնույն ժամանակ, հայ ժողովրդի առջև այսօր նման ընտրության հարց չի կանգնած, քանի որ Հայաստանը դեռ պատրաստ չէ Եվրամիության անդամակցությանը»։

Վարչապետի խոսքով, ՀՀ-ն ի գիտություն է ընդունել ԵԱՏՄ 4 երկրների հայտարարությունը՝ ԵՄ մտնելու հարցով հանրաքվե անցկացնելու վերաբերյալ։

«Չենք կարող հանրաքվե անել հարցի շուրջ, որն այս պահին գոյություն չունի»,- նշել է նա:

Այսօր ամոթի օր է, այսօր Էջմիածնում դատում են Ամենայն հայոց կաթողիկոսին, մեր հոգևոր հորը, մեր եկեղեցու առաջնորդին։ Սա խայտառակություն է ու չլսված մի բան։ Այս մասին Աժ ամբիոնից հայտարարել է «Ուժեղ Հայաստան» խմբակցության անդամ Մարիաննա Ղահրամանյանը։

«Սա նաև ոտնձգություն է ոչ միայն եկեղեցու անկախության նկատմամբ, այլև ՀՀ-ի Սահանադրության նկատմամբ, որտեղ շատ ուղիղ գրված է, որ քաղաքական իշխանությունը իրավունք չունի միջամնտել հոգևոր Հայաստանի գործերին։ Հայաստանում եկեղեցին պետությունից անջատ է»։

Փաշազադեն և Փաշինյանն ընդդեմ Հայ Առաքելական Սուրբ Եկեղեցու: Այս մասին «Երևան-Կենտրոն» ՔԿՀ-ից գրել է «Մայր Հայաստան» կուսակցության նախագահ Անդրանիկ Թևանյանը:

«Ադրբեջանը բազմաթիվ նախապայմաններ է թելադրում Հայաստանին։ Քաղաքացի Նիկոլ Փ.-ն հլու-հնազանդ բավարարում է դրանք։

Այդ նախապայմաններից մեկը հնչեցվել է Փաշազադեի շուրթերից և վերաբերում է Հայ Առաքելական Սուրբ Եկեղեցուն։

Այսօր Էջմիածնում տեղի կունենա խայտառակ դատավարություն՝ ընդդեմ Ամենայն հայոց կաթողիկոսի և մեր հարգարժան մյուս հոգևորականների։ Իրականում դա դատավարություն է ոչ միայն և ոչ այնքան մեր հոգևոր առաջնորդների, որքան մեր երկրի, մեր եկեղեցու և մեր ինքնության դեմ։

Կոչ եմ անում ՀՀ քաղաքացիներին անպայման մասնակցել այդ «դատավարությանը»՝ այդպիսով սատարելով մեր արժեքներին և մերժելով Փաշազադեի կամակատարներին.,- նշել է նա։

Իրանը թույլ չի տա երկրորդ երթուղու բացումը Հորմուզի նեղուցում, հայտարարել է Իրանի գերագույն ղեկավարի ռազմական խորհրդական Մոհսեն Ռեզային, հաղորդում է ՌԻԱ Նովոստի-ն։

Իրանի ԱԳՆ-ն ավելի վաղ հայտարարել էր, որ Թեհրանն ու Մասկատը համաձայնեցրել են Հորմուզի նեղուցով նավերի անցման երթուղու աշխարհագրական նրբությունները:

«Մենք երբեք թույլ չենք տա երկրորդ երթուղի բացել Հորմուզի նեղուցում», — գրել է Ռեզային:

Նա հավելել է, որ ԱՄՆ բանակը կբախվի լուրջ ռիսկերի և կորուստների՝ Իրանի ծովային շրջափակումը շարունակելու դեպքում:

Ավելի վաղ ԱՄՆ նախագահ Դոնալդ Թրամփը հայտարարել էր, որ չեղարկել է Իրանին հասցվող հարվածները՝ նշմարվող կարգավորման գործարքի լույսի ներքո, որի ուրվագծերը ներառում են Հորմուզի նեղուցի բացումը և պայմանավորվածությունները միջուկային ծրագրի շուրջ:

Ինչպես նշում է New York Times-ը, այս համաձայնագիրը նախատեսում է, որ Իրանն ու Օմանը պետք է պայմանավորվեն Հորմուզի նեղուցի բացման շուրջ 60 օրվա ընթացքում: Այդ ընթացքում ԱՄՆ-ը և Իրանը պետք է վերսկսեն բանակցությունները իրանական ուրանի պաշարների ապագայի շուրջ:

ՀՀ կառավարությունը պատրաստ է հանդիպում կազմակերպել Բաքվում ապօրինի պահվող Ռուբեն Վարդանյանի կնոջ՝ Վերոնիկա Զոնաբենդի հետ ՀՀ արտաքին գործերի նախարարության միջոցով: Այս մասին News.am-ի հարցմանը պատասխանել են Կառավարությունից:

Հայտնել են, որ կապ է հաստատվել տիկին Զոնաբենդի հետ, փոխանցվել են համապատասխան պաշտոնատար անձի կոնտակտային տվյալները՝ իրեն հարմար ժամանակ հանդիպումը կազմակերպելու համար:

Սերբիայի Հանրապետության Ազգային ժողովի նախագահ Անա Բրնաբիչը շնորհավորական ուղերձ է հղել Ռուբեն Ռուբինյանին՝ Ազգային ժողովի նախագահի պաշտոնում ընտրվելու կապակցությամբ։

Անա Բրնաբիչը Ռուբեն Ռուբինյանին մաղթել է հաջողություններ բարձր և պատասխանատու առաքելության իրականացման գործում, իսկ Հայաստանի Հանրապետությանը՝ առաջընթաց և բարօրություն։

Ուղերձի ավարտին Սերբիայի Հանրապետության Ազգային ժողովի նախագահը վստահություն է հայտնել, որ համատեղ ջանքերով երկու երկրները կշարունակեն ամրապնդել սերտ բարեկամական հարաբերությունները՝ ի շահ երկու երկրների ժողովուրդների։