Category: Newday.am

Հունիսի 12-ին ձեռքը վնասած քաղաքացու հանդեպ մեղադրանք է առաջադրվել Ալեն Սիմոնյանին սպառնալու հարցով: Այս մասին մամլո ասուլիսի ընթացքում հայտնել է փաստաբան Հովհաննես Խուդոյանը:

«Այն անձինք, ովքեր տուժել են հունիսի 12-ին, ստացել են մարմնական վնասվածքներ, իրենց վերաբերյալ նշանակված են դատաբժշկական փորձաքննություններ, հարցաքննություններ, ինտենսիվ քննություն է ընթանում: Իրադարձություններից անցել է 2 տարի, ու այդ օրվա միջադեպերի վերաբերյալ, երբ ցուցարարներին են մեղադրանք առաջադրելուց եղել, քննությունը 1 ամիս էլ չի տևել, մարդկանց գործերը ուղարկել են դատարան՝ զանգվածային անկարգություններ կատարելու մեղադրանքներով, բայց նույն օրվա իրադարձությունները, որտեղ ոստիկանները ապօրինաբար կիրառել են չթույլատրված հատուկ միջոցներ, առ այսօր քննությունը շարունակվում է։

Այդ ամենը կատարվել է տեսախցիկների տակ, կենտրոնական փողոցում, լրատվամիջոցների ներկայությամբ, կան նաև հստակ տեսագրություններ, թե ինչպես են ոստիկանները բռնություն գործադրում օրինակ Աբրահամ Գասպարյանի նկատմամբ, հետագայում կան կադրերը հիվանդանոցում՝ արյունլվա վիճակում, կան նաև այլ ցուցարարների ծեծի ու ջարդի բազմաթիվ այլ տեսանյութեր: Բայց կենտրոնական դժբախտությունը վերաբերում էր ցուցարարներից մեկին՝ Եսայիին, ում մատները վնասվել էին ծայրատեսակի նռնակից, նա ոոստիկանական գործողությունների ընթացքում հաշմանդամություն է ձեռք բերել:

Թվում է, թե ժողովրդավարական և իրավական պետությունում այս մարդու նկատմամբ պետք է լիներ հատուկ ուշադրություն, բայց բացի այն, որ այդ անձը պատշաճ ուշադրության չի արժանացել որպես տուժող, այլև նախընտրական քարոզչության ընթացքում, երբ պատահաբար հանդիպել է Ալեն Սիմոնյանի շքախմբին՝ ցույց տալով իր վնասված ձեռքը, ասել է՝ «սրա համար դուք պետք է պատասխան տաք», հարց-պատասխան է եղել, ասել են՝ մեզ սպառնում ես, ասել է, որ ոչ, ես ձեզ ասում եմ, որ օրենքով դուք սրա համար պատասխան եք տալու: Դրանից հետո տեղի են ունեցել խուզարկություններ, այդ մարդու տանից առգրավումներ, ու Եսայիի նկատմամբ այսօր մեղադրանք է առաջադրված սպառնալիք հնչեցնելու վերաբերյալ»,- նշել է Խուդոյանը:

Հիշեցնենք, որ 2024 թվականին, հունիսի 12-ին Երևանում՝ Հայաստանի Ազգային ժողովի շենքի հարևանությամբ, տեղի ունեցան լարված բախումներ «Տավուշը հանուն հայրենիքի» շարժման ցուցարարների և ոստիկանական ուժերի միջև, որոնց ընթացքում ոստիկանությունը կիրառեց հատուկ միջոցներ, այդ թվում՝ լուսաձայնային նռնակներ, ինչի հետևանքով տուժեցին տասնյակ քաղաքացիներ և ոստիկաններ:

Այսօր՝ օգոստոսի 21-ին ժամը 11:10-ի սահմաններում Դավիթ Բեկի փողոցում՝ 90/4 հասցեի մոտ, բախվել են «Hyundai», «Nissan» և «Opel» մակնիշի ավտոմեքենաները։

Shamshyan.com-ի տեղեկություններով՝ վթարի հետևանքով 2 հոգի տեղափոխվել են Երևանի տարբեր մասնագիտացված հիվանդանոցներ։

Վթարի փաստով քննչական բաժնում նախաձեռնվել է քրեական վարույթ, որտեղ պարզում են ավտոմեքենաների սեփականատերերի, վարորդների և վիրավորների ինքնությունը։

Մեսրոպ Հովհաննիսյանը ֆեյսբուքյան իր էջում գրում է․

Տարածք կորցնելը անընդունելի է։ Բայց պատմության ընթացքում կարող են լինել ճակատամարտեր, պատերազմներ, ժամանակավոր պարտություններ, երբ քեզանից ուժով տարածք են խլում։ Դա մի բան է։ Իսկ սեփական պատմական հիշողությունը, իրավունքն ու ազգային արժանապատվությունը սեփական ձեռքով հանձնելը՝ լրիվ ուրիշ բան։

Մեզանից կարող են ուժով տարածք խլել, կարող են մեզ պարտության առաջ կանգնեցնել, կարող են ծանր իրականություն պարտադրել, բայց ոչ ոք չի կարող մեզ պարտադրել, որ այդ պարտությունը դարձնենք մեր համոզմունքը, մեր պատմական հիշողությունը ջնջենք և ինքներս հրաժարվենք այն ամենից, ինչի իրավունքն ու հիշողությունը սերունդներով մեզ է հասել։

Ես անձամբ դա չեմ ընդունելու։

Եվ դեռ հույս ունեմ, որ կհամախմբվենք։ Ոչ միայն նույն ցավը զգալու, ոչ միայն բողոքելու, այլ քաղաքական և հանրային իրական ուժ դառնալու համար։

Ես անկեղծ սպասում եմ Ազգային ժողովում գտնվող մեր ընդդիմության խոսքին։ Սպասում եմ Նիկոլ Փաշինյանի հնչեցրած թեզերին հստակ, կոշտ և հիմնավորված հակադարձումների՝ Տիգրանաշենի, Արցախի հարցը «փակված» համարելու և մնացած բոլոր այն հարցերի վերաբերյալ, որոնք վերաբերում են մեր պետական ու ազգային շահերին։

Ես՝ որպես անկախ ընդդիմադիր հանրային գործիչ, կարող եմ խոսել, գրել, հակադարձել, դուրս գալ կառավարության դիմաց և իմ պայքարը տանել։ Բայց ընդդիմադիր հասարակության մեծ զանգված իր քաղաքական ներկայացուցչությունը վստահել է ձեզ՝ Ազգային ժողովում գտնվող ընդդիմությանը։ Վստահել է ոչ նրա համար, որ վերջում համաձայնության գաք իշխանության հետ և թույլ տաք, որ Նիկոլ Փաշինյանը միանձնյա կերտի մեր պատմության հերթական խայտառակ էջը։ Վստահել է, որ հակադարձեք, պայքարեք, քաղաքական դիմադրություն կազմակերպեք և համախմբեք մարդկանց։

Որովհետև եթե մեզ համար այս ամենն իսկապես անընդունելի է, ապա մեր պատասխանը չի կարող լինել հուսահատությունը, լռությունը կամ հերթական հարմարվողականությունը։ Մեր պատասխանը պետք է լինի համախմբումը, կազմակերպվածությունը, քաղաքական կամքը և այս ընթացքը փոխելու պատրաստակամությունը։

Հ.Գ

Մենք դեռ կամք ունենք կանգնելու, իրար գտնելու, համախմբվելու և ուժ դառնալու։ Այդ կամքը չի մեռել։ Ու քանի դեռ վերջնական չի մեռել, ժամանակն է լռությունից դուրս գալու, կողք կողքի կանգնելու և ապացուցելու, որ մենք դեռ պատրաստ ենք պայքարել մեր արժանապատվության, հիշողության և ապագայի համար։

Հասել ենք այնտեղ, որ մի ամիս առաջ, որտեղ ընտրություն ենք անցկացրել, քննարկում ենք՝ Հայաստան է, թե՞ չէ։ ԱԺ-ում ասել է Հայաստան» խմբակցության պատգամավոր Քրիստինե Վարդանյանը:

«Ադրբեջանը Տիգրանաշենը կարող է պահանջել միայն մի բանի համար, եթե ուզում է կազմաքանդել ՀՀ-ն։ Սահմանագծման ու սահմանազատման շրջանակներում առաջինը պետք է քննարկվի հետևյալ հարցը՝ երբ են ադրբեջանցիները դուրս գալու ՀՀ օկուպացված տարածքներից: Ուրիշ ի՞նչ կարևոր հարց կա։

Տիգրանաշենը Ադրբեջանը կարող է պահանջել, եթե ուզում է ամբողջապես շրջափակման մեջ վերցնել ՀՀ-ն: Եթե էն, ում հետ հայտարարում եք, որ խաղաղությունը հաստատված է, առաջ է տանում իր նպատակները քեզ ոչնչացնելու, ո՞նց եք խաղաղություն հաստատել»։

«Հրապարակ» թերթը գրում է․ «Օգոստոսի 21-ին եւ 22-ին տեղի է ունենալու «Վարչաֆեստ»-ը` վարչապետի փառատոնը, որի այցելուներին արգելված է միջոցառման տարածք դրսից սնունդ եւ ըմպելիքներ բերել։ Ավելին՝ խստիվ արգելվում է անգամ դրսից ջուր բերելը։

Միջոցառման օրակարգը բավական հագեցած է․ օգոստոսի 21-ին միջոցառումները մեկնարկում են ժամը 12։00-ին, օգոստոսի 22-ին՝ 09։00-ին եւ շարունակվում մինչեւ կեսգիշեր։ Նման երկարատեւ միջոցառման ընթացքում, բնականաբար, առանց սնվելու եւ հեղուկներ օգտագործելու հնարավոր չէ։ Պարզելու համար, թե ինչով է պայմանավորված սնունդն ու ըմպելիքները փառատոնի տարածք ներս բերելու արգելքը, ինչպես նաեւ այն, թե արդյո՞ք տեղում այցելուներին սնունդ եւ ըմպելիքներ տրամադրվելու են, զանգահարեցինք «Վարչաֆեստ»-ի պաշտոնական հեռախոսահամարով։

Մեր հարցին, թե ինչու է սնունդ ներս տանելն արգելված, եւ արդյո՞ք այն հնարավոր է ձեռք բերել միջոցառման տարածքում, պատասխանեցին․ «Տարածքում կան սննդի կետեր, որտեղից կարող եք սնունդ գնել»։ Հետաքրքրվեցինք նաեւ, թե արդյոք նախատեսվա՞ծ է գիշերակացի հնարավորություն։ Մեզ տեղեկացրին․ «Վրաններ ենք տրամադրում՝ մեկ հոգանոց եւ երկու հոգանոց, որոնց արժեքները համապատասխանաբար 8 հազար եւ 12 հազար դրամ են։ Այս արժեքն իր մեջ ներառում է միայն վրանում գիշերակացը»։

Ստացվում է, որ մարդկանց հրավիրում են երկօրյա միջոցառման, որի առաջին օրը 12 ժամ է տեւելու, երկրորդ օրը՝ 15 ժամ, միեւնույն ժամանակ արգելում են սնունդ եւ նույնիսկ ջուր ներս բերել: Եվ պարզվում է` «Վարչաֆեստի» անվան տակ ոմանք մեծ փողեր են աշխատելու` գիշերելու համար նախատեսված վրաններից օգտվելու, սնվելու եւ անգամ ծարավ լինելու դեպքում: Իսկ այս «Վարչաֆեստ»-ը նախապես ներկայացնում էին որպես անվճար միջոցառում՝ ազատ մուտքով»:

«Ժողովուրդ» օրաթերթը գրում է. ««Ժողովուրդ» օրաթերթի իշխանական աղբյուրները փոխանցում են, որ իշխանությունը որոշել է փոխել «Ուժեղ Հայաստանի» կողմից առաջադրված ԱԺ մշտական հանձնաժողովների նախագահների ընտրության հարցում որդեգրած մարտավարությունը։

Մեր տեղեկություններով՝ «Քաղաքացիական պայմանագիր» խմբակցությունում որոշում կա անհրաժեշտության դեպքում ապահովել այնքան ձայն, որքան անհրաժեշտ է, որպեսզի «Ուժեղ Հայաստանի» կողմից առաջադրված երկու թեկնածուներ ընտրվեն, և խորհրդարանը կարողանա առաջ շարժվել օրակարգով։

Սա հատկապես ուշագրավ է այն ֆոնին, որ ընդամենը մեկ օր առաջ ՔՊ-ն կոշտ դիրքորոշում էր որդեգրել «Ուժեղ Հայաստանի» թեկնածուների նկատմամբ։ Օգոստոսի 20-ին ընդդիմադիր խմբակցության կողմից առաջադրված երեք թեկնածուները՝ Հայկ Ֆարմանյանը, Դավիթ Ղազինյանը և Արեգա Հովսեփյանը, չընտրվեցին։ Ֆարմանյանի թեկնածությանը կողմ էր 40, դեմ՝ 61 պատգամավոր, իսկ մյուս երկու թեկնածուները ևս չհավաքեցին անհրաժեշտ ձայները։

Սակայն արդեն երեկ իրավիճակը կտրուկ փոխվեց։ «Ուժեղ Հայաստանը» երկու պաշտոնների համար նոր թեկնածուներ առաջադրեց, և ֆինանսավարկային ու բյուջետային հարցերի հանձնաժողովի նախագահի պաշտոնում Լիանա Մանուկյանի թեկնածությունն ընտրվեց՝ 57 կողմ, 39 դեմ ձայնով։

Իշխանական մեր աղբյուրների փոխանցմամբ՝ սա միայն առաջին քայլն է։ ՔՊ-ում այժմ քննարկվում է ևս երկու հանձնաժողովների նախագահի ընտրության հարցը, և որոշումն այն է, որ առնվազն երկու թեկնածուների դեպքում անհրաժեշտ ձայները պետք է ապահովվեն, որպեսզի խորհրդարանը վերջապես ավարտի հանձնաժողովների ձևավորման գործընթացը։

Ու այստեղ իշխանության համար ժամանակային գործոնը պատահական չէ։

Օգոստոսի 24-ին Ազգային ժողովում պետք է մեկնարկի կառավարության ծրագրի քննարկումը։ ԱԺ փոխնախագահ Հայկ Կոնջորյանն արդեն հայտարարել է, որ երկուշաբթի խորհրդարանը կքննարկի կառավարության գործունեության ծրագիրը, իսկ դրա քննարկումն ավարտելուց հետո կվերադառնա մինչ այդ կիսատ մնացած օրակարգային հարցերին։

Այսինքն՝ իշխանությունը փաստացի կանգնած է երկու գործընթացների միջև․ մի կողմից՝ նոր կառավարության ծրագրի ներկայացումն ու խորհրդարանում դրա շուրջ քաղաքական մեծամասնության կողմից անհրաժեշտ գործընթացների ապահովումը, մյուս կողմից՝ նոր ձևավորված ԱԺ-ի մշտական հանձնաժողովների վերջնական համալրումը։

Այս համատեքստում է, ըստ մեր աղբյուրների, ՔՊ-ն որոշել «Ուժեղ Հայաստանի» հետ երկրորդ անգամ չմտնել նույն կոշտ դիմակայության մեջ։

Ավելին՝ կառավարության ծրագրի ներկայացման նախաշեմին խորհրդարանում ընդդիմադիր հանձնաժողովների ղեկավարների հարցը չլուծված թողնելը իշխանության համար կարող է քաղաքականապես ավելի խնդրահարույց դառնալ։ Եթե իշխանությունն արդեն իսկ պատրաստվում է առաջ տանել կառավարության գործունեության ծրագիրը, ապա խորհրդարանի աշխատանքը պետք է հնարավորինս ամբողջական լինի։

Մեր աղբյուրների փոխանցմամբ՝ հենց այդ պատճառով էլ ՔՊ-ում այժմ հաշվարկում են ոչ թե՝ «քվեարկե՞լ ընդդիմության թեկնածուի օգտին, թե՞ ոչ», այլ՝ քանի ձայն է անհրաժեշտ ապահովել, որպեսզի թեկնածուն անցնի։

Հաջորդ փորձությունը լինելու է առաջիկա օրերին, երբ խորհրդարանը միաժամանակ պետք է ավարտի հանձնաժողովների ձևավորումն ու անցնի կառավարության նոր ծրագրի քննարկմանը»։

Շիրազ Խաչատրյանը ֆեյսբուքյան իր էջում գրում է․

ԱԺ ամբիոնից, իրենց հարցազրույցներում ու ֆեյսբուքյան մենախոսություններում ՔՊ-ականներն ինչքան ուզում են՝ թող մեծ-մեծ խոսեն ու «ինքնիշխանությունից» ճառեն։ Պետական կառավարումը մարդկանց ականջներին «նախկին-ներկա» անվերջանալի սերիական ով լապշա կախելն ու անվերջ մեղավորներ փնտրելը չէ։

Իրականությունը լրիվ այլ տեղում է, այնտեղ, որտեղ ունենք բզկտված Հայաստան՝ բզկտված ու անպաշտպան սահմաններով։ Տնտեսական «թռիչքների» մասին հեքիաթների ֆոնին ժողովրդի գլխին խայտառակ պարտքեր են կուտակում, իսկ հարևան պետությունների ու ավանդական դաշնակիցների հետ հարաբերություններն այնքան են փչացրել, որ երկիրը լրիվ անվտանգային վակուումում է հայտնվել։

Սրանց մեծ-մեծ փռթելուն զուգահեռ՝ մեկդ կարո՞ղ է պատկերացնել, թե Ադրբեջանը երբ է դուրս գալու մեր ինքնիշխան տարածքներից։ Ոչ ոք չգիտի։ Փոխարենը շատ լավ գիտենք, որ Փաշինյանն ու իր թիմը պատրաստվում են Ալիևին նոր տարածքներ նվիրաբերել։ Նիկոլն արդեն Տիգրանաշենը հանձնելու «արարը» տվել է, ու սարսափելի է անգամ մտածել, թե հաջորդը Ոսկեպարն է լինելու, թե մեկ այլ հայկական տարածք։

Թշնամուն անընդհատ նվիրատվություններ անելու ու անհեռանկար զիջելու սրանց ձեռագիրը ողջ ազգին արդեն կանգնեցրել է կործանարար փաստի առաջ։ Հանեք ներքաղաքական շոուները, քարոզչական աղմուկը, «նախկին-ներկա» անվերջ վեճերն ու բարձրագոչ ելույթները, տակը մնում է շատ պարզ ու ծանր պատկեր՝ Հայաստանը շարունակում է զիջել, բզկտվել ու կտոր-կտոր հանձնվել…

ՀՀ պաշտպանության նախարարությունը հերքել է Ճամբարակի ողբերգական դեպքի վերաբերյալ տարածվող տեղեկությունները։

ՊՆ-ի փոխանցմամբ՝ դժբախտ պատահարին չի նախորդել զինծառայողների միջև ծեծկռտուք, ինչպես նաև զինվորները դեպքի պահին հակագազերով չեն վազել։

Նախարարությունից նշել են, որ դեպքի հանգամանքների վերաբերյալ տարածվել են իրականությանը չհամապատասխանող և կեղծ տեղեկություններ։

ՊՆ-ն կոչ է արել չտարածել չճշտված տեղեկություններ և առաջնորդվել միայն պաշտոնական հաղորդագրություններով։

ԱԺ քննարկումներն այնքան սյուռ բնույթ են ստացել, որ բոլոր հավանական ու անհավանական ճակատներում և հատկապես մարտադաշտում կապիտուլյացիայի ենթարկված իշխանությունը 2016 թվականի ապրիլյան գործողություններն է «վերլուծում»։ Այս մասին ֆեյսբուքյան իր էջում գրել է նախորդ գումարման ԱԺ պատգամավոր Տիգրան Աբրահամյանը։

«Միլիարդներով սպառազինություն, զինտեխնիկա, ռազմական ենթակառուցվածքներ հանձնած իշխանությունը նախորդ կառավարությունների շրջանի վառելիքի որակից կամ փամփուշտից է խոսում։

Մեկ ամիս է՝ հանրային-քաղաքական դաշտն ալեկոծված է զինված ուժերում միմյանց հաջորդող ողբերգական դեպքերով, 8 տարի շարունակ հնչեցվող ու այդպես էլ չկանխվող արատավոր բարքերով, իսկ սրանք դեռ «մայկա-տռուսիկ» են քննարկում»,-գրել է նա։